老趙越南餐廳

營業中

休息中

唔想煮飯，同老公出街食，越南菜同日本壽司二揀一，首選壽司店但被包埸，所以轉食越南菜前年食過一次都幾好味，後尾其他地方都有好多又平又美味的越南餐廳所以好耐無食呢間!今日再食，發現唔需要有下次啦!今日點左小食拼盤、咖哩雞同蒜蓉包!上菜速度超快!首先係小食拼盤，落單時已知無春卷，補上兩隻雞翼，當時只係7點，好生意成咁？魚餅、蒸粉包普通!最差係豬肉串燒，有半串都係肥膏，其他係肥脂肪串燒吧!之後係咖哩雞，汁好香，但雞肉完全唔入味雞切到碎晒好多雞骨碎，而且份量少蒜蓉包唔脆!埋單250，真心覺得唔值!

是日又約咗個同事一齊食lunch，兩個人未決定食乜好，行咗去渡船街文匯街果頭先再諗。行過呢間老趙越南餐廳，見唔駛等位又有lunch set,就入去坐低。lunch set價錢由$50-$80+,包飲品，亦可以加錢要小食或時蔬。lunch hour得一個鐘都要快食，light啲都OK,同事叫咗扎肉湯河，我就鍾意食撈檬多啲，嗌咗香茅雞翼撈檬。飲品揀咗熱蜂蜜柑桔露，唔駛加錢。另外亦有桂圓紅棗茶，係冬天想養生嘅選擇。最amazing嘅係上菜速度，快到好似就咁喺廚房拎出嚟咁，雞翼有四隻，炸到熱辣辣，配料有醃咗嘅紅蘿蔔絲同白蘿蔔絲，加少少花生碎，簡簡單單，都非常大碗，夠晒飽肚，夏天唔想食啲太熱嘅嘢都可以食撈檬。食食下發覺員工要食飯，我哋啱啱好彩趕得設喺佢哋食飯前落單，所以下次記住要大概1:30pm前去食，如果吾係可能要等好耐!

今日放學就同同學去咗佐敦附近食晚飯，行行吓見到呢間個名幾特別就入咗去試吓。今晚叫左個香茅豬扒粉，香草蝦膏蟹肉炒飯，冰越南滴餾咖啡。炒飯熱辣辣上枱，好香，味道都吾錯，豬扒都好味，咖啡香滑，整體都好好。

Came here for lunch and in LOVE the pho!! I wouldnt say the beef is superb but the soup is definitely awesome- nothing artificial and pure beef soup!! One thing i do suggest is that they could serve the pho with the spices like how vietnamese would serve it. My mom also ordered the curry beef belly vermicelli noodles. The sauce is great and so is the beef belly. BUTTT i do think the vermicelli are easily chopped into pieces making it hard to eat at the end of the meal. Well.. its nothing about h

今日我同呀妹都放假，去佐敦等媽咪收工一齊食越南野一入門口發現熟口熟面，原來幾年前都食過！我地叫左一客小食併盤，蟹肉炒飯同明爐蒸魚。先黎小食拼盤，賣相不錯 樣樣有啲適合一齊開心share最欣賞豬肉串燒有肉汁。炸春卷包生菜清新香脆。蟹肉蒸蛋同蒸果都值得一試我最中意既明爐蒸魚，魚肉好白夠新鮮。啲湯先係重點非常香胃怕酸嘅朋友可以早啲夾走啲青檸另外蟹肉炒飯都ok香口，三人total食左三百幾。

今日一行四人諗住去食米線，點知全場爆滿，男友係唔會等位食野嘅人，於是我地行過對面食越南野。呢間野次次行過望入去都好多人，所以一直未試過。之前見二人餐都要3xx, 諗住加左一4xx 唔考慮，所以一直無試過。今晚叫左個4人B 餐$588包4杯特飲，原來係唔使加一，食物上枱質素比想像中高，每樣野都好美味，我中意個炒飯夠乾身，一共食左兩碗仲有杯芒果椰汁冰不太甜，有驚喜！燒雞，炒菜同鳳爪都正男友中意春卷，我反而覺得無咩特別！期間我仲同朋友仔講，呢間野唔錯可以encore, 唔知係咪肚餓，當時真係覺得味道適中，唔會太鹹或者重味精咖。不過回家途中，我同男友都覺得好口渴，可能太部分美味嘅食物都係同咪精，雞粉之類的調味品掛勾大家唔怕味精可以試下嘅！

Lunch time 一點左右去食，等左5分鐘左右就有位喇，都幾full下。雖然同越南比緊係貴好多，但係佐敦嚟講，有lunch set既呢個價（五十幾蚊包飲品）算係咁啦！酸酸甜甜既撈粉，幾開胃，但食完會有d口渴。跟餐有野飲，都幾特別下，例如我叫左紅棗水，又真係有紅棗係入面架！不過佢好full，食飽就要走，唔會坐得耐。

一向鍾意行黎柯士甸站附近食，有時會發掘到D "隱世美食"，又平又好味。今日就試左呢間越南野，lunchtime時間都幾多人。叫左個香茅豬扒凍檬($54)，份量都唔錯，仲有杯野飲。豬扒幾香幾juicy，有4塊。如果D檬粉再凍D會更加好。食完睇番D食評話佢拎過米芝蓮，咁我又覺得未至於好食到咁既地步～還好啦。

店名：老趙越南餐廳Lo Chiu Vietnamese Restaurant地點：佐敦文苑街25-27號地下G/F, 25-27 Man Yuen Street, Jordan，電話: 23842143(1)   越式生牛肉粉；(2) 香茅豬扒粉；(3) 酸辣無骨鳳爪；(4)綠豆木著冰。共二人享用本餐，以$150吃$200的膳食。食物的色香味如何：l 鳳爪的酸辣味只有菜酸辣，鳳爪沒有味道；l  少類湯底濃郁；l 粉身嫩滑；l  特別，其他越南食店沒有，味道香甜。環境：店內有點法式風情，門面整齊。服 務：友善好客，講解團購可買那些食物清楚。衛生：不錯。抵食：略貴。

今日收工同朋友去佐敦搵好野食，朋友話最近熱氣，想食清少少咁啱喺openrice見到有呢間餐廳，好似仲攞過米之蓮，就過黎試下啦我地喺九龍站行過去都幾遠下，都要預番3個字到因為當時比較夜，都9點半，間餐廳冇咩人我叫左生牛肉河，朋友叫左豬頸肉撈檬生牛肉河一上碟已經聞到好香嘅湯底味我地梗係急不及待試下個湯底先真係好香好鮮味牛肉唔算好薄，有口感之餘又有牛味朋友個撈檬都好味，不過我覺得牛肉河好味d冇叫到野飲都有少少頸渴係真嘅，唔知有冇落味精但真係好好味

見到團購做優惠，買咗幾張coupon同嗰朋友過黎試下。黎到先知原來係米芝蓮餐廳，仲有唔止一年榮獲呢個殊榮。堅過堅Lee呀！坐低即刻叫椰汁三色冰止渴先。見到杯野飲都幾足料！小休一會兒先開始叫嘢食。都係以比較大路既菜式為主。一定要推介墨魚餅！生菜包、菠蘿炒飯都係一貫既好味。咖哩就麻麻地...甜品都OK架。芒果糯米飯都好有誠意。芒果故之然甜啦，糯米飯上菜嗰陣仲係熱辣辣～ 呢間餐廳都算良心小店、用心製作！店員都好有禮貌，服務周到！希望香港可以有多啲呢類型既餐廳。成日食快餐食到好悶呀！

環境不錯，食物水準都可以。服務就參差，竟然叫東西四十分鐘未到。原來是漏左落單，連道歉也🈚️一句！只是話先炒碟菜比你！令人費解掃興！講番食物，炒貴刁的豬頸肉似擦膠，勁硬！咖哩太鹹，太稀，欠糖和辣椒油！蒸粉包幾好，炸蝦餅和沙嗲可以接受！D菜就太多油和過熟，有待改善！

適合晚餐聚餐的老牌越南菜😆 價錢相宜❤️ 好味道，咖哩牛腩好正👍🏻 晚市偏靜（午市好旺）🙆‍♀️ 隔離有2、3間糖水鋪，包括出哂名腸粉滑嘅「糖水檔」 （佢真係叫糖水檔）😊 位處佐敦文英街一帶，方便唔想響尖沙嘴、佐敦迫人的人士，可選呢度做gathering 裝修之後加咗dd價，但價格都保持合理（六、七十個粉飯），而且文英街一帶可泊街又有爛地停車場，都ok。 晚市偏靜，而且坐位都大，坐耐d吹下水都唔會比人趕。 再且，食完再去隔離附近食糖水 ，你話幾開心😃

店內都幾滿座，睇一睇餐牌見到四人餐既食物都幾吸引，就試一試啦😋😋😋點完餐，啲食物黎得好快！唔洗5分鐘已經上左第一碟餸！不過最後發現嗌餐唔係特別抵。蒜蓉包好薄，亦只得四塊，所以要另外加碗白飯配咖哩雞煲。雞件數量合理，仲有薯仔！咖哩不辣，重椰香，好味！軟殼蟹要讚🤤🤤🤤份量多之外，係足料既！唔會炸粉好厚入面冇料，而真係有足夠既蟹肉😋😋馬拉盞炒時菜好惹味，有幾款菜係入面，正！生牛肉湯河我地轉左雞絲湯河，大大碗，湯底清得泥唔會淡。甜品就四舊得一舊係煙un🤢

The restaurant is recommended by Michelin for consecutive two years. I ordered a diced chicken Cold Vermicelli and an iced lemon tea. The chicken was good and not stringy, also, there are a lot of peanuts on it which I liked it very much. Definitely need to visit again!