老闆火鍋冰室

營業中

休息中

晚上一行3人去打邊爐, 平時有係呢間冰室食過早餐, 都唔錯, 所以特別晚上再黎試試呢間餐廳既粥底火鍋!!呢間唔係任食, 所以一開始要係紙上選擇喜歡既火鍋食材! 當中有2款海鮮係指定, 分別係鮮蟹同沙白!另外再自已可以係8款海鮮中選擇多5款海鮮! 而今次我地選擇了鮑魚, 北寄貝, 貴妃蚌, 帶子和象拔蚌仔! 配料方面可以選擇8款, 選擇了花膠仔, 牛柳粒, 墨魚丸, 蟹子墨魚攘魚肚, 咸蛋豬肉丸, 肥牛, 黑豚挴肉, 黃金魚片頭!食材都好新鮮, 可惜貝殼類比較多沙, 最後食粥時雖然味道好好, 但怕有沙, 所以無食好多!

🍴老闆火鍋冰室🍽同朋友行過見佢有位又唔貴就入黎食野咩類型都有☝🏻! 常餐怪出現！😻常餐係中式all day breakfast🤟🏻沙爹牛肉通粉😎is a must 豐富既常餐重有豬扒同埋火腿奄列☺️輕流心奄列正！見佢招牌寫咖啡係大推咁就叫左熱咖啡 😎又真係幾香濃！茶餐廳黎講高質朋友就輕食左個三文治加熱檸檬水☺️係芝士咸牛肉三文治！足料! 熱辣辣😌位置都好多☺️位同位之間好多空間都好多一家大細食野

做完運動都已經2:00啦，就喺附近搵吓有咩食啦，因為都已經好肚餓啦，就見到呢一間冰室。餐廳入面裝修都好有香港嘅情懷，有懷舊嘅感覺，估唔到少少嘅茶餐廳都咁有心思係裝修方面。見到餐牌有好多嘢食都好吸引，啱啱做完運動唔想食得太heavy ，就叫咗一份常餐。有一碗火腿通粉，再配左雞扒奄列。今日有啲咳，叫咗杯熱檸水。嘢食嘅國語水平都達到香港茶餐廳水準，價錢有經濟喎，一定再有下一次。。之後就在多咗一份三文治，叫咗芝士合咸牛肉，溶左嘅芝士牛肉簡直一絕啊。

天氣涼涼地，最適合打邊爐，麻辣火鍋、港式邊爐我都鐘意，但不得不提，粥底火鍋都係我至愛之一。自從幾年前試過一次海鮮粥底鍋，就愛上了。雖然自己買到海鮮；但試過你就知，喺屋企打邊爐，要洗又要煮，人少少又難預份量，埋單又唔係真係平好多，最方便就梗係出街食啦老闆火鍋冰室新新地，位於元朗，我地收工入黎朗屏都算方便。一早訂左位，所以店員都好快安排好座位。餐廳位置不少，平日較鬆動，據店員講，週末人流都幾旺，記得訂位喔。呢度日頭係冰室，夜晚轉為食火鍋。裝潢走懷舊路線，牆上可見黑白相相啊、海報啊，色調鮮豔，光線充足，影相特別靚。座位分佈以卡位為主，基本上都好闊落舒適。晚市主打粥底火鍋，新張期內每位收費$198，免加一免醬油，包括2款精選海鮮、5款自選海鮮、8款自選配料、粥底同粥底料，比我食開嗰間仲要平啲，性價比高套餐包嘅2款精選海鮮係青蟹、沙白；自選海鮮可選海蝦/鮑魚/多寶魚/北寄貝/貴妃蚌/花甲/帶子/象拔蚌仔 (8選5)，海鮮都係每日新鮮來貨，質素不用懷疑至於自選配料選擇都好多，喺超過30款中自選8款，人頭份量，除左大部份粥底火鍋都會提供嘅肥牛、黑豚梅肉、蔬菜、菇菌類，仲有啲特別少少嘅食材例如蟹籽墨魚

近年流行嘅粥底火鍋開咗好多，都試過唔少，但真正做到海鮮夠新鮮，配料又好食嘅就唔多，得兩三間，其他好多都不外如是。最近食咗元朗新開嘅老闆火鍋冰室幾有驚喜起碼做到以上嘅要求，平日晚上去到都有六七成滿座，聽老闆講星期五六日好多時都爆滿，最好預先訂位。呢度懷舊風裝修，好有童年回憶同親切感，粥底火鍋每位198，固定包括鮮蟹同沙白，另外仲可以自選五款海鮮加八款配料，食完肯定夠飽海鮮方面，我揀咗北寄貝、象拔蚌仔、貴妃蚌、鮑魚同埋海蝦。全部都新鮮美味，尤以海蝦同埋鮑魚，仲見到佢郁郁下，絕對生猛新鮮，食海鮮永遠最緊要新鮮就一定好味其他配料我地點左幾款特別嘅丸，有三星蔥爆貢丸，咬佢真係爆汁又香蔥味，幾特別，喺其他地方未食過。鹹蛋豬肉丸咬落去好有鹹蛋蒸肉餅嘅感覺，幾好食，又得意仲有一個蟹子墨魚滑釀魚肚值得推介，夠爽口配合魚肚食法幾新鮮味道唔錯，其他配料亦都正常水準。值得一題呢度嘅飲品全部大大杯，類似生啤杯嘅份量，有梳打、柑桔蜜或者朱古力等，老闆推介嘅水果茶有成一公升特大杯，兩三個人分享都得，都係四十幾蚊，抵到爆。呢度嘅招呼亦好周到、好貼心 臨尾會幫你安排埋個粥膽煮粥俾你食，將啲海鮮同配料嘅精華煮晒一個粥裏面

最近元朗開咗一間新嘅火鍋店😯裝修係行懷舊風格😁遠處都會留意到🌈入到去開左爐之後，店員會先提供兩款海鮮🦞海鮮每日都係有尊人去選購既，所以每日未必一樣今晚既就有大肉蟹同花甲喇👍🏻👍🏻隻肉蟹真係冇得頂，好重手，啲肉係甜嘅😚😚之後再自選五款海鮮，份量係按人數比既😋每種海鮮店員都好細心，會話比我知要煮幾多分鐘，務求每個客人都食到最好既味道👏🏻👏🏻👏🏻另外，食完海鮮就可以再選擇八款食物打邊爐🍲我就覺得老闆介紹依三種一定要試，好好味😋最後加埋哂啲配料落去，配合買海鮮底嘅精華，就变成一個好鮮味既粥喇👍🏻👍🏻👍🏻🥰依到每位198就可以食到咁新鮮既海鮮火鍋，真係好低食喎😍😍另外老闆介紹既水果茶都好好味，大家唔好錯過🤪🤪

喺元朗想食粥底火鍋就搵到一間新開嘅冰室，粥底火鍋除咗呢間都冇咩選擇，所以就決定試一試。 每人$198免加一，包五款海鮮同八款配料，最後可以食埋個粥。海鮮都算新鮮同埋大件，但其他配料份量就比較少，食埋個粥女仔黎講都係啱啱好。聖子鮑魚都新鮮爽口，蟹都好鮮味，多寶魚既肉都好嫩滑，海鮮質素唔錯炸魚皮兩個人嘅份量，明白我地得兩個人但係都真係有啲少。重點小嘅肥牛，真係啱啱好兩片人人一片.......手打墨魚丸，唔夠彈牙，但係份量黎講算係咁每人有兩粒🤪鹹蛋豬肉丸，有啲似食緊蒸肉餅嘅感覺，有啲蛋黃味算特別。最後侍應會幫手煮埋個粥，但係因為另外再到啲白粥落去煮一陣，所以我哋食嘅時候啲粥都冇熱，只係暖身，有好多配料，味道還可以。

天氣咁凍,同朋友約左食火鍋見到呢間開左一段時間既海鮮火鍋幾吸引,就同朋友去試!198一位,送2樣海鮮之外,再揀5樣海鮮,再揀8樣小菜打邊爐食,最後仲有粥底吸哂D精華,超抵食!先睇下海鮮!除左送既沙白蜆,蟹勁多膏同肉，無諗到可以咁好食！再揀左貴妃蚌,象拔蚌,鮑魚,馬刀貝同埋帶子全部都大件,同埋好新鮮,唔洗點醬汁都好有味!另外點既火鍋小菜都好高質,份量十分之合理,唔似出面好多D餐廳咁,幾十蚊得3至4舊肉類都好新鮮，唔會太肥太瘦，又有肉味，高質！飲品就點左杯草莓熱情果梳打,酸酸甜甜好開胃,甜度都適中,好新鮮,唔會淨係得糖水味,十分推介!粥底好易就住到綿一綿,口感一流,配上豬油粒,菜寶,食完一碗又一碗呀!

同屋企人一齊去食，見到佢懷舊嘅裝飾。非常之Instagramable，好值得打卡。從來都未試過用粥底打邊爐，所以一見到就好想試。二百幾一位有好多海鮮食，而且每碟都好新鮮，隻蝦仲識跳嘅添。餐廳嘅服務員非常之有禮貌，會細心講解如何烹調同食用而且都面帶笑容，所以服務係非常之加分。食晒所有海鮮例如蝦蟹鮑魚等等，最後侍應會加配料，將佢哋整成粥底。超級好食，最後仲有個燕窩糖水送。下次都會同朋友一齊嚟食超級推薦。

粥座火鍋食唔少，大部分都係九龍港島，難得見到元朗有得食，就約咗朋友去試下，地點方便，加上冰室格局，坐得好舒服。套餐包兩款固定海鮮，五款自選海鮮，同埋八款自選配料，最後就煮粥。非常豐富，食到我地好飽。海鮮有蟹、沙白、象拔蚌仔、蝦、蟶子、鮑魚等等，一個詞語形容就係新鮮。蜆肉係脹卜卜，食落冇沙有海水鹹鮮又有口感，唔會乾扁嘅口感，好好食。象拔蚌仔好甜，彈牙但係咬落又爽脆，同佢一樣嘅就係蟶子，唔係大隻，但勝在新鮮。佢海鮮全部都十分高質量，我地已經幻想到個粥可以有幾甜。之後嘅配料都唔差，花膠仔都有口感，墨魚滑非常爽彈，加上魚肚夾埋一齊係個新嘗試。朋友中意個薑汁皮蛋貢丸，彈牙又特別。另外嘅菇類同菜類都甘甜，配嘅生菜加埋粥到就更開心。佢比咗南瓜同芋頭份量非常的多，最尾嘅粥香甜可口。

呢間火鍋店嘅座位同環境都比起傳統火鍋店舒適同闊落！對我黎講，打邊爐坐得舒服真係好緊要，因為咁樣先可以真正歎住咁食架嘛~😋呢度嘅海鮮全部都好新鮮，海鮮味道亦好鮮甜，真係值得一讚👍牛同豬就相對較普通，我地食之前店員都會提供幾種醬料比我地揀~全程店員都好nice好主動咁幫我地收野同介紹啲食材個粥底好綿好香口，加咗啲芋頭粒同蘿蔔粒，令到粥底更it有口感🤤杯柑桔沙冰真係好大杯好有誠意，用黎影相一流，味道亦一絕絕對會再黎~

元朗好多嘢食 只要你識搵食🤣太耐無入元朗 今晚就入去搵個friend打邊爐 食個粥底火鍋海鮮火鍋重點一定係海鮮佢啲海鮮新鮮得黎又大隻 仲要洗得好乾淨唔會有沙 有沙白 鮑魚 油貝 聖子皇 黃沙大蜆 象拔蚌 我就最鍾意象拔蚌 太耐無食好懷念個味道 又夠爽口而火鍋配料就揀咗5款 有墨丸 黑豚梅肉 雪花肥牛蟹籽墨魚釀魚肚 未試過咁嘅食法 好特別而且好彈牙 鹹蛋豬肉丸🍡都好正 無唸過可以將呢兩個食物擺埋一齊 除此之外點少得午餐肉 炸魚皮同粟米🌽😋飲品我地就揀咗老闆押水果茶同草莓熱情果梳打水果茶清清地 打邊爐最啱飲 最後食曬啲海鮮🦞精華黎喇❗️個粥煲到好綿 😋😋 食埋個粥真係好full 好滿足

想嘆海鮮火鍋，發現左個新地方。就係元朗呢度，呢度火鍋種勁多，鮮蝦，沙白，貴妃蚌，鮮蟹，刀背，聖子皇應有盡有，而且新鮮程度高。呢度除左海鮮，呢度仲有d好特別的食物，包括蟹籽墨魚釀魚肚，咸蛋肉丸，腐皮墨魚卷等，我都無係其他地方有見過。特別一提，最後仲有好好味的粥底。呢度仲有貼心的指南教你每種海鮮煮熟所需時間。值得特別一提，呢度有既野飲勁太杯，係您想像唔到咁大，足夠一個人食足會餐飲。最後值得一提是，呢度的設計十分有香港風味，有香港經典電影海報，十分有親切感。

今日同daddy媽咪食飯，特登搵咗屋企樓下呢一間咁特別嘅餐廳，餐廳嘅裝橫剛剛好就設定喺daddy媽咪成長嗰個年代，佢哋見到餐廳個裝橫就已經好開心。蟹肉爽口彈牙，明顯用上新鮮貨色，令人十分滿足。 蟶子，蟶子夠哂大隻，肉身鮮甜。美國雪花肥牛，肥牛雪花均勻，每塊牛肉嘅厚薄均等，落水拖一拖就食得，牛味充足。蟹子墨魚釀魚肚，釀魚肚面鋪滿密麻麻嘅蟹子，魚肚索盡先前落過嘅海鮮嘅精華，加埋滑一滑嘅墨魚滑，有夠好食。鹹蛋豬肉丸，一咬開粒豬肉丸鹹蛋黃嘅香味即刻充斥住成個口腔，香味縈繞久久不散。

餐廳做緊promotion，198蚊就有海鮮粥底火鍋，包括廚師挑選嘅兩款時令海鮮，自選五款時令海鮮以及八款配料，認真抵食。刀貝，刀貝肉身非常飽滿，爽口鮮甜。 新鮮鮑魚，鮑魚放上枱嘅時候仲喺度扭動緊，新鮮嘅鮑魚肉質果然零舍彈牙。薑汁皮蛋貢丸，見到餐牌有呢一樣咁特別嘅丸即刻二話不說嗌嚟試下，貢丸入面包住嘅係薑汁同埋皮蛋，一口咬開薑汁爆漿而出，估唔到薑味同貢丸係咁夾。極上牛柳粒，牛柳粒牛味香濃，將佢淥到七成熟，咬開裏面個心重係微微嘅粉紅色，就最好食喇。炸魚皮，炸魚皮極度香脆，就咁食又得，放落去淥幾秒索盡鮮味先食亦得。鮮萵筍，特登揀咗呢一個唔係咁多地方有得嗌嘅鮮萵筍， 我鍾意將佢錄到半熟，外面夠腍，但係裏面依然保持住爽脆。