翠華餐廳 (已結業)

因為對廣東菜沒什麼興趣，一直沒機會嘗試久仰大名的翠華茶餐廳.今天因工作關系到了尖沙咀，剛出地鐵站，就看到了位於加拿芬道剛開張的翠華，於是決定一試.樓上樓下兩層，環境寬敞舒適，侍應很熱情，感覺不錯.下午茶時間，也不知道它有什麽好吃。於是點了一個B餐.好像叫做秘制香辣瑤柱撈面配迷你雲吞.面沒什麽特別，對於能吃辣的我來說，一點都不辣，也不夠香。倒是個雲吞不錯，裏面的蝦很新鮮，飲品都算大杯.整體來說都算滿意，但對於無辣不歡的我來說，幫襯的機會不多.

海南雞飯 奶油豬 朱古力奶 魚蛋粉 炒麵雞比較新鮮 且有味道..飯就無咩香味且唔大碗奶油豬幾甜幾香脆朱古力奶 魚蛋粉 無特別炒麵也一般吧總結 比一般茶餐廳好食 價錢已反映突了

我同我老公成日都出來這度食宵食，這度d 豬軟骨麵好好味，d 豬軟骨好"林"又唔會好咸，個豬扒包又係好食，因為d 豬扒幾好口感，個包又脆，老公話這度的奶茶好飲呀!間唔中都會食下佢d 扒餐，以前好d，餐湯會有唔同，現在就日日都係那兩隻，所以有時想食個扒都唔食，我地又試過佢個肉絲炒麵，又唔係好油，又炸到剛剛好，因為出面那些我地食過最好食都係利苑，利苑係細細個麵餅咁炸到脆，但係其他會炸到乾晒，食得好辛苦呀!同埋這度的菠菜蝦餃都好好食呀!又有粒，第二度食唔到呀!d 侍應大部分都好好人呀!有時我同老公每人一碗麵都要share 食多個豬扒飽呀!最衰佢係沙田或者馬鞍山冇呀!唔係睇下另一間茶餐廳仲有冇咁寸呀!

早兩日師傅又忍唔住要黎呢度食野, 主要原因係想食得快而好, 而呢次去到發覺勁多人, 都要等一陣先有位!坐底立即睇下有咩食, 記得上次試完雲吞, 不如今次試下牛筋腩啦, 於是師傅就柯打左個沙爹牛筋腩米線!今次等得耐d, 可能係人多啦, 過左一陣沙爹牛筋腩米線已經放左師傅面前! 於是乎即刻試下佢個湯底先, 湯底沙爹味好香, 不過就唔係好辣, 不過就好惹味; 再試下牛腩, 發覺d牛腩係好腍好鬆, 好鬼正; 而牛筋又係炆得好腍好入味, 完全有牛筋種口感, 黏黏地又一d都唔硬, 超正; 而米線又煮得煙煙韌韌, 唔會腍得濟, 咬口一流, 正呀!總括黎講沙爹牛筋腩質素好正, 環境清潔乾淨, 坐得舒服, 服務又好, 而呢碗沙爹牛筋腩米線價錢都係廿二蚊一碗, 抵食! 師傅覺得作為茶餐廳, 呢間食店都算優質, 亦令師傅忽然間想講句香港始終有你, 如果唔係都幾弊, 所以下次一定會再黎!

晚餐時間,食一客文昌雞飯,即係海南雞飯!佢個海南雞飯係去骨既雞,雞本身食落幾滑,可能係凍食既原因,通常啲雞係凍食既時候都覺得滑嘟嘟!飯雞油味唔係太重,可以話係一般既味道!薑茸唔夠香,可能無爆過油,只係溝埋就算!四十幾五十蚊質素要再提高啲先得!俾個ok!

尋晚見飽飽地冇咩胃口, 於是諗住求其食d野當晚餐啦, 於是黎左呢間食店, 無他師傅鍾意呢度夠乾淨同埋食物都幾好味!入到去發覺唔係好多人, 可能係早關係啦, 見有卡位, 而伙計亦招呼師傅坐卡位, 感覺好好, 坐底後睇下有咩好食, 左睇右睇最後師傅決定要一碗淨雲吞!等左幾分鐘淨雲吞就已經放左師傅面前, 第一時間係數下到底有幾多粒先, 咦! 都有成十粒咁多喎, 不過就幾細粒, 唔好理咁多, 試下先! 先試下個湯底, 湯底好清好甜, 一d味精都冇; 而雲吞個皮係非常薄, 好滑身, 個餡蝦肉就幾爽口, 豬肉份量唔會太多, 都幾好味!總括黎講雲吞質素都幾好, 加上環境清潔乾淨, 坐得又舒服, 服務又好, 而呢碗雲吞價錢都唔算貴, 廿四蚊一碗十粒雲吞, 係細粒小小, 師傅唔係好明點解咁細粒, 莫非細細粒容易食? 不過師傅始終覺得好味過麥文記喇! 下次唔係好肚餓黎呢度食碗雲吞都係一個唔錯選擇!

遊過中環、銅鑼灣、赤柱、尖沙咀後，最後一站來到廟街。由於朋友極度鍾情港式奶茶，在眾多餐廳中，她選了翠華食晚餐。　翠華笑哈哈的奶茶杯都夠搞笑了，朋友一個不小心，加了勁多的糖更令人忍不住爆笑出來。你好懞呀! 　除了奶茶外，她又點了肉絲炒麵($46)。可惜雖然是翠華十大推介，炒麵卻沒甚麼水準可言，比上次廣東茶居的出品是差太遠了。　另外試了海南雞飯($50)與奶油脆豬($12)，前者味道亦一般，最討好竟是湯；脆豬就是全晚我最喜愛的一味，又香又甜又脆又棉，十分好吃，大大個也可以順利清掉，最近兩次光顧都見到很多檯有柯打，受歡迎真是有原因的!　題為雙豬記，其中一隻豬，是為紀念美味的脆豬包；另一隻，自己領會吧!

跟友人選了這兒吃下午茶（其實是補回吃午飯），是因為友人說這兒不太會催客人速速結賬騰空位子出來。甫一踏進來，或許是正值下午茶高峰時段（那時約下午四時許），嘈吵非常。職員都忙著招呼，好不容易拿到餐牌，幾經思考，點了一份龍蝦帶子雞扒薯菜。職員都很殷勤招呼，就恐怕漏了單。最喜歡前菜的蒜蓉麵包，這兒提供的蒜蓉麵包跟過往我在其他菜館吃的有點不同──以英式鬆包來製造，柔軟度十足，外型亦非常討喜。原以為伴碟的薯菜，是我很喜歡的、沾滿醬汁的薯條，意外的，竟然是焗薯，焗薯上輕輕掃上了薄薄一層的芝士煙肉，硬硬的，不太對我的味兒。薄薄的雞扒，沒有預期中的充滿肉汁。細小的龍蝦，如換作為大蝦的話，相信會更好──方便顧客進食，咬感也絕對勝過細小缺肉的龍蝦。以$68的價錢來評論食物的水準，坦白說，真的不太值得，但一流的服務，絕對挽回了不少分數。

上完公司做完野...當然要搵個落腳點休息下喇...朋友叫左炒egg加多士加雞翼面餐我就叫左個特長熱狗...我地2個都叫左凍奶茶...凍奶茶味道真係唔錯...次次都可以沖到一樣味道...其實佢既奶茶點解可以次次都一樣咁好味,奶同茶既比例次次一樣..唔通師父次次用量杯沖奶茶既???特長熱狗味道一般...如果多d汁既話會硬好食...朋友個炒egg好似冇咩味咁...都係澳牛好食d...多士就幾好,厚油多,唔錯呢!!面係福面...雞翼有3隻,叫做有良心架喇...不過價錢真係幾貴...同埋食食下有個後生女...應該係新樓面...係到嘈...大大力係到飛d碟同杯...個收杯同碟既箱仲要係我格離....姐係等於大大力飛向我到...好在經理係到...即刻出聲...趕左個樓面出店...如果唔係..我諗我寫唔到e個食評...

夜媽媽想食野,簡單d喺翠華食!食碗雲吞麵加凍檸茶,雲舌既料新鮮,d蝦隻隻完整,唔會馬虎,湯清味美,唔會咸,以茶餐廳嚟計實係水準之作!當然,同麵家會有點距離,例如少左d蝦子味,凍檸茶檸味茶味俱全!總括嚟講,值得食!

今朝佐敦，見好耐都冇幫襯翠華就食番個早餐。呢間D裝修幾騎呢，不中不西，唔新潮又唔懷舊，不過就夠光猛，唔會有up dup feel。講番食野，早餐冇乜選擇，叫沙爹牛肉麵餐($25)，包個牛油仔飽同炒旦，飲品係奶茶。仔飽加牛油再烘過，算有D誠意，炒旦OK，唔係好油。奶茶夠茶味不過仍未夠滑，沙爹牛肉麵D沙爹好香但牛肉完全無味，D麵仲差，未煮開就上。以呢個價位響環頭環尾己經食到個午餐，以質衝量，有點偏貴。

鍾意食佢個鯊魚骨湯底, 鯊魚骨湯底魚味重! 但d 晚餐唔係好抵食,有一日同男朋友去食晚餐, 只係一個松板牛柳粒, 要成六十八蚊, 但只係得五到六粒, 好彩唔洗我比, 我男朋友話佢比!

已經係夜晚兩點,肚很餓,gu gu...gu gu....選擇已經唔多,因為好多已經close,於是就入翠華啦!我食既係魚旦粉一碗加杯凍檸水,估唔到入翠華都可以食到d咁好食既野...魚旦粉d湯好好味,係沙魚骨湯底,河粉好滑,湯唔知係唔係落左胡椒,飲左好暖!好味呀!@_@魚旦本身都好食,彈牙架!下次都要去!

如果問我茶餐廳係唔係一定唔講究味道,只要求方便?呢間就係我say no 既代表!特別鍾意食佢個鯊魚骨湯底魚旦米,鯊魚骨湯底加左胡椒粉既味,暖喉!魚味濃,飲起上嚟係享受!辣椒油夠辣,又香,點魚旦夠刺激..魚旦彈口,不過魚味唔算重,少少缺點咁,但係碗魚旦米已經好食過好多間粉麵檔!米粉妤幼細口感好!叫多碟芥蘭,標榜有機菜,食落清甜..芥蘭當做,唔會老,呢個時候食一流!蠔油係靚貨!!凍檸茶茶餐廳味道,茶味唔算太濃,但唔會差!品質..係一間茶餐廳成功與否最重要因素!!

這裏似乎是一間蠻出名的餐廳，外來客的我和朋友，誤打誤撞得來到這裏，換回的都只是很普通的飲食經歷。蝦仁滑蛋飯：蝦仁非常細件，總量都算少，好在比較新鮮，符合了最起碼的要求。滑蛋則比較出色些，火候拿捏得不錯，又較入味。另外都有少量蘑菇佐味。缺點有二：其一，比較鹹，一個口重的北方人都會這樣想，其程度可見一般；其二，份量太少，從汁到滑蛋再至蝦仁，都不夠吃啊，何況價格又根本不平。黑椒牛柳絲炒麵：反而，鐘意朋友的多些，炒麵即是最最普通的出前一丁，可新意在於其講速食麵煎得十分酥脆，有點似油炸薯絲，個人甚至覺得有少少焦會更好呢。牛柳亦比較嫩口，質素優良。但整體偏油膩，要扣分。椰汁紅豆冰：比較中庸，甜度比較合適（一般餐廳的紅豆冰都會很甜）。不過紅豆煮得不夠淋，要是有食紅豆沙的感覺就好啦。大概由於名氣，價錢都不算便宜，但質素則只是一般茶餐廳的水準，覺得不太抵食，個人不推薦來這裏吃正餐。