老鍋台式火鍋 (金馬倫道) (已結業)

見天氣凍凍地，約左小寶仔，高富帥同埋PolyU連詩雅出嚟打邊爐。呢間上次都想試，不過冇位、今日原本都無位架，不過佢打返黎話有個客取消左訂枱，太好運了，於是乎我們一行四人去打邊爐。我哋被安排在一個角落坐，環境非常好個火爐非常有台灣感覺，我哋叫咗一邊酸菜白肉，一邊麻辣，酸菜/麻辣火鍋入面嘅酸菜同鴨血可以免費添加一次，正！食物方面質素唔錯，我哋大路地叫咗牛肉，白肉，雜菇拼盤，蟹柳，秋葵。秋葵打邊爐比較少見，不過原來好好食，唔需要煮好耐大概4分鐘到就已經可以食，入面脆脆地。我好鍾意個牛肉，雖然份量唔係好多，但每一片都等於出邊3片嘅份量，好淋，好有牛味。仲有個油炸鬼，浸左落湯一段時間，佢都仲可以好脆。飲品方面，只要喺Facebook度like老鍋個page ,就可以有免費飲品，我們四人決定叫一jar菊花茶，估唔到有驚喜，個菊花茶真係似煲出嚟，入面有杞子桂圓菊花等材料，唔係好甜，清清地，好飲！單點要＄78架

啱啱喺台灣返嚟香港d台式火鍋癮又黎😣經朋友介紹話一定要試呢間係尖沙咀嘅台式火鍋，地點就好方便係尖沙咀一出就見到👍🏻裝修設計非常之古色古香，主要用木做通花屏風design好有中國特色，私人度都好高每張枱都有距離，唔會覺得好迫，感受到老闆嗰種心思👍🏻😎我哋叫咗一邊＂麻辣鍋＂同一邊＂美人鍋＂~湯底真係無得輸，尤其係美人鍋店員都建議我哋先飲咗湯之後再打邊爐，湯底有原隻烏雞好滋陰，我強調啲烏雞肉都好好食😋👍🏻入面既桃膠吸收哂湯底嘅鮮味，甜到一個點係女士首選😍，我哋四個人係飲到見底先叫人加湯😂另外一邊廂嘅麻辣中辣湯底都好有驚喜，眼見好多香料閒上去勁香😋入邊有台灣特產鴨血同凍豆腐，鴨血食落去一啲都唔羶，好滑又有彈性，同香港嘅豬紅好大分別😂而凍豆腐就吸晒麻辣味精華！正👍🏻呢個係店員推介俾我哋嘅每日海鮮，＄59隻象拔蚌大大隻好新鮮又鮮甜！＂特選美國安格斯雪花肥牛＂油花非常之靚，脂肪分布又平均，最短嘅時間入面吸收到最濃嘅麻辣香味＂極品西班牙黑毛豬梅肉＂質地係好爽口，但可能個人口味問題，我覺得豬味稍稍濃左少少，相比之下牛肉更勝一籌！＂鵝肝墨魚丸＂＂黑松露蝦丸＂好花心思嘅手工類丸，特別係黑松露蝦丸，咬落去好有

近排香港興起食台式火鍋，同港式有咩分別？除左湯底有麻辣之外，除有滋補的養生鍋、酸菜白肉鍋等等。湯底裡面會有鴨血、凍豆腐、豆皮之類材料，如果係台灣食，通常可以無限量添加。仲有，食台式火鍋都係單點的，唔好以為係港式的任點任食。係香港，除左「火鍋撚」之外，台式火鍋仲有呢間：尖沙咀的「老鍋」，隱藏係金馬倫道老麥隔離殘舊大廈裡面。呢日即興去冇訂位，好彩等一陣都安排到座位畀我地。雖然裝修都好古色古香，但重點唔係食裝修的我好快已略過呢項，一入去就聞到好香麻辣味，即刻刺激起食慾。坐低先研究要咩湯底，可以點一種，貪心要鴛鴦都得，不過就收取較貴的果種湯底。選左麻辣（小辣$128）拼養生鍋（$198），麻辣湯少麻少辣唔會太刺激，味道香醇，附送的凍豆腐好似海綿咁索滿麻辣湯，簡直絕配。養生鍋由人參、雞、豬肉同其他藥材煮成，本來以為會似台灣無老鍋的味道，但原來一d都唔似，不過淨飲都唔差，有人參同雞湯味，清清地，不過用來灼食物就略嫌唔夠味，要點醬料一齊食，所以雖然兩邊鍋都有凍豆腐同鴨血，我地好快已將養生鍋的材料轉晒去麻辣果邊。順帶一提，呢度收取每人$20醬料費，自己出去調配，有蔥、芫茜、辣椒、蒜泥汁、醋同豉油。材料

雖然天氣已經開始熱但係只要有冷氣 無論幾熱香港人都可以去打邊爐今次同朋友去左老鍋度食好耐之前睇電視已經想食好耐約到天氣都熱埋終於有機會hehe老鍋既裝修好古色古香 好靚而醬料係自己出去拎既 醬料費每位$20湯底大家可以簡鴛鴦或者單一款價錢以最高價既湯底收費我就選擇左麻辣鍋配酸菜白肉鍋 $128麻辣鍋入面有多種香料及藥材 非常香濃可以選擇大辣中辣小辣重點是入面已經有大量鴨血同凍豆腐如果唔係一大班人去食基本上唔洗再另外order鴨血同凍豆腐凍豆腐吸哂麻辣湯既精華真係好正酸菜白肉鍋都係非常好味!!入面有大量大白菜 極品豬王花腩仲有寬粉條 吸哂啲酸菜味 冇得彈~其實初初唔知個鍋本身已經有咁多料所以再order多左幾樣 對2個女仔黎講真係非常多!!上選美國安格斯肉眼肥牛 $288 肥牛價錢雖然比較費但色澤紅潤  肥瘦均勻 牛味都算濃有budget既朋友都可以試試自家鮮做鮮蝦雲吞(半份) $48 雲吞味道都OK 但唔算特別建議大家可以叫啲特別既丸食下梅菜豬肉丸(半份) $36 初初對依個丸冇乜期望但一咬落完全有驚喜!! 食落好彈牙~鵝肝墨魚丸(半份) $42 墨魚丸是手打的非常爽口 咬開仲有啲汁流

睇咗馬家開飯。黎咗《老鍋》一試。環境幾特別。唔係一般酒樓格局湯底有4款。我地揀咗「美人鍋」。食咗變美人上選美國安格斯肉眼肥牛～肥牛好嫩滑。入囗好juicy 。鴨血～份量有十幾片。口感結實。唔係一夾就散嗰d劣貨。整體唔錯。價錢貴咗d 。

可能午餐吃得不多，在iSquare看完電影出來，在附近轉了兩圈就有點餓了。走到金馬倫道，看到一個職員剛剛拉起一個易拉架。越看越熟悉，原來是之前飲食節目介紹過的台式火鍋！看到麻辣鍋還有美人鍋的鍋底介紹，我只聽到自己打鼓的聲音🙈🙈。於是直接上樓啦～餐廳裝修別具一格，可見老闆也是花了不少心思。最喜歡這種中式設計，食客可享有privacy。建議人數比較多的話，還是要預先訂位，餐廳可以預先調整。我們入座時間比較早，食客不多；職員還溫馨提示我們如果8:30pm離座還有7折優惠喔～ 湯來了，滾起後，當然要喝一碗養顏美人湯啦～ 美人湯湯底：有半邊烏雞，杞子，南棗，桃膠等配料，湯的色澤通透。桃膠Q彈Q彈，烏雞肉很滑，湯很清甜。麻辣鍋湯底：第一次吃不敢選太辣的，即使是小辣，也吃得出是遷就了大多數港人的口味，麻度不能跟川菜的作比較。加入了台灣直送超級吸味的凍豆腐還有招牌鴨血，食慾大增～ 如果不夠，店家還會免費添加喔～一邊喝湯，一邊選火鍋配料。這兩款手打丸都有我喜愛的元素，墨魚丸非常爽口，輕輕咬開還有些許汁流出，剛開始還在想店家會如何處理鵝肝，原來包在裡面！哈哈～ 沒有腥味～ 頗香～ 雖然相比之下蝦丸沒有那麼

之前有提過自己對火鍋有啲要求, 對於嗰啲湯底無內涵的火鍋, 又或者配料未去雪就放上枱比客的火鍋店...一啲興趣都無今次吸引到我的就係我最愛的台式火鍋 - 好似...麻辣鍋、酸菜白肉鍋、美人鍋(骨膠原)、養生鍋(藥膳)店內的環境古色古香, 而且用上仿古通花屏風來營造出空間, 每組食客都會有適當的距離鴛鴦鍋底 - 麻辣 ➕酸菜白菜麻辣鍋 - 有台灣直送的鴨血 & 凍豆腐, 仲同台灣的火鍋店一樣, 店員會不斷添加呢兩樣麻辣鍋內的靈魂配料, 湯底的香料和藥材份量十足, 麻辣湯的香味不斷撲鼻酸菜白肉鍋 - 有我最愛的寬粉條...而且用來煮菜, 菜會特別清甜上選美國安格斯肉眼肥牛 - $168疱到一卷卷的牛肉賣相好靚之餘, 雪花部份平均, 牛肉食落口好軟嫩, 仲要成隻手掌咁大塊黑柏葉 - $78, 不愛吃內臟的我就只會吃牛柏葉, 見到呢度有未經漂白處理的黑柏葉就更加要叫一份啦, 吃起來比較有嚼勁芝士牛肉丸(半份) - $42好喜歡呢類手工丸類, 自家製作...感覺都新鮮啲, 鮮牛肉丸咬開...芝士就留出, 第一次食呢個配搭, 原來都幾match😋炸豆皮 -$48豆類項目的選擇好豐富, 苦惱於炸豆皮

終於黎到啦!! 因為受TVB近期的飲食節目"馬家開飯"影響, 急急走來試一試以免人多, 預訂了六點Wow..... 很有中國傳統嘅感覺, 古色古香, 而且, 呢個無咩人嘅時段, 更有氣氛基本上, 有四種湯底, 分別係麻辣鍋$128、酸菜白肉鍋$128、美人鍋$198、養生鍋 $198，鴛鴦鍋則以較高價錢湯底收費很喜歡這種鐵鍋, 很大座, 跟平時那隻不锈鋼鍋大大不同, 很有特色火鍋前, 食返個鹵水拼盤, 微暖夠腍,鹵水不太鹹, 都OK唔想咁DRY, 選了麻辣鍋拖美人鍋 , 但提一提, 小心隻手掂到個圓柱，唔係好快起水泡咁大塊豬紅, 很明顯係台式麻辣鍋, 須然這是大麻辣, 但真的不太辣美人鍋內有桃膠/烏鷄及藥材等材料, 湯底藥材味不太濃烈, 反而幾清甜桃膠口感幾特別, 有點似燕窩, 但較有咬口醬油配料有5-6款可選擇, 不是很多, 但特別在用"蒜泥汁"及"香醋"清清地, 我較喜歡, 反而這樣凸顯食物的味道, 不會被醬油蓋過火鍋料點了蟶子皇,安格斯肉眼肥牛, 西班牙黑毛豬梅肉, 千層豆腐, 雜菜盤店員仲教我哋在水滾時, 蟶子滾兩滾，約七秒就食得安格斯肉眼肥牛, 少脂肪, 牛肉佔量比例高, 又

原來火鍋也可以romantic,因為燈光暗暗的,椅子及裝飾特別，情調都幾好！以下是我一個月來了3次綜合的圖片，每次只有2人進餐，不能叫太多野食，唯有分幾次來。3次都是自己比＄來，我又唔識老闆，無任何著數，只有貪早埋單有優惠！ 因為想試哂所有湯底至🉐️，所以來了3⃣️次呢！香港人在任何天氣也可以食火鍋湯底足料，可以當湯飲的美人窩湯底，無花無假，可見窩內有半隻烏鷄，另一湯底：酸菜白肉湯內有足夠2至3人份量QQ寛粉條。另一湯底養生窩，我個人應為因有多種藥材不太適合火鍋，如果喜歡台灣麻辣湯底，呢度口味可以改微辣，口味適合香港人，雖然是半窩湯底也有10多片爽甜的正宗台灣鴨血，昨晚不知為何免費追加10多片，食5哂添！所有手工丸又爽又足料！牛肉芝士丸,松露蝦丸丶花枝丸只有最差的是沒有韭菜味的韭菜餃，因韭菜份量少到差點以為是蔥花，職員説他們的韭菜餃是肉比較多😓，好在水餃及雲吞好味，內𥚃的蝦又大隻又新鮮。羊肉沒有味，賣相唔靚，無影相，羊肉又太肥溫馨提示：兩個人初段唔好叫太多食物因為湯底內已好多料！8:30pm 前埋單7折

一間喺tst時打台式邊爐店 食店環境舒服 裝修好古式古香 而且設置私隱度高 好適合朋友傾計食飯 食店食材新鮮特別 除左打邊爐仲有台式小食等等麻辣鍋 &酸菜白肉鍋 鴛鴦 128 蚊 中辣 有多種香料同藥材 有辣椒麻子龍眼等 加入鴨血同凍豆腐 盡吸辣汁 唔會話太搶辣 但又好香 正 而酸菜鍋有秘製東方大白菜 極品豬王花腩 配上qq寛粉條 粉條好爽口彈牙 豬肉好肥味 大白菜好有口感 酸得黎好開胃鵝肝墨魚丸 半份48 蚊 自家製彈牙時墨魚丸 好香墨魚味 口感彈牙 入面釀左一細粒鵝肝 少少油少少粉時質感 同墨魚丸好match 黑松露蝦丸 半份48 蚊 蝦丸都係手打 好彈牙有新鮮蝦味 而出面散佈住 黑松露粉 食落每一啖都有黑松露香 好味 自家鮮做韭菜餃 半份48 蚊 皮好爽滑 入面時韭菜好新鮮夠味。食落juicy唔錯 自家鮮做極品水餃半份 48 蚊 水餃 大大隻 皮夠爽同薄好有蛋香 入面時蝦肉彈牙新鮮 豬肉 煙靭juicy木耳爽口 好好味美國梅花豬肉88 蚊 切得好靚時梅花豬肉 豬肉切得夠薄 油脂唔算好多 食落好軟滑 .而且質感偏遠 所以盡吸打邊爐醬汁梅菜豬肉丸36 蚊 半份 豬肉好肥味 打

聽聞這間餐廳是正宗台灣火鍋..而朋友也來過幾次.所以對這次蠻有期待的.但可惜讓我失望..首先我們知道有室外吸煙區所以訂位時說明因為不吸煙，要安排坐室內.當時負責人說沒問題的.但到了之後卻被安排坐室外..當然我們有反映..反可惜得到的答覆是暫時沒有其他客人坐附近.所以吸不吸煙也不影響...😅既然係咁~我地都冇再理了~我們叫了鴛鴦鍋（麻辣味和酸菜白肉）麻辣味叫了小辣 (說實在湯底令人失望 , 麻辣味沒有愈食愈麻的感覺, 而酸菜白肉..湯底是OK的~但是酸菜只有幾條..白肉只有4-5細小塊)肉類方面~叫了豬肉和牛肉,呢二種肉都值得一試~很新鮮~有肉味~之後也叫了些丸, 餃, 黑百業, 響聆和老油條好像是蝦丸和墨魚丸 , 雲吞和水餃 (丸不錯..但水餃好像不太新鮮)黑栢業 (切得比較碎, 而栢業又好快會縮水, 好像沒吃一樣)響聆 (不錯)老油條 (很多人推介,所以叫了試試.但個人覺得很有油膱味, 可能是因為咁先可以令到油條咁硬和脆)正體來說.. 有點失望..當然要對比台灣的沒什麼可能..但如果以這樣價錢來說.試一次就夠了還有聽朋友說.如果是在沒有在特定的時間來吃..材料會好些.. (不知是不是

吃麻辣火鍋我頗喜歡台式的那一種，味道夠香旁邊還附上熬了很久的足料無味精湯底。美人鍋拼麻辣鍋（$198）美人鍋：桃膠；含豐富膠原蛋白材料有原隻烏雞；滋陰補虛勞，配以杞子、南棗、金華火腿老火熬製湯頭，是女士養顏之選。湯底煲滾後，先來一碗鮮甜可口的藥膳烏雞湯，鮮甜可口。麻辣鍋：配幾多種香料及藥材，用心調製湯頭，再加入台灣鴨血及豆腐，口味地道而不膩。鴨血同豆腐都超級嫩滑，吸收曬麻辣湯底味道，食完仲可以免費添加的！食材方而也相當出色，火鍋配料郊鮮，賣相精緻可觀。自家鮮做極品水餃（$48/半份）自家鮮做極品雲吞（$48/半份）梅菜豬肉丸 （$36/半份）芝士牛肉丸（$42/半份）鵝肝墨魚丸（$48/半份）黑松露蝦丸（$48/半份）

今次聚會，揀左台式火鍋- 老鍋餐廳位於尖沙咀，地點方便美人鍋用料好多，有多種藥材，店員叫我們先飲湯，再放其他食品先嚐一口湯，湯比預期淡少少反而酸菜白肉鍋，好好食，酸菜惹味開胃，白肉好爽，唔喺好肥

一星期前打黎訂位, 訂左今日(25/3 星期六中午1點), 食中午主要因為午市火鍋有7折, 電話中職員都有確認過, 開開心心期待左一星期, 點知1點鐘上到去, 漆黑一片無燈又無人, 竟然無開門😨😱 個下真係火都黎問樓下看更佢話呢2日都無開頂!!! 唔開門唔會打電話通知客人嗎？好好奇係咪財務有問題? 係咪執左笠?但完全無牌無紙寫住休息, 樓下仲貼住寫請人! 但個電話一樣打唔通...........!!!!點解可以咁好嬲好嬲囉

今日去重慶唱錢，唱完就食飯，當時五點幾，行過見到老鍋嘅易拉架，諗起馬家介紹過，八點半前仲有七折，不過轉試呢間啦。入座睇吓點菜紙，一睇以後自己老花，咁矇嘅，款式唔算多，我地兩個人點咗，安格斯肥牛同肉眼，牛肚，蟶子，鵝肝墨魚丸，黑松露蝦丸，魚皮餃。湯底叫咗麻辣大辣狗酸菜白肉，麻辣湯底好台灣風味，不過得bb辣咁，同侍應講完即刻幫我加辣。而酸菜鍋就酸得幾開胃，食咗幾個字先知有水晶粉，好入味，不過太淋，如果一早知就會好食得多。之後嚟咗肥牛，味道ok，不過一淥就散開兩件。過咗幾個字再嚟咗肉眼，牛味濃啲。叫咗佢地西柚味生啤，幾好味，女仔特別啱，食食吓發覺已經入座咗成粒鐘，點解都無其他嘢食到嘅，追一追單，原來廚房有問題，話未出到嘢食住，再等陣就有個經理話廚房漏煤氣，所有order要取消，吓！！！食得兩碟又唔飽，點算呀！後來經理話全單免費，仲請我地飲多兩杯生啤添，佢地仲不停致歉。雖然食唔飽，不過食物味道唔錯，餐廳仲願意自動請客，好欣賞佢地嘅態度，下次一定再嚟幫襯。最後梗係唔飽，去咗食串燒。