老鍋台式火鍋 (金馬倫道) (已結業)

響尖沙咀好就腳嘅火鍋店，十點後去食有七折。👍🏻👍🏻👍🏻👍🏻👍🏻👍🏻👍🏻定價本身就唔貴嘅，中規中舉。折左後好抵食！兩個人食左個鍋加5樣野,$四百零。😍😍😍😍😍😍😍嗰鍋勁足料，裡面本身有唔少野食🤗🤗🤗🤗🤗🤗全餐最好食係五色丸，特色得黎用料上盛😋😋😋😋😋，十個讚。👍🏻😘😋 仲有台灣特色啤酒🍺叫左芭樂味～勁爽呀！❤😍😋❤😍😋開心的一晚😍

前幾日收工同事們突然興起去打邊爐，我的好閨蜜加同事話食過好正所以就決定黎呢度。我地一行4人黎到點左個麻辣小辣拼美人鍋湯底。美人鍋首先當然飲左個湯先啦，湯色水比較深，味道都比較濃，配料方面桃膠唔算好多，烏雞就煲左好耐先淋。麻辣湯底就唔錯，幾夠麻，不錯的。黑雲耳：正常。手工丸拼盤（10粒）：我試左黃金咸蛋黃豬肉丸，感覺幾夾而且幾香。另外蝦丸蝦味幾濃彈牙，另芝士牛肉丸，牛肉似山竹牛肉，同芝士既配合度一般。羊肉片：少少騷味，幾厚身，質感軟熟。雪花一口牛粒：比較一般，難熟（因為個爐熱得比較慢）。精選手切牛肩肉：呢個幾讚，肉片厚度足夠，肉嫩又淋，牛肉很有存在感。👍🏻水蓮：其實第一次食，感覺好fresh,脆卜卜咁，好食。而呢個芭樂籽啤酒，除左甜，我諗無咩其他味道😅順帶一提，呢度既員工都比較極端，有d真係幾好禮貌又有傾有講，但有d態度明顯想表示佢唔太想招呼你，其實我地都唔該前唔該後，但一臉很累，語氣冷淡真係差d🙈

哩間野既音響唔掂，較到勁大聲,完全傾唔到計，最後要叫佢較返細聲，講真d野食真係太貴，亦唔算特別，值得比分既我只會比咸蛋炸魚片，仲有佢個杞子菊露太甜，幾日後我拎返張單一睇，收左我地4位$80 茶芥，但全餐係無比過茶水，大家去幫襯記得睇單，不會再去幫襯

之前未有通知限時食，7pm攞枱先講食到9pm，都算啦。食到差不多9pm，個女侍應話夠鐘叫我們要離開，我們的錶差幾分鐘先夠鐘，咁我們話食多幾分鐘就走，那無禮貌的侍應即時熄我們的爐叫我們離開，話佢隻錶已夠9pm，出面有人等位。我們幾人呆了，怎麼可以用這態度對客人。友人之前十分喜歡這間，所以介紹我們來，今次是我們第一次也是最後一次。這樣對待客人的食店，失敗！😡😡😡😡

昨晚第一次到老鍋，點了一個美人鍋但覺得味道比較淡，其他食物還算可以。但是服務員嘅態度就不太理想, 由於結帳時等了很久於是再叫服務員，該位服務員嘅態度雖然口講不好意思由於太忙已經正在處理中，好似好有禮貌，但是她的說話語氣令你覺得帶有點晦氣。

3月13日！星期4晚完全唔駛等，去到馬上有位而且仲要溫馨高級雅座，食物方面點了養生鍋，來女已經有人心冬菇香菇紅棗豆付將其實是一個人心味湯，ok ga ! 食物方面點了豆腐蟹棒黑松露蝦丸午餐肉黑毛豬，亦點了冰菜！因為湯底非常入味所以10分好胃口，我黑松露蝦丸must must must order !!!! 好好食！彈牙！午餐肉因為係炸過嘅關係，所以可以一味雙食，味道是非常出色！黑毛豬是一個亮點因為沒有雪味！蟹棒10分硬正！不會容易分開！而且配合人蔘湯好好味，拍另外冰菜, 他是非常林生十分有纖維而且十分索味！值得一試！店員服務也非常之好因為他會自行準備一互查比我們無限添飲！快靚正！ 真係值得再嚟

朋友提議食老鍋，於是就訂左尖沙咀，點知上到去就話兩人只可以坐戶外，但戶外頂部有透明帆布膠，好焗好熱根本唔知點樣打邊爐，及後等一輪終於又話俾我地可以坐入面。裝修好暗，間局有啲似養X殿，價錢就貴少少，食物就幾好嘅但價錢偏貴。我地叫左手工啤酒，係火鍋店嚟講幾特別招牌白玉鍋係幾好食嘅帶子都大隻嘅，牛肉就ok 賣相唔差嘅個人認為試過就算，好難回頭。

見有7折約埋成班fd去食，第一次打邊爐系吾飽，落左一轉order，已經吾想encore。鴛鴦湯底【麻辣鍋】中辣，吾香吾麻加左一轉水之後冇哂味，浪費哂啲鴨血，煮吾入味&【酸菜白肉鍋】食落吾酸，仲有啲臭臭地既味，湯底吾掂、食材幾好都冇用，冇哂心機評價！ 醬料區選擇吾多，特別要講啲豉油，點解啲豉油可以淡到冇味，難道溝左好多水？吾會主動比茶水，要自己問先有。最後4個人食左 $929，一致認為之後要去下場再食過。

對第一次試嘅台式火鍋好失望。其實食之前都有睇過食評有成一百二十幾個笑都有d期待，睇個價錢都已經知唔算平，心諗應該係一分錢一分貨啦。點知試過之後就知唔會有下次😑最失望嘅原來就係湯底，主打個湯幾真材實料都無用，飲嘅時候幾好味都無用，飲完之後口乾到第二朝就知瀨嘢😵又係呢樣嘢——味精☠️第二，食火鍋又點少得牛肉，價錢由$200-$300幾，只要叫過牛肉就知品質唔差但唔值呢個價錢😑另外叫咗份帶子$108，份量少得難以置信，應該由3粒正常size片到有八塊薄薄的帶子片，只可以用搵笨嚟形容😑就算餃子同肉丸都係不外如是，但每樣差不多要$100得8-10粒，菜類更加唔底，$50-$60，都係份量少😑總括嚟講，兩個人食咗成仟幾蚊都唔飽，所以唔會再有下次❌‼️

前排開始好興台式火鍋 有間過江龍叫老鍋到左香港 想試好耐 今日行過尖沙咀經過 就上去排隊 本身諗住要排好耐隊 點知一到就有位 我地叫左個美人鍋x養生鍋 美人鍋即係有隻烏雞 養生鍋就有條大大條既參 睇落都幾足料 食落隻烏雞都幾淋身 但係個湯味精非常重 建議唔好飲 呢碟野經典 $188 10件 一黎到 我真係嘩左一聲出黎 10舊牛 仲要勁薄 特登卷起扮大份 老細都幾好搵 食落係正常肥牛囉響鈴 筷子一夾就知脆身 落個火鍋到滾一滾就食得 呢個可以可以一試 但非常不建議食牛肉 我未食飽都唔再叫 埋單走人算數 非常唔抵食

湯底叫左個麻辣拼酸菜肉白肉鍋，因為個人中意食辣 但友人吾食辣😛麻辣鍋叫左小辣 但已經夠哂味（我肯定食吾到中辣...）鍋入面有鴨血、豆卜；而酸菜白肉鍋入面有五花肉同埋薯粉。個湯底都幾抵食我覺得😂跟住叫左個魚肉小湯包 都幾特別 其實好似小籠包錦😂😂不過入面系魚肉 然後仲叫左黑松露蝦丸 佢呢到既丸系手打架 所以必叫，果然系好彈牙同埋爽口呀！打邊爐梗系要叫份肉啦！呢份系精選手切牛肩肉 塊塊都切我得好薄 份量有d少呀要爭食😭😭但系肉質系靚既！

話說之前去台灣食咗一間非常好味嘅火鍋，估唔到今次比我喺尖沙咀搵到一間質素幾好嘅！🌻老鍋起初比我嘅印象一般，因為佢哋有改進嘅地方。首先，餐具既整潔度需要改善，部份餐具表面有污跡同埋辣椒癡住咗🌶️🌻講返食物方面，湯底揀咗麻辣同美人鍋。麻辣度可以揀大中小辣，係餐牌上已經表示較輕量，所以唔需要怕太辣。至於美人鍋，用咗好多藥材做湯底，仲有一隻烏雞，幾新鮮。湯底有鴨血，當然你可以另外再追加。呢度嘅鴨血好好食，可以同台灣嘅著名火鍋店比較！湯底唔會有好多渣，影響你撈食物。🌻食材方面，叫咗以下嘅食物種類，特別推介大家試吓冰菜，爽口新鮮。另外，香菇貢丸非常彈牙🌻仲有講我想講嚮鈴，好大舊，如圖下🌻整體而言，老鍋較一般嘅火鍋店突出❤️

垃圾服務，我地20人食飯，大家同事飲下酒，食下野，侍應行埋叫我地細聲啲，原來隔離果枱覺得我地太嘈，我話唔好意思，我話幫隔離枱埋單，侍應生話唔洗，咁我諗住繼續食，結果叫咩野都唔黎，叫酒又唔黎，叫埋單既刻黎，仲要1萬幾蚊埋單，仲好意思問我做唔做會員，算了吧，冇下次

好多香港人無論春夏秋冬都好鍾意打邊爐，同大家介紹一間係尖沙咀嘅火鍋店《老鍋》，係「老鍋」唔係「無老鍋」不過一樣係主打台式嘅火鍋店就連器皿同環境都俾到人一種台灣嘅感覺！火鍋最基本梗係湯底啦，所以有四款俾大家選擇美人鍋、麻辣鍋、養生鍋同酸菜白肉鍋，鍾意食辣嘅朋友我極力推介麻辣有大中小辣俾大家揀，唔食辣嘅朋友可以試下另一款招牌湯底酸菜白肉鍋，本身鍋底裏面已經有豬花腩和寬粉條，湯底味道醒胃，其他火鍋料又唔錯價錢又唔算貴👍🏻👍🏻

一直好想食老鍋，朋友話呢間好難 book，可能是由於在尖沙咀區，walkin 通常冇位。上星期 book 左今日。一早上去，見到裝修古式古香，座位一個個小區自成一角。叫左美人鍋及酸菜白肉鍋，美人鍋半隻烏雞同大量桃膠，酸菜白肉鍋花腩大白菜粉條，湯底味道各具特色湯料足料豐富，食完一碗又一碗，食哂湯料已半飽😋另再叫羊肉片，廣島蠔，秋葵，羽衣甘蘭，仲有必食的鮮炸響鈴，配埋台灣烏梅啤酒。已約定下次再來試麻辣鍋同養生鍋😆