老闆火鍋冰室

營業中

休息中

一場嚟到胃民地頭，想食長駐元朗嘅日本餐廳又排晒長龍，唯有去遠啲隔涉啲嘅地方，避開晚飯人潮，搵到一間人唔多、幾新正嘅火鍋冰室，睇落似有伏，不過太肚餓，唔理照入。入到去有少少舊香港裝修，仲播住舊歌，感覺唔錯嗌咗杯一公升水果茶，真係犀非利二話不說𢱕隻蟹落去先，要13分鐘㗎蜆唔使烚太耐，剛剛好熟即食，超鮮甜蟶子都好快熟魷魚唔使調味都好夠鹹蚌都好新鮮呀多寶魚肉質好滑仲有鮑魚𠻹呀花膠不失為火鍋恩物除咗海鮮，牛肉都好有鮮味鹹蛋肉丸同蟹籽墨魚攘魚肚都好受歡迎食晒所有嘢，就可以落粥，同所有配料精華融為一體，正呀

裝修好有香港舊式風味😆早餐、午餐、下午茶時段(即5點前)同一般茶餐廳一樣，晚市(即5點後)就只係提供粥底火鍋🍜----------粥底火鍋 $198/1位 (兩位起)包2款指定海鮮、5款自選海鮮、8款自選火鍋配料首先用粥水烚左海鮮先，跟住menu其中一版既指引烚就好容易，牆上仲有個計時器，唔驚烚唔夠或者烚過龍⏳鮮蟹 同 沙白係指定海鮮，蟹非常鮮甜，睇黎餐廳menu寫住海鮮絕不隔夜重售係真既😍另外5款自選海鮮，綿羊揀左海蝦 鮑魚 大尾魷 油貝 貴妃蚌海蝦係仲生猛嫁，唔好睇少佢，佢隨時跳出碗外，真係嚇死丫😂大尾魷肉質厚，有口感又唔會過韌，好有魷魚鮮味👍 8款自選火鍋配料入面穀飼黑豚梅肉肉味濃，油脂甘香薑汁皮蛋貢丸綿羊第一次見，唔知係咪自製嫁呢😅食要小心啲，因為啲餡會爆出黎😂薑汁味濃，餡亦都見倒有皮蛋，可惜味道唔出，唔知係咪薑味蓋過左😅咸蛋豬肉丸清楚見倒有粒咸蛋黃係入面，有咸蛋黃香，唔會過鹹🙂炸魚皮建議唔好當火鍋配料，可以留番落左粥膽同其他提味既配料(e.g.豬油渣、菜甫)之後先浸落去，鮮甜既粥會更加掛魚皮飲品只有凍飲老闆押水果茶 $42高到飲管都差啲唔夠長，好大枝😍所以叫呢個可以兩個人分🤗

依幾日天氣有啲涼涼地，又唔想喺屋企煮飯，就出咗嚟食火鍋喇，見到新開張有做特價海鮮火鍋套餐，好似好抵食就即刻去試吓啦！原來新開張左兩星期，裝修都好復古冰室嘅感覺，環境舒適唔會好逼，價錢每位198（2位起）就有粥底火鍋、兩款特選海鮮（鮮蟹同沙白）、5款自選海鮮同自選8款配料有4款調味配料，XO醬係自家秘製，會辣啲海鮮好新鮮，特別推介蟹真係好大隻好多膏呀！丸好有特色，唔會好大粒同太粉呢個價錢又有雞又有牛同豬肉食都幾好老闆押水果茶唔會話太甜又飲到水果嘅味道，我一個人就飲唔晒啦兩至三個人可以share最後食曬d海鮮咁就會落個粥膽落去，再加埋瑤柱、南瓜、芋頭、蔥、豬油渣等等嘅配料個粥真係好鮮甜！埋單$438，抵食，真係飽飽啦！提提大家暫時只收現金

預祝媽咪生日，見佢啱啱裝修好就入去試吓粥底打邊爐。個裝修都幾靚，幾懷舊。可能新開張所以冇乜人，所以坐落幾舒服幾乾淨。由入店舖開始店員啲招呼到食完都非常好，不停會幫我地倒食完嘅殻，同細心同我地講解應該點樣食法，呢個係我覺得需要讚嘅地方👍🏻如果食開海鮮粥底打邊爐都知道一般嘅模式都係差唔多，先食完海鮮再食肉類最後食個粥，最重要係睇佢啲海鮮新唔新鮮，佢個蟹我覺得非常實肉，真心好好食。啲貝殼類都好好味，其他海鮮都唔錯👍🏻仲有花膠來講佢算爽身，有點驚喜。難得嘅丸都唔難食，一般出去食啲丸多個難食🤣🤣最後就係最重要嘅粥，我覺得佢比另一間已經開咗好多分店嘅好食，連我爹哋媽咪都覺得呢間更好食。仲要讚嘅係個水果茶，唔甜。飲完好開胃我哋飲咗兩渣🤤我哋會再嚟食👍🏻仲要冇加一唯一需要改進嘅地方係個冷氣機有滴水。希望可以維修一下🙏🏻

又到星期五晚； 網上睇到元朗有間新開嘅粥底火鍋， 見新開有特價（原價248一位， 特價198一位）， 立即同朋友去試下。 落車跟住google map 行， 離遠已經到到個大招牌！Order 咗粥底火鍋套餐，套餐包兩款特選海鮮、五款自選海鮮、三款粥底蔬菜、+8款火鍋配料。 特選海鮮有鮮蟹同埋沙白， 另外自選海鮮就點咗海蝦、鮑魚、聖子皇、黃沙大蜆同埋貴妃蚌。而火鍋配料就點咗， 墨魚丸、豬肉、肥牛、黑椒牛丸、鹹蛋豬肉丸、午餐肉、腐皮墨魚卷、同埋娃娃菜。全部海鮮都好新鮮！好新鮮！好新鮮！ 蟹有膏， 有蟹味🤣。 蝦鮮甜彈牙， 聖子夠大隻， 鮑魚爽口彈牙。 全部都好新鮮，鮮甜， 冇得頂！配料全部都唔錯。 最特別係鹹蛋豬肉丸， 好正， 老闆娘話係佢地鋪頭特製。 墨魚丸都唔錯， 彈下彈下！ 午餐肉有三塊， 如果比四塊會更好。 食到尾聲， 可以叫侍應姐姐加埋粥料、 攪幾下就有粥食， 食埋用海鮮打邊爐嘅精華。 飲品點咗「老闆押水果茶」，一杯水果茶目測有成公升都只係42蚊， 呢個價錢真心平！ 水果茶內有橙、蘋果、菠蘿、青檸仔， 仲有兩粒話梅。 埋單480兩位， 呢個價錢食到海鮮同埋幾款配料， 仲有個海鮮