老川皇

營業中

休息中

突然很想念四川菜， 便來到這個近油麻地歐美廣場的餐廳 老川皇。 首先叫了個飄香辣子雞， 辣子雞鋪滿了紅辣椒， 看似很辛辣 , 其實可以叫小辣。 雞炸得小塊但香脆可口。 再叫了個口水雞餐， 份量也頗大。包飯加餐飲。 酸菜魚套餐份量再來。更是驚人， 酸湯伴飯簡直正。魚香茄子撕得很碎，味道帶點酸甜，但又辣辣的，和港式的略有差別，但送送飯一流。再叫了 個原味珍珠奶茶和奶茶。發覺港式奶茶不錯，珍珠奶茶就略淡。再叫了個黃金海中蝦， 蝦很大隻， 鹹蛋漿包著蝦炒得金黃鬆脆。 蝦快很新鮮，是爽口彈牙的，價錢來講性價比高。

我個人好中意食辣，不過就麻麻酸辣，但肚餓經過見到呢間小店就入左去試。睇到餐牌發現幾抵食，一碗酸辣粉都只係28蚊！叫左酸辣粉，每個餸都只係加6蚊。我加左滷水蛋同腐竹，滷水蛋幾入味，腐竹略嫌有少少硬不過湯底好惹味，完全改變左我唔中意食酸辣的習慣！配薯粉一流！夠哂彈牙

一直看見老川皇這個名字還以為係好傳統的老菜館，原來卻一點也不老，反而係川味十足，味道封皇的餐廳。平日晚上到來，已經見到餐廳內人頭湧湧。與女友被安排到二人卡位就坐，揭開菜單望一望，發覺每樣都頗濃味好合胃口，順道問職員有甚麼推介，職員推介最受客人歡迎的水煮魚及酸菜魚，可惜女友最近腸胃一般怕受不了，只好點了其他餸菜，其實一樣好有水準。我地點的餸菜包括飄香辣子雞，鐵板水晶粉，重慶燒貴妃蚌，以及兩杯即榨飲品: 芒果奶昔及蘋果蘿蔔。飄香辣子雞無骨，雞肉雞皮炸得超香脆，仲有少許辣味，食落好易上引。鐵板水晶粉似韓式粉絲，帶點辣，放在鐵板上熱辣辣好好食。重慶燒貴妃蚌用上新鮮海鮮配上極多蒜蓉，肉質好食之餘仲有鮮甜海鮮汁，這種燒烤風味並非每處食到。至於兩款即榨飲品我非常欣賞，不但用上新鮮材料，並非用濃縮液調出來的貨色，而且飲落仲好清潤，令食完辣的火氣即時消減不少。成餐晚飯價錢都只係介乎二百至三百蚊內，以這種川味質素來說，性價比十分高。

同左👦🏻拍拖之後最大既改變應該就係由一d辣都食唔到變到會主動話想食辣野🌶🌶 特別係返過深圳食過酸菜魚之後 就番唔到轉頭😂 今次我地就去左旺角登打士街呢間川菜餐廳又食辣野啦🤭不過早幾日先食完酸菜魚 所以今次決定食下其他😜 呢到有超級多種類既川菜菜式 真係睇到花多眼亂 無論係魚 雞 田雞等都有多種煮法 水煮 干鍋 泡椒等等應有盡有😍 我地就決定試辣子雞同干鍋肥腸啦👅雖然我對內臟興趣不大亦冇乜好感 但係我地想講 呢到既干鍋肥腸真係好好食 好好食 好好食‼️‼️ 好食到要講3次 肥腸清潔乾淨 無異味係基本 爆炒後再用火爐上菜保持食物温度絕對令肥腸加分 肥瘦合適 而且調味都做得好好 惹味之餘又唔會好辣👅 加熱後洋蔥等配菜都熟透又甜又淋又入味 真係白飯都食幾碗🤤🤤而辣子雞就有無有骨同無骨 我地就要左有骨 雞肉炸到外皮極酥脆 但係一d油膩感都無👍🏻 加上滿滿既辣椒同調味料 食落麻麻辣辣 好過癮 送酒一流🍻😆另外 我地仲叫左幾串重慶風味串燒🍢 分別係韭菜 牛舌同雞肉腸 用上大量孜然粉調味 韭菜依然鮮嫩多汁 牛舌肉質嫩腍 都不錯😋 佢地一共有三間分店 下次同朋友食飯飲酒又有好地方啦🌟

在旺角亂逛 見到間川菜館原來佢都有幾間分店四川菜我本來都中意食但今日要介口 所以被朋友逼食「唔辣」嘅四川菜🙈.我地兩個人叫左白菜餃、小木耳、紅糖糍粑、樟茶鴨、貴妃蚌、大元貝白菜餃： 大大隻好足料、豬肉味道唔過咸小木耳： 少少少辣嘅木耳，依然清爽、惹味，好快食完一大碟紅糖糍粑：比起正宗嘅，有啲差別，一般般樟茶鴨：是例牌，份量較少。鴨唔係辣，係煙燻味，好香👍🏻燒烤貴妃蚌&大元貝： 用咗好多蒜蓉去烤，好重蒜香，兩個嘅肉質都滑嫩，但size就偏小.P.s. 無茶水供應，要加一服務費

今日晏晝同同事突然間想食辣野，所以揀咗公司附近嘅老川皇，其實不嬲都有食開老川皇嘅晚飯，午飯就真係少啲，今日第一次嚟試，先發現原來lunch非常之抵食！$58就食到酸菜魚！貪心嘅我哋仲在嗌多咗個二人餐因為真係好想食水煮肥腸，諗住應該都唔會太多應該食得哂。食飯叫前菜是常識吧，所以我哋仲叫埋涼拌土豆絲！涼拌土豆絲配上川味，小小辣好惹味！🌶而且土豆絲切得好幼好薄，條條都好爽脆！水煮肥腸係以邊爐型式上，仲送生菜可以一齊煮！肥腸煮得好入味，而且肥得嚟唔太漏！正！酸菜魚🐟雖然只係58蚊，但係份量非常之大而且有好多魚！酸菜魚好開胃，個湯用嚟送飯一流！特別一提，餐廳服務員服務態度一流，要比個like 佢地！👍🏻

平時喺香港都好少接觸川菜，但今日途經油麻地見到老川皇又好似幾吸引咁就去試下啦。食物有好多選擇，我就點左干鍋菜花，担担麵同一系列串燒。首先干鍋菜花食落真係同喺內地食既味道非常似，鑊氣好夠，食落又唔算太辣，絕對適合香港人口味👍🏻而担担麵方面，雖然就冇乜材料喺入面，但配上芫荽簡簡單單咁已經好夠。串燒方面，有我最愛既燒茄子，上面鋪滿蒜蓉，非常好食，我都點左兩輪😂而燒元貝同生蠔都係優質之選，大大粒又好味👍🏻最後飲品方面有新鮮果汁選擇，配上串燒黎食亦都係非常夾😃

很喜歡吃川粵菜，已經吃過幾次的老川皇，這次帶了朋友來一同吃！在歐美廣場一樓有一家老川皇，而在對面馬路都有一家坐地式的老川皇。不過一樓的位置較多和空曠，如果地鋪沒位都可以上一樓的～酸菜魚吃不少了，這次點了花椒鱸魚、蕃茄豆腐魚頭湯和另加飯。花椒爐魚就像酸菜魚一大碗的～湯底都是魚湯，裡面也是很多種香料和配料，包括蘿白、荀片等等，就是沒有了酸菜，同時沒那麼辣～不過花椒味相對重很多，很香！吃完了重口味的，喝一配很足料的蕃茄豆腐魚頭湯好像沖淡一下味蕾，而魚湯湯底鮮味比花椒鱸魚更為濃郁！好喝～

其實呢間餐廳已經食過好多次有時同屋企人朋友想食吓麻辣野中菜都會嚟呢度食 黎親呢到基本上都一定會叫下呢度嘅酸辣魚 一嚟因為覺得都幾多魚肉食二來係呢個算係同其他菜相比清淡少少 因為其他都難所以就叫個冇咁辣中和下 同埋如果屋企人朋友唔食辣嘅都可以叫呢個 酸菜魚 $132+22薯粉今次最推介嘅就係另一個餸孜然羊肉 $92呢個羊肉辣得黎 入面嘅調味料令人食上癮 同埋羊肉都算多食下食下就成碟食晒😂🔥下次你應該都會叫呢個！因為平時食白飯食厭左 所以嚟到都會加$28要個擔擔麵送餸跟住就係涼拌嘅小菜啦！涼拌茄子🍆 $30咁樣都幾多如果做前菜嘅話都夠三四個人食涼拌窩笋絲 $36呢個菜都幾特別其他餐廳好少見食落去好爽好清脆 一餐飯一定要補下啲纖維 今次仲要補左啲好食嘅纖維👍🏻🥳如果大家想試吓啲特別嘅小菜建議大家試吓呢個雞絲海蜇 $62 平時食開係麻醬今次呢個就係麻辣嘅味道總括嚟講呢間餐廳應該係鍾意食馬勒野嘅人至愛 大部份食物都麻辣嘢做題材 份量價錢等等都唔算太貴 幾適合朋友屋企人嚟食飯傾計 另外呢度亦都有電視鍾意睇波嘅朋友都可以嚟呢度打躉 ！

朋友喺外國返嚟，問佢想食咩，佢話最掛住辣野，因為係外國好難搵到夠香口有嘢味嘅辣嘢食，於是乎我哋就揀咗呢一間。我哋係星期一夜晚去食，講到都要等一陣喎，睇嚟呢一間都多人食。呢度都算幾闊落，我哋兩個人可以坐到卡位。除左舉手叫姐姐寫野，原來可以按鐘仔，幾方便！睇睇餐牌發現比預期中抵食，仲有燒烤可以叫，好耐冇食香口野，但又驚熱氣，我地決定叫燒茄子小辣。茄子好香蒜味，燒到好淋，有入口即溶既感覺，茄子迷必點！另外叫咗一碟辣子雞，見到咁多辣椒有啲驚呀，因為我哋叫咗小辣咋。不過食落原來呢又唔係非常非常之辣喎，連我都接受到，不得不讚就係雞粒揸得非常之香同埋鬆脆，食落有有香食完一粒就想食另外一粒。口水雞係我嘅至愛，呢度嘅口水雞係正常水準，汁夠多，份量都算大。另外叫咗一份四川涼麵好大份先係$28 ，好抵食。係好濃嘅花生加麻醬味道，啱晒重口味人士。整體來講呢度係性價比幾高嘅四川菜，而且都近旺角同埋油麻地站，鍾意食辣嘅朋友可以一試啊。

川菜離不開辣, 但係一講起辣, 就唔係人人都食到。今日同兩位朋友, 嚟試下老川皇, 之前聽朋友講, 佢d細辣唔太勁，所以兩位平時食開小辣嘅都岩食！(附近有間分店在對面街, 約朋友的要講清楚係邊間呀！)水煮魚, 一份都夠2-3人食。如果唔係好食得辣, 小辣就夠啦。魚片唔會林batbat, 咬落都好實！口水雞(例牌) ，雞肉滑, 唔鞋口, 辣味浸透雞肉, 唔會好似白切雞咁淡！涼伴牛肚，好爽口, 夠煙韌！燒茄子, 估唔到咁好味，一絲絲咁夾起, 好正！！食辣最啱就係叫d 酸味味嘅嘢飲, 柑吉青檸解辣。提提大家，如叫燒烤嘢食, 要早d叫, 因為佢真係即叫即燒㗎。

呢間在砵蘭街接近油麻地方向。一開始就好多人等位，老川皇在三樓，二樓都有餐廳，但反而無人等。差不多都3個人都要門口第三張飛差不30分鐘才可以入座，還要是大檯四個組別拼台。好多人都黎必點酸菜魚，我地三個人其實少食辣，首先黎涼拌長壽菜。擔擔麵不是幹身，佢係有湯的，肉醬不算太辣。因為可以選擇BB辣添。開胃菜。然後一斤水煮魚，襯返呢度的熱門果汁，有蘋果蘿蔔汁，石榴汁，奇異果汁。燒烤偏幹，小貴。服務員基本上人手忙不過來，不過都算周到。三個人差不多買單200幾。

今日同男朋友行緊街個陣突然兩個都話好想食水煮魚😂之後我地醒起油麻地個頭有條街有超多四川餐廳就過左黎呢邊記得之前都聽過朋友講老川皇係ok所以我地就揀左樓上鋪個間
因為想坐得舒服D去到個陣大約8點 估唔到要等位不過其實都係等左5分鐘倒就入左了入到去睇menu 其實我同男朋友都唔係好肚餓
大家只係突然好想食水煮魚
所以我地就只係叫左水煮桂花魚同一個干煸四季豆
menu上面係有好多款水煮魚🤔我地問過個姐姐 如想食無咁多骨既
最好就叫桂花魚or海臚魚
於是我地就叫左桂花 因為大家都覺得食水煮魚如果要狂lur骨係好麻煩既事haha

個水煮桂花魚味道唔錯 不過我地只係叫左小辣
因為我唔太食得辣建議食得辣既朋友最少要叫中辣
如果唔係食得無咁爽！
個魚都真係好滑 又唔腥
叫左2碗白飯拎d水煮汁黎撈 好正呀真係

加埋兩杯野飲呢餐300蚊左右
我覺得都真係差不多
如果下次黎會想試下食烤魚！

好耐冇食川菜，突然好想食，見到呢間評價幾高，就揀左黎食啦。我地嗌左燒韮菜，燒娃娃菜，燒金針菇，燒四季豆，燒茄子。因為我唔食得太辣，但又唔想走辣，呢度嘅好處就係可以自己揀辣度。燒茄子好重蒜味，入口超香，但咬落都辣辣地。其他嗰幾樣同樣都係高水準，燒娃娃菜我仲嗌左兩次添。燒大元貝，都真係幾大，佢已經幫你剪左出黎，夾起上黎好方便。面頭都好多蒜，鐘意食蒜嘅人一定好鐘意。元貝都幾鮮味，好食。干鍋菜花，佢係放喺你前面用鍋暖住，所以唔會驚凍。菜花好入味，不過因為入面有辣椒，愈煮愈入味，所以食到最後就辣好多啦。

🌶 對於食辣我真係弱雞，所以平時真係唔太敢挑戰川菜，不過朋友癮起，話老川皇有得揀辣度，好多小炒，又多人幫襯，就跟佢去試下。而今次係平日尼都坐無虛席，睇尼係堅野！🌶打開menu係超!超!超!超級多選擇！串燒、雞煲、水煮、小炒任君挑選！🌶首先叫左幾樣燒烤/串燒食品，揀左小辣，又真係唔太辣，我覺得仲可以叫中辣以上。🍆燒茄子：見到燒茄子一定會點。茄子厚肉，燒完依然多汁肉嫩！🐙串燒墨魚嘴：新嘗試，有咬口，加上孜然粉口味不錯。🐮牛舌：並非一般平日食到的日式牛舌，平時食既係縱切面，而哩度係成條脷既橫切面！Surprise!! 🐤口水雞例牌食：無揀錯！例牌會比雞脾肉，雞肉嫩滑入味，辣度適中，啖啖麻香幾過癮！🐮涼拌牛肚：有點薄切但好在份量多，可以大大啖食，咬落爽口，配埋芫茜非常香口。🐟主角出場，是水煮魚：一大碗勁吸睛！魚片肉厚，魚肉滑也有鮮味，連我都食唔停口。好想配埋紅薯粉食呢！🍲干鍋肥腸：用上青、紅椒、洋蔥一齊爆得好香，小鍋下面仲一路有火暖住，好有大排擋風味！肥腸不太肥，油脂適中，食左都唔怕肥，一流小菜！叫左杯芒果奶昔解辣，其實辣又有咩好怕喎！