翠園 (MOKO新世紀廣場) (已結業)

之前試過九龍灣及銅鑼灣的翠園，食物環境服務都滿意，但今次在旺角這間就失望到不得了！我們在8:06落order，轉頭告知那隻鹹豬手沒有了，好吧，那改為「煎烤走地雞」，過多10分鐘，再告知蒸饅頭也沒有了，好吧，就吃少個饅頭。等了半個鐘，所有食物也未上，催一催，來了但尚欠「煎烤走地雞」。這時再加叫個燒腩仔及4個白飯。1分鐘後告知燒腩仔賣完了，又無，唯有叫叉燒，但好硬及有部分"鞋"口。等了15分鐘都未有飯，大家都不敢大吃枱面的餸。催一催，飯來了。但還未見到「煎烤走地雞」。催一催，再慢慢吃住等。15分鐘後，再催一催，再等，由落單到大家都差不多吃完飯了，前後約1小時，那隻「走地雞」都未能走到我們那枱。最後取消order。不要了。叫埋單，又等了15分鐘，好似還沒有反應，催一催，來了。終於結束了今餐想吃甚麼就沒有甚麼，每個動作都要不停「催一催」的晚餐。其實食物水準算不錯，最後上枱的除了鞋口的叉燒外，琵琶豆腐、桂花炒長遠(即粉絲)和麒麟蒸魚塊，味道都是不錯的；侍應們的服務態度也算有禮，但甚麼也沒有及樣樣都要催催催才有的食肆，還是少去為妙，免得「勞氣」！

爸爸生日，我在openrice找尋旺角出名及食評幾好的中菜。之後選了旺角新世紀廣場的“翠園”。剛巧新世紀廣場現正裝修，很多扶手電梯都封了，我第一次經歷到進入商場像走進魔幻迷宮一樣，無論怎樣行都是走不上往六樓的路，我眼見周圍的途人都遇到相同的遭遇和反應，我覺得新世紀廣場有需要加強指示和改善措施。好不容易，轉了幾次扶手電梯及lift，終於上到六樓“翠園”(用咗最少20分鐘！)。第一次來翠園，爸爸說這間酒樓已經有很多年歷史，再看看餐牌才知道原來是美心集團的。我對美心的印象是比較貴，但睇見個menu又唔係好貴喎！好耐無食過酸喬頭，我們食完一碟再叫多一碟！等齊人我哋就叫咗“倫教羊額”燒鵝半隻、花膠雜燴大雄魚頭、一品砂窩飯、梅菜扣肉、翠炒坑龍球。“倫教羊額”燒鵝：我問店員什麼叫做“倫教羊額”？佢話係一個汁。我怕d汁好怪，所以叫佢分開另上，誰知試過至知yummy！佢好似燒烤醬加蔥粒，配上燒得好香好脆嘅燒鵝，d汁俾我點清光！我覺得整體上好味過海港酒樓嘅燒鵝！一品砂窩飯：爸爸是無飯不歡的 (相信他是世界上第一個因為食飯食到有糖尿病的人！)，這個飯裡面有很多海鮮和海味，飯粒炒到完全分開，有飯焦，很香，上枱

在山區工作都超過10年，跟部份嘅官員同宗教人士都成為咗好朋友，雖然唔算好老死，友情都建基於工作之上，不過，工作有咩出問題，大家都好拍硬檔搞掂去。成日問佢哋會唔會有機會嚟香港玩吓，講就講咗好多年，其實唔喺個個內地人落嚟咁客易，尤其有宗教背景，都會麻煩少少，越高級就越敏感，落嚟就越困難。今次其中幾位朋友就跟教會拉大隊落嚟，由於喺跟團嘅，所以佢哋有晒行程，只喺有一日自由活動，所以我同同事都盡盡地主之誼，帶佢哋周圍逛逛，夜晚仲食番餐豐富嘅。最終揀嚟新世紀嘅翠園，貪佢晌旺角區，行完旺角再去食嘢，走時樓下就有港鐵，方便送佢哋返酒店，最重要喺依間翠園無時限，又唔分段，較為好預時間。一行成15人，都真喺幾墟撼。佢哋由重慶偏遠縣城嚟，口味慣晒重辣重油，都怕啲粵菜唔太啱佢哋口味，不過，佢哋都講，近年健康緣故，都興食嘢清淡番少少架喇。所以都無特別就佢哋，當喺等佢哋知吓廣東菜味道。全部叫番晒例牌，其實侍碟唔夠成圍人食，唔喺個個都試到，不過算啦，成枱十幾個餸，佢哋都唔喺好有要求嘅人嚟，唔使樣樣都要試晒嘅。餐前小食（叉燒$72、燒腩仔$58、刀拍青瓜$38）叉燒、燒腩仔依兩樣嘢我估佢哋應該無乜點食過，因為小弟上咗

一直以來很喜歡食美心集團下酒樓的點心及叉燒湯米粉，今次去食叉燒味夠甜但肉質偏乾，米粉已沒從前的爽口好味點心方面還可以，燒買保持水準，叉燒包夠軟熟，只覺得食物上枱時未夠熱啦啦。

在香港，現在很多時候都係畫點心，難得今天想飲茶，去了翠園，發現等位的人真多﹗入到去先發現一間咁新式美觀的酒樓，竟然仲有令人懷念的推車仔，可以見到d點心車推來推去，仲有阿姐熱情的服務，真係好開心啊

五月十六日, 二哥哥的重要日子, 中午兩家人在翠園吃飯. 翠園給筆者的感覺是新派酒樓, 一個充滿歐陸風情,中西合壁的地方, 但吃中菜. 在VIP房裏, 裝修高雅, 大大的水晶燈和西式的鏡子, 配上柔和的燈光, 令人有莊嚴但又和諧的感覺, 很不錯. 用膳的餐具也是走西式路線, 很配合. 第一道菜：乳豬水準非常高，乳豬皮非常脆，皮下只有一豪米的肥膏，剛剛好，吃下時一點也不肥膩，配上自家製的乳豬醬和夾包，完美．第二道菜：貴花蚌帶子炒西蘭花水準也是非常高，貴花蚌和帶子夠鑊氣，爽口，但一點也不也靭，有鮮甜味，特別欣賞貴花蚌．連帶西蘭花也好吃．第三道菜：炸蟹拑筆者對炸蟹拑的要求極高，這道炸蟹拑，吃不出鮮蝦或蟹味，從另一位食家得知是用上大量墨魚打成膠狀，怪不得味道這麼淡，很想吃回兒時炸蟹拑的味道呢．第四道菜：瑤柱發菜嫩豆苗瑤柱吃得出不是下價貨，有濃濃的瑤柱香，熟了的嫩豆苗也挺好吃．第五道菜：紅燒雞絲翅湯底吃得出有雞絲連日慢火煮，不錯．但dad吃得出是人造翅，；筆者吃多兩口也覺得是呢．第六道菜：鮑魚生菜鵝掌鵝掌很淋，但味道不大討好，連帶生菜的味道也是不大好．第七道菜：清蒸老虎斑吃得出是非常新鮮，肉質鮮

龍年之團拜在旺角新世紀廣場的翠園舉行，據說是因為其他想去的地方的春茗早已給訂滿了（那是個多月前的事哇）。當然我等後輩嘛，是醉翁之意不（只）在食了。筵開兩席，有得坐房，鏡面牆身，花花牆飾，一貫翠園的精緻風格。之不過餐具看起來還好，卻是中看不中用，好些碗還有裂痕...菜單已由長輩們擬定，據說是落重料炮製，看陣容所言非虛。頭幾道菜也是正正常常的宴席菜色，不便也沒興致拍照，味道也沒有太大驚喜，不多談了。這個大展鴻圖官燕盞值得一寫，因為近年鼓吹不吃魚翅的潮流，大家也不強求吃翅了，所以便換成了官燕羹。羹底應是蟹黃（中式的菜名就是常常要人估估下），還有蟹肉，燕窩份量也不少，只是整體味道太鹹。［雖然大家都不吃翅，鯊魚保得住，跟著卻會不會輪到燕子遭殃了？］過年當然要吃得豪一點，還有一人一隻鮑魚，這個炆的幾軟腍。老虎斑可能是太大條了，蒸得老了一點。吃到雞，就如大多的中式宴席般，到了這一點眾人開始後勁不繼，倒是那個炒飯挺乾爽的，不錯。煎粉果是浸湯吃的，粉果未浸湯之前已經軟趴趴的，浸了湯之後食味其實沒太大分別。反而我覺得全餐最好吃的，是這個桃紅蓮艷燉花膠，即是紅棗蓮子燉花膠，夠哂滋潤，不太甜（再甜就會很膩的了

公關大員邀來試菜的一局，失傳雞鍋（$198／隻），砂鍋燴焗的閹雞味道較日常的冰鮮雞濃郁，便是肉厚的雞胸入口亦鬆軟，而冬瓜吸收了帶甜的廣東甜口的薑汁醬油，是下飯佳品。

大學時代的友人出嫁了，那麼開心的事情，當然要去湊湊熱鬧，一大班大學同學聚在一起，場面好不熱鬧，大家都在更新大家的情況，不過廢話就不多說，入正題談吃吧。先來的是金豬大紅袍，此店採用的是片皮食法，即只將豬皮片出，再改成小件鋪回乳豬身上，不過是日所見，豬殼已經是不翼而飛了，大家就用豬皮，配上夾包及塗點乳豬醬來吃，乳豬醬也是一向甜甜的味道，突出了芝麻乳豬皮的酥脆，而且皮下的脂肪起得很貼皮，令人吃幾件也不覺得很膩，伴上包來吃，脆卜卜甜甜的，很是不錯。接下來的是彩鳳鮮蝦仁，除了大大粒的蝦仁之，也加入了點豬肉片、紅黃椒及乾蔥一起炒，墊底的西蘭花雖然沒有什麼味道，但由於面層的豬肉片及蝦仁都非常夠味，一起吃就平衡了整道菜的鹹度，不過主角蝦仁徒勞無具外表，夠大隻但就不太爽口，加上味道欠了鮮味，怎也只能說是不過不失，以為蘸點蝦醬吃會好一點，但原來蝦醬一點也不香，徒具鹹味。之後又是滲入了蔬菜的菜式，這個翠瓖碧綠瑤柱脯，大大粒瑤柱的出場，加上旁邊嫩綠的小棠菜，賣相相當之不錯，果然那小棠菜真的非常幼嫩而無渣，而且節瓜軟腍，瑤柱也是明顯的浸得夠軟才煮，口感上甚為不俗，可惜的是店家的茨及瑤柱本身的味道也真的普通了一點

一家人同看電影, 之前先在這裡晚餐. 見這裡有個新的南番順餐牌, 用信用卡還有折扣, 就一試這些傳統菜色.牛耳: 8分, 先來的是餐前小食牛耳, 形狀有點像耳仔. 夠脆, 帶點南乳香, 相當香口, 是令人忍不住一件接一件的吃下去.鮮拆魚頭雲羹 $32: 5分, $32一位, $98一例, 還是要兩位吧. 是比較濃的味道, 我還是喜歡清一點的湯羹. 料就十分足, 魚頭雲不會太腥, 但比重不太均勻, 爸媽那碗是沒有甚麼魚頭雲.龍江炒米粉 $68: 5分, 炒得幾油, 不夠乾身, 米粉質感一般, 只是普通的水準. 好像平日飲茶吃到的還更對味.失傳騸雞鍋 $98: 4分, 全隻賣$198, 我們當然要半隻就夠. 騸雞是閹了的公雞, 肉質實在偏實, 加上用鍋的關係, 雞肉是越吃越鞋. 而且肉味實在是相當之鹹, 是古人愛吃偏鹹的食物? 加上冬瓜, 也不太能減輕那份鹹味.三水涼瓜餅 $68: 6分, 這客涼瓜餅, 除了主角涼瓜之外, 還有豆腐及鯪魚肉. 面頭一大達油, 賣相是有點嚇人, 傳統風味就是那麼不健康? 不過這個配搭是幾匹配, 豐富了味道, 看來要叫文迪自家做個健康版.小鳳雞仔餅 $18:

有一天經過美心酒樓，看見有一本印刷很精美的餐牌，還以為是雜誌送得什麽推介食店資料，原來看真店是美心和她的姊妹酒家推廣的“南番順”懷舊傳統菜式的餐牌（而且要是您想擁有它也可以，只要放低15元便可以）。我最為欣賞的是她的那句《粗菜精做，妙在家常》，那正是南番順那種飲食文化，其實有時候出外吃飯往往就是想有一種住家菜的味道，甚至是自己媽媽煮的菜式那種感覺。她們更把它們叫做《手工菜》，怪不得不會很多食店會花時間去弄此類菜式！南番順向來是廣東之魚米之鄉，而且對烹調食物也有其獨特的手法，跟其他的廣東菜有所不同。加上自己也是半個南番順人，所以特別想多試試此類現在在外邊的食物店已經難再吃得到的菜式。因為菜式種類也太多，單單魚，雞，鵝已經有幾款，不可能一次過試齊，所以唯有選擇三個我們最為喜歡的來作為第一次試吃：-1. 失傳先刂雞煲----記得以前跟媽媽去街市會聽到什麽雞行或是先刂雞，知道後者是太監公雞，叫了半隻，覺得沒有那種“鞋'的雞胸肉感覺，更加添了的是一種鮮味。我最為喜歡的是入面加入了大量的京蔥，蔥頭等等，吃雞之外的一種我喜歡的食物。2. 黃膳飯---有點好似臘味飯，不過沒有臘

今日係阿婆91歲既生日,阿婆同佢既朋友, 我, 我表哥一齊去到旺角翠園食晚飯,見到餐牌各式各樣都好特別既餸菜,最後都係決定叫左(1) 清蒸東星斑仔(2) 欖梅砵仔骨(3) 失傳大煽雞(4) 銀杏鮮竹浸時蔬(5) 貴妃蝦球(6) 桶仔豆腐花清蒸東星斑仔: 魚肉真係好滑, 咁既價錢, 有咁既質素, 真係好底!!欖梅砵仔骨: 炸得好脆, 就算包左汁, 都係脆, 個汁酸酸甜甜, 好開胃, 好特別!失傳大煽雞: 雞肉係生滾熟既, 用胡椒煮既, 好香, 雞肉好爽!!銀杏鮮竹浸時蔬: 鮮竹好有豆味!貴妃蝦球: 呢個係每次必點既餸, 有芒果肉配沙律醬, 好酸甜, 好開胃, 每碟有6隻蝦, 係好大既蝦球, 每次係都好回味架!桶仔豆腐花: 豆腐花好滑, 仲有專人幫你片埋, 俾你食, 一個字"正"!黎美心食飯, 果然係信心既保證!!!超級滿意! 侍應既笑容總是令人有窩心既感覺!一定有下一餐!

7月份唔知係咪無乜人擺酒,所以酒樓都要推出d特價套餐~~12人$1988。(如果有X豐銀行信用卡,可享有折扣),所以真係好抵食。1)上湯焗加拿大龍蝦(伊麵底) - 雖然龍蝦唔係d勁大隻size龍蝦,但師傅煮得好鮮味~~2)茶樹菰炒腐卷 - 唔知點解LI 碟係朋友中勁讚之作,煮得好清甜3)貴妃花枝圓 - 有心之作,師傅好細心將D餡料攪醉,再用皮薄薄包住,賣相一流...裏面有少少沙律醬架4)海皇冬瓜盅或海皇冬茸羹 - 本人當天選擇了海皇冬瓜盅,因為見到桌桌都係食冬瓜盅,所以跟人一樣,好彩無令我失望5)原隻鮮鮑扣花菰 - 鮑魚雖然細,不過咁既價錢都有鮑魚食,OK啦6)龍川湯泡桂魚球 - 可能食都尾段,大家都好飽了~~條魚無乜人食,但我飲過D湯,同食左少少魚肉,係好鮮味,正~7)大埔鹽香雞 - 無乜雪味,已經心滿已足8)客家蒸芥胆 - 芥菜本人一向小吃,但都試了一口,味道OK9)鮑汁荷葉飯 - 因為朋友個個都飽到食唔落,我將一半拎走,昨為第二日既午餐,味道依然可以~~10)海底椰銀耳露 - 女仕平時最愛既糖水,當晚竟然連男仕都要添加一碗,可想味道如何,哈哈整體當晚菜色到令我及朋友滿意,服務尚可

我以後一定唔會再去翠園食野!!!!!1. 點心選擇太少坐了兩個小時，手推車推來推去都是那幾種點心。2. 想食既永遠都冇想食既食物等極D手推車都唔出。想食個雞包仔者，搞到要向STAFF 投訴，等左成個鐘先出第2次車。3. 點心食物長期不變點心、小菜個個月都一樣，食第2次已經厭啦。睇下對面鴻星起碼都一兩個月轉一轉OR 加一D新點心、小食啦。不知所謂。4. 茶水好難飲中菜食館就唔好用金鐲壺沖茶啦，扮西式。最差係人都知沖茶用陶瓷茶壺最好架麻，用金屬，令差茶葉苦上加苦。5. 服務太慢未試過收銀都要等甘Q耐。6. 貴而冇淡好食食兩樣點心，都收我$81 !! D野好食D都冇用LA。

曾經幫親過九龍灣翠園, 貴到痴線又冇特別, 朋友叫到, 都冇乜期望~不過今次真係大讚倫教燒鵝非常好食!! 貴妃脆蝦球個汁好好味, 但分量就少啲. 栗米海斑塊 就ok啦 金銀蛋莧菜也不太咸例湯係霸王花煲豬骨, 也算ok, 分量就少啲.整體菜色真的做得不錯, 服務可以再友善啲, 好大冷氣~