老鍋台式火鍋 (金馬倫道) (已結業)

餐廳環境不俗，招呼亦非常好，食材質素不錯。但辣鍋的麻辣並不到家，可以再作改善！8:30前結賬有7折，但若果無此優惠，價錢就略為偏貴，因為食材數量都較少，希望餐廳會考慮！

收左工和老婆尖沙咀晚餐，經人介紹去了台灣火鍋。裝修唔錯，入到去時都感覺到麻辣香味。我地六點半去，如果八點前埋單，全單七折優惠，但加一不計在內。食物方便，不過不失。麻辣是沒有辣的，所以食開四川火鍋的朋有要叫加辣。我們叫了牛頸脊，羊肉，自製水餃，墨魚丸，烏冬和凍豆腐。食物新鮮還可以，宣布大跌，但兩個人就一定係足夠食。賣相都唔錯。湯底來講，我個人意見，覺得唔夠味。個人推介牛頸脊。最後七折後，七百蚊有找。

台式的麻辣火鍋，真的令人又愛又恨，愛它的麻香叫人一試難忘，恨它的辣不是人人可以接受，而這間位於尖沙咀金馬倫道的「老鍋台式火鍋」試後就給我留下深刻的印象，裝修古式古香很有中國風而且部分食材是來自台灣和自家製作，真的誠意可加👍🏻麻辣、酸菜白肉鴛鴦鍋 麻辣鍋 - 麻辣味道出色麻香令人胃口大增，夠麻而且不太辣，再加上湯底中由台灣直送的鴨血，簡直人間極品😋酸菜白肉鍋 - 材料十足有大白菜、番茄，豬王花腩、寛粉條。湯底微酸加上豬王花腩的油香，令QQ的寛粉條吸收了湯汁後，好食都停唔到口😬一酸一麻辣真的無法抵擋。特級美國安格斯雪花肥牛 - 厚身質量不錯，夠牛味芝士牛肉丸 - 自家製的，一口咬下爆芝士，小心燙到嘴😆😆自家鮮做極品水餃 - 內有鮮蝦非常彈口新鮮👍🏻就是這片鴨血，配上麻辣湯後令我愛上台式火鍋鮮炸響鈴 -即叫即炸，熱辣辣不用浸湯也非常可口台灣A菜 - 台灣A菜真的和我們本地很不同，非常爽脆清甜😋唐生菜 - 浸入麻辣湯底美味非常

天氣凍凍哋，最啱就係打邊邊近排呢股台風-老鍋台式火鍋咁凌厲，當然要試吓！裝修有點古色古香嘅感覺個鍋就好特別，但小心隻手掂到個圓柱，好快起水泡醬油都有5-6款可選擇我哋先點個鴛鴦鍋，我唔食得辣，唯有叫個美人鍋（睇下食完會唔會靚啲）；而朋友就選了麻辣鍋（大辣）；美人鍋內有桃膠/烏鷄及藥材等材料，出奇地沒有濃烈嘅藥材味，唔錯！初頭掂都唔敢掂個麻辣鍋，因為怕辣到噴火，但原來我都食到，都唔係好辣啫火鍋料點了蟶子皇，都算新鮮，店員仲教我哋在水滾時放下蟶子，七秒就食得安格斯肉眼肥牛/西班牙黑毛豬梅肉：2款都很腍；仲有千層凍豆腐/有機秋葵等；另外點了烏梅汁，酸酸甜甜，飲落幾開胃。最失望就係至愛的鮮貝及白苦瓜汁都缺貨

麻辣鍋 | 美人鍋.麻辣鍋可自選辣度 吃下麻度與辣度不強 香料的香氣不算重喜歡麻辣的至少要點中辣😌 鍋中有鴨血/豆腐 跟台灣的吃法一樣 可以refill😏 美人鍋是烏雞湯 清甜無比 加上金華火腿的咸香 讓人一口接一口😍 嗜辣的我也覺得美人鍋更勝一籌😋 鍋底更有些骨膠原啫喱💆🏻✨寬粉條.吃麻辣鍋必備! 粉條煙煙韌韌 吸了辣汁好食 特別一讚的是有一個"尼" 可以放進鍋裏 就唔怕爽唔到d粉啦!上級美國安格斯飲眼肥牛.呢款肥牛係menu上最貴既一款 不過有點失望 肥牛基本上冇咩油脂 所以食落比較乾 不過肉味尚算濃新鮮雲吞.雲吞餃子類即點即包 吃得出新鮮 不錯!餐廳裝潢款中國風 座位疏落舒服 枱與枱之間有屏風隔著!

係依啲忽冷忽熱嘅日子最凍嗰幾日梗係要滾下滾下啦今日嚟到尖沙咀老鍋台式火鍋店同一班朋友滾下滾下一向鍾意中西合璧嘅我上到去見到個場已經好鍾意簡直有啲唔捨得走嘅感覺4個人嘅卡位亦有一大張圓枱8-10個人嘅枱都有唔使講一坐低梗係揀咗個鍋先啦！！ 佢有幾個我揀 分別係酸菜白肉鍋、麻辣鍋、養生鍋、美人鍋我就揀咗一個麻辣鍋同埋養生鍋配料方面有好多選擇 特別推介新鮮炸響鈴、台灣運返嚟嘅鴨血同凍豆腐 仲有手打梅菜豬肉丸全部食物都好新鮮如上圖由左至右手打墨魚丸、手打鵝肝墨魚丸、梅菜豬肉丸、芝士牛肉丸全部都好新鮮好彈牙哈哈已經唔記得咗呢隻係咩肉啦但都幾好食入口即溶🖒🖒特別向大家推介如果大家去收好夜嘅同事值得一去 因為佢嘅營業時間係去到凌晨兩點啱曬大家去食宵夜另外佢而家做緊個優惠係9點後就有7折實不相瞞 因為太好食嘅關係而且我又坐得好舒服呀我一個禮拜去咗兩次老鍋到打邊爐

情人節打邊爐果然是常識吧！ fully booked響 book 枱果方面出左問題，但最後都有枱環境：裝修都幾雅緻，我地被安排坐室外，天氣凍都還好。但室外係可以吸煙，我係非常唔鍾意，非吸煙嘅人安排左吸煙座咁囉食物：先講底湯$128，叫左麻辣（中辣）同酸菜白肉麻辣無辣味亦唔麻；酸菜白肉味道亦只係似普通上湯，無酸味但料係多嘅，鴨血同凍豆腐都有四、五件；酸菜果邊勁多寬粉，每人食到兩碗叫左最貴果款牛$168響鈴$68黑柏葉$78鵝肝墨丸半份$48，幾好食黑松露蝦丸半份$48，唔好食魚皮餃半份，好食A菜$68，唔知點解籃菜咁貴另外，西柚啤唔錯最後，每位茶錢$20可能包埋果啲自助芫茜、辣椒、豉油⋯但個湯已經好喊

又係火鍋啦。太中意食火鍋。今次黎左尖沙咀呢間新鋪，係openrice依評同相比佢個煲吸引左過黎。冇諗過一上到樓個裝修係咁古典feel，雖然個煲都係古典野，一坐低就已經通知我美人鍋賣晒啦，睇黎個美人鍋好賣得。可以因為個火唔夠大同煲中間有個lon係道，所以湯都幾難滾，等左都十幾分鐘先滾。推薦一下個安格斯肉眼肥牛，好味，牛味仲好重添，賣相都唔差嫁。講環境— 裝修以古典風為主，令人覺得食緊野既時候係好舒服既，但係差緊個音樂，如果個音樂由流行歌純音樂變為古典音樂就更加令人心境舒服，而且仲可以幫客人減下壓添。講味道— 麻辣湯小辣其實都已經好辣，所以唔食得辣既朋友仔唔好咁輕易叫麻辣啦。講服務— 睇得出因為唔夠人所以做野都慢左少少，有時仲會落漏左單，廚房出食物唔夠快，可以加快少少個出食物速度就好啦。講抵食— 味道掂，服務唔差，其實我覺得都幾抵食既。埋單先知原來宵夜係有7折

上次食完老鍋之後，要試埋呢間老鍋 !! 我地太掛住台灣喇 !! 呢間有鴨血都真係要試下 !! 今日訂左位...但好攪笑...佢帶我入去果道...張台俾人坐左...之後要我坐室外...我話唔想...佢話冇位...都要坐...講真就真係唔太開心...明明訂左位...我唔知你係因為俾左人先咩...要迫左我坐室外 !! 點解我打黎訂位果陣你唔講 ?? anyway 最後佢都係安排番我坐室內既 !! 因為有人走...室外係可以食煙...我唔 OK 囉...就係呢個鴨血令到我地黎試喇 !! 雖然台灣係任食鴨血...但呢道一碟碟叫係唔夠過引 !! 但頂住先啦 !! 我地好似 total 叫左 2碟 !! 係頂到引既 ~~ 呵 !!什菜盤同凍豆腐，當然又係吸湯既野 ~~ 正啦 !! 個豆腐算有豆味 ~ 都唔錯 ! 後黎想加多碟...賣哂...叫左個鴛鴦湯底，麻辣鍋 / 美山鍋，麻辣鍋唔夠酒鍋香同好食 !! 但個美人鍋唔錯 !! 我地食雞同飲湯都覺得唔錯 !! 雞味好夠 ~~ 唔似有落味精 !!黎到話台式火鍋，點少得老油條 !! 正呀 ~~ 朋友仲想食午餐肉添...哈哈 !! 老油條有 encore 架

在金馬倫道路過老鍋的易拉架幾次， 看見價位都蠻高的。但見大家都到晚市鑽不絕口， 就慫恿同事去光顧一下。我們一概1：15分左右到達上到去見到裝修好典雅， 而且冇咩人， 坐得舒服。點知係惡夢既開始。我地叫左一個比目魚肉燥飯， 一個藥燉排骨。飲品珍珠奶茶先來。嘩， 冇味既。好似冇落糖咁。珍珠吸到一半唔上唔落都唔知係個珍珠SIZE有問題定枝管有問題。算啦， 未上菜都要飲佢頂肚， 此時後果檯呼叫個經理， 反映話d肉燥面酸既， 係咪有問題？心諗ohmygod, 好 彩我地唔係叫面。之後等了又等。全場計埋我地只有8個客， 個餐都可以半個鐘未黎。我地45分催佢叫佢比個跟餐燉湯我地飲先啦。之後1點50分我個比目魚餐終於full set上。三格前菜凍既， 可能台灣特式， 算。個比目魚份量ok、但都係淡淡淡，0調味， 要靠點沙律醬同椒鹽先有味。最神就係肉燥飯自動走埋個肉燥。同事個藥燉排骨我就唔多評， 但飲左啖， 覺得同台灣夜市既差幾好遠好遠。 你可以叫佢藥饍湯排骨， 但一定唔係燉。最後個肉燥飯成55分先拎返出黎。花$88食個10分鐘快餐， 真係好奢侈。冇下次

今個冬天忙到好少打邊爐，今日初七嚟到呢間台式火鍋滾滾先。台灣火鍋通常只會諗到鼎王、無老鍋等，唔知呢間位於香港嘅《老鍋》又會係點呢？裡面裝潢有點似台灣火鍋店，中式屏風、燈籠嘅擺設，真係令人好想跑去台灣一趟。位置都算寬敞，唔會太逼，三五知己嚟聚會都唔錯。講咁耐……係時候睇下餐牌先。位於尖沙咀地帶所以價錢都算合理，不過我地係21:30後到，宵夜時段有7折，新年流流獎勵下自己都唔過份。火鍋最重要就係要湯底正，餐牌上有4款選擇。經常捱夜嘅我地……最後揀左養生鍋補一補先。湯底由藥材、人蔘、金華火腿、豬肉等而製成，味道清甜，好味！內裡更好似台灣火鍋店一樣都已經放有鴨血同蜂巢豆腐，而鴨血更係從台灣運過嚟，因為香港都已經甚少有工場製造了，所以更加增添不少台灣風味。其次都要睇下火鍋料新唔新鮮，整體都唔錯。最驚喜係響鈴同炸午餐肉真係即點即炸，午餐肉仲要炸到咁金黄，未放入鍋都忍唔住口食番舊。另一驚喜手打梅菜豬肉丸，口感都幾彈其他火鍋料都唔錯ga~鍾意另類邊爐（吸煙）嘅朋友唔駛愁，老鍋設有露台位置，既可以食住火鍋又可以打住邊爐 （吸煙）。加上營業時間到凌晨2:00，好啱夜鬼嘅朋友。

尖沙咀行街shopping完揀咗這間 老鍋 台式火鍋餐廳， 上到嚟 餐廳環境充滿中國風格，木枱木椅， 古色古香的， 檯椅檯之間也用木制屏風間隔著 ， 開放得泥， 私隱度也很高 😂 我們張枱 安排咗比較入啲嘅位置，轉到入嚟 ，發現原來還有戶外餐枱位置， 真係有 內到外都充滿中國風。 我們選擇了美人鍋， 使用原隻烏雞加不同嘅 藥材而製作的藥膳湯底。 雖然依家中午都比較炎熱但係一到晚上都涼風陣陣 食番個美人 窩 滋補一下 都係一個不錯嘅選擇。 上選美國安格斯肉眼肥牛顏色鮮紅， 帶點 白白的油脂 ，新鮮味美。 巧手嘅刀功， 將每一塊安格斯 牛肉， 切得又薄又均勻， 只需放落美人鍋輕灼一下便已經可以食得了。 這裏的手打肉丸是可以分別點一份和半份量的。 我們點了三款，每款點了半份各有四粒。 芝士牛肉- 鮮嫩嘅牛肉包著流心嘅芝士， 很惹味。 因為灼熱咗後芝士會溶了，非常熱，食嘅時候記得要注意呀 ， 小心 會燙口。 鵝肝墨魚丸- 墨魚丸非常彈牙 粒粒嘅墨魚肉加埋中間既鵝肝， 充滿口感。 黑松露蝦丸- 蝦丸一樣很彈牙， 而且散發著黑松露嘅香味， 十分令人回味。 稻庭烏龍麵 面

今日來到老鍋，第一個感覺很北京，有火管式鍋爐。 如果是正宗的話，入面應該是燒炭，不過香港還是用電磁爐，那可能燒炭，但有那種感覺也很不錯。 不過其實是台灣Style的！鹵味併盤 (HKD128)有豬腸、牛展、牛百藥等等鹵得極入味，非常腍而且惹人一筷子一筷子的夾我們點了個養生美人鍋(HKD198)，當中有原隻烏雞有膠原蛋白、杞子及其他藥材滾後喝一碗，帶微微藥草味，有雞香雞鮮味，暖身滋陰又滋補！ 丸丸我們點了3份芝士牛肉丸 HKD42/半份, 4粒黑松露蝦丸 HKD48/半份, 4粒鵝肝墨魚丸 HKD48/半份, 4粒3種丸都是手打的，每粒大小相約，味道濃濃我最喜歡鵝肝墨魚丸： 鵝肝小小一粒放在墨魚丸當中。墨魚味重帶輕輕鵝肝香，沒有喧賓奪主，非常好吃。 黑松露蝦丸蝦味很鮮，黑松露的氣味也很強，每口都可以聞到。 海鮮點了聖子及鮑魚，份量大隻，非常新鮮落鍋吸收了雞湯精華之後，味道很好，夠爽夠滑又帶清甜安格斯雪花肥牛 (HKD148)薄切，每人大概3-4片落水3-5秒，口感極嫩，加上湯汁，又鮮又有牛味稻庭烏冬 (HKD48)– 出了名又滑麵質又夠煙銀，加上有個小籬可以用來煮烏冬,可以自己控制火喉，

入冬後，吃火鍋的次數自然大增。如果所吃的千篇一律，就會覺得沉悶。 這間新開的懷舊火鍋店，仿古的佈局有趣，以屏風分隔，彷如置身古裝片拍攝現場。 屏風背後路過職員，竟然有點暗深恐怖感。 這裏的擺設也非常講究，木製用品全都刻上店名，感覺高尚。 這裏選用銅鍋火鍋，貫徹仿古的風格。 看到銅鍋火鍋，自然會想到北方的涮羊肉。可惜我對吃羊肉興趣不大，還是選吃平常的火鍋好了。 我和咖喱先生各自喜好不同，他好辛辣，我好清甜，於是就選擇鴛鴦鍋。一邊是辣油滿滿的麻辣鍋，另一邊是美人鍋。 麻辣鍋固然充滿辣椒和不同的香料，反而美人鍋卻有半隻烏雞，夠晒滋補。 烏雞鮮甜肉質嫩滑好味。 美人鍋最吸引人之處並非那半隻烏雞，而是鍋底那些釋放膠質的啫喱。補充骨膠原就靠他了。 菜菜豬自然傾向多吃蔬菜和菇類，豆腐也是我喜愛的火鍋材料。 喜愛搞搞震的咖喱先生就選擇了水餃。 原來麻辣鍋也不算很辣，鍋底內的豬紅和蜂巢豆腐就成為了我的囊中物。他們盡吸收火鍋內的香料精華，非常美味。 鍋底內這些膠質啫喱也絕對不要放過。

台灣狂熱者 勁想念台灣既火鍋 而我之前最愛既係馬辣 但最近台灣既無老鍋勁火熱啊 HIT到爆 而香港都有一間老鍋了 算係幾新開 都未去過 朋友話好有台灣無老鍋feel既 所以就揪朋友一起去啦一開始睇下有乜湯底係必須的 朋友勁愛食辣 我又好愛藥膳既鍋底 所以就嗌個鴛鴦鍋 可以兩全其美 醬汁方面佢有一個好特別係蒜泥汁 睇佢稀稀地但勁夠蒜有紙巾 好方便麻辣鍋拼美人鍋 $198麻辣我地嗌左中辣而美人鍋係有好豐富膠原美白同埋烏雞  杞子紅棗等 撈下撈下仲有好多桃膠 好補 我準備變靚啦~~麻辣鍋布入面有鴨血勁滑 同埋蜂巢豆腐吸入左好多辣粉 沙沙的 但鴨血係正既 同埋各有幾舊 好抵食既鍋鵝肝墨魚丸 半份 $48睇落無乜特別 但其實入面係有啲鵝肝碎既 雖然食落同埋睇落都吾突出 但係食落個墨魚丸係好彈同埋有墨魚粒既 而睇到係手打既 所以已經感到有誠意芋絲 $38我地既最愛 相比其他item係抵食 好多舊 加上有個撈可以擺芋絲入去滾 方便多了上選美國安格斯肉眼肥牛 $168每塊都又大塊又厚 2人食係會飽既 肉質都結實但吾嚡口~蜂蜜白苦瓜汁 $48飲品我點左依個 夠晒台灣風味 但比我想像中細杯 同埋飲落係挺苦