老川皇

營業中

休息中

川菜離不開辣, 但係一講起辣, 就唔係人人都食到。今日同兩位朋友, 嚟試下老川皇, 之前聽朋友講, 佢d細辣唔太勁，所以兩位平時食開小辣嘅都岩食！(附近有間分店在對面街, 約朋友的要講清楚係邊間呀！)水煮魚, 一份都夠2-3人食。如果唔係好食得辣, 小辣就夠啦。魚片唔會林batbat, 咬落都好實！口水雞(例牌) ，雞肉滑, 唔鞋口, 辣味浸透雞肉, 唔會好似白切雞咁淡！涼伴牛肚，好爽口, 夠煙韌！燒茄子, 估唔到咁好味，一絲絲咁夾起, 好正！！食辣最啱就係叫d 酸味味嘅嘢飲, 柑吉青檸解辣。提提大家，如叫燒烤嘢食, 要早d叫, 因為佢真係即叫即燒㗎。