153
43
13
電話號碼
26598826
開飯介紹
走香港懷舊風情路線，店內大至椅桌，小至碗筷，甚至裝飾都帶有老香港情懷，茶居食品甚有特色，絕非處處可嚐，如沙嗲大腸、鵪鶉蛋燒賣、黑椒牛仔骨等。
繼續閱讀
營業時間
今日營業
08:00 - 22:00
星期一至日
08:00 - 22:00
以上資料只供參考, 請與餐廳確認詳情
食家推介
相關文章
食：已經叫啲星星嘅嘢食，有啲伏，有啲係正嘅，但係佢用畫膠嘅方法，結果落咗漏單等：仲要因為佢叫位管理唔好，等成個鐘，上菜都非常之慢首先等位方面，帶住個老人家諗住去試下食結果等極都唔比你入所有細枱都坐到3個人，但大枱都係3個人以上就叫先。變到2個人只可以等最細嘅枱，大枱無你份，但半間鋪都係大枱永遠都叫3個人先，兩個人去食預要等最耐⋯啲人未齊人又入得有枱又比熟人入⋯⋯望住佢吉枱然後比啲熟人入先明明唔係好多人都等咗成個鐘，個個大熱天時係出面等。跟住上咗腸粉先，啲皮好厚肉係1/4，叫叉燒，但啲肉似係⋯滑牛無牛味嘅質感多過係叉燒雞扎普通咖哩魷魚同牛肉球都幾好食牛肉球大粒又彈牙咖喱魷魚就味道正常，不過非常爽口唔會再去
繼續閱讀
Score 分數：A講到元朗嘅中式酒樓，真係多如牛毛（嘩，用完這句四字成語，我當下嚇一跳，心諗：咩原來我讀書唔係讀屎片架💪🏻）。好！完！下一段先......咁大家有冇咩好介紹先？今次我就介紹返E間有d特色嘅老牌飲茶地方。佢唔係酒樓，只能講係“茶居”。設計就6，70年代咁好重。坐得都幾舒服，衛生用6，70年代標準，絕對係上等人，而所有食物都好正，相信廚師應該都有返咁上下經驗👍🏻必食推介：沙爹魷魚。入味+彈牙。 黑椒牛仔骨蒸飯，無得頂。最後，記得關注我啦～一定推薦更多好野食比大家
繼續閱讀
首先講環境衛生，一入座見到桌面抹咗，但仍然好多上手食客啲飯粒同污漬。好啦 叫人幫手抹抹 佢竟然可以話係未乾？！聽咗啲咩⋯叫咗6樣野其他全部嚟齊係爭個飯由等咗40分鐘開始先叫人跟跟，佢地入去廚房望一望，真係望 跟住無應你無答你又得多10分鐘，又叫另一個人再睇睇啦結果都一樣，仲要同你講飯係要等耐啲！真係忍唔住下咗出嚟！等咗就嚟1個鐘嘞喎？！佢又行入去睇一睇 然後又再繼續無理你。見住佢出完一袋又一袋外賣⋯好啦 等到足足一個鐘，望到個飯出⋯以為終於嚟啦！點知佢放落隔離枱！大佬 人地遲我半個鐘又入座喎⋯⋯你啲單亂到咁，又多外賣單做唔切 不如唔好做外賣啦得個亂字？！想等足一個鐘就嚟幫襯啦啲人真係「好好」服務架
繼續閱讀
. 元朗茶居 | 懷舊裝潢 | 特色點心炸芋角| 古法千層糕 | 砵仔蒸飯📍#老馮茶居 (大棠路) 💛 🥢金牌炸芋角 $18/2件好鬆脆！芋泥皮包住肥瘦肉餡有口感、一啲都唔粉唔漿😋好食🥢古法千層糕 $26/3件我最愛嘅點心😍有時會賣哂😭夾心層係咸蛋同椰絲😋勝過馬拉糕、係邪惡之選！🥢砵仔臘腸滑雞蒸飯 $37臘腸有大半條、雞件好滑好新鮮😱配角豉油好夠油香又唔死咸😚令到個飯更出色！出面蒸飯專門店都要$30😅呢到真係完勝💓🥢古法牛肉球 $25/3件食得出係新鮮牛肉☺️3粒大大粒、好有𡁻口🤎🥢蜜汁叉燒腸 $25/碟正常發揮、算皮薄餡多🐷🥢煎羅白糕 $20/3件辣椒醬是必須的🙊反而個醬先配到個羅白糕好食總結: 中午同星期六日一定要排隊架啦、想試就避免多人流時間😇元朗宜家擴展做大鋪坐得舒服啲🥹價錢方面: 無分早午晚市統一收費、茶位每位6蚊🤩出面無酒樓咁平了👋🏻點心價位唔算高、2人賣單先$160左右😃星期六日應該比酒樓消費低啲👏🏻點心方面: 唔會經常推出新款/限定款😀但都夠成日回頭食了、因為有啲點心係傳統茶樓無👉🏻例如、蝦醬腩仔蒸飯、流沙芋泥包、沙爹豬大腸、牛腩腸粉等等🤤 懷舊裝潢但帶有新潮點心🥧重點！！唔飲熱茶可以加錢轉凍奶茶😍真係勁加分💘 ——————————————-📍 老馮茶居 (大棠路) @oldfung_tea_house 📍 元朗大棠路66號地舖📆星期一至日：08:00~22:00#hkfoodstep#hkfoodstep元朗#hkfoodatep港式#元朗美食 #hkfood #hkfoodie #hkcouple
繼續閱讀
差不多每個月都入元朗買吓嘢食個晏, 行經幾次老馮茶居, 初初係個名吸引我, 佢地主打懷舊點心, 開正我嗰瓣😅 但次次行過都見好多人等緊位, 令我卻步, 因為佢哋排隊要喺街外邊, 日曬雨淋冇冷氣大架! 今日再入元朗, 決定要去碰碰運氣。下晝2:30唔使等位喎, 不過都九成半滿座, 好嘢有得食! 😂 個人覺得茶居入面比較刻意營造懷舊感覺，唔係一直流落嚟嘅裝修同擺設, 不過都幾得意同可以接受嘅, 最緊要有heart🩷同媽媽兩個人實在無辦法試到太多嘢, 點心選擇唔算太多, 都係一般酒樓都有嘅點心; 我哋叫咗蝦餃、鹹水角、腸粉、芋角、鮮蝦腐皮卷, 估唔到鹹水角同芋角好好味喎, 做得好好, 餡料唔算多 just right! 蝦餃就一般貨色, 但要特別提下個腸粉, 好滑好綿, 同我最鍾意嘅蓮香居蝦腸有得fight; 呢度嘅點心比我嘅感覺係唔造作，好鍾意, 簡簡單單就已經係不簡單啦😆服務係幾唔錯，阿叔阿姐都好勤力, 不厭其煩幫我哋追單, 亦好樂意攞呢樣攞嗰樣比我哋, 地方算幾闊落坐得OK舒服兩個人埋單$161, 價錢相當合理, 一定再嚟搵老馮飲個茶食個包🤣
繼續閱讀