老鍋台式火鍋 (金馬倫道) (已結業)

今天跟好朋友慶生，所以便去了尖沙咀的老鍋台式火鍋，敘舊一番。到了餐廳，古色古香的裝修很有情調，私隱度也很高，每四枱便有屏風包圍著！因為朋友不吃牛肉的關係，我們叫了一個麻辣拼酸菜白肉鍋 ($158)，墨魚丸($48)，蝦丸($48)，鮮做極品水餃($48)，鮮做鮮蝦雲吞($48)，鮮炸響鈴($68)和魚肉小湯包($48)！麻辣鍋我們點了小辣也很刺激，其實不用沾醬料也很夠味，如果太辣的話就可以食番酸菜白肉鍋，降溫以下！麻辣鍋裡面有豆蔔，鴨血，而酸菜白肉鍋除了酸菜和五花肉之外，還有寬薯粉！很抵食！火鍋配料來了！墨魚丸和蝦丸都是手打得，很結實和彈牙！極品水餃和鮮蝦雲吞是我最喜歡的，因為很足料，大大的鮮蝦包在水餃和雲吞裡面，很好食。鮮炸響鈴也是脆脆的，放在鍋裡3秒就撈上來食，剛剛好！最後魚肉小湯包蠻有驚喜，它是一顆很想醬爆肉丸的小湯包，咬開的時候真是要小心一點，熱熱的湯汁會爆出啊！

自從食過台式火鍋真係返唔到轉頭湯底真係冇得頂最近成日落雨 好有涼意一於去打番個邊爐香港都有唔少台灣引入既火鍋店今次就試下呢間環境都幾大 幾有古典味連調味料都特別精緻餐牌好多配料揀我地叫左養生鍋湯底湯底有多款名貴藥材同人參仲有火腿 老雞 豬肉落配料前真係可以當湯飲好鮮甜 好足料特級美國安格斯雪花肥牛肉質好軟身 脂肪分佈平均果然係特級黑松露蝦丸好彈牙好爽口魚肉小湯包好得意 入面好似小籠包既味松葉蟹棒好新鮮娃娃菜巨峰梳打呢到既湯底真係好養生而且配料全部都好新鮮高質

冇相既評論有冇人會睇？😂五個人一個鴛鴦鍋 美人+酸菜白肉 個湯底好味又足料 有好多桃膠 白肉同寬粉好正又有蔬菜火鍋配料新鮮 碟頭細不過人老左食量少左ok啦質素比較緊要響鈴好油但點都要食條 不同於港式響鈴佢好厚身 個人比較喜歡火鍋撚嗰隻咸蛋黃豬油丸尼啲咁邪惡既野唔係度度有梗係會試下 好彈牙咸蛋黃味好香只係作為一粒豬肉丸佢就冇乜味肉類好食 海鮮類冇試 反而忍唔住叫左個鹽酥一口豆腐 真係外脆內較又香滑 唔錯的魚丸小籠湯包可以skip😂 蝦丸個味都係唔濃但彈牙 其實我又有個疑惑呢啲丸係咪唔應該咁彈咖..嗰三支台灣手工啤酒甜到一個點都唔知自己係咪飲緊酒 荔枝石榴烏梅 完全係....我個人好唔ok既嗰類貴，尼度真係幾貴，食都幾好食重點係 嗰度嘅比較高級嘅員工真係好唔識做 明明見到人哋都差唔多食完 一到兩個鐘就係咁趕你走 而且當時係十分之多空枱 一個講完唔夠1分鐘另一個又走來講 隔多幾分鐘佢又再尼趕 其實你趕呢就唔緊要嘅 都要有返少少技巧說話內容令啲顧客舒服啲香港地咁多食肆又咁多好嘢食 咁梗係揀番間自己食得舒服㗎啦🤗 好似愛情咁愛唔係大晒㗎要有好多其他因素配合

之前一家大小去台灣旅行食完台式火鍋，大家都覺得鴨血真的令人上癮！仼食鴨血又係超吸引，仲記得嗰晚幾條友都捧住個肚走....所以中秋節前夕，和屋企人出嚟嘆多次台式火鍋，但香港地台式火鍋價錢真係偏貴，不過湯底都幾好，食物新鮮，喜歡台式火鍋可以一試

呢排天氣有啲涼涼地，最啱就係打邊爐。今次我哋揀咗係尖沙咀嘅老鍋台式火鍋，係朋友介紹嘅。今次我哋揀咗個鴛鴦鍋，係美人鍋同養生鍋嚟嘅，呢個仲係加強版，應該更加好味。養生鍋係包含咗多款名貴嘅材料包括有人參同豬肉製成嘅湯底，所以就叫做養生鍋。呢個係精選手切牛肩肉，每片都切得好均勻，肉同脂肪嘅比例幾好，所以肉質都好肥美。呢個係手切安格斯牛小排，係小嘅份量。顏色好鮮紅，雪花嘅部份亦都比較多。肉質比較厚身。呢個係芝士牛肉丸，都整得好細粒。不過入面就有好多芝士溶出嚟，而且都好爽口。

最近朋友介紹我到了這間火鍋店吃火鍋，所以我便和家人一起去吃火鍋。這裏的選擇也挺多的，除了火鍋的湯底外，肉類丸類的選擇也很多而且這裏的鍋也很特別，很古色古香，就像是古代用的，應該是用銅製造的所以特別耐熱。我們選擇了一個鴛鴦湯底，左邊是養生鍋，右邊是美人鍋。而且美人鍋更是必食之選，含有豐富膠原蛋白，而且還有一整隻烏雞，非常滋潤而且補虛選。另外我們還叫了粟米，可以令到湯底更加甜，而且粟米也非常香甜多汁。這是炸鹽酥雞，炸得很香口，而且粒粒大細也差不多，一粒一口，十分方便。另外，醬汁要在外面拎的。

台式火鍋引人之處在於湯底平時因為半價關係 去開另一間台式火鍋店 今日同友人決定試試呢間睇下有咩分別我地點左美人+養生鍋美人鍋偏咸 養生鍋有藥材味（但無雞既？）不過明顯地 烏雞未煲淋 人參個芯未淋 証明料同湯分開煲 有點失望魚旦小籠包 抵食之選要成隻擺入口先有小籠包感覺如果分幾口咬 就變成有餡既魚旦因為必食之選而叫的 牛肉味頗濃其次再叫了菜，丸，粉及餃 二人埋單六百幾蚊好飽好滿足總括黎講 環境及服務 比別間好但食物質素及價錢卻不及下一次 還是回老地方

今日放工走到尖沙咀金馬倫道的老鍋台式火鍋店為友人慶生，地點很方便，尖沙咀站B1出口右手邊就是了。坐底無耐就有店員來問你需要落左湯底先嗎，因為我唔食得辣，所以選左「酸菜白肉鍋」($158)，之後就揀野食，食物的種類好多，我地揀左4樣，初初仲擔心會唔會點得太少，但一見到個湯底煲，即刻擔心食唔哂。酸菜白肉鍋之前係台灣都食過依隻湯底，依度有過之而無不及，湯內有大量的配料，東方大白菜有秘方醃製過 ，有酸味，但又未去到好酸， 頭一啖飲個湯底係酸D，開左胃之後一路滾，中和左湯底的濃膩，就唔覺得酸了。 再配上大量切得薄薄的極品豬王花腩同大量的寬粉條， 鍋底材料非常豐富! 湯底酸甜，寬粉條煙煙韌韌又唔痴底，索哂味好入味。湯底仲有大量的胡椒，但又唔覺得辣，正~我地揀左的4款食品包括︰手工丸拼盤 手工丸嘅配搭包括墨魚丸、蝦丸、流心咸蛋黃豬肉丸、梅菜豬肉丸和芝士牛肉丸好有創意，粒粒都足料製作，肉感重，雖然唔係爽口彈牙，但又唔會粉，而最特別我覺得係流心咸蛋黃豬肉丸，咸蛋黃味超重精選手切牛肩肉 一碟的份量唔算太多，但塊塊薄切，好快就熟，肉質韌有咬感，少油脂，比起平時食的肥牛健康D餃類拼盤 友人係餃子愛好者，一款餃

黎到尖沙咀呢間差d book唔到枱既火鍋店，flag左好耐想試，好彩最後都食到。.🔺美人鍋拼養生鍋 $228兩個湯底都幾好飲（不過有味精）。養生鍋真係有大大條蔘，美人鍋就有半隻烏雞。湯底都幾足料，個人比較推薦養生鍋，好有蔘味同埋比較濃。烏雞其實都好入味同埋煲到好淋。.🔺安格斯雪花肥牛 $188得十片，一口食左$20既感覺，就係比較少肥既肥牛。不過肥牛呢啲必點既。.🔺花鵰碎雞件 $88都算多，好香酒味，煮完雞件好滑好好味🤤.🔺手工丸拼盤 $108十粒。不過幾特別既係鹹蛋黃丸，咬落去有成隻鹹蛋黃仔，原來都幾好味。.🔺炸響鈴 $68八件，以0.5秒既速度落水上水，炸得好脆，好好味！推薦！.🔺鴛鴦雙蛑 $178可以唔叫。.🔺杞子杭菊露 $88 Jar降火是必須的，入面有好多龍眼肉，微甜得黎有菊花既甘味。.其實仲叫左好多野不過無咩特別唔講咁多。好食，都貨真價實，但貴啊。呢餐食得飽，人均$280。如果兩個人去就唔好喇，無得share唔抵。多人去就好好多，不過記得一定要book位。

尖沙咀收工走人，同事突然話想打邊爐，經過金馬倫道望到塊牌見到養生鍋💆🏻‍♀️，就比佢吸引左,之後就去咗試試喔！大約七點時間，好彩不太多人，不用等位！👍🏻就係呢間☝🏻老鍋！點選了我最鍾意嘅（麻辣鍋），同埋見到餐牌上有個叫（美人鍋）都幾得意，就叫埋吧！即炸響鈴，真係好少地方有得食了，我一見到就急不及待即刻落單，真係好香脆亦好有層次👍🏻，放落美人鍋，連湯一同吸收即食，超好味，必叫推介！鮮甜😋

冷氣唔夠，帶子無味，珊瑚䂜腥，分量少，喺某app訂位5時入座有半價，一分錢 一分貨，算！按照訂座條款，所有單點食品一律有半價，埋單時竟發現海鮮並不算單點食品！與職員理論，竟以「餐廳保留最後行使權」回應，並要求我向 某app 投訴，搬龍門兼交波，叻！某app 堅持海鮮非單點食物，我要求對方指明哪條條款說明「海鮮非單點食物」及「海鮮屬海鮮價」，當然迴避問題啦，並溫提我落單前向餐廳職員查詢，唔該晒喎，「訂座條款」是多餘的。幾十蚊香港人唔介意比你呃，但貴為中高檔火鍋店，這種做生意手法及態度令人討厭。去$108任食兼比亞姐黑面好過!

行過尖沙咀，一行四人，朋友突然話想食火鍋經過望到塊牌見到（美人鍋)就比呢三個字吸引左,之後就上咗去試試！六點時間，只有一兩枱客人，不用等位，太好了！決定咗揀選我最鍾意嘅麻辣鍋，同埋唔少得嘅美人鍋啦！湯底來了，服務員先叫我們品嚐一下湯嘅味道，湯料十足👍🏻的美人湯，內裏有一啲藥材再加上半隻嘅烏雞，好入味，又濃郁，另一邊就係麻辣湯底，我今次叫嘅係小辣，豆腐同埋鴨血都係一流嘅，同我喺台灣食嘅差唔多😋即炸響鈴而家好少地方有了，我一見到即炸呢兩個字就急不及待即刻叫，真係好香口👍🏻，必叫推介！鱔片....一片一片薄薄的.....唔需要滾大耐就可食得.....牛肚好少地方打邊爐有 完全冇騷味 食落有咬口 特級牛肋肉，脂肪平均分佈，在熱湯裏輕輕一灼，再加上醬油，入口那份牛的油甘味在口腔內湧出。手打咸蛋豬肉丸，爽口彈牙😋😋😋咬開蛋黃有小小油流出，咁香好味。呢個寛粉條極力推薦，吸入濃湯，爽果超入味😋😋😋

今日約了三位好朋友出來食飯，咁啱大家都喜歡食火鍋，相討後大家決定去尖沙咀呢間老鍋台式火鍋聽問佢地個美人鍋都好出名，又可養顔，又可以養身。內在環境有點古式既感覺，每張枱之間都有屏風間開，空間感較寛闊，感覺有點私人空間，同幾個朋友暢談也非常適合湯底有四款，款款都吸引呢兩張餐牌係舖頭推介食物內面有幾種醬料自由配搭及選擇湯底選擇左兩款美人鍋同麻辣鍋，滾起後可以先飲湯、補一補先，美人鍋有豐富膠原蛋白，原隻烏雞、配上杞子、南棗，簡直係女士養顏之寶。😋😋😋湯入面好多桃膠，飲咗三大碗叫咗個美國特級牛肋肉，牛肉紋理清晰，切得有點厚度，比肥牛更加有口感。咬落去非常軟熟。牛肉味香濃，無論浸係邊個湯底都一樣咁好食。即炸脆響鈴...火鍋必食物，味道不錯👍台式邊爐點少得鴨血，望落都知道佢有幾滑，質感實在唔容易散開，濃滑香口。

一班人難得聚埋一齊梗係要去恰下恰下啦，雖然天氣熱，但係都無阻想食打邊爐既癮。叫返個鴛鴦鍋，想食辣又得，唔辣都得香菇貢丸，好香豬肉味，又彈牙響鈴每一天打邊爐都會嗌，但係參次不齊呢間絕對停唔到口，因為係鮮炸，特別脆台灣空運過黎既冰菜，連埋碟醋比我地，原來係新鮮到可以當沙津菜咁食，估唔到咁爽脆手打肉丸，肉味夠，爽口又彈牙！咬落去重有肉汁添餃餃拼盤，有四種唔既餃魚皮，水餃，雲吞，菜餃炸午餐肉，放落個辣鍋度幾秒就可以拎返上黎食，估佢唔到咁正打邊爐梗係要飲返啲清熱野飲咁多餸先似打邊爐架嘛正

我地一行18人，預先book好枱，雖然已經係安排咗一個房俾我地，可能無咁大張枱坐曬咁多人，所以就變咗一張大圓枱+一張4人枱，我地唔介意分開咁坐，只係2枱人要傾計就辛苦D姐😓湯底我地揀咗麻辣鍋、美人鍋、養生鍋，D湯好正好入味。食物叫咗好多嘢，有手切安格斯牛小排、手切牛肩肉、極品黑毛豬梅肉、嘉美農場雞肉、新鮮脆鯇片、墨丸、蝦丸、芝士牛肉丸、餃類拼盤、滑豆腐、凍豆腐、鮮炸響鈴、雜錦蔬菜盤、有機玉米、厚切日本山药、冰菜、羽衣甘蘭、鴨血、松葉蟹棒，全部都好好食好新鮮。飲品叫咗冲繩黑糖烏梅汁、杞子杭菊露，烏梅汁太甜，杭菊露甜度適中比較推薦。服務都唔錯，不時主動幫我地加湯、收碟。最後埋單6千幾，仲可以join member，下次再去食只要俾電話號碼就可以85折，正呀！