翠華餐廳 (已結業)

奶油豬仔飽和一流咖啡一定要試,這個組合作茶餐是一不俗之選,咖啡味道好過一般茶餐廳,難怪價錢會貴少少,加上翠華一向少套餐供應,但生意依舊好,就在於其美味的出品真的留得住食客歡心嘛!而且服務好好,真誠真意呢! 順便一提前面間發記茶餐廳服務一樣好好,試過幾次,員工的反應好warm,會care客人的膳食餐單,好周到! 兼好難得!

未幾舊地重遊，驚覺已翻新為北海街（女拔附近）般的「新派分店」。受過海蝦球蝦子撈豆腐麵線淡茂茂的教訓，還是要冬陰：要得「冬陰功海蝦球魚湯米線」當然就不是為喝它的鯊魚骨湯- 湯比以前的淡和水（今趟連胡椒都逃之夭夭），冬陰一pat 到底，又係比以前的淡和水…最有睇頭的，依然是那五隻開邊兼做完treatment 的大海蝦：夠哂爽。你靚爆鏡啦，但唔係我杯茶。

我和朋友都是中環翠華的fans，食物服務水準之高，確是香港茶餐廳之冠。亦甘願付出較高的價錢。星期天，男友心思思又想吃翠華咖哩，廢時過海，到佐敦去。要了咖哩雞飯，我要了晚餐，當晚是炸軟殼蟹配洋蔥豬扒。咖哩椰汁太多，有點膩；晚餐的多士不夠乾身，軟殼蟹有點霉，豬扒就非常入味。還以為跟中環店的晚餐一樣有生果，叫服務員上埋，那個肥仔服務員不耐煩說「等等」，之後當然無件事，後來叫了個阿姐，才知道是沒有送。食物和服務水準完全和中環翠華相差很遠。

21/3(三) 10:30amcheck-up前先得填填肚子,時間倉促未能到茶樓一盅兩件;首選茶記.回味絕世酥香的奶油豬油包,再次涉足翠華.甫入店內,先由禮貌周周的侍應們安排卡座,艷橙的卡座,橙黃的溫色光線,以通花玻璃隔開卡座;配以西式南瓜吊燈,格調頓然骨子高雅起來!早餐選擇寥寥無幾,點了早餐A$21:煎雙蛋配牛油多士,鮑魚火腿通粉,熱鴦少奶及早餐C$24:迷你奶油豬仔包(加$1),蕃茄薯仔排骨湯螺絲粉,茶走.煎雙蛋配牛油多士--多士厚身脆度比縮水豬高,牛油味道濃郁之餘份量也夠慷慨.鮑魚火腿通粉--素鮑魚絲及火腿的食味份量尚算交足貨,反觀通粉口感平平,而湯底味道未算如味精水般人工化.迷你奶油豬仔包--萎縮了的豬仔鬆脆不復再,烘焦度應再高些,失敗!蕃茄薯仔排骨湯螺絲粉--高質素之作;湯底鮮甜得很,排骨肉質軟腍入味,螺絲粉吸盡湯汁精華,散發出香濃味道!熱鴦少奶--味道平衡得恰到好處,並有悠悠餘韻,令人樂道!茶走--色澤泛金黃,茶味香濃但未有掩蓋奶香,上品也!服務水平應是茶記界的表表者,侍應會詢問誰點哪款早餐,端上熱飲時杯耳專業地轉向三點鐘的位置,即使碟上的食物已清光,仍有禮地問道是否可收起

-潮洲魚蛋魚片河: 好彈牙~唔錯!魚湯幾濃郁.加紫菜就perfect喇!-奶油朱仔包: 果然是招牌菜!包烘過,微熱,包身好鬆軟,皮好脆!剛溶的牛油好香,配上煉奶間直無得嘽..!!!~加埋杯香濃奶茶...perfect lunch!非煩忙時間,伙記都不會趕客,坐好耐都無問題~~ 仲好好禮貌=D

之前幫襯過兩次(1)好多時候幫襯翠華都想散叫﹐勝在好味選擇多﹐不過價錢就比較貴。所以經常都被套餐吸引住﹐雖然這裡的套餐價錢都比一般茶餐廳高﹐不過這裡的比較有水準﹐而且都包好多樣嘢。早前星期四晚於佐敦區放學後去搵地方吃晚飯﹐選擇了翠華。我喜歡這裡的套餐有另外一個原因﹐就是蔬菜比例比較高﹐又唔會好似一般茶餐廳一味比多多飯驚你食唔飽但係菜都唔多條﹐這裡飯的份量就剛剛好﹐而且是炒底的。當晚的晚餐是香芒大蝦雞扒﹐除了有芒果還有多種配菜﹐有車厘茄﹐粟米﹐蘿蔔﹐西蘭花﹐而且跟飯個汁酸酸甜甜都唔錯。餐湯我選了忌廉湯﹐個湯不錯﹐不像一般茶餐廳水汪汪的﹐這個湯好creamy好多雞粒。套餐還包括牛油多和飯後果(西瓜) ﹐餐飲加了3元轉熱雪梨茶。埋單$53,雖然只是好普通的食物﹐但是感覺不錯﹐不會覺得好heavy. 比其他地方貴一些都是值得的。(2)再幫襯﹐已經加了價﹐而且套餐一加由$50加到$58。這晚有番茄茸汁煎銀雪魚, 我選擇了跟薯菜。魚肉好”霉”好”削”, 完全不合格! 個番茄茸汁味道好淡﹐$58食一個這樣的餐就真的不值。兩次拉勻只可以比個OK

國內同事出來做野, 我請食飯所以推薦佢去試下但敦既翠華餐廳但今次就令佢失望而回啦一坐低, 先發覺冷氣壞左, 都算啦, 反正不太熱叫了一個晚餐(燒羊架), 另一個牛柳粒先來忌廉蜆肉湯, 一咬, 三粒蜆肉都有沙, 唔掂跟湯的多士, 由以前好有口感既厚多, 變成兩塊薄多, 即刻唔同晒FEEL燒羊架都唔錯, 水準KEEP到牛柳粒就偏咸, 配菜既翠肉瓜有D又煮到爛晒, 影響賣相可能係無冷氣既關係, 所以兩杯凍飲都自動變成"真多冰"飲完之後, 仲有一杯係冰來既又可能有侍應請左假, 所以今日人手不足收碟上野樣樣都慢希望佢地將來既水準會回升返啦

今晚收工後忽然好想食海南雞反,身在佐敦,當然別無他選,馬上走咗去翠華,點知……人多已經预咗,企咗成個字先有位,一坐低就叫咗海南雞反同埋凍奶茶少甜,奶茶少甜變咗走甜,都算,始終目的係食海南雞反,但人算不如天算,個反賣相已經麻麻,雞骨多過肉,一食落去,大鑊!凍冰冰!雖然我知道海南雞反有d係凍食,但冇理油好似雪條一樣掛?叫個伙記投訴,『好忙呀!』『等陣先!』全部做晒『經理』,經過而不理!乜mood都冇晒啦!激死!下次有人請都唔去!

9月17日到翠華吃早餐，我點了B套餐。又發現沙爹牛肉切得太厚，拼命咬都咬不斷。而且，烘面包上的牛油並未塗均勻，只是中間有少許牛油，可見吧台師父不夠用心，有偷懶之嫌。翠華之所以出名，除了服務好之外，食物的水準和收費也是當今香港茶餐廳之冠。記得以前幫襯佐敦店的時候，我通常會用清茶洗茶匙和刀叉，服務員很細心醒目，見狀即刻給你另外送上一杯清茶。但最近幾次去幫襯，不是見到服務員之間一直在嬉笑，忽略人客的需要，就是食物不行，難以入口。我對翠華的印象十分好，不希望有朝一日，它會淪為低檔的茶餐廳。我並不介意多付少許金錢，但希望能享受美味食物和少許服務。至少...保持水準！

來這裏幾次,因為豬扒飽好好味,豬仔飽外脆內軟又大隻,豬扒夠厚又林又入味....加片酸瓜arm arm好奶茶也出色. 價錢貴左dd但也要試試.waiter/waitress 很cool的.茶餐\\\\\\\豬扒飽送熱飲$28.

某天, 晨咁早6點度去食早餐, 叫左個螺絲粉早餐...等緊o既時後發現都幾多人, 而且豬仔包重新鮮出爐添~螺絲粉唔算好特別, 因為我都整到呢o的水準(罐頭湯+雜菜); 之後再來ge豬仔包, 未食已經聞到香噴噴ge牛油味^^由於事前留番o的湯, 所以可以用來點豬仔包食~ 一咬落去脆卜卜, 好好味呀!!(飛起左@@)之後當然係比多5蚊雞食多一隻豬仔包啦, 而且係大隻好多及加奶油^^食完之後好回味, 日日都想食!

諗住求其搵d野食,入到去發覺咁貴,連下午茶餐都$3X點左個瑞士雞翼公仔面撈,d瑞士汁都ok,2隻雞翼都大隻最好飲係杯奶茶少甜,一飲落去真係好surprise佢沖得到咁靚o既奶茶,茶及奶不多不少,很滑唔係咁多茶餐廳沖到咁好o既奶茶食完發覺午餐都係$3X,早知食午餐雖然貴d,但係都坐得ok舒服

去看軟硬演唱會前就來左翠華醫肚先，來到至知道原來呢間餐廳有好多分店。是日食0左燴牛尾，0加哩羊架（2004年'羅'過獎呢），同雲南青瓜。燴牛尾個味都唔錯，但碟野只色總系覺得有0的怪，平時食牛尾，個汁通常系啡啡紅紅色，但呢度0的系鮮橙紅色，唔知系0米人工色素呢。羊架有3塊，好林，0加哩汁配埋個新鮮製成既薄餅真系至高無上既享受呀。好好食，確實值得試。個青瓜煮法好特別，煮熟0左既青瓜，雪到冰凍，再加埋wasabi 同日式soya source食，好特別，亦出奇地覺得幾好食。呢餐美中不足系，有個煙民響旁邊張台勁食煙，最後我地都頂唔順，拿拿林走人。順帶一提，呢度0的服務員都好後生，而且好好禮貌同笑容，真系做到有求必應，有問必答既服務精神。

前幾日同老豆去左食。食左個沙爹河，魚旦河同常餐。ｄ魚河幾彈牙幾爽，都幾好食。常餐個麵都ｏｋ，整體上食物方面都幾好。但服務真係唔多得，成個樓上滿哂人居然得一個人係度，叫左勁耐都冇人應。抹台果陣仲衰，個身係咁向前，要我成個人差唔多趴係隔離張椅，認真唔得。

有兩粒細細粒既魚蛋, 一粒墨魚丸, 一條魚春卷, 一舊仲細過魚蛋既魚腐... 自動走蔥... d 河粉都發晒.... 就咁就27 蚊...... 唔知21 蚊既墨魚丸河會唔會得兩粒丸.... 問個帶眼鏡既哥哥, 佢話四寶河係咁, 魚腐都是這樣小的. 最後他補充一句: 其實我都唔係咁清楚