老川皇

營業中

休息中

突然好想食辣野，第一時間諗起老川皇，成日經過都無食過，今次終於一償所願而且可以一次過滿足我幾個心願，又有串燒食，又有酸菜魚，正呀係想要嘅味道，咸咸麻麻好正，不過如果再麻d會更好食。桂花魚肉質好滑，配菜有萵筍片、少量貌似南瓜的物體，整體感覺吾錯。嗌左少麻辣加蜜糖，我覺得下次可以叫中辣，少辣無乜感覺。牛舌好大塊、好腍。豆腐干有d干，比較普通。墨魚咀幾爽脆，呢個蜜糖落多左d，吾錯。同其他燒烤店無异，幾好食。手工餃有驚喜，入面有豬油渣，口感好正，不過韭菜味欠奉。味道幾清新，食得出有清甜味，仲可以清清味蕾。好可惜嘅係，今晚紅糖糍粑賣曬

• 老川皇• 旺角登打士街32號歐美廣場1樓麻辣烤鱸魚,大辣版,辣得過癮,唔係得種死辣,係辣得黎帶香帶麻!!!條魚走油又走得透一d都唔腥,鱸魚本唔多骨,所以唔洗邊食邊吐骨,啖啖肉又滑,做烤魚一流!!!真係好野味做得好出色!!!個烤魚除左主角外,重有好多料配舖底,"青瓜,莞茜,原粒蒜頭,魔芋條等等...依到用魔芋條都幾特別!!!依間老川皇,食物味道真係好味,而且兩個人都有卡位坐,坐得舒服,可以做"食過再食"之選!!!

平時都好少接觸川菜，今日朋友心血來潮想食烤魚，上 Openrice 發現到呢一間老川皇。地方都算就腳，係油麻地站附近。呢度除咗有得食火鍋之外，仲有重慶風味燒烤。不過我哋今日嘅目的係烤魚！我哋嗌左條海鱸魚，食得辣嘅可以點泡椒、麻辣同香辣口味，而唔食得辣嘅我，就點左孜然味。可能為咗想個賣相顏色豐富啲，加咗大量香腸去取替辣椒。醬汁味道幾濃，味道似大陸嘅烤魚。呢度嘅魚肉特別彈牙，口感較爽滑。另外我哋都點左啲涼拌土豆絲作前菜，雖然只係BB辣，但係依然辣勁十足，而且蒜味都幾重。好耐冇食過韭菜炒蜆，同樣係味道較濃較重，幾香口，而且蜆肉嘅份量非常慷慨，多人分享都絕對冇問題。

川味午餐之選 夏日炎炎 唔想食粉麵飯禁飽飽滯滯 川菜係一個唔錯既選擇 同老公行完旺角 泥到餐廳點左2個lunch set （好彩有lunch set選擇 可以省略食唔曬 浪費既煩惱） 口水雞同紅油豬耳（同為中辣）再配埋冰底檸7 簡直絕配 2款餸菜均屬涼菜 跟一碗白飯 非常開胃 鐘意食芫茜既我地 特別欣賞紅油豬耳 因為配有大量新鮮芫茜 很香 （不好芫茜的朋友要注意喲）而且lunch 時間人流比較少 用餐時間可以唔洗禁趕 （夜晚都要預先訂位）唯一可惜係 原來lunch 時段係未有燒烤種類 食唔到燒茄子 只好下次約多d朋友一齊夜晚食

我朋友想食川菜，就上網搵到呢一間決定試一試，呢一間餐廳嘅位置唔算明顯，亦都唔係好多遊客會經過嘅地方，但係我哋兩位差唔多7:30入座，發現原來呢間餐廳比我想像中食嘅人都多，而且佢食嘅菜式種類都唔少！除咗有雞煲，火鍋，酸菜魚，水煮魚之外，仲有唔同嘅小炒，重慶風味燒烤，同埋餃子粉面都有！真係應有盡有！你想食咩都有得揀~~最後我同朋友就叫咗一個酸菜魚，然後叫左幾款串燒，再叫咗一個四川涼麵同埋韭菜豬肉餃！先講下個啲串燒先，我哋分別就叫咗雞全翼，雞腎同多春魚，而我同朋友都覺得雞全翼同多春魚都好值得推薦！雞全翼已經燒到雞皮下面果層脂肪無左，食落去一啲都唔油膩，而多春魚亦都唔會有任何腥味，最正嘅係如果你唔食得辣仲可以揀蜜糖風味，食唔到嘅人一啲都唔需要擔心！另外再講下個四川涼麵，四川涼麵嘅份量都幾大，而且價錢仲好平！下面嘅油油超級開胃鍾意，食辣嘅人一定唔可以放過！而且係夏天食呢種四川涼麵真係好爽！另外個韭菜豬肉餃都相當唔錯，餃子皮超級薄而且餡料十足，佢嘅湯底有小小辣，不過我朋友唔算食得辣都絕對可以接受到，仲食唔停口！另外我哋就叫咗個酸菜魚， 魚嘅份量一啲都唔小， 足足有一斤，而且酸菜都非常開胃，我哋叫咗

突登出旺角食川菜，一去到好多人。七點半去到，樓下都係食川菜，但唯獨呢間，二人檯都要等10個號碼。無乜裝修可言，店內大部分顧客年齡層較大。好膚淺講句，憑呢幾樣嘢，已經好期待。希望唔係網紅店，而係真心地道。然而真心，十分好味！水煮桂花魚以麻味為主，好香好鮮。價錢合理。紅燒茄子私心推薦，差唔多成碟都我食曬，哈哈。食四川野飲啤酒當然要青島啤酒啦～

約左舊同事食lunch，我勁想食烤魚，立即想起老川皇。呢間川菜館既味道，我覺得已經好近似在國內食到既麻辣味！二人餐：烤鯇魚半條，青菜一份，跟白飯麻辣烤鯇魚，小辣已經好勁，麻味好重，好川菜風味。鯇魚係烤過，所以魚肉比較實，但吸左d麻辣汁後，喜歡吃麻辣既我勁鍾意食！青菜可自行放入麻辣汁中煮黎食，不過真係好辣！套餐跟兩個白飯！泡椒鳯爪 - 鳳爪爽口，而且好夠辣，勁野味，送啤酒一流！尖椒皮蛋 - 唔係黑色既皮蛋係金黃色的，味道係徘徊在似皮蛋與雞蛋之間！唔洗返深圳就食到好味川菜，每人都$100左右一位，好抵食！

前幾日Team飯時我和同事仔就覺得好想食返老川皇的麻婆豆腐，所以我們決定再來這裡午餐~~~呢度的小菜午餐較在MOKO食係平一截由於我口痕，所以點了薑蔥炒田雞來懷緬媽媽給我的味道~~~食落跟我老媽煮的一樣好食又彈牙，可惜我煮食冇我老媽咁叻和勤力= ="每次來到這裡必點的麻婆豆腐，食落感覺麻得來又好食，辣味相對唔算重，我們還考慮找機會叫上司陪我們來食~~~今次貪得意叫了雞煲午餐，個人覺得熱辣辣等來d雞肉夠淋易入口，不過感覺肉都係唔夠多

來到傳說中嘅呢間食川菜嘅餐廳。大約7:00到，餐廳很大，很多張枱，約一半人數滿。 走的時候全場爆滿仲有好多人等緊位。自從返大陸食完酸菜魚後，對酸菜魚念念不忘。叫咗個酸菜魚 - 好快上菜， 酸菜魚的魚好滑，但都有少少骨；成碟餸好多魚，再叫左個白飯；叫左少辣，但都幾辣。再食埋佢啲酸菜送飯，好易入口。之後侍應講返原來仲可以叫bb辣。下次都係試bb辣，唔怪之得有個好鍾意食辣的朋友話呢間好正。干鍋鮮魷 - 好多魷魚，同埋好多辣配菜，個火燒左一陣，keep住食物的温度，但對我來講都係太辣，不過配飯一流。仲叫左香芋珍珠奶茶 - 珍珠煮到啱啱好，芋香味好重。

酷熱天氣警吿今年五月已經發出了，天氣悶悶的，就想為五臟廟帶來點衝擊，今天就來一下熱辣辣的川菜。這家不愧是旗艦店，位子較舒適，冷氣也充足。這裡還有超值套餐，配搭也很多元化。手拍青瓜，即拍青瓜很新鮮，加上辣汁跟醋，令人胃口大開。涼拌豬耳也很正，豬耳滷得入味，大小適中，吃完一條又一條。口水雞當然不能少，雞肉依舊嫩滑有雞味，花生香脆，加上口水汁，又kill一碗飯了。干鍋黃鱔，整鍋超惹味，鱔脆爽又嫩滑，虎皮椒爽口，送飯一流。川菜不單是辣，調味跟配料真的很重要！

Happy Friday約老友食飯 fd子係旺角食過間好食既川菜表示想encore搞到我都好期待好想試下Fd子醒目呀 有卜枱 上到去已經人山人海 等位迫爆左門口。我地大概等左5分鐘有得入 仲有卡位坐原來除左食麻辣野 仲有重慶風味串串bbq！但今次兩條友都係想食小炒 見到隔離枱碟碟大大碟 驚食唔曬 所以叫左3個餸水煮田雞怕handle唔到 叫左小辣真係好中意d花椒八角個陣麻辣香味 一端上泥個下真係吞左幾啖口水田雞我好少食 但呢個肉質好滑 都幾易”lun”但唔係好入味 唔似平時水煮牛、魚甘吸辣汁～下次都係食返d大路野穩陣有少少唔開心既係點解冇薯粉或者闊粉做面底 得芽菜⋯⋯尖椒豬肚哇 超大碟！本人特別好食炒到勁林既青椒 呢度火喉夠 唔會生到只得爽口～ 豬肚好乾淨 冇臭味重點係成碟勁足料 一d都唔菇寒 呢個辣未算好刺激！下次要叫個中辣試試佢！四川涼面食親辣野點都要有個白飯、薯粉送水煮～今次叫個涼面 味道一樣match!! 面好爽 加埋花生同麻油 正呀

食過好多次既老川皇，佢D串燒系好正宗既味道！超夠味 夠辣 有麻香 又吾會燒到乾珍珍！不論雞牛豬肉都相當嫩口！燒茄子我覺得好難整得好食 因為覺得比較難入味 有時又會吾夠林好難夾黎食 但依間我食完要追加 佢岩哂我好味！

*除左小菜,火煱,烤魚,重有燒烤串燒等,食物選擇都幾多,依到營業時間又開到好夜,又有酒賣,晚飯宵夜一流!!!*烤海鱸魚$228,叫左中辣,個味道調得好好,好香,條魚又大條,配料又多,真係好抵食,食完烤魚重可以點d火鍋配料當打邊爐!!!*熱辣辣,一路滾d香味撲鼻,正!依個烤魚堅正!!!*依條鱸魚夠大條,厚肉,無咩骨啖啖肉,真係好好食!!*裏面重有粉條舖底!!!*豆卜,食烤魚必點,豆卜索曬d辣湯,食起黎辣得過癮!!!*蟹籽丸*芝心丸*田雞,好新鮮同好乾淨,田雞上枱時重係到震震震,肉質好嫩好甜,唯獨就係斬開一舊舊太細舊,放左落湯好難搵番!!!*最後叫左碟生菜!!

平時要返深圳食川菜，今次近近地試下旺角呢間老川皇，朋友試過話唔錯，幾抵食。1. 酸菜桂花魚魚既份量唔算多，岩2個人食，加埋薯粉好好食😋酸味⭐️⭐️⭐️⭐️⭐️辣味🌶好味度👌🏻2. 蒜泥白肉（小辣）超多蒜蓉爆多汁每塊肉都可以蘸好多汁同蒜一齊食😋好味度⭐️⭐️⭐️⭐️3. 干鍋肥腸（小辣）必食之選炒得好夠獲氣，配埋紅青椒洋蔥好惹味肥腸有咬口，諗返起都流口水🤤好味度⭐️⭐️⭐️⭐️⭐️4. 清炒萵筍絲食咁多肉，要叫返d菜均衡d, 炒得岩岩好，味道唔會太濃太淡5. 木瓜奶昔好濃奶味，食辣野飲佢唔錯

川菜是受歡迎嘅中國名菜之一，以麻辣濃味著稱，今次光顧嘅老川皇食店位於油麻地歐美廣場1樓，地方很大，冷氣空調舒適，我們一行三人，正值午市時段，可以試多幾款午市套餐和特色川菜。香辣口水雞是必叫食品，雞肉軟滑惹味，伴碟嘅花生夠晒香口。樟茶鴨茶香鬆脆，甘香可口不油膩。干鍋肥腸好香口惹味，豬大腸好肥美，夾埋爆香嘅洋葱蒜頭，成碟餸好有睇頭又夠鑊氣。干鍋黃鳝泡得好脆口，鱔肉爽脆醒胃，甜椒，芹菜，蒜頭等配菜又香又惹味，加埋冰凍汽水，共聚品嚐惹味又充滿四川風味嘅美食。