翠華餐廳 (已結業)

睇完戲搭車前到食宵夜,點了瑞士雞翼麵及一杯咖啡;呢到ge咖啡好穩陣.每次都覺得好好飲.反而我本人就唔覺得呢到個瑞士雞翼麵好好食.我較prefer豬軟骨嗰款.但如選較細份ge可以叫奶油豬仔飽.勁鐘意呢個新鮮出爐奶油豬仔飽.

佢地有兩層,又有一d好似房的地方,只係可以坐數人,一關玻璃門就不同哂,不過會熱dd,值得推介:奶油豬(之前有人推介,的仲以為是椰絲奶油豬(裡面有cream果隻)!午餐=份量小,一般啦!雪梨茶(夠料,正!)仲有佐敦平過香港區架!

尋日黎左呢度食晏, 一點到去到竟然好鬼多人, 估唔到要企問口等位, 好唔容易先有位, 四個人坐底後拿拿聲睇下有咩好野食, 再即刻落單, 皆因個個都好肚餓喇!我地叫左一個占醬豬仔包, 咖哩羊配薄餅, 黑椒牛柳絲炒麵, 油菜一碟同埋一客午餐要墨西哥牛肉飯!占醬豬仔包係先將個豬仔包烘左再切開, 然後擦d果占同花生醬上去, 豬仔包烘完之後就依然鬆軟, 但係師傅就唔係好鍾意d花生醬有碎粒, 所以都係覺得一般; 咖哩羊配薄餅, 羊有三件, 唔算太肥不過就好香羊味, 而且好鬆好腍, 加埋d咖哩汁辣郊地, 超惹味, 而薄餅夠鬆好薄, 都幾好; 黑椒牛柳絲炒麵係師傅最欣賞, 黑椒夠香夠辣, 牛柳絲就參差d, 有d好鬆有d好韌, 而炒麵就整得好脆, 撈埋一齊食真係好正, 冇得頂; 油菜就要左芥蘭, 芥蘭係好嫩而且整得好腍, 一d都唔硬, 好鬼正呀; 至於個墨西哥牛肉飯師傅就冇食過, 所以唔知點樣, 不過賣相真係唔差, 應該都幾好味!總括黎講今次終於去左餐廳堂食喇, 師傅完全感受到佢熱辣辣香噴噴食物係幾咁正, 但今次真係唔知幾多錢, 不過師傅估計每人都至少要五兜野啦, 抵唔抵食呢? 師傅就覺得價錢係偏貴,

行完圓方,過天橋行去佐敦道,突然間落大雨,唯有入去避避,雖然已到晚飯時間,但係我地仲好飽,只好叫咗兩碗粉,一碗片頭魚蛋河,一碗豬軟骨菠菜餃河,一碟鮑汁韭菜花,一杯熱奶茶,一杯雪糕薄荷咖啡.片頭魚蛋好彈牙,菠菜餃好大隻蝦,鮑汁好喊,熱奶茶正,杯咖啡仲正.不過點解茶餐廳全部要散叫冇套餐冇得加錢加杯茶等等!!!

尋晚返到屋企先知道師母冇煮到飯, 正諗緊呢餐食咩好時候, 突然師母左盒外賣出黎, 原來佢已經一早為師傅準備好晚餐喇, 太好喇, 二話不說即刻打開個膠袋睇下係咩黎先!一打開發現係咖哩, 心想一定係咖哩牛肉飯喇, 皆因師母太知道師傅喜好嘛! 冇錯, 果然係咖哩牛肉飯, 個飯盒唔係發泡膠, 而係可以循環再用微波爐盒, 一兜白飯一盒, 好企理, 於是拿拿聲就開餐!咖哩牛肉飯咖哩好濃好香, 而且好多汁送飯真係一流, 有少少辣啦, 但基本上師傅覺得一d都唔辣, 不過就好惹味, 而牛肉就好鬆好腍, 唔會太大舊, 幾好, 但係d薯仔就好唔得喇, 一舊舊鬼死咁硬, 好似生咁, 師傅我就唔係好鍾意喇, 咬左一啖就冇再食過, 不過就食晒成盒飯!總括黎講今次雖然冇去到餐廳, 但令師傅幻想到如果堂食話, 熱辣辣香噴噴, 一定仲正! 就憑呢個咖哩絕對可以比到笑臉, 希望佢地其他食物都一樣好味啦! 下次有機會真係要去堂食再試多次, 不過希望d薯仔可以腍d, 否則希望可以多d牛肉!

果日聽到個人講呢度既奶油豬好好食。果日餓餓地，提議來呢度試下個奶油豬。果然鬆鬆脆脆。跟奶油多既味道差不多，只系個包變了豬扒包的包。海南雞飯-餐湯比一般速食濃，當然都比唔上家湯好飲。無骨雞，都可以。不過雞皮好似多了點毛。

果日叫O左個炒麵，碟O野一O黎到就成陣LAW味之後個瑞士雞翼又冇味喎佢d價錢又唔係平過人，但係一d水準都冇真係令人好失望....

這間餐\廳的食物是非常好呀!

20070812來翠華幫襯，加38元就可以換購一件T-shirt，美其名曰“Tea完又Tee”：）今天見到圖案的選擇已經由“我‘心’翠華”變成“我‘心’豬扒”，前幾天在街上還看到有“魚旦”的版本，可能“集體回憶”的熱潮仍然未過吧。午餐時間，簡單要了一碗豬軟骨拼菠菜鮮蝦餃米線和一碗菜遠幼面，兩個人分而食之。豬軟骨都幾腍，略肥膩了一點，也是正常；水餃的味道蠻清新，正好中和一下。另外跟餐一杯凍朱古力，不是隨便開的“美祿”，不錯：）有兩處的位子著實不錯，一是首層樓梯底的圈圈沙發，二是樓上的視窗長沙發，如果多幾個朋友來，都可以“hea”很久。

對菠蘿油不會陌生，但不知由那時起，市面興吃「冰鎮」的菠蘿油。其實好吃的菠蘿油，中間的牛油要夠厚，面積要比菠蘿包的橫切面大少許，夾在熱烘烘的菠蘿包中，八成軟化，咬入口，香滑豐腴，加上香甜鬆軟的菠蘿包，才是菠蘿油的最高境界。是日在這裡吃下午茶，興起又試一試這裡的菠蘿油。菠蘿包熱烘烘，椰蓉皮雖然還未夠鬆，但也不至硬得「卜卜脆」。牛油看樣子已知太小，跟菠蘿包全不成比例。架在碎冰上面，賣相及噱頭則是十足的。將牛油夾在菠蘿包中，旋即全溶掉，只是一個塗了較多牛油的菠蘿包而已，絕非菠蘿油。不過話說回來，味道是不錯的。也試了雞尾包，見其封在膠袋內，雖然摸起上來熱熱的，但已有不祥預兆。椰蓉餡雖然香甜，吃起來果然是濕濕腍腍的，沒有什麼可吃之道。至於熱咖啡，也有一貫水準。埋單50蚊有找，不算貴，加上服務快手，地方亦好坐，也值一個「笑面」的。作為新派茶餐廳，這個集團也做得不錯。就好像蛻變自居酒屋的居食屋一樣，食物較多元化，地方亦較光猛舒適，價錢都算大眾化。來這裡，總比找老麥及肥佬上校好吧！

這店裝修後今次是第二次來，都是吃早餐。未進入門口已見到店內有售「我（心）翠華」（真的是個心的圖案），相當搞鬼。想不到平日十點都很多人，不過店員很快安排到座位。這次點了A（飽魚火腿通＋煎雙蛋＋方飽），女友則選了C（蕃茄薯仔蜆殼粉＋牛油豬）。個通粉都係水準啦，煎雙蛋就相當好，唯一係唔記得話要太陽蛋，佢煎咗熟蛋，不過吃得出蛋是相當新鮮；女友的蜆殼粉湯底也很好，薯仔都煮得溶了在湯中，也有些相當腍身的排骨。牛油豬漏了單，催了一次後轉頭便上，店員很緊張的問其他食物都到了沒有？整體來講食物素質很好，如果可以再多些早餐款式就更好。

餓餓地又未到食飯時間，記得搭車經過呢度時見到間翠華。行下行下，終於揾到。是日食0左個豬扒包，唔錯！最緊要系茶餐廳有0甘既服務認真唔錯。我地兩個人share 0左個餐加多杯奶茶。侍應生無黑面，又無趕我地走。態度友善（可能系因為下午時段無0羊人0卦）。侍應生全部都系後生仔後生女，唔似一般茶餐廳果的惡屎能登，粗粗老老既伯伯0甘。難怪翠華0甘成功。

平日經常聽到翠華怎樣好食，什麼好食～好，早兩天特意一試，是我的第一次．第一，沒有招呼，那就自行搵位，坐了圓枱，不消一分鐘就被人趕，最後被安排了樓梯底的自閉位＝，＝”（如果有招呼我，就不用趕我）第二，點了一個什麼無骨海南雞飯．例湯唔錯～醬料亦不錯，但雞是有骨的，還是一條條成寸長，亦沒有雞味，同埋十分”鞋”口／．＼　油飯味道幾好，但有生米！！！今天再試多一次，簡單的點了一個晚餐～湯～真的幾好，多士好像沒烘過的，問題不大，今天係西冷扒配天使麵～扒真的很不知所謂，又硬又鞋，唔知咩黎～天使麵更加垃圾，直頭係叫魔鬼麵～乾珍珍仲要得果一湯匙白汁，不如唔好比啦～檸茶以為係糖水～～仲夠膽死收我行我＄６０以後一定唔會再去！

好幾年沒踏足任何一間翠華半步,原因不明.很想吃多年前愛吃的肥牛河,不過餐牌上的肉絲炒麵賣相,已將小弟之心俘擄過去...麵底煎得金黃,香脆鬆化.肉絲茨汁不過杰,如果好像留家廚房般,麵同汁分開上,更能吃得痛快淋漓.港式茶記大哥大,老早將本土茶記特色徹底地顛覆.來到翠華,連天使麵,潛艇等也吃到,真係想得出,做得到.相比之下,更顯得一眾老茶記/冰室/冰廳更可貴.

第一次黎呢間翠華,環境唔錯,好新淨,又大,坐得都算舒適,唯一係比較貴...試左個招牌推介既XO醬海蝦撈麵,成35蚊一個,不過又真係幾特別,一碗麵,上面有幾隻大蝦,又幾鮮味喎,仲有點彈牙添!另上一碗上湯同一小碟XO醬,可以隨自己喜好加幾多,不過原來少少我都已經覺得辣,整體上幾惹味,配合得幾好,唔錯!