老鍋台式火鍋 (金馬倫道) (已結業)

我地9個大人2個細佬埋單$5888，茶介$22位收足11個，連2個小朋友都要收(1個5歲，1個3歲）⋯雖然無食啲咩靚嘢，海鮮果類更加無叫，最矜貴已經係碟牛，都要3百幾蚊碟，相比其他火鍋佢算係貴⋯最絕係我地一行11人，佢無圓檯，比張4張拍埋一齊嘅方形檯我地，我地打長嚟坐，好似公司開會咁，夾嘢食好唔方便，烚嘢食就更難，變相要夾硬叫3個湯底，一個湯底$198 x 3 ，咁樣淨係湯底都收你差不多6舊水！由於係打長嚟錯，叫嘢食同款嘅變相要叫多1、2份，否則坐頭尾檯嘅人夾唔到嚟食，不過佢碟碟嘢都份量唔多，叫多1、2碟都唔會覺得好多，當然佢嘅火鍋料價錢係比人地貴一陪！但係佢嘅食物同湯底事實係好味，係新鮮，最值得一讚係白鱔片夠晒肥，重點係無骨絲，夠細心！鴨血都ok，始終香港有得食鴨血嘅火鍋店唔多，同埋佢個湯底🍲藥材味好香，麻辣唔會好油....只於服務質素就普通啦，出嘢好慢，啲服務員無咩記成，落漏嘢，叫佢攞嘢轉頭又無會事，總知要催幾次....

終於有時間寫回聖誔新年的食評🤣聖誕夜為免吃西餐或自助餐多人難訂位，剛巧又見到老鍋有香檳火鍋套餐，於是便決定試一試！坐底先飲杯香檳，Bollinger的香檳口感不錯，雪的也夠冰凍。湯底選擇了美人鍋， 內裏有烏雞，桃膠，杞子， 紅棗,淮山等…材料豐富，滋補養顏。在等火鍋滚起時，先吃幾款小吃:鹽酥一口豆腐，炸得內軟外脆，十分香口，好好吃。椒鹽鴨舌，本人是不吃鴨舌的，但聽同枱其他人的反應，應該和一口豆腐一樣，都是得十分香口好吃。招牌鹵水拼盤， 有金錢肚，牛鍵，大腸，鹵得十分入味又夠淋。 象拔蚌刺身，象拔蚌十分大隻，新鮮甜美，生吃或放在湯中灼一灼，均十分好味。CAB手切牛，睇個樣都知好食, 雪花分佈均勻，牛味十足。杜洛克黑豚肉，有意外驚喜，豚肉味濃，想不到咁好吃。什錦蔬菜籃， 正常蔬菜，鮮甜新鮮。手工丸拼盤， 質地爽滑彈牙。有機粟米拼大根， 二樣都十分鮮甜好吃。鮮炸響鈴， 響鈴新鮮即炸，上桌時還是熱辣辣的 ，忍不住就咁吃了一個。 最後還有雪糕糯米糍做飯後甜品$688一位，聽落好似好貴，但在聖誕夜這種佳節日子, 有香檳又有新鮮美食，個人認為還可接受，至少好過去人迫人食自助餐。

天氣轉凍最啱就係打邊爐 但係港式火鍋已經食到悶 加上我係一個無辣不歡的人 就上網搵搵吓香港有咩台式麻辣火鍋 甘啱星期六晚收工時打過去話有位五洗等喎 甘就二話不説約朋友即刻行去試試！餐廳裝修得古色古香非常中國風 環境較暗但比較有私人空間 唔會同隔離張枱貼得好近 座位都寬闊坐得舒服我地揀左鴛鴦鍋=酸菜白肉+麻辣佢嘅麻辣湯底勁正 同喺台灣食嘅完全冇分別 麻辣鍋入邊本身有鴨血同豆腐 鴨血超級好味又滑又入 而且服務員好貼心👍🏻會之後問你夠唔夠辣 所以怕辣嘅可以先根據自己口味再額外再加辣加麻另外酸菜鍋裏面有粉條腩肉同酸菜 非常開胃好食 所以兩個都係我嘅至愛 一鍋滿足我兩個口味😋食物高質素 基本叫左牛呀菜呀面呀 珊瑚蚌貴妃蚌好新鮮 另外我哋試咗鵝肝墨魚丸同鹹蛋豬肉丸都好好味非常彈牙 下次一定要試埋另外嗰幾款！我地九點半後入座原來仲有八折 而且呢度嘅口味同台灣當地嘅台式麻辣火鍋一樣 服務員態度亦都非常好 大讚

今日慶祝朋友生日 天氣漸涼 所以特別想食火鍋 亦好搞住台灣火鍋 上網搵左一輪決定試下呢間～ 因為都full booking 正常無限時既 不過侍應幫我地安排到 只要8 點交枱就可以了 今日6 點入場 只有4/5 枱 食到一半已差唔多滿座點左個鴛鴦鍋（酸菜白肉鍋 麻辣鍋小辣）首先湯底方面 麻辣鍋 小辣真係無咩感覺 應該叫中。不過同行友人不好辣 話呢個可接受 不過愈煲愈麻 兩個女仔心思思 都叫左幾多野食 酸菜白肉鍋入面材料都好豐富 仲有闊條麵（好似紅薯粉）酸菜 幾好食～兩個鍋比較個人鐘意酸菜白肉鍋多d ～ 丸菜方面無咩驚喜 不過餐廳環境 侍應 唔錯 食物正常 都值得再返黎食～ 食物盡量食晒不過都係做左小晒鬼 最後埋單 價錢比想像中貴（其實可小點兩三樣 因為都食唔晒）推介大家可以試下炸芋頭 荔枝啤酒呢個間係可以返食的 不過再試下唔同火鍋料～

今日，同個火鍋控去SHOPPING，一早決定左食火鍋啦! 左行右行無意間發現，左間台式火鍋，我地決定去試試啦！試下呢間老鍋台式火鍋啦 ! 麻辣鍋雖然要左小辣，但依然辣到變左紅唇娃，麻辣鍋入面本身有豆腐同我至愛的鴨血！好滑好正牙！配麻辣湯底食簡直一流！而麻辣鍋仲有多一次免費加鴨血！！極品西班牙黑毛豬梅肉片脂肪分佈均勻，油脂好靚，豬味濃！鮮蝦雲吞:新鮮又彈牙，充滿蝦味!梅菜豬肉丸 : 梅菜加豬肉不錯組合，而且肉質幼嫩口感一流 ! 鵝肝墨肉丸: 好彈牙，入面係有粒鵝肝架，真材實料，味道不錯！最後仲要食番個個寬都條！加落個麻辣鍋底到，辣到勁正！整體來說真不錯, 可以再試其他火鍋湯底 ! 

和女閏蜜們出來傾心事，點可以有時間限制？！「老鍋台式火鍋」除了可以讓我們慢慢食、慢慢傾，又唔怕食物會食到最後攤凍之外，這兒還有一個「美人鍋」，啱晒我們一班貪靚又養生的閏蜜。這兒的坐位是一個一個室，感覺私人，很適合傾心事。多款醬汁自己調較。湯底方面，我們選了麻辣拼美人鍋總覺得食台式火鍋一定要有麻辣，但我們三都不是太辣得之人，所以選了「最小的辣」，最小的辣都有濃濃的花椒香、又真係唔太辣，啱晒唔辣得之人過過癮（但當湯越滾越濃時就開始好辣，小心）而美人鍋就清清地，內裡有很多桃膠，充滿骨膠原打邊爐一定無牛不歡，點了這款「美國特級牛肋肉」有牛味，脂肪同肉的比例剛好，好味！！「西班牙黑毛豬梅肉」，切得不太薄，咁先有口感，有脂肪又不太漏，很滑，好味！台式火鍋「鴨血」亦是必食，這兒的鴨血都幾彈牙！！但略欠鴨血味，所以都係落落麻辣鍋較野味！！雲吞沒太大驚喜但墨魚丸同蝦丸就好好味，好彈牙，必點！！響鈴是朋友至愛，這兒的響鈴即炸，都幾夠脆！！「羽衣甘藍」好新鮮，好脆口萵筍都好新鮮總括來說，「老鍋台式火鍋店」真係很適合幾位女friend子來吹下吹，滾下的好地方地方乾淨唔麻甩，又有私人空間！！但埋單三個人$130

因為睇到openrice食評所以和朋友到店內一試，只能說期望愈高失望愈大首先點了麻辣和酸菜白肉湯底，麻辣鍋一般，酸菜鍋唔夠酸，有陣竹筍味，怪怪的叫左滷水拼盤和鹽酥雞做前菜，點知食到一半先黎，牛肚和牛展都好硬，另外叫左8樣配料，墨丸和雲呑都不錯，響鈴新鮮，其他都一般，皇帝菜都要$68較貴，汽水支裝(細)都要$18支，4個人埋單$1400，唔值。總結呢度試過就夠，唔會再去，價錢較貴但質素唔值，雖然是台式火鍋，但原全食唔岀台灣的味道，好的是店舖裝潢有特色。

趁天氣一轉冷，梗係即約朋友食返個麻辣火鍋聽人講老鍋好味就聽得多，但一直都未試過，所以今次選擇了老鍋。位置方便，一出地金鐵站行過對面馬路已經找到，十分之方便湯底方面有4個可以選擇，朋友講之前食過美人鍋幾好味又養顏，我個人認為食台式火鍋點到試下鴛鴦鍋 (酸菜白肉+ 麻辣鍋)，麻辣湯有大中小辣，平時不太吃辣都可以食到，我們揀了中辣，不是太辣但又不失麻辣香味....酸菜白肉湯的酸菜真是好好味。每枱可以免費追加一次鴨紅，其他之後就要散叫。我們大家都覺得酸菜同冰豆腐好好味，所以各散叫多一份P.s 老鍋沒有時段限制，可以慢慢食整體值得encore

好開心剛轉涼就吃火鍋( 其實係之前約定唔知道今天轉冷)。 朋友介紹尖沙咀有間台式火鍋，好近港鐵站，一出就見到大型落地電子大螢幕。牆內裝修都古色古香 ，每個位置都有通花的木屏風間隔著， 私隱度唔錯。 亦有專為喜歡嘆紅酒的人提供靚牛紅酒套餐。 醬料區沒有太多花款，企理簡單。 特色火鍋湯底都有數款選擇， 款款都想試，但看見有"酸菜白肉鍋"這個非常台式地道的鍋底，一定要試! 原來還可以order鴛鴦鍋，價錢会計較高者， 貪心的我們叫了 "麻辣鍋"拼"酸菜白肉鍋" $128。 麻辣叫了小辣。 麻辣鍋裏已有不少配料:花椒,八角還有連殼的龍眼， 其中包括有些凍豆腐和鴨血等，吸盡湯裏精華 辣，鮮，香，麻， 越吃越過癮。唔太食得辣的朋友仍然可選酸菜白肉鍋湯底。 由於大白菜預先醃製過 ，帶有清香的酸味，但並不是鹹酸菜那種酸度， 用來中和湯底的濃膩確实有着不錯的效果。 再配上切得薄薄的五花腩和大量的薯粉， 鍋底材料非常豐富! 湯底清甜得來味道充滿層次感。 薯粉煙煙韌韌配酸菜鍋確實一流。美國特級牛肋條 $218肉味很濃，輕輕焯幾下便可吃， 入口軟滑冇渣， 果然是推介。梅菜豬肉丸(半份) $36試過幾間火鍋店的

今日3位朋友去打邊爐，都係叫普通食物，有牛，豬，粟米，豬紅，餃子，丸類，菜。食物質數普通，份量亦少，服務好！但如果一人$500-$600的價錢真的很不值得，應該不會再去。地方響商業中心，環境亦十分普通，泊完車要行好遠，食到8pm又趕人走，想一傾一傾計亦要急急腳走，侍應雖然好有禮貎，但叫我們打包食物。。。。真的囧左！打邊盧打包！ 唯一多人去的原因係港女自拍post IG, FB 一流，因為食物影出來好靚，呃like ...

天氣開始凍想食火鍋。有朋友介紹呢間，於是就去試一試。平時食開火鍋都係叫放題式，好少來手工火鍋，不過今次試過之後，先知火鍋可以覺得自己食緊藝術品 ! 因為每一細節都係藝術級的精美 ! 先講湯底，係可以兩溝的! 我地揀了麻辣鍋+ 酸菜白肉湯麻辣湯裡面有辣椒同花椒外，仲有台式鴨血  ，凍豆腐，好好味  ! 另一邊湯底就酸菜鍋，裡面有花腩片，白菜，同埋寬粉條! 有種好令人難忘的香酸味，有食過就會知道我講乜 ! 我地未落其他配料已經先撈左 D 湯料出來食，Yummy ! 食完再加其他火鍋配料慢慢落 千層凍豆腐好好味，我地追加了一份。豆腐好好味，佢索晒 D 湯既味，正 ! 手打丸係呢度招牌，當然少不了。我地叫左梅菜豬肉丸同黑松露蝦丸。味道好鮮好香好好味。咁靚既食材我地逐粒煮，唔敢煮得太過火浪費左佢。一入口係彈牙，不黏不粉，豬肉鮮味爆晒出來 ! 係爆出來 ! 完全唔駛點調味料已經好好味 ! 蝦丸一樣，都係又彈又鮮 ，過足口癮 ! 大家一定要叫佢既雪裡紅飲品，好大 Jar  ! 好抵，冰凍清甜降火，夠飲好多 round ! 我地一路食一路飲，只可以用爽字形容整體來講，呢間火鍋店食材，環執，服務，味道，

今次是第二次和舊同事吃因為上次覺得他的麻辣湯底和牛肉非常好不過今次沒有上一次的感覺好牛肉也和上一次差得多隨了照片上的食物外之後也叫了很多吃不完下一次應該不會再來

睇完我上面呢個標題， 怪唔知啲台灣人成日咁鍾意唱愛拼才會贏又係一班小學雞飯聚嘅時候， 仲加咗一位新成員就係將會成為我哋阿嫂嘅靚女， 咁多人搵地方食飯最好梗係打邊爐喇， 喺openrice搵到這間台灣麻辣火鍋。。。 可能成日太掛住鼎王嘅關係， 一諗起麻辣鍋就諗起佢啲鴨血去親打邊爐指定動作。。 點少得亂點24由其是多人嘅時候基本嘅肥牛片呀，肉類呀，蔬菜呀，唔使點提大家都知啦。。 我特別想試嘅就係梅菜豬肉丸， 呢個構思其實就唔錯，但係如果拼落麻辣度，個感覺就好似怪怪哋，如果放酸菜鍋效果就會好好多 其實梅菜豬肉丸本身已經鹹所以 ，用一個清淡啲嘅湯就會食得出粒丸嘅真味道 基本上兩個鍋底各有特色， 酸菜鍋裏面除咗有腩肉仲有薯粉，酸酸咪咪嘅感覺諗起都想流口水麻辣鍋仲有多一次免費加鴨血！！特別值得一提嘅係整間餐廳都好中國風 ，古色古香咁。。。靚

台式火鍋夜食物選擇幾多，除左火鍋配料仲有台式小食超正美人鍋湯底！有成隻烏雞 勁清甜暖胃鴛鴦麻辣鍋 要左小辣 但依然辣到變大紅唇😂叫完湯底梗係加調味醬！自助式的調味區，古色古香的感覺！麻辣鍋入面本身有豆腐同我最愛的鴨血！好滑好彈牙！配麻辣湯底食簡直一流！豬片脂肪分佈均勻，油脂好靚，豬味濃！韮菜餃粒粒飽滿香口 手打梅頭豬肉丸好似食緊肉餅咁😂好有口感鵝肝墨肉丸好有彈性，好好咬口，真材實料，真係包住粒鵝肝係入面，雖然唔係好大粒，但都有鵝肝味既！最後梗係要食個稻庭烏龍麵！落係麻辣個邊勁辣一路出汗一路食勁正！整體食物質素中上，價錢合理，私癮度高！可以encore！

我地一行9人黎到食台式火鍋，我係第一次喺香港食台式火鍋。一入到餐廳，同想像中不同，以為環境同一般打邊爐地方差不多，點知係好中式，枱與枱之間有分隔，都幾特別。由於我地9個人，被安排到外面的大枱，環境相對熱鬧。我地位置對正一個大吹風機，就算無冷氣都唔會熱到出汗。一坐低就先選擇湯底，我地叫一個鴛鴦鐘鍋，一邊係麻辣鍋，另一邊係酸菜白肉鍋。香港無太多地方有酸菜白肉鍋湯底，當然要試一試！我地等湯底嘅同時，就點兩款小食同其他火鍋料。小食我地選擇了鹵牛肚同鹽酥雞，至於火鍋料，有牛肩胛，羊肉，鵝肝墨魚丸，鵝肝蝦丸，水餃，不同嘅蔬菜，台式火鍋，當然唔少得鴨血。唔洗等好耐，食物好快就送到喇！開動之前，先去調教一碟自己喜歡嘅火鍋醬料。雖然選擇不多，但基本的都有提供。雖然叫做小菜，但份量絕不小！一碟足夠我地9人食。鹵牛肚好入味，唔會太軟，剛剛好，喜歡牛肚嘅會食唔停口！我地叫到成枱食物！依度只係我地4人的。湯底入面都有少少火鍋料，如麻辣鍋有鴨血，酸菜白肉鍋有腩肉及寛麵條。麻辣鍋比台灣的無咁麻辣，適合香港人口味，怕辣嘅朋友都適合。食到最後，侍應送上湯圓俾我地放入鍋內。打邊爐送湯圓都係第一次，又幾特別，湯圓皮咸咸地，