老闆娘雲南米線

營業中

休息中

今日星期六, 做定功課，知道老板娘開下午三點同老婆兩點半已經去排隊，入到去已經有成20人排等, 好在食到頭輪, 二輪都有成30人排緊😭味道依舊炸雞超正米線超級足料點左麻辣, 食左1分鐘個嘴已經麻痹食完捧住個肚走, 真係好滿足祝老闆娘繼續生意興隆！

終於等到重開，可以一試老闆娘的手勢，同男朋友星期日晚八點過來，嘩大排長龍，前面最少有三十個人排緊，本想放棄但今次離奇地有肯心，傾下講下玩下唔覺唔覺就等左足足一個鐘，我地排隊時已揀好食咩，所以就快快落單喇。入到去眼見同枱排我們前好多的食客都未有野食，有人碗麵已吃光(看得到油都浮曬面)但仲等緊招牌炸雞球，心感不妙最後我地係等左二十分鐘先有野食，有位買外賣既人兄都照等咁耐，俾著我會放棄，他真厲害!入正題，男朋友的水煮雞肉麻辣米線，當大家都等到呆呆地，見到佢呢碗野，全枱人都嘩左一聲，好多辣椒，好辣咁，嚇死人個女喇小辣麻辣湯，好濃好麻 ，忍不住係咁飲湯 ; 雞肉係一百分咁滑，同埋好大舊呀!!(平時米線店的雞肉都係好"鞋"既雞胸肉，又係勁讚!男朋友建議: 希望水煮既野可以分開上啦，太油太油喇，蓋過左D麻辣湯味道。終於等到我的 麻酸辣腩肉雞球米線(小辣)小小麻小小酸剛剛好，好濃，最中意滾到起泡的湯，不過我個人覺得酸得黎有點苦味，唔知點解，但都忍唔住係咁飲湯另外腩肉都好Surprise的，有三大塊，好入味，唔係只得肥的腩肉，平時我會咬走肥的，呢到我偷偷食曬OH MY GOD...招牌雞球，新鮮熱辣呀!

山長水遠去食 排左成個鐘 差唔多仲有四個人係前面既時侯個女職員出黎話師傅好攰問客人介唔介意第二日再黎 冇人理佢個個都好介意 之後就叫個伙記出黎叫人走 話冇得食 大佬呀你一係一早就截龍或者做埋排隊果班人就算 排左成個鐘先黎唔比人食 真係以後都唔會再去 做生意做到咁白痴

我接受到排隊等位 落單。我接受唔到要用超過50分鐘去煮一碗米線。好食。 炒作之下，多人到嘔。 老闆娘靚，親切，有禮。 等位超過30分鐘。 等一碗清湯米線超過50分鐘。 建議非繁忙時間，並確保有你想食嘅嘢賣先好去。

前兩天知道老闆娘重開後,已急不及待的和仔女一起重温味道。味道可以keep 到。可惜實在等得太耐了。三碗米線足足等了45分鐘,而且略貴。又要每個客人必須叫一碗。下次應該叫外賣回家食。

等到頸都長....老闆娘雲南米線，波折重重，終於係香車街街市舊鋪重開，一收到消息，二話不說，重開當日更係要撐場...一坐底見到老闆娘已經好開心，好似見到好耐冇見既朋友咁，好感動....一坐底就叫左大愛招牌炸雞+ 鮮牛肉麻辣湯底米線今日都等左一陣先到，但係值既，老闆娘用心製作，逐碗逐碗咁煮，味道同以前一樣，食落超滾動，超好食老闆娘除左舊有既菜式之外，仲有新菜式上場，強勢回歸！勁勁勁！