老鍋台式火鍋 (金馬倫道) (已結業)

踏入12月呢個月份，係瘋狂食打邊爐既日子。因為想食台式火鍋，所以揀左老鍋。我地湯底方面揀左麻辣鍋同酸菜白肉鍋，因為我地唔太食得辣所以揀左少辣，不過真係一啲都唔辣😂 如果鍾意食辣既可以揀辣度高啲。 我同朋友都覺得酸菜白肉湯底有啲淡，可以再濃味一啲，麻辣就好夠味，麻而不辣，好好味。食物方面價錢略貴，不過食材新鮮，選擇眾多，味道好味。揀左咁多樣配料，我最鍾意食香茹貢丸。 飲品飲左兩支：芭樂籽啤酒同荔枝啤酒，個人唔鍾意芭樂籽，反面荔枝啤酒好好味，好清新既味道。

前幾日ot o到好夜，緊係要食啲好野慰勞下自己，一直都有聽朋友講話最近開多左台式火鍋店，啲野都幾好食，即刻上網查下，發現宵夜時段有折扣，即刻預約同同事趕去試下。去到見雖然好夜但都接近坐滿，但空間感好夠，唔會同隔離好近，裝修都幾有特式，有中國風。我地四個人就叫左美人鍋加麻辣鍋，另外主要叫左手切牛肉、響鈴同蔬菜。其實食完真係唔太記得啲配菜有咩特別，但就好感覺到個湯底好正。美人鍋有好多養生既食材，烏雞都幾大份而且肉滑，仲有食極都仲有既桃膠，感覺非常滋補。而麻辣鍋因爲叫左小辣唔算好辣，而正正唔太辣所以食得出落左好多香料同藥材，辣得黎有層次，配埋豆腐同鴨血真係冇得頂。不過其實呢度價錢真係偏貴，雖然好食，但分量都唔多，如果要正餐食到飽可能都要每人$500-600埋單。自己都係咁岩見到有折先會過黎食，可能一年先興起黎食最多一兩次。不過如果未試過食台式火鍋既都一試無仿。

做完 facial 宜進補，還以為跟珀慧撐檯腳，誰知預埋卡地齊齊打邊爐，三人行當然無所謂啦，來個久違的合照，轉眼十六年 ﹗珀慧指定要到老鍋烚烚，最主要因為有室外座位可以邊食火鍋邊煲煙，聽到都覺得爽喎。我鍾情本地手切牛尤其牛頸脊，其他不值一提。羊肉片太羶，要考慮一下﹗如果有羊腩就更好啦。跟 openrice 食評舊相比，好多海鮮已經不再發售，減少食材可以減低成本可以減低損耗，明白的。日本廣島金蠔、珊瑚蚌、桂花蚌、四寶手打包心丸、鴨血、美國特級牛肋肉、羽衣甘藍、黃帝菜，點住少少菜色，唔夠才添。我這麵怪任何麵都想一試呢。還有大量台式傳統小吃。試試另類手工啤都不錯，極具排挑戰性。玫瑰啤酒鍋？有緣試試吧。北台灣烏梅啤酒，手工生啤已經停止供應，換來是樽裝的呢，能夠保存更長時間，明白的。好梅味，微微地酸，覺得好甜啊，不適合我！麒麟生啤，先濕濕口，再黎朝日樽裝，試完烏梅汁實在太甜，還有荔枝及芭樂籽未試，思前想後都係算喇，預計都係太甜，飲返普通啤酒更好，繼續唔好停！我較喜歡日本生啤，朝日、麒麟、札幌，樣樣都好。招牌滷水併盤，奇怪地何解等咁耐，心諗切切切應該好快架麻，是否妹妹忘記幫我落單呢？過多幾分鐘送到

朋友生日食生日飯，拎咗個蛋糕上去就坐定定等齊人，影吓相。店舖坐位用了屏風間隔。啲醬料放入醬酲裡，都幾有特色。選了個鳶鴦鍋，其中一邊酸菜白肉鍋，內有秘製東方大白菜，極品豬王花腩，配上寬粉條，風味獨特，酸香醒胃，自己同朋友都先飲幾碗湯，個胃真係開晒；另一邊係麻辣鍋，用了多種香料及藥材調製湯頭，加咗鴨血及凍豆腐，道地口味，其實小辣已經夠，唔夠店員都會加啲辣嘅。精選手切牛肩肉 $198近期真係迷上牛肩肉，口感爽滑，肉質美味。手工丸拼盤(10粒) $108餃類拼盤(8粒) $98不過不失鮮炸響鈴 $68即叫即炸，一上枱熱騰騰，放落湯裡一下就即刻拎返上嚟，還脆口。 但浸得太淋就浪費咗。日本廣島蠔 $88口感嫩滑炸午餐肉 $68其實就咁食都得。有機秋葵 $48超級食物比較健康呀。翡翠絲瓜 $68皇室魚肚 $88其實有八片，估唔到大大舊。食到鬼咁飽呀，都值得叫朋友再去試。

一向都喜歡吃台式食物，朋友推介尖沙咀嘅分店-老鍋台式火鍋，約埋三五知己去試吓佢D招牌火鍋。火鍋店門面非常開陽，容易搵到。餐紙中火鍋湯底同埋食物配料多款選擇。仲有幾款醬料供給客人自由混醬。火鍋湯底有多款選擇，每款都好想試吓，所以我哋選擇咗鴛鴦湯底。當中的美人鍋湯底呈現奶白色的，飲一啖落去非常清甜，入面嘅藥材同埋火鍋配料非常滋補養顏，當中有桃膠，含豐富膠原蛋白質。鵝肝墨魚丸叫咗半份有四粒，每一粒都好大粒，三個人嚟食可以每人試一粒，而且好多火鍋配料都可以叫半份，兩個人食都可以叫多款火鍋配料試吓。食落去鵝肝味道濃郁，墨魚丸爽口彈牙，兩者好match。另外再叫左鮮炸響鈴、蟹籽墨魚滑、美國特級牛肋肉同埋極品黑毛豬梅肉等，好多火鍋配菜都想試吓！最後我哋三個都捧住個肚出門口，非常滿足，價錢唔貴，而且合理，最欣賞就係火鍋湯底夠晒特色，所以下次一定會再encore。

難得尖沙咀開咗一間連鎖嘅精品火鍋店-老鍋台式火鍋，就專程去試吓佢嘅特色火鍋底。餐廳裝修古色古香，門口仲要好有氣派。店員安排我哋入座，多數以四人枱設計，而且每一台都有屏風隔住，私隱度極高，朋友們可以暢所欲言。我哋比較喜歡藥材鍋底，所以我哋選擇咗麻辣鍋拼美人鍋。鍋底配以多種名貴藥材及人蔘，湯底仲要以火腿、雞肉同埋豬肉淆製而成，所以味道好香濃。飲一啖湯底藥材味濃郁，非常滋補。等緊火鍋配料期間，我哋叫咗小食-鹽酥一口豆腐，豆腐嘅質感好林之外，外脆內軟，非常滑溜。火鍋配料多款選擇，而且Menu有兩版紙任揀，我哋叫咗即鮮炸響鈴、蟹籽墨魚滑、美國特級牛肋肉同埋極品黑毛豬梅肉等。牛魔王嘅我們當然唔少得叫一份美國特級牛肋肉，驟眼睇見到牛肉嘅條紋非常平均，而且呈現鮮紅色，非常新鮮。牛肉食落去有好濃郁嘅牛肉味道，口感好軟熟。極品黑毛豬梅肉尤其特色，喺出面嘅火鍋店好少會食到，放入鍋底灼幾分鐘就食得，食落去質感煙靭，有咀嚼口感，而且黑毛豬肉味道濃郁。即炸響鈴卷即叫即炸，非常香脆，將響鈴卷浸落去湯底3秒鐘就食得，味道混雜咗藥材湯底嘅精華所在。最後食咗咁多嘢都只係＄1000左右，每人平均消費＄300左右，有咁好嘅服

其實我從來都未用過聲音寫筆記呢個功能，今晚同朋友食飯，佢哋話真係好方便，所以呢篇食評係讀出嚟唔係寫出嚟架講返呢間火鍋店，大家都係第一次食，近年香港都有好多台式火鍋店，主打酸菜鍋、養生鍋之類，但其實都唔知邊間好食唔好食。今晚一嚟到呢間火鍋店，首先覺得最正嘅係佢嘅地點，喺正尖沙咀地鐵站出口， 真係非常方便。至於室內裝修，座位非常寬敞，大部份座位似卡位，自成一角。最好嘅事，枱與枱之間唔迫，傾計都唔怕隔離枱聽到，至少我今晚聽唔到隔離枱講乜嘢。講返食物，今晚我地點左鴛鴦鍋，係麻辣鍋拼酸菜白肉鍋。呢間鍋底嘅料，冇台灣火鍋店嘅料咁多，不過都OK嘅。麻辣鍋我哋揀小辣，初時食唔係太辣，但會愈食愈出味，即係辣左，所以建議唔食得太辣就揀小辣食物方面，基本上樣樣都幾好，最正既係响鈴，而家好多火鍋店既响鈴唔係淋就好大油益味，但佢既响鈴真係即炸，好脆，堅推👍🏻菜方面我都幾鐘意台灣水連，好少火鍋店有得食當然，佢既價錢係算貴，四人食左差唔多1600，食物質素+食店環境+地段係抵既👍🏻

今日同好耐冇見的朋友打邊爐, 揀咗一間大家都就腳的, 尖沙咀地鐵站一出就到好方便。坐四人枱, 坐得舒適有空間, 大家傾到計, 唔會枱迫枱太嘈。侍應好主動加湯, 冇要求都會過嚟, 值得一讚!!唔係個個朋友都想食辣, 所以叫咗鴛鴦鍋, 美人鍋mix麻辣鍋, 小辣完全接受到, 鍋裏面的配料都幾好食。Order左好多嘢食, 有小羊肉片, 牛肩肉, 水餃雲吞, 鴨血, 山药, 炸響鈴等...材料全部都感覺新鮮, 自己最鍾意食炸響鈴。配烏梅汁打邊爐一流, 如果想同朋友打邊爐食下飯傾吓計會再嚟呢度!!!每人$380, 價錢都可以接受。

見Yahoo 團購有優惠券又見間野comment幾好，一於同fd來試下。揀咗鴛鴦鍋(麻辣大辣+酸菜白肉)唔係好好肉，所以都係揀咗菜同🥟朋友見到居然有台灣水蓮即刻話要食，話5，6年前在台灣吃過1次，之後就沒見過了。麻辣鍋食到最後辣到有啲苦，結果專攻酸菜白肉。酸菜白肉啲粉條好似唔使錢咁俾勁多食咗3碗都仲有，結果order個份寬粉條完全無碰過要打包。野飲偏貴，普通台灣啤酒要💰38，朋友笑說，台幣價格嗎？上菜收碟都好快，keep住有staff係附近，唔驚🙋🏻找唔到人餐廳光線足夠，上次去養生殿好暗😂差啲連menu都睇唔清。埋單時有嚇一嚇，其實都係個湯底，1壺杞子菊露，1份響鈴，1份水蓮，1份粉條，1份韭菜水餃加1份魚肉餃，埋單💰752

最❤️老鍋台式火鍋兩個鴛鴦鍋,酸菜白肉拼麻辣, 美人配養生,似乎酸菜白肉最受歡迎，𥚃面有埋啲寛粉好好食,安格斯牛小排,手打丸必叫, 喜歡這裏有各類型的蔬菜,有健康秋葵和萵筍,仲有而家到幾多人食嘅羽衣甘藍,呢度嘅台式火鍋真係百吃不厭!

朋友要移民去外國前一聚，相識10年，來賀一賀佢吧。餐廳裝修很有特色，間格都感覺好似有間房咁。個窩好靚，响玲新鮮炸起，再放落去食，味道一流，黑毛豬好有豬味，鴨血好食，整體食物質素很好。

说实话并不是特别喜欢吃火锅，尤其是那种没有什么调料的，不过这家火锅算是很不错，几个丸子都好吃，尤其是我最爱的响铃，简直可以给他满分，下次还会去的，然后午餐肉也挺好吃的

秋風起，火鍋季節已經慢慢黎到。之前同個新識既朋友傾起香港最愛既火鍋食店，佢強力推薦老鍋既酸菜白肉鍋。既然係甘，就一於襯秋冬開始，試一試。中式古樸既裝修，好配合食養生火鍋既意境。醬料區除左基本醬料外，仲有個好特別既蒜泥汁，睇落奶白色既水，聞落就充滿蒜香。我將佢加入少少白醋，已經好開胃。(左) 酸菜白肉鍋 (右)麻辣鍋 鴛鴦鍋 $158叫鴛鴦鍋都唔需要加錢，好抵。所以試埋個麻辣鍋。裡面已經內附鴨血同埋蜂巢豆腐，湯底點左小辣，唔算好辣，仲帶有些許甜味，食得辣既朋友可以大膽啲，點大辣。鴨血口感好Q，好嫩。豆腐索哂汁後好麻香，口感綿密。我期待已久既酸菜白肉鍋！裡面同樣已經有酸菜同白肉。 白肉即係豬腩肉片，脂肪部份較多，但神奇地入口好爽彈，唔係軟身，而且酸味同佢出奇地夾，食極都唔膩。酸菜好出色，爽脆又入味，個種酸唔會過份剌激，好溫和，但開胃。台北荔枝啤酒 $48男友揀既荔枝啤酒得到佢既高度讚賞，濃濃果香，酒精度數唔高，易入口，男女都飲得。蝦丸 $48比市面上既蝦滑蝦味較濃，而且好紮實彈牙，我覺得彈到可以用黎打乒乓波。老鍋鮮魚腐$58用自已招牌命名，當然要一試。覺得味道夠鮮，最特別係口感，食到入面係

約了老友吃東西，談及台灣旅行，為了回味，所以選了台式邊爐，早一天在open rice book 了位，順手賺了Asian miles ，卻不知book了位卻無喇喇受氣。當日5點許到達，跟門口職員說book了位，她立刻黑面說我沒有接聽她們的電話，我立時黑人問號四起，之後她說你也沒有聽留言吧，我們霎時被無端罵了一頓，她才說8時前不能交枱的話要坐室外，打電話就是要說這個，但我沒有聽。我們心想吃530，8點大概也能結束吧，而且面也不必那麼黑吧⋯⋯心情即刻差了，幸好場職員有善，挽回一點分數，湯頭叫了麻辣及養生湯，兩邊也真材實料，但比較同類邊爐，並不算太突出。叫了牛肉、蔬菜藍、台式香腸、響聆，貢丸，手打蝦丸之類，好味，但不驚喜。有趣的是我們一致認為普通台式貢丸，比手打丸來得好吃。之後惡夢又來了，7點多，店員就一直望著我們枱，似有趕我們走之意，我們也沒有久留，朝著吃糖水之路走去。

我同班🐢🍯最鐘意就係去打邊爐 哩間老鍋 我地都係第一次嚟😍🤩美國特級牛肋肉 有廿四塊 🔪得好薄再捲得幾靚丫哈哈🤣😆肉質幾好幾有牛味 不錯喔👍🏽😋韮菜餃 🥟有十隻 包得幾靚 同埋餡料都幾多 係小妹最鐘意的餃子之一 都係打邊爐必點的！蔬菜籃 有冬菇🍄油麥菜 生菜 娃娃菜 同粟米🌽菜的款式都好多 又好新鮮 粟米好鮮甜呀😍🤩encore!!!!!皮蛋貢丸 一份有好多粒 係我其中一位🐢🍯🈯️定要點的 其實都幾好味嘅 貢丸裡面有皮蛋黃 真係好特別 出奇地又好夾幾好味喎 蛋黃都唔係細粒的 都幾香 整體也不錯👍🏽👍🏽湯底係鴛鴦鍋 分別係酸菜白肉鍋同埋麻辣鍋 🌶味道好適中 仲有鴨紅做伴菜 麻辣鍋加鴨紅是通識吧😉☺️酸果個鍋 味道都幾特別丫 出面好少有 伴菜有豬腩肉呢 肥得嚟又幾好食喎🐷炸午餐肉 蟹肉棒 都係好好食😋🤤