老闆娘雲南米線

營業中

休息中

標榜用小鍋煮即點早煮每一碗米線，香料都係由雲南運黎有幾樣招牌配餸如招牌酥炸雞球同野菌腐皮卷🤤我就點左小辣麻酸辣湯底加反斗蝦膠豆卜同魚肉響鈴。入座後等左25分鐘，湯底濃郁，有好多肉碎芽菜酸菜，入口唔辣但好麻帶點酸味，超開胃，米線軟稔，食到中段，舌頭嘅麻又滲出一點甘味😳2款炸物非常香脆，魚肉響鈴，不錯嘅配搭，但我更愛蝦膠豆卜，好香🤤雖然濃味，但食左之後都唔口渴，而且價錢又唔貴，性價比極高嘅一間雲南小鍋米線鋪！

當日佢哋臨收工我哋先到，但都要排咗15分鐘左右先入到去食，仲要我哋後面有人龍排緊。要食嘅各位，真係要有心理準備！不過，等待係值得嘅！裝修完後，餐廳涼浸浸，舒服！排隊時已經俾定餐紙你落單，所以一入到去好快已經有得食喇。酸辣湯腊肉粉腸：正！酸辣湯好味，順喉！腩肉大大片，唔係肉碎扮！粉腸有淡淡青花椒味，有心機！蟲草花薑酒湯：正正正！我哋一致認為呢個係最好味嘅！完全成碗飲曬！濃郁嘅酒香，但一點兒酒精都無，正！小食只叫反斗蝦膠豆卜和蒜香椒鹽雞翼。鬆化，香脆，干身。不錯。因為當日太夜，好多小食都無曬，有點可惜，惟有下次再試過。

為咗食米線你會去得幾盡？🫣🫣之前星期三過去諗住食點知佢放假今日星期四大概6:30左右去到估條隊已經長到排到去樓梯位用咗大概個半鐘終於排到上去佢舖頭嘅門口位先落單 所以一定要諗清楚自己想食乜入到去坐低唔好以為好快有得食😅😂😂等左10-15分鐘先上個餸之後等多10-15分鐘再上埋個米線即係個餸凍咗先至上米線，呢點係唯一最差嘅地方。雖然係分開處理但相隔嘅時間太長，冇理由食咗個餸先齋食米線🙇🏻‍♂️🙇🏻‍♂️🥴麻辣湯小辣配招牌酥炸雞球$48，個雞球超好食，雖然放喺度凍咗少少，好嫩滑好Juice👍🏻👍🏻係必食推薦，麻辣湯小辣，都幾麻同辣，不過都仲接受到，如果唔食得太辣真係食BB辣好啲，米線份量夠，軟硬度啱啱好，唔會太淋👍🏻👍🏻👍🏻蒜香辣湯小辣配反斗蝦膠豆卜$48，呢一個湯嘅小辣同麻辣湯嘅小辣有明顯嘅差距，呢個感覺上唔係好辣，鍾意食蒜嘅朋友可以一試👍🏻都幾好飲既。蝦膠有5粒，好味🤤🤤桃膠杞子桂花茶$18，個樽幼身好修長唔算好大支，足料好飲嘅。如果冇乜嘢做又有時間可以排返兩個鐘試吓嘅，因為有陣時天氣都幾熱，排得來都幾辛苦所以真係睇吓你為咗食米線可以去到幾盡🫢😂😂😂佢真係贏在個炸雞，但係要用個幾兩個鐘(已

老闆娘雲南米線（荃灣）荃灣超出名米線店之一當晚去到排隊接近一小時大家冒住雨都照排隊可見佢嘅受歡迎程度麻酸辣湯底小辣麻辣味超突出一上枱已經聞到勁香香料味酸味都好夠係超惹味嘅選擇食到中段仲感覺到嘴唇同脷都有少少發麻嘅感覺🤣至於餸菜方面豬腩肉夠晒肥美一層肥膏一層肉滷水粉腸滷水味就唔算突出但胡椒味好香佢嘅炸物真係好出色我試咗魚肉響鈴食到索索聲反斗蝦膠豆卜一樣超出色非常酥脆點埋湯一齊食真係一流蝦膠亦都好彈蛋同有蝦味我見到其他人好多都食炸雞球份量好多我下次都要試吓蟲草花薑酒湯有大量蟲草花同紅棗用料十足呢個絕對好啱唔嗜辣嘅朋友仔藥材味好突出味道香濃帶有甜味係清清地嘅滋補好選擇如果酒味再多少少就更好了😌配料方面揀選左豬潤雖然係薄切但依然夠滑呢間米線真係好正難怪咁多人都要慕名而來就算排大隊都要食

眾所周知，荃灣有勁多美食而老闆娘雲南米線係其一必試既餐廳!但如果假日去，大家要有定心理準備，因為實在太多太多人排隊啦為食貓星期六晏就去，就排左個半鍾頭......等野食就半個鐘，真係太crazy啦!秘製豬腩肉+雲醬豬軟骨麻酸辣米線 (4/5)佢個湯底又酸又麻，真係好好食，好過癮❤️而且碗米線真係好夠大碗，食左米線，根本已經食唔落其它小食啦😆至於個豬腩肉同豬軟骨都非常入味，可能煮得耐既關係，d肉連骨都變得軟林林，正呀不過好食還好食，排隊實在太耐啦呢點真係要扣下分，為食貓下次都未必會再排隊幫襯]

好耐無食老闆娘 突然心癢起 無論如何都要食到 6點半到 9點食得！小弟食咁多次都係食麻酸辣 貪個湯底真係會食到嘴唇及麻 好過癮個湯底有埋覆菜肉碎 老闆娘既夜出名大大件 炸雞係一定會點 香口有汁 大舊 惹味 仲有叫左蝦滑豆卜同魚肉腐皮 個豆卜好香脆 蝦肉彈牙 魚肉腐皮卷 我就覺麻麻 細細條 無咩味 都係叫返雜菌腐皮卷好好多 炸豬排又係必點之選 有d似香蘇雞feel 最後要提醒大家 老闆娘小食無等追加 有時小食到先麵未到 唔好食哂d小食先呀😃

以前喺荃灣返工，有陣時都會早啲食lunch過嚟老闆娘食，咁就唔洗排長龍咁耐以嚟，都係迷戀酸辣湯底，佢啲湯底夠酸夠辣，好正除咗米線，有時會叫銀針粉，同樣好食又好夾酸辣湯 平時lunch幾個朋友一齊食，就會每人叫啲唔同嘅餸，通常幾款都喺叫炸物，而炸雞喺每次都會出現😂-🔸炸雞酸辣米線小辣啲炸雞好好食，外脆內軟！酸辣湯底夠酸夠辣！米線質地唔淋夠口感！食辣嘢配返罐汽水，真的一絕！- 如果老闆娘唔洗排隊的話，我都會多啲嚟食，但要排咁長龍真的不了😂寧願食其他！咁耐以嚟食過咁多次老闆娘，都喺揀非繁忙時段，咁就唔洗點排隊！同埋留意返，老闆娘夏天唔開lunch 㗎！要留意佢地社交平台 呀😆

比米線關注組大讚嘅老闆娘米線bookmark已久，但一直因為唔想排隊關係（成日見有人話排左個幾鐘先食到🫣）未有特別去潮聖，今日落荃灣見佢啱啱開返堂食幾日決定去睇吓多唔多人排隊再作決定。星期五七點左右去到又唔算好多人喎，前面大約得八枱左右等緊，最後唔使20分鐘就坐低咗😆首先要讚嘅係傳聞中當啲客係狗咁喝嘅老闆娘無見到，反而有幾個後生仔女打骰幾好禮貌。其次係用餐環境比我想像中好，原本諗住會好似一般街市咁又熱又污糟，不過可能新裝修完關係好光猛又大冷氣，只係坐得迫左少少。-🍜麻酸辣米線（BB辣）$48（跟一餸、加餸$12個）首先呢碗米線定價都幾進取，只跟一餸已經索價$48唔包飲品，加餸均一價$12個我地每人簡左3餸每碗要盛惠$72。不過第一次嚟唔知仲有冇下次就決定一次過試晒想試嘅餸😂炸嘢會先上，米線後到，前後都等咗差唔多20分鐘先上齊。先飲一啖湯，無特別驚艷感，但係又麻又酸好似有啲層次口感幾豐富咁。不過再飲多幾啖就出事，呢間麻味好重，麻到我食唔到自己食緊嘅野係咩味😂我覺得係蓋過曬所有味，實在太重手，可能我唔係麻辣愛好者應該要簡個淨酸辣版本。米線今日煮得好硬，朋友明明話覺得佢太淋身🥲上網睇過有人話

撞左幾次板，依家去食老闆娘第一件事係要上佢社交平台確定佢有冇開門，再嚟就係去到門口睇吓佢排隊嘅狀況有幾多人，先決定食唔食到😜😜但六點禁堂食明顯人少左，直接外賣回家慢慢嘆啦😅😅🤴🏻嘅：～～～蒜香椒鹽雞翼+滷汁豬手粒+秘製豬腩肉酸辣米線🍜（中辣）～～～🤴🏻嗰碗明顯大碗啲，原來豬手粒係帶有骨頭嘅豬手，有3塊勁大嚿😂😂蒜香椒鹽雞翼冇咩蒜味比椒鹽蓋過，正常水準🙂🙂我嘅：～～～招牌酥炸雞球+清湯牛腩麻辣銀針粉（小辣）～～～好少有米線舖有得揀銀針粉，試左又幾夾😊😊，鍾意湯底麻味感大過辣味🤗🤗炸雞球有1大2少，大那塊去到雞扒份量😁😁，香脆嫩滑！😊😊牛腩有4-5塊中size，又入味又‘林’☺️☺️保持到水準，我同🤴🏻都好鍾意❤️❤️

開頭行到上3樓唔知舖面係咩位置 淨係見到條長龍排到去樓梯位啲人又拎住張點餸紙 穿過幾檔行到入中間就見到老闆娘米線haha 記住拎張紙先好行番出面排隊呀一齊夜晚晚8點幾排到9點幾去食碗雲南米線🤤唔知關唔關happy friday事啦 但感覺上拎住張紙排住隊諗下叫乜餸 排到中間位又有櫈坐下 感覺都好快入得座😆。。。🦔👉單餸米線/銀針粉/拉麵 $47 + 另加餸每款$10 🍜湯底👉蒙古湯食雲南米線梗係食酸辣湯 但對於蒙古孜然味極好奇之極想try try🤩蒙古湯都有得揀辣度架 食到譚仔4小辣嘅我叫BB辣感覺無乜辣😂所以大家可以小辣起跳mongo湯睇落同酸辣差唔多樣 同是辣油肉碎面🤣但聞落大不同 香香的孜然味 食落真係同譚仔煳辣有得揮😆😆但食落相比更麻更啱我取向kekee 仲要無咁口渴(聽聞老闆娘呢間主張唔落味精🤭除咗味道以外嘅其他配料同酸辣大同小異 佢地嘅肉碎大大粒都幾好咬 又唔會全肥肉醉呢點加分 芽菜份量剛好 但新鮮度幾驚喜 咬落比起平時更具chop chop聲😋成碗米線份量頗多但大胃的我handle到😁食落幾滿足 男士應該夠飽的 落單時仲問到會唔會少米🤣女士可自行斟酌kekee 餸🍛開頭唔

#老闆娘雲南米線 #sorriso_荃灣區-呢間真係多人到痴線，隔左半年重開，我排左1.5個鐘先入到去坐🙃，見到真係會有一堆人同我一齊排咁耐，就知佢真係有返咁上下吸引力，佢嘅米線$48包一餸，加餸每款$10，而野飲全部$7🍜 招牌酥炸雞球+野菌腐皮卷 麻酸辣湯 小辣 $58 (9.4/10)記得上次食麻辣小辣覺得輕鬆，之後中辣辣到頭暈，之後就唔敢再睇少老闆娘嘅麻辣湯，今次就叫左麻酸辣湯，佢冇麻辣咁辣，叫做唔飲野都輕鬆，覺得佢冇麻辣湯底咁辣野菌腐皮卷入面有粟米、菇粒，我自己好鍾意呢個，浸落啲湯依然冇損佢嘅脆皮酥炸雞球作為招牌更加唔洗講，見到枱枱都必點呢個餸，3大粒，一試難忘，入面嘅雞肉非常之香嫩，我地由兩個人share一碟變成一人一碟😂🍜 招牌酥炸雞球+酸菜辣牛腩拉麵 麻酸辣湯 大辣 $58 (9.1/10)米線好食過拉麵😂，一試就有咁嘅感覺，牛腩大大件，唔會好辣，但佢唔會好吸湯，麻酸辣大辣個辣度食落好似三哥酸辣嘅大辣咁，麻酸辣嘅麻比起酸重好多，我覺得偏鹹多過酸，本身大大碗，一碗兩餸已經勁飽😂#sorriso_荃灣 #sorriso_新界 #sorriso_米線-📍老闆娘雲南米線荃灣香車

我只係討厭排隊，但佢哋真係冇得輸，可能至而家食過最好味嘅一個⋯酸辣雞肉米缐，湯底真係好好味，而且濃又厚，雞肉唔會乾而且保留肉汁，一個字正呀！米線煮得剛剛好，而且重好彈牙，如果要挑剔，米線嘅分量可以再多小小就更加好，係咪貪心咗⋯ 🤪🤪🤪

在環境方面，老闆娘米線有著潔白的墻身x卡通色調：鮮綠，藍，木色；再配上著名的LineFriends卡通插畫，十分可愛調皮。而我們家具卻採用大排檔風格設計，蘊含了一種我們香港人喜歡混合風的特色。整體裝修風格柔和，帶來視角的舒適。

排超級耐隊嘅米線ʕ •ᴥ•ʔ1700開鋪 我1730到 食完都差唔多1900🤣 食素都有幾款餸可以揀 湯可以走肉碎 但係只可以揀小辣/ 無辣～ 麻酸辣湯 健康有營 $48 湯底好麻 麻到唔係好試到咩味 酸味就唔係好明顯～ 米線有少少overcook 最正係個餸！有生菜 蕃茄 杏鮑菇 豆卜 腐竹 煮得好入味！豆卜腐竹唔會成舊膠咁！好味指數：7.5/10 再試一次指數：7/10 早啲去唔洗等咁耐係值得食嘅！

一直都知老闆娘米線好出名但未有機會試,今日專誠黎試下未開門已經有長長人龍係舖頭外面等緊,職員派左點餐紙比我地寫定先,之後再安排座位米線黎講價錢有少少貴,每加一個餸要$10我就揀左健康有營,咩都有少少咁落左單比完錢等左好耐好耐,坐底左40分鐘以上先有野食,見到舖外貼住以前報館嘅訪問剪報,呢度老闆堅持每一碗麵都要逐碗煮食落係味道唔差,但無想返轉頭再食嘅感覺,時間成本太高餸係素料,食到個湯底有雞味食得出餐廳嘅用心,但自問真係好得閒先好黎,因為真係要等好耐好耐