老川皇

營業中

休息中

今日同家人往旺角購物，賣完嘢大家想食吓川菜，行到油蔴地歐美廣埸，上去老川皇食個午飯，地方都幾大，侍應安排坐長卡位，夠晒闊落。小辣口水雞夠晒惹味，肉質嫩滑有雞味。樟茶鴨很香脆，鴨肉一有煙燻香味。干鍋黃鱔夠晒香口，甜椒洋葱加上香脆黃鱔，好夠鑊氣，裡面嘅蒜頭爆得好香，肉質鲜甜又唔覺蒜腥，夠晒醒胃，份量又十足，好味道又襟食，送飯真係一流。干煸四季豆很惹味，四季豆新鲜甜爽。手拍青瓜很爽脆，麻辣得嚟又清甜。加埋麻辣豬耳和牛肚，傾傾談談享受一頓美味又豐富嘅川菜午飯。

俾d like吸左入黎。叫左炒腎片，皮旦尖椒及水煮魚。實話實說，一般。不過性價比高。水煮魚中辣也不太辣，分量算多。皮旦是金黃色果種，叫做特別d。炒腎片，正常啦。服務好一般，環境好似大陸食市。唔知係米因為午市關係。。。想平平地食下小辣，是可以的，但要食有水準的川菜，就建議考慮其他店。

今天行開油麻地，想食啲辣嘢，所以去咗老川皇，上到去非常之多人，我哋等咗半個鐘先有位！一入到去我都好肚餓，所以叫咗一個孜然羊肉，一個青豆，同埋一個鐵板炒鱔。一嚟到個孜然牛肉非常之夠味，好有孜然味羊肉，又好淋，好新鮮: 而青豆又好有蒜蓉味，又清甜又爽口，完全同我平日喺屋企整嘅青豆好唔同，最後就係，鐵板抄鳝，它有個爐興住，熱辣辣，鳝球非常之入味，亦都好爽口，總體來說都非常之滿意他的菜式，下次可以一試！

話說小妹自考完試都好耐無出過街，前幾日終於出門，去旺角行街街，行到餓就見到有間望落唔錯嘅川菜😋就係老川皇啦😝位置都幾方便，係家樂坊附近行一兩個街口，舖頭都幾大，人雖然多，但等左一陣就入得😛地方坐上黎係幾舒適，夠闊落唔太迫。兩個人叫左幾碟餸，胡椒豬肚雞（$148）、水晶肘子（$56）、尖椒雞腎（$68）同一碗白飯（$10）🤪每一碟份量都十足！所以我地兩個小鳥胃最後係食唔曬😂個煲勁大🤣胡椒湯味好夠，唔會太嗆，好鮮甜🤤豬肚好新鮮又爽口🤣水晶肘子食落去真心唔錯，裡面既水晶應該係骨膠原加上湯再加豬手肉🤤勁正！尖椒雞腎，尖椒又惹味又正😁真係越食越想食😝價錢方面,兩個人食都係$310，既滿足又飽飽😋

川菜係中國四大菜之一，喜愛吃辣的我，一下班就迫不及待地約上三五知己，一起去位於旺角的老川皇試一下川菜；當然少不了叫上一份酸菜魚以及水煮牛肉啦，齋睇仲沒入口唾液就已經拼命分泌了！！！而且肉多底料足，底料吸收了滿滿的麻辣醬料汁，更是辣得讓我們這幫愛辣者，直呼一個字“爽！燒雞翼，我仲意吃，最後當然少不了點上幾份烤串，美滋滋的滿足一下嘴饞的自己；愛吃辣的朋友們，不妨帶上親朋戚友一起來滿足一下自己胃哦！包你吃過後，戀戀不捨！

2個人係旺角食個靚飯預300蚊budget 左右經過見依度好多人，有d似大排檔，氣氛好熱鬧好岩一大班人食，可以叫小菜share服務幾好 爽快又快手 唔會呼天不應😂我地叫左兩個飯，辣子雞，串燒(雞腎x1，生蠔×1，茄子×1)，川式回鍋肉最好味就係辣子雞 真係好好食! 見到好多人叫，所以心郁郁都跟住點。 一碟有超多乾椒雞肉份量都多～食到最後好似尋寶甘😂 唔會放過每一舊雞!雞肉細細粒，好方便食，一口一粒加一啖飯👍🏻 雞肉好入味，越食越麻😍 但又唔會太麻(太麻會搞到口唔舒服ga)，所以好正好岩送飯!💕 鐘意辣ge人就岩晒回鍋肉好有鑊氣辣辣地～ 好過癮～ 豬肉又夠爽！而串燒就可以過下口癮每樣食d🤤🤤🤤落單姐姐好好人 提我地送黎到先叫飯，因為飯好快上到，放係枱好快凍!

老川皇食過好多次，不過係歐美商場哩間就幾一次食，環境比其他分店大，坐得相對比較舒適。不過留意返哩間分店會有加一服務費。餐牌上食物同佐敦分店截然不同。哩到既鍋類明顯比其他分店多，又有雞煲，串燒可選，仲有火鍋配料，鐘意既打埋邊爐都得。哩個雞煲賣相唔錯，有芫茜伴碟，味道香濃。小辣唔會好辣，鐘意辣味濃啲，可以揀中辣以上。半隻雞既份量好多，而且雞肉滑。138蚊價錢就食到，都幾划算。必食土豆絲。炒到軟硬適中，爽口。辣味同土豆絲好夾，健康素食之選。甜品我地揀左哩款紅糖糍粑。外皮炸到金黃色脆卜卜，裡面又好粘。加上甜甜地既秘製醬汁，好食。

兩條友食麻辣火鍋食到悶悶地，今日去左老川皇食胡椒豬肚雞鍋，食完仲可以打邊爐😍有勁足料既豬肚，三黃家雞實際係咩就唔係好知🙈不過肉質好甜好嫩，仲有大量竹笙，正呀～咁足料個湯自然好飲啦，胡椒味好重，爛當係湯底打邊爐都唔使再加醬料👍🏻配料我地叫左美國肥牛油脂分佈平均🥰仲有魔芋好過癮呀滑lut lut, 當係麵食不過得意啲同埋順德魚腐入面包住啲煙韌野，味道就同魚片有啲似，夠咸🤗熟食叫左個蒜蓉烤茄子調味好香，食極都唔夠喉😌野飲叫左杯蘋果番石榴估佢唔到咁好飲！好清新，解膩一流！

終於有時間睇復仇4 ，長沙灣睇完戲， 想食啲 惹味嘅餸菜。 諗起朋友介紹過一間不錯的四川菜，所以專登搭返車落旺角。老川皇，有好多唔同款式嘅餸菜選擇， 有辣有唔辣. 因為選擇實在太多, 很多餸菜 也很吸引， 最後花了一些時間,才決定點什麼菜式.宮保蝦仁用料充足，90%都是蝦仁 ， 配上少許花生和辣椒。 酸酸辣辣， 送飯最啱四川名菜樟茶鴨， 必點鴨皮色澤柔潤， 肉質嫩滑， 散發著茶燻香味. 兩個人叫半隻鴨就啱啱好. 唔會太多，亦可以留肚試其他菜式。香辣海蜇， 這味餐前小食非常開胃， 而且分量都幾多， 配上芫茜同埋香辣醬， 真是十分惹味。另外，這裡提供了各式新鮮果汁，啱曬解辣， 而且價格不貴， 比起附近的果汁店還要便宜。雖然冇訂位，但係好好彩， 可能時間仲早，等咗唔係好耐就有位。 下次再來一定要訂定位， 同埋試下水煮魚。

本來滿心期待見到甘多好評，的而且確好耐之前食過係ok的。點知就奶野，點左一個甘大個人食過最難食既酸菜魚，雖則佢平但無諗過係去到我食唔落口既地步，酸菜係霉霉地味，魚神奇地可以切到有少少凹凹凸凸甘，不過唔緊要，賣相其次，58蚊我唔會expect你比賣相我，但係你個湯同魚都好難食，d魚食落口粘粘地糊糊地，少腥，湯亦飲唔落口。中點左個酸豆角肉碎，肉碎好少不過唔緊要主角係酸豆角，但呢個豆角好一般，豆角係有正常酸味囉但個菜係唔香，一般到一般

諗諗下少食四川野就search間去食下啦😆場內好熱鬧好旺😲睇menu都睇左15分鐘 大開眼界😂有火鍋（普通/雞煲/湯煲），網上好hit既水煮魚/水煮牛，串燒，小菜等等 非常多元化花多眼亂😎價錢都幾公道一大班朋友黎就可以滿足哂大家所需🥢🥢🥢最後因為想飲湯就揀左竹笙豬肚雞煲 因為menu介紹係先飲湯 再火鍋🥳火鍋醬料加另加$10位 但我地無加因為個陣時係諗個湯係飲得的應該夠味而最後亦知我地選擇非常正確😆湯底的竹笙超爽🤤雞肉鮮嫩同埋重點：雞皮好吃啊！！！！🤩個湯名雖然唔同其他兩個選擇（無mentiom胡椒）但其實佢都係有胡椒底既 大家要留意喇～☝🏻但佢d胡椒都磨得好幼細 為湯底加上微辣刺激😙配料我地兩個人叫左美國肥牛有厚度唔係薄切ga!!! 肥瘦適中 吸到湯底兩者好夾～魔芋條我一開始睇名以為係芋頭條😂但原來係蒟蒻 滑捋捋的😛上網睇原來係健康食品黎既飽肚又低熱量 可以代替公仔麵/烏冬😛又長知識了😬😬順德魚腐大大舊 好鮮甜 好中意～～本地生菜 好大兜啊 新鮮嫩綠 煮完都係翠綠的👍仲有一提的係火鍋食耐左唔夠水店員係會幫你加湯（唔係加水）食極都有味😙我地仲叫左d串燒可揀辣度（特辣/大辣/中辣/小辣/

同好友喺旺角行過老川皇，突然好掛住呢度嘅酸菜魚同水煮牛肉，於是拉着好友入去，呢度除咗川菜出色，重慶風味燒烤都係唔錯嘅選擇，一於叫多啲滿足下我哋呢班大胃王先黎個泡椒雞腎小食， 一入口已經感覺到泡椒獨有香味，雞腎不硬不淋，煮得軟硬適中, 食落爽口彈牙酸菜桂花魚，呷一口魚湯，微微的酸菜味道加上鮮甜魚湯，開胃又惹味，桂花魚香滑幼嫩，啖啖肉，又唔多骨，可以大口大口吃𣈱快地吃水煮牛肉，一大盤火紅紅嘅辣椒，見到已經流口水，至愛吃大辣，大辣嘅程度非常合格，辣得來帶埋麻香，牛肉唔會過淋，口感不錯，除咗牛肉，仲有芽菜，雖然唔係薯粉，但食芽菜健康得來，又唔會過飽，咁就可以再食其他燒茄子，滿滿的蒜蓉鋪在茄子上，茄子燒得軟熟又juice,配埋蒜香，值得一試鮮鮑魚，蒜蓉鮑魚，食落新鮮彈牙大元貝，份量都唔細，笑得一啲都唔乾，依然保持水份，所以食到元貝嘅鮮味食辣加串燒再配埋啤酒，今晚又同好友享受一個愉快的晚餐

同好友係旺角睇完戲，好友嚷著要吃辣，途經歐美廣場，於是上去老川皇，之前食過這裡的酸菜魚一直想再品嚐，既然有朋友陪伴，一於大擦一番！點了一碟涼拌牛柏葉， 味道不太辣，牛栢葉好爽口，伴上大量芫茜，愛好芫茜的人一定大愛等了一會，待應將一大窩滿是辣椒的水煮牛肉放在枱上，大家二話不說，立即舉筷，夾塊牛肉入口，充滿麻香，好友是一位嗜辣狂，胆粗粗的我，挑戰這個大辣水煮牛肉，雖然辣得噴火，不過真係好惹味，芽菜吸收麻辣精華，更是辣得非常，雖然只是吃了幾口，不過芽菜很爽口酸菜桂花魚上場了，酸菜唔太酸，容易入口、桂花魚白雪雪，滑溜得很，新鮮無腥味，大大塊，啖啖肉，以$198這個價格，份量不少，仲要有一大條魚尾連骨，之前食過燒茄子，燒得出色，茄子不會太乾，夾起一絲絲混了香口的蒜蓉，美味可口點了二個海鮮類，燒鮮鮑魚和大元貝，二者都新鮮彈牙，大大隻這裏地方夠大，坐得舒服，埋單價格相宜！真係大件夾抵食👍🏻

今日出左旺角， 又想食辣， 黎左呢間叫老川皇，有得打邊爐， 有得食串燒，感覺似返大陸食地四川菜， 地道啲。除左打邊爐同燒烤，都有小菜， 今日我地兩個人就食左小菜， 叫左4 款， 都夠飽，呢度仲有王老吉飲 同 茶記飲品。上菜都好快。燒烤都好多選擇。鐵板茄子， 好夠熱， 面好脆， 都幾香口。口水雞 例牌， 唔會太細碟， 有得揀幾辣， 唔會得一個辣，我地叫左小辣， 岩岩好。皮蛋係黃色既皮旦， 幾好味。夫妻肺片， 好多芫茜， 芫茜控岩曬， 味道都幾好， 好香。

最近一食番川菜就好似上左癮咁餐餐都想食辛辣🤤 黎到呢間睇到個餐單已經望到流哂口水😍孜然羊肉呢度羊肉鐵板上聞起上嚟好香，羊肉好有川味佢啲配菜洋蔥同埋芫荽再加埋辣椒炒埋一碟食落真系回味無窮酸菜魚之前覺得返內地食嘅酸菜魚先至係最好味但係估唔到香港都有同內地差唔多價錢但係份量同埋味道都唔輸蝕魚🐟酸辣味重，可能係加左泡椒嘅關係同返內地食嘅分別沒差，夠晒地道四川涼麵四川涼麵嘅控油有少少麻辣既感覺仲有幾多花生俾我哋解辣面呢就偏軟身一個涼面同埋兩個主菜都夠兩個人食到好飽