翡翠拉麵小籠包 (已結業)

我一般去翡翠食小籠包都會係4點左緊無咁多人既時間去, 貪唔洗等位. 今次去到例牌叫左小籠包同豆漿, 另外都試下個擔擔麵. 小籠包今次好似失手左d, 夾起其中3個小籠包都痴住菜底(小心地夾), 穿左d汁流晒出黎, 比之前幾次失色, 希望佢地係一時失手. 而豆漿亦一般豆味唔夠, 反而擔擔麵唔錯好香痳油同麵質唔錯. 只係辣左dd. 2個人下午茶埋單約莫$80, 算ok啦.服務態度幾好, 不過撞岩佢地員工用膳時間, 又咁岩員工用膳張台係我地格離, 所以迫左dd, 另我地傾計唔多方便,其實當時成間餐廳都有好多位, 唔明點解帶位姐姐會咁安排.

食過幾次覺得食物質素幾好，但就坐得很迫．．．拉面質素很好．．．麵團aging時間足夠及拉得平均．．故ｔｅｘｔｕｒｅ很好．．．

食過幾次覺得食物質素幾好，但三間比較就始終太古城好Ｄ。兩個人坐Ｌ型卡位幾闊落舒服。次次都食小籠飽，近排覺得鹽水鴨都唔錯，唔會太鹹份量又足。但始終趕客就差Ｄ（如果係做等緊位既咪好囉，做食緊既咪唔好囉），好似食得好趕咁，所以同朋友聚下要等人or想慢慢坐傾偈就唔會黎囉。

點解咁多人話這裡的服務差,我都在這裡食過野食物質素很不錯,服務稱得上很好,但亦不是很差呢!!!

尋日6點幾去到食飯,唔駛等位,3個人叫左呢幾樣野:1.擔擔面-幾好食,自己鍾意食有花生醬味既面,好過金滿庭果d成陣辣椒油味2.酸辣湯面-冇乜特別,個friend話辣喎3.小籠包-之前係太古城果間食過好食d,一夾就穿,唔係幾好4.蘿白絲酥餅-熱辣辣好好食,入面仲有蔥同火� 粒5.紅油抄手-普通啦,一d都唔辣6.素鵝-雖然即叫即炸,但係入面得d冬菇,同炸付皮卷冇乜分別,成40蚊碟唔係幾抵野食都幾好既,最唔滿意係d waiter羅,已經坐角落位架啦,幾分鐘就入黎轉個圈睇下有冇碟收,叫佢地斟茶叫幾次先斟,埋單果陣個西裝友重對住支咪講'埋緊單,埋緊單',好似吹你快d走,多人等位� ,都唔駛咁呀???

1.門口reception態度極差,當客人係狗咁,去食己經好比面,比錢食野仲要受人氣,太過份2.d waitress係咁收碟,過份到企係你後面等收你隻碟,好似想趕客咁3.又唔係好多人等位,都要我地d客人1小時離開,連享受美食都要趕頭趕命....無意思,我寧願唔食,我諗唔會有下次4.著西裝的員工成日睇你d單,見你一食完就即刻收你枱面d野,想加食物都唔好意思5.一到1小時立刻攞張單比你埋,驚死你唔走咁6.食物就真係幾好食,但係我一定唔會再去尖沙咀

成日都經過，但每次因為太多人在門口等，所以都未試過。今晚9點多去到，唔駛等，就馬上有位。叫以下食物:1.脆鱔--炸得太脆，冇乜質感，都唔知有冇鱔裡面，可以唔試！2.雪菜肉絲拉麵-- ok, 清清地，味道唔濃3.酸辣湯拉麵-- 幾好，酸辣味剛剛好，但略嚴D 湯太"結"4.上海小籠包-- 一般，沒有太大驚喜5.紅油抄手--呢個算最好，我唔食辣的人都可接受到，雲吞size ok, 但全是菜肉，如果有蝦就最好！6.薑茶湯丸-- 裡面黑芝麻，普通D，$18兩粒，好似唔係咁值仲有想講佢地D waiter and waitress 好似唔係咁認真，玩玩咁！可以改善一。埋單$190，兩個人分，ok 啦！

兩個月之前去過一次, 劃飛果位小姐已經非常之寸, 不過未試過食物, 都入左去試諗。尋日諗住同幾位朋友再去, 亦都係呢位姐姐, 態度變本加厲, 佢地有兩個規舉:1. 唔齊人唔可以開始等即係你總共有6個人黎食, 一定要俾佢親眼見到6個人係度, 先可以「開始」等位，有一個行開左都唔得, 話之你人有三急。我地黎食野, 唔通黎同你玩數字遊戲, 又或者霸你d鄧仔黎擺野咩! 2. 入座前已要求準時交台呢位姐姐就算叫你入去, 佢都會用手直指你, 再好寸咁講﹕「你一個鐘之後好交番張台俾我!」哇! 大佬, 而家黎幫襯你呀, 洗唔洗咁囂張呀! 仲要用手指指住人客! 我地無入去, 所以唔知到左時限會點, 不過下面位朋友解開左我地既疑團。我地都好明白, 有d客係會坐好耐, 咁係俾面你間野舒服jel, 如果你環境唔好服務唔好, 點坐到一個鐘呀! 未入去已經咁寸, 擺明就係狗眼看人低, 多你地幾個客唔多, 少你地幾個客唔少。若果得兩位, 可以入既, 如果超過兩位...自己選擇喇, 食物其實同好多上海食店一樣, 但就如置身快餐店。裝修係好d, 但金肉其外, 就如三星的裝潢, 普通的食物, 九流的服務態度...組成了其

如果大家想同朋友坐下聚舊,就最好唔好去.因為經理會圍住你張枱走來走去,見你沒有再order,遞張單來要我們找數,他話此店有規矩,唔可以坐咁耐.

阿媽生日,請佢去呢度試下.上菜幾快,可能我地夜去.服務都冇乜唔妥.叫左小籠包,擔擔麵,酸辣麵,雪菜炒年糕,素黃雀同埋蘿蔔絲酥餅.小籠包ok,但都係覺得新開個陣既紅樓夢好食d.擔擔麵有d唔同出面個d,ok啦.酸辣麵就只得酸味,而且唔係咁喜歡個種酸.雪菜炒年糕d雪菜幾好食.素黃雀同埋蘿蔔絲酥餅都唔錯.總結來講其實同其他同類型餐廳差不多.

wow! perfect! i haven't ever tried such a good Shanghainese resturant before. although the price for each dish is not expensive, the portion is too small. at least, U have another choice and U don't need to try "Kam Moon Ting" after U tried it.

今日lunch係呢到開餐,因為成3:00關係,冇咩人唔使等位,因為係一日裡面既第一餐,野就一定唔食得多架喇!兩個人叫左小籠包,四川擔擔麵,同埋千層酥!個麵黎到,嘩...好大碗呀,好彩之前叫住一碗先0者,如果唔係一定食唔哂啦! 再黎個小籠包,{正}皮薄餡靚又多汁!千層酥就係兩個人都飽哂喇先黎,叫左咁都要食架,唔想浪費嘛,一食落口,飽都要追住食,你諗諗佢有幾咁吸引丫,埋單都係八十幾蚊,抵到爛啦!!

昨天約朋友第一此到此吃飯, 點了以下菜式:小籠包-- 皮簿但易穿,湯汁多但太凍,肉味唔夠鮮,但都算幾好! 由於曾到上海一試真正南翔小籠包, 發覺香港實在沒有一間比得上, 較為出色反是深水步的一間大酒樓!!四川擔擔麵-- 很好, 麵彈呀! 湯味濃又香, 充滿花生醬等香料, 推介! 覺得好過金滿庭!火腿烤雙方-- 看過食評後去試, 發覺不外如是, 賣$60 不太值得! ?豆烤桂魚-- 水準一般, 魚都算滑, 但味濃少少, 送麵/飯的話不俗. 清炒蝦仁-- 用的應是河蝦, 爽口鮮甜, 水準和大酒樓有得比!高力豆沙-- 超正! 從來未吃過如此好味的高力豆沙, 表皮新鮮香口, 內裡軟熟, 記著留肚一試! 因一客四大件~ 環境: 如果book 到海景位, 無需搭台, 加2 分!價錢: 只是部份食品相宜, 例如小籠包, 擔擔麵同高力豆沙等!

如果夠四個人又坐到窗口位, 就有海景睇啦(唔關窗o既話)~ 小籠包($20/4隻) - 一坐低叫兩客, 一樣皮薄多汁~凍豆漿($4) - 太口渴, 每人兩杯, 不過貴記o既豆漿仲好味~脆膳($40) - 個sauce太酸啦, 蓋過晒鱔o既味道, 都唔覺自己食緊鱔~酒釀丸子($18) - 都幾多料~Service都幾好, 唔錯~

咁多間翡翠之中，呢間都應該算最大同坐得最舒服；好彩坐到窗邊位仲有海景添！星期六睇戲前，見呢度冇乜人排隊就入o左去食個quick dinner。果陣客人唔算多，招呼都唔錯，仲見到以前嚮太古城店D staff。我地都係叫o左慣常叫o既擔擔麵同小籠包，味道方面就其實間間翡翠都差不多啦。今次食得比較匆忙，都冇乜點留意其他o野；遲D有時間會再去試過。