老闆娘雲南米線

營業中

休息中

早排想食米線，好耐之前聽過呢間米線但未試過，所以特登去試蟲草花薑酒湯配豬潤薑酒好少地方食到，仲要配搭米線真係好少見，湯底既薑酒味同甜味配搭得岩岩好，唔會好辣或者好甜，飲完成個人暖哂酸辣湯米線配豬腩肉+招牌酥炸雞球有幾款湯底同埋30多款餸可以揀，所以今次試左酸辣湯底，再揀左3款餸，酸辣味湯底好惹味，每款餸都好好味，雞球外脆內軟，即叫即整，全部都熱辣辣好好味

耐唔耐都會好想食米線，趁住平日放假去荃灣同老公撐個枱角🤣.📍老闆娘雲南米線.排左45分鐘終於都食到，真係真係好滾動😭🍜秘製豬腩肉、魚肉腐皮卷清湯米線 ($58) - 豬腩肉微微嘅辣味令到清湯變得好有味道😂魚肉腐皮卷即炸，外層腐皮勁脆!!!入面塞滿彈牙魚肉~好正👍🏻🍜招牌酥炸雞球麻酸辣湯米線 ($48) - 招牌真係招牌!!酥炸雞球炸到脆卜卜但係雞肉保持到嫩滑juicy喎!估佢唔到咁好食🤣米線叫左麻酸辣(小辣)湯底…但係麻多過酸😮‍💨如果balance返就好啦~

呢間野大家都唔會陌生啦，見依家晚市禁堂食，營業時間改早左會少啲人，結果排左個半鐘🗿。🐒蒙古湯牛腩銀針粉(小辣)💰$48呢個湯係孜然粉味，好似譚仔煳辣咁，不過好味好多。牛腩好淋好入味，一碗有4舊。🐒麻酸辣米線(小辣)(蝦膠豆卜+魚肉腐皮)💰$48+$10餸麻酸辣同麻辣一樣都好夠麻，不過我覺得就有少少麻到個嘴食唔到其他野🤣有少少浪費左個湯同麵。蝦膠豆卜已經係成舊炸到好硬，無汁點有少少乾，但味道幾好，大小都適中魚肉腐皮同樣係好脆，不過呢個反而無味之餘，魚肉份量都偏少。🐒麻辣雞球米線(小辣)💰$48雞球可以話係必嗌啦，大粒多汁，一碗有4舊，嗌兩餸會少一舊。不過今次去男朋友話好似已經無之前咁好食，大家有時間都可以去排下隊試下，但我地排到攰啦😂

身為面控既我, 都好鐘意食米線, 而間老闆娘我都關注左好耐, 見長期都穩居米線關注組頭三甲, 所以就算排左個幾鐘隊, 都想試一試, 但真係名不過實, 什至覺得唔好食, 又唔平, 所以唔會有下次。麻酸辣湯米線, 酸菜辣牛腩, 招牌酥炸雞球 ($48+10)勁濃味精, 濃到帶苦, 而且我叫BB辣, 係超級辣, 冇可能係bb辣, 成個湯底就係勁酸勁辣勁咸同帶苦, 係食一兩啖, 就要休息一下個種, 所以最尾我都食淨一半。到酸菜辣牛腩, 酸菜浸左落湯底, 所以牛腩係冇酸味, 牛腩份量足, 有3-4大舊, 但真心太un了, gel 到我牙骹鬆都吞唔到, 到講一講好, 知道炸雞球係最受難迎, 所以我地都有叫, 係好食, 新鮮炸起, 然後就冇特別了。蒙古湯米線, 滷汁豬粉腸, 反斗蝦膠豆卜 ($48+10)蒙古湯都有叫BB辣, 而個辣度就合理得多, 湯底係特別既, 比較少見, 但味道我就還好, 粉腸軟諗, 冇異味, 反斗蝦膠唔好食, 蝦膠勁細舊, 味道同口感都食唔太出, 豆卜好硬, 炸到好吉口, 成舊野好硬同冇咩味。桃膠杞子茉莉花茶 ($18)聽聞自家製, 欣賞既, 味道清甜, 但定價太貴, 而枝容量

位於荃灣香車街街市的老闆娘雲南米線，早已是當區的米線名店。最近裝修後增添了另一店舖作分流，讓大家能夠在更舒適的空間裏，享受一爐一碗、即叫即煮的麻酸辣米線，還有招牌酥炸雞球和秘製豬腩肉等配料。

🥢蒙古湯米線(小辣)+野菌腐皮卷 $47 腐皮唔算好薄炸到好酥脆 睇落好油但食落還可以入面包咗好多菇菇 木耳絲 同埋粟米粒 超飽滿🍄蒙古湯米線(小辣)+雜菌 $47米線份量都算多 女仔絕對夠飽配料有啲肉碎 芽菜 同埋芫荽蔥 蒙古湯底超香孜然味 飲得出用咗好多香料熬製覺得下次嗌中辣或者大辣會更爽見到有人話蒙古湯似三哥嘅煳辣 但我覺得呢度嘅湯底飲落無三哥咁水同埋味精 感覺更真材實料呢碗嘅雜菌份量都幾多 唔會話食哂啲餸剩翻啲米線 而且啲菇菇都好爽甜

之前一直都好想去食，但個陣餐廳話要裝修等左好耐終於裝修完啦！下晝6點左右去到已經見到好多人排隊，已經急不及待咁拎住點餐紙同筆去排隊價錢都算平民化，兩個餸加埋都係$58。呢間餐廳最出名係麻辣酸辣湯同埋蒙古湯，當然就要試一試啦。餸菜方面最出名就係酥炸雞球、秘製豬腩肉,魚肉響鈴同埋反斗蝦膠豆卜。裝修完之後環境好好又有好強既冷氣。雖然好多人但係都坐得算OK。我叫咗蒙古湯米線配酥炸雞球加秘製豬腩肉，米線煮好之後拎上嚟好大碗，佢嘅酥炸雞球真係世界級，外脆入面又超級juicy。至於湯底方面我叫咗蒙古湯，都係出面好少見到，亦都好濃既湯底。加上佢個碟米線本身好多配料，食完都已經超級飽。超級推介大家去食!!!!!!!

老闆娘米線除了好食, 還出名要排隊, 所以大家見到香車街三樓要排隊的地方就是這間米線店湯底點了麻酸辣（大辣🌶）配料選了招牌酥炸雞球同酥炸鯪魚球, 本身米線已經有酸菜肉碎, 湯底很香很濃, 酸酸麻麻令食慾大增, 建議先品嘗一下湯底, 好惹味招牌酥炸雞球是必食推介👍🏻, 差不多是顧客必點之一, 外皮脆口、肉汁鮮嫩, 炸鯪魚球就正常水準大排檔風味米線, 請注意老闆娘暫時只做晚市, 因為人手不夠的關係, 每日營業時間需要留意, 千祈不要午市摸門釘

💰人均：65HKD-每次來都需排隊，但每次還是會來，這裏的米線和配料真的愛了-🍴餐饮-🍜「米線」48HKD$48米線可選一款配料，額外添加每款+$10。有蒙古湯、清湯、酸辣湯、麻辣湯、麻酸辣湯、淨酸湯，6款湯底可選。個人喜歡蒙古湯和酸辣湯，如果當天不想吃太重味，建議可試蒙古湯，可以連湯喝也是他們的招牌。-🫔「野菌腐皮卷」這款每吃必點！強烈推薦，真的好好吃。外層是薄脆的腐皮，內裏有大大粒香菇和玉米粒等素菜，很香口也不會幹。-🧆「招牌酥炸雞球」雞肉是一整塊的，也很大塊。以配料加入，每份有4塊，份量很足，而且又有肉汁、嫩滑。-「豆瓣金錢肚」和酒樓茶點金錢肚味道相似，厚身，可輕易咬斷，都系喜愛之款-🥗「健康有營」這個是多款素菜組合，有番茄、豆蔔、芽菜... 比單點加入要划算，份量也不少。 -🧆「酥炸鯪魚球」這個相對來講較為一般，每份有2粒還是3粒，忘了。啖啖肉，比較彈口，但相對來講不夠其他小吃有特色。 -💁🏻‍♀️服务來的時候已經是晚上8點，老闆會示意到街市後面排隊。可提前拿點單紙和筆，等排到差不多到門口了就會提前先收點單紙。真的好愛這家米線！！很好吃！！ 

講真，我排隊排到半個鐘嗰陣已經想放棄，最後花左成個半鐘先坐得低，但係真心值得嘅我叫左蒙古湯底米線加炸雞球，湯底極度好飲，真係飲得出冇味精，有少少孜然味好特別，雞球juicy到不得了，又嫩滑唔會好乾，真係黎荃灣必食

上次食呢間米線已係差不多是疫情前的時候，過了兩年的時間，米線的味道仍然保持水準，更加開了就坐的位置，雖然仍然是大排檔的坐法，但比以前已經舒服左好多😌。講返食物先，今次食返麻醉辣米線，腐皮卷再加埋炸雞，湯底味道依然，夠哂濃味，辣得黎，唔會搶過其他的味道，順帶一題，我喜歡把腐皮卷及炸雞浸落湯再食，無錯，呢個味道同質感，真係絕配。米線正常無咩特別，腐皮卷入面有好多菜係到，浸湯再咬令到佢有個濃味爆汁的效果，炸雞仍然係大大舊，食落特別開心。總過來說，就係以前嘅味道。

奉勸大家珍惜光陰～星期六日想食呢間既話，請預早2個鐘排隊。。。話說我地星期日6:45排隊，即使一人前，都預左要等一個鐘。我地7:45分左右入座，雖然入座前待應已經同我地講要再等，但8:15成間餐廳都未有人有野食🥲隔離位話好似去飲咁🤣8時入席，未有得食。之後炸物陸續上菜，但米線要到8半先逐碗遞上。。。配菜都食左一半了。由排隊到食米線，用左接近2️⃣個鐘，呢個用餐體驗係差既。🍜 牛肉+吉列豬扒+炸雞+蒙古湯米線 (小辣)$68蒙古湯係呢間店獨有既口味，我地非常鍾意。如果 炸雞好嫩滑又少油，似唐揚炸雞既味道，小編會再encore。吉列豬扒同牛肉就比較一般。🍜 金錢肚+菱魚球+酸辣拉麵 (小辣) $58金錢肚超級淋，索晒湯汁~jeng❗️拉麵既麵質幾好食，但好似米線同夾D。菱魚球幾乾身又無骨，不錯～酸辣湯偏酸甜，我忍唔住飲左幾啖湯，飲完唔會口渴，証明無味精如果堂食做唔切，建議寧願淨係做外賣啦🤷🏻‍♀️經過呢次教訓，我哋以後唔會星期日黎嗱鍾意呢個分享既您，記得share/save/like 呢個post💛

之前去食老闆娘米線有過不愉快經歷所以好耐冇去，經開荃灣突然間好想食返，而下午5點正正唔駛排好耐。1715到達，排左0分鐘就可以入座了，今日落單既女仔態度好好喎，對個個客都好有耐性解釋，而且都講明話因為好多單所以可能要等得耐dd，排幾耐隊都好，條氣當場順晒。點左腐皮、鮮牛肉、粉腸、炸豬扒、椒鹽雞翼，但職員話炸野要減一樣或加多樣，唔係好明白佢意思，所以就減左炸雞翼呢個餸，湯底要左麻酸大辣，一坐就坐左40分鐘，我見全場客都係一齊等，可能之前接左太多外賣，眼見出面包外賣都包到手軟。落單40分鐘後終於有得食，上台時熱辣辣，先飲左啖湯，好麻好麻，少少酸，辣度就同X仔大辣差唔多，對於超食得辣既我當然小兒科，譚X我食開雙特！米線同個湯都算夾到，牛肉不過不失，粉腸唔苦滷得幾入味，炸豬扒係另上既，新鮮炸起脆卜卜好食！埋單78蚊排隊+等米線+食埋 = 1個半鍾，我覺得如果你有時間而又冬天的話係值得等既，夏天就咪搞了。米線愛好者始終都要試一次，整體黎講我俾‘一般’係因為真係等太耐了，如果你好餓果時都幾大獲 🤣🤣

之前試過去門市但因為原來裝修緊食左閉門羹等到佢11月尾重新裝修完終於有機會試下1700開晚市準時去到已經見到有10幾人排隊等左一陣就可以落單 米線包一餸$48；另每加一餸$10叫左豬軟骨配魚肉春卷/炸雞球麻辣米線（$68）由於耳聞佢地既配料好高質素落完單就會係旁邊等地方唔大 但人太多 所以有少少擠擁等左20-30分鐘到就有得拎呢個時候就好混亂個店員差d比錯米線我之後仲發現比少左魚肉春卷不過人多 手腳亂 所以記住走之前check下野食齊唔齊豬軟骨配魚肉春卷/炸雞球麻辣米線一黎試下個湯湯底好濃好惹味 · 夠辣但唔算好麻上面仲有一粒粒既豬肉碎而豬軟骨炆到淋哂軟骨位係入口即蓉炸雞球有3大舊連皮炸到酥脆雞肉裡面仲juicy 但魚肉春卷個味有少少怪食落有少少酸唔知係咪變壞左而米線質地比較淋身唔知係咪外賣關係所以淋左整體黎講係一個好高質既米線不過個外賣真係好混亂

自問係一個終極米線控，香港大大小小出名既米線都幾乎食過哂，但講最好食同最岩我食，一定係老闆娘米線。我最鍾意係佢既麻辣湯，小小辣多多麻，好惹味，會令人引唔住係咁食。另外佢既配料都係非常特別，最出名應該係炸物，我就叫左四款，分別係酥炸雞球/野菌腐皮卷/魚肉響鈴/蝦膠豆卜。酥炸雞球，食落啖啖肉，有好香既醃料味，D肉亦都非常之滑，不過略嫌炸粉有小小厚，但都值得一食。野菌腐皮卷，入面超級多菇，外面亦超級脆，鍾意食菌類既朋友就記得叫啦!魚肉響鈴，好有魚味既炸物，不過凍左就有少少硬身。蝦膠豆卜，係我最鍾意既一個配料，好脆又唔會太乾同油膩，有D似係長洲食到既炸豆卜