翠華餐廳 (已結業)

復活節假第一日，要晨早起身出發，未夠6點已o黎到食早餐\。叫一個早餐\C係羅宋湯螺絲粉-好大碟，湯底好淡，味道似金寶湯，螺絲粉好腍。跟餐\的豬仔飽，算烘得幾脆。散叫一份花生醬厚多士，又係冇邊的再o黎兩杯加大奶茶，size比中環那間大，不過奶味重過茶味。

年初二睇完煙花，因為尖咀太多人，我地就行左去左敦搵食，點知都係咁多人，經過呢度，就決定入去，因為實在太累。等左一陣就有二人卡位，但坐正係水吧隔離，所以熱到佢原本想食魚湯米線的都轉左新年套餐。個新年套餐包餐湯配厚油多、大蝦牛柳意粉、甜品及餐飲。個意粉係炒過的，好油又太淋，無可感，而個牛柳佢就話好食，佢話早知配薯菜好過意粉喎！甜品係吉士布丁，好一般，仲好甜添。而我叫左個娃娃菜魚腐湯米線，個湯好飲，魚腐就麻麻地，娃娃菜都好甜，唔錯，我仲叫左杯涷檸檬柑桔，都係太甜，但都ok。由於實在太熱，我地食完即走。以茶餐廳來講佢地服務就唔錯，但價錢就算係貴，仲要加一添，機乎無樣野係跟餐飲的，叫杯野飲都要十幾蚊，好唔抵！但質素都ok，但要識揀先得。同一價錢可以食得更好呢！

本來想食澳州牛奶公司既炒蛋﹐點知初八先啟市無計﹐肚餓之下去左翠華坐低後見過餐牌好多野揀... 求其地叫左廚司推介既瑞士雞翼撈丁+ 熱華田上到枱, 賣相一般... 雞翼還雞翼﹐一丁還一丁麵雞翼下面有一層瑞士雞翼汁+ 小量椰菜/秀珍菇~~ 二話不說倒晒落去碟一丁麵度. 碟麵食落口有瑞士汁加一點點麻油味. 感覺良好主角雞翼就比較普通, 可以叫做入味既~瑞士汁就甜左小小.小弟喜歡食雞中翼﹐連雞翼尖食得幾狼狽..因為雞翼幾大隻, 要慢慢咬食左$45﹐茶餐廳黎講唔算平

星期日約了辣椒女家人到佐敦拜年，我們打算先去食點東西才再上去。但行了很久，很多食店都沒有開門，最後看到這間，在別無選擇下便來了。我們叫了雪梨茶、奶茶、煎蛋火腿多士。雪梨茶- 喉嚨乾乾，飲返杯保保，又幾唔錯喎。奶茶- 茶味香濃，奶味又唔會過重，唔錯。煎蛋火腿多士- 沒有什麼特別，味道也好一般，可以不試。當日好多人，沒有加一，又有開門，還有什麼可以選擇！

0係尖咀行得咁上下，屋企人提議落佐敦食裹蒸（仲有得食？！）果然係搵0黎搵去都無，最後去翠華食麵∼沙爹腩筋河：亞媽唔鐘意食咁淋0既腩筋，所以我一手包辨晒，勁濃牛味，腩汁好香，如果唔好炆到咁淋會更好，河粉有咬口，唔錯。魚片腐皮麵（正名唔記得...sorry）：啖湯勁好飲！Ｄ麵可能食唔慣，有Ｄ怪怪咁∼鮮油多：厚牛油，厚多士，正！凍啡：講真，翠華杯凍啡個人認為濃左Ｄ，次次飲完都有Ｄ暈...

上次陪同2位台灣朋友，行經佐敦時去到翠華餐廳晚膳。點左一個炸醬撈麵，酸酸辣辣幾醒胃。

食晏時心血來潮想去翠華…好耐冇去，對上果次食都差唔多成年前既事！印象中哩間野價錢貴，份量少，不過d 野都算係幾好味既。今次叫左個b 餐：雞扒腸仔飯(唔知咩腸黎，總之唔係bbq 果d 啦！)，跟個湯(有羅宋同埋中湯揀)，同埋加2蚊要左杯凍飲…整體黎講唔錯，好味！但係份量真係少得可憐，細細堆飯瑟縮係件扒同埋腸仔隔離，兩三啖就食哂…乜而家d 米好貴咩？我又唔係幾食得出係日本大白米喎=.=！不過我都夠食既，但大食既人就真係唔好去勒！另外set lunch($31)得兩款揀，選擇少左d…其他碟頭飯要成四十幾蚊碟…

初七人日想去澳洲牛奶公司食番個早餐再加碗薑汁燉奶,去到先知初八啟市. 唯有行過對面翠華, 點知一試之下大失所望.雖然不太多人,都是選了上二樓雅座, 但發覺座位一點都不雅, 地下有垃圾,枱 面又未抺乾淨; 當時已是十一時許, 但夥計都好像訓未醒且服務態度也不太好.與朋友二人叫了瑞士雞翼撈公仔麵,加央厚多士, 二杯奶茶.....多士是凍的, 高難度喎, 咁厚的多士, 如果是新鮮烘出來怎麼會是全凍的, 再試那個撈麵都是一般而已; 還有夥計放下兩杯奶茶時倒到瀉哂在碟上, sorry都無聲就行佐去(杯茶已經唔係大杯,邊夠喉.....). 對呢間餐廳全無好感, 下次唔會再去.

前幾日去翠華食左個金銀蛋河同海南雞飯，兩樣都認真麻麻。個河粉浸得太耐林晒，ｄ魚蛋又有腥味，個湯就ｏｋ啦。海南雞飯成４７蚊已經唔係好抵，隻雞仲冇乜肉食，又生生地，碗飯就幾香。

星期六下午上課後，跟男友行落佐敦醫肚。在翠華門口見到新推出的茶餐︰鹹牛肉炒蛋潛艇。極愛牛肉和雞蛋的男友見到這個餐後，雙眼發晒光，二話不說扯了我入去。落單時，要了鹹牛肉炒蛋潛艇和一客魚湯墨魚丸墨魚片浸娃娃菜。 兩個餐端來時，發覺分量都幾大，個潛艇其實即係熱狗變奏版︳只不過是將熱狗換了鹹牛肉炒蛋罷了；男友一路吃時，o的油一直滴落，看見我都覺得超肥膩，但男友說超級好味，最正係個熱狗包栱到好脆，熱辣辣的，夾著炒得頗滑的鹹牛肉蛋，yummy 到不得了；至於魚湯墨魚丸墨魚片浸娃娃菜其實做得不錯，湯底嗅到陣陣魚香，但味偏鹹，不過最厲害的是飲完成碗湯都不覺口乾，強呀！墨魚九跟墨魚片就較普通，跟在街市買回來打邊爐的差不多，冇乜特別。

去翠華既原因不外乎都係想食一餐好既, 與其要我周圍探險咁去搵0野食, 點解唔去開間自己認為信得過既呢? 起碼唔使成日傷腦筋!同其他食店比, 只係俾多幾蚊(最多都係相差十蚊到)就有唔錯而又穩定質素既食品, 杯凍飲都大杯過人!俾你搵到好過佢就固然好, 但係通常都係失望居多。所以去開佐敦, 絕大機會都會入去食, 就係咁簡單。*試下叫西多士, $18係貴, 不過可以加煉奶再加花生醬! 有驚喜!

茶餐廳質素良莠不齊已是街知巷聞，但翠華能開剽咁多間分店，無論食物同生，我一向對佢都幾有信心。送完男友上堂，一個人行落佐敦，路經翠華，便入去要了碗墨魚丸粗，她的麵食向來標榜以鯊魚骨做湯底，我不知是否真的，但我相信沒有味精是真的。因為喝埋湯都唔會口乾，墨魚丸都幾彈牙同爽口，值得一來。

若果唔將翠華同安利、王林記、謝記比較，其實翠華D魚蛋都唔錯，都幾彈牙有魚味。試o左個手打魚蛋河，$20一碗；奶白色湯底係所謂鯊魚翅骨魚湯底，都幾甜～但相信落o左D「師傅」，食完都幾口渴。河粉亦幾滑，總括o黎講都幾抵食。

我就好多時都中午去幫襯, 其實附近好多10蚊碗粉麵, 但的確呢間都好好食, 我喜歡食四寶26.00 or 魚腐魚春卷.. 22.00 都很大碗, 她的晚餐就茶餐廳中算貴... 起碼四十先有交易... 晚餐set 重要50.00 添, 就比較似西餐廳那類set, 雖然話貴... 但日夜都好多人幫襯...

我好鍾意食佢地0既湯河粉(配紫菜四寶波菜餃/魚皮餃),好滑;0的白色豬骨湯底好味;既炸醬豬軟骨撈面好野味!仲有,佢地0既凍杏霜好香濃呢!