老趙越南餐廳

營業中

休息中

下午3時去左食，無下午茶餐，但4十幾蚊有個粉包個熱飲都算低。不過如果再叫一點預食就無套餐包，一條串燒都十幾蚊，仲要兩條起計。個串燒一上的真係有點失望。好多肥肉，超油。 姐姐服務態度好好，係個串燒真係有點失望。最後無食哂，因太油。

不專業食評一則今日要上日文堂，但又遲收工得9個字時間又想同朋友食好野，決定試試幾出名既「老趙」。一到餐廳就比呢個二人套餐吸引，主要係唔需要再用腦諗食咩。就同朋友叫左個二人套餐A。朋友叫左個生牛肉河粉，佢食完覺得⋯⋯⋯⋯⋯一般啦。我就叫左雞絲湯河。比我個感覺唔多良好，原因係中規中矩，食食下仲有軟骨。重頭戲：左係越南炸春卷（有生菜包住食）5粒星中有3粒星。右面蟹肉焗蛋金磚，堅好味，可以一啖食哂，但當你細味既時候，不難發現蟹同蛋真係天作之合。呢樣我都唔知講咩好，想知佢味道落樓下茶餐廳叫個炒雜菜就係同一樣味道。甜品：椰汁糕。 就係椰汁+糕。冇驚喜。最後，無論出餐時間（大概1個字到），服務態度都非常好。冇反感既機會。

朋友A 一向慳家，同佢食晏，就去佐敦揾抵食嘅老趙。反正呢期已經裝修左，環境比以前舒適。最近傷風，冇得食我至愛嘅咖喱，唯有叫下其他。朋友A要香茅雞翼飯， 雞翼一向味道都OK，香茅味足夠，雞皮算幾香。仲配埋啲乾蒜同埋蔥油。我就要香茅豬扒飯，豬扒唔算太硬，但係感覺用咗鬆肉粉，香茅味冇雞翼咁突出。每次食呢個飯，我都好鍾意加埋啲魚露， 感覺會冇咁乾。香茅雞扒同香茅豬扒味道都只係一般般，最出色嘅始終都係佢哋嘅咖喱。一碟飯加埋飲品都係五十幾蚊，算係經濟實惠。飲品就通常要熱柑桔，唔係間間餐廳都可以飲柑桔又唔使加餐飲錢。 雖然係即沖，但總好過來來去去得咖啡奶茶，檸水檸茶。另外，呢排係咪換咗店舖經理？佢哋嘅服務改善咗！今次嘅服務絕對令人滿意。多謝前多謝後，落單埋單都好有效率，而且仲好有笑容。下次會嚟幫襯，食番個至尊咖喱架啦。今次嘅好評係全因平日嘅咖喱，同今次嘅優質服務！

同舊同學去周圍行仲識左個新朋友，行到佐敦佢介紹話有間好味越南餐廳，遠遠見到好多人響門口，行近先知～～哦⋯⋯老趙呀嘛，我以為有乜新野。好耐無食老趙，加晒價🙄算喇，叫新野試下（平時唔食當新野）。番茄湯蟹肉檬粉，濃番茄湯有啲辣味幾好味，檬粉都多，但無蟹肉既，得蟹肉蛋餅兩片⋯細細片仲散散地，粉絲同蛋散開左🙄果然圖片只供參考，有啲被騙既感覺。馬拉盞炒油麥菜（因為無通菜），都ok,因為開頭以為會好怪，辣辣地都有啲蝦米同豆醬。坐門口位⋯啲人唔關門，天氣凍吹到我呢。

我大約每個月都會黎一次佐敦，每次都會係附近搵下有咩食，但係試黎試去都係會掛住老趙個生牛肉河，又平又好味但係今晚想試吓啲新野，凍冰冰最啱食咖喱，一個人叫左個咖喱羊架，另加＄12白飯同椰青，超滿足！個羊架有兩件，有d羊蘇味，我本身鍾意食羊，覺得好好味！如果呢一個飯可以配埋嘢飲，唔使另叫就更好啦！你係老趙除咗食到好野之外，啲姐姐同埋一個男侍應（唔知係唔係老細一老趙），態度係超好！又快手，又有禮貌，每次都有賓至如歸嘅感覺。

兩個人，一人叫咗一碗生牛河，味道一般，完全唔覺得有咩咁值得攞車軚人星星。叫咗個小食拼盤，兩個人碗粉食到8成追咗一次，阿姐check都唔洗check就話整緊。後來碗粉食完再等5分鐘再追，又話炸嘢要耐d. 再等咗5分鐘都無上，決定叫埋單，阿姐先叫入廚房問個小食拼盤有無落單 - 咁就梗係無啦！ 咁當然就係埋單走人啦！然後臨走阿姐仲要補多句，又話要又唔要，玩嘢呀？！咁嘅服務質素，比條車軚都無用啦，可況根本就唔好食！

初次到老趙吃晚飯，感覺不俗環境簡潔，價錢合理食物賣相挺吸引，色彩鮮豔拍照出來效果不錯食物份量適中，女生也能應付一行三人叫了三個菜1，菠蘿炒飯：份量材料足，炒飯挺香2，串燒蝦撈濛中規中矩3，米紙生菜肉碎肉碎少少辣（不吃辣的也可接受的程度）亮點是那綠色的醬味道挺特別，整道菜配合得剛剛好🤤埋單：$300

以前成日幫襯因為住果邊附近，價錢唔算貴而且比其他分店好食！後黎搬左屋所以好耐無食，今日專登搭車過去食，全店裝修過，餐牌換過晒，睇落多左好多選擇，不過價錢貴左！雖然無左一d以前食開既香茅豬排飯,咁就點左一個金不換牛河，春卷，牛油雞翼！牛河味道似乾炒牛河，不太油膩，幾好味！牛油雞翼上枱仲好熱，好香好好味！春卷就以前比較好食，但生菜似無洗過，4塊都有一點點不知名既野喺上面，同店員講，佢都好好咁換過第2碟菜比我~

Boxing day 當晚，我們兩個女人打算去尖東睇燈飾！ 於是，我建議走到佐敦一帶食晚餐，除了平過尖沙咀之外，亦可以找到特色小店來幫襯吧！我們行了好幾條街，這一帶最多燒烤店及雞煲店，如果我們選擇其中一間的話，恐怕要花上兩小時慢慢進食呢！認識一年的她，跟她試過行街食飯，知她是一名慳家靚女，就讓她選擇餐廳吧！ 她卻是千揀萬揀，選了這間我三年半前的餐廳 <老趙越南餐廳>！我們在門外等上大約 5分鐘！ 以節日來說算是很快！起碼不用等上超過半小時！我們被安排到跟另一對中年夫婦食客搭枱，我們的號碼比他們前一個號碼，所以先入座！ 店子地方有限的關係，卻是有點迫狹！ 入座後，好奇之下我四圍望望餐廳內的環境，才發現收銀位置，掛上米芝蓮推介餐廳的獎狀！ 店子門口並沒有貼上米芝蓮貼紙作招徠，相當低調！估計是做熟客生意唔休做！餐牌食物即叫即製，勝在上得快！ 我們由 8:00入座到 8:45離開，大約 45 分鐘！可見這裡食客流量快，一晚可做幾轉枱生意！ 熱香茅薑母茶 $26香茅與薑裝得滿滿的，看來十分足料！散發清香， 滾燙的水溫，入口清甜而辛辣！ 真材實料！蟹肉焗蛋金磚 $16/ 件這款小食

點解越南女人身材好，因為食物大部份都唔肥。所以越南菜是瘦身的最好選擇。老趙牛肉粉，湯頭靠得住，牛丸彈牙。簿切牛肉剛剛好，厚切口感正！豬扒凍檬是一個非常醒胃的菜色，豬扒盛滿一小碗，絕不欺客。

還記得幾年前開始幫自己吃過的寫下記錄，第一篇就是我的老街坊老趙。這家在八文樓街上的幾十年老店，味道依舊，手法依然老派。生牛粉、濱海、七彩檬、咖喱鴨，完全對味！幾年過去，已有好一段時間沒有回去，今次碰巧路過，入去就吃一下。甫到埗，已見餐廳重新裝修；餐牌更新了，刪去舊菜式，換來新賣點。 兩人食飯，沒有點多少菜，先來一個咖喱雞。不過咖喱味道淡，質感太水太稀，辣度不高，香味也欠奉，極度失望。雞肉淋，但不算入味。加入白飯之中，味道更淡。 兩件越式蒸蛋，質感實了一點，但味道反而較濃。縱然有紅蔥乾、紅蘿蔔等配料，但也不覺惹味。 香茅豬扒撈檬，還是回到了基本。沒有太突出，但算是三個之中最好的一個。檬粉乾身，香茅豬扒算是有底味，雖然略鹹，但也算可以。頂層有花生碎、紅蘿蔔絲及蔥油。下層有生菜絲，與檬粉正好形成爽與淋的對比。加上碌冧鮮味，鹹鮮香而引導本來味淡的檬粉，算是可以。看到餐牌，少了從前傳統的守舊，多了新菜式，加入名貴食材的運用，令餐廳加入自我增值的空間。不過，味道與操作完全失去了幾十年來老趙的射味與風格，這是令人失望的。 以前回老店，是因為它們沒有外面連鎖般的老趙一樣的商業味，但現在已無兩樣，可能出

裝修後的老趙， 環境比以前舒服， 選擇的食物亦多了， 價錢當然亦貴了。生牛肉檬，48蚊， 是我的至愛。牛肉好鮮甜， 特別淆製的湯底， 好味道不能形容。炸春卷， 脆卜卜。 用生菜包住再點少少魚露， 簡直美味無比。

很久沒有去老趙睌餐，今天去到店鋪裝修煥然一新，店長也是一樣的男仕，我們點了3個菜，牛尾煲，春卷併盤和生牛肉河粉。但是，食品的質素和味道，口感跟以前完全不一樣，我想一定是裝修后，他們用了中央廚房做食物，所以，走樣了。我和太太非常失望，又少一間好食的地方了。

一直都住喺附近，間中都會光顧， 一直以黎食物質素都唔差。最近啱啱裝修完， 店內變得光猛左， 感覺都乾淨左好多，於是就入去幫襯。 可惜， 明明有6人套餐menu但又唔俾， 要自己去拎。 那男的一直黑著臉對住客人， 女的就很粗聲粗氣， 我地只想叫個$88的炒飯， 就硬推“貴少少“的$168的菠蘿炒飯， 近乎2倍價錢就是貴“少少“？ 硬說份量比其他多，結果只有菠蘿嘅size大，炒飯份量只有4份3， 寫漏單又大大聲話有寫轉頭又話冇寫， 算是怎樣？ 唯一感安慰係，食物質素沒變， 牛油雞翼熱辣辣的很好食。

Having craving for beehoon that match my Singapore taste, spicy with less less oil. Finally found it ! So nice that I come back for the same dish the very same night for dinner.