翠園 (MOKO新世紀廣場) (已結業)

之前食過一次晚飯,都唔錯,新舖環境好靚,坐得好舒服,鍾意佢張台布繡左花,幾靚架...今次黎係飲茶,佢係"推車仔"型式賣點心,屋企人就鍾意咁喇,見到有咩就叫咩,唔使等畫點心,有時等得黎都好餓啦...佢都有d係畫o既...但我地係不斷叫推車仔o既點心...每一樣野都幾好,有牛什,花生雞腳,牛孖筋咁,已經好少飲茶可以食到喇...仲幾入味tim...其他點心都唔差,冇投訴喇~其次我地叫左個"煎堆王",係之前見過隔離台叫,好大好大...成個藍球咁,今次我地都要叫黎試下,好便..只係三十幾蚊,叫黎睇下都底啦...剩係得lei間翠園有得食ja...入面係空心,只係個底有舊糯米團同爆米聚住,等佢唔會碌黎碌去...煎開黎食...一片片好簿咁,比平時o既煎堆籌,都幾得意,係油左d啦..我地叫完,隔壁台見到都叫...總知一送黎就會成為焦點...成粒龍珠咁,哈哈

小弟係附近工作和住,一星期會飲二次茶.個頭D茶樓都試到七七八八,之前既美心皇宮和現在呢間翠園都是小弟飲茶首選,水準中上,而且幾穩定,唔會時好時曳,環境不算迫幾好坐,最重要味精不重,食完唔洗狂飲水.......

去食晏, 特登早d 去, 12:30 到, 都要等位. 不過都係十幾張檯. 不及又一次的星期日,一點左右到, 要等成50張檯, 當時梗係即走去apple green. 今次等了15分鐘已經有檯 . 裝修及轉名後第一次來. 一入去感覺比舊時的美心皇宮靚好多. 以西方裝潢, 檯與檯空間大了. 整體空間感增加. 這樣比傳統的酒樓沒有那麼焗綀. 俾你的感覺係成間酒樓升級哂。 當然檯的數目一定比裝修前少。杯碟餐具全都轉了西式. 感覺同high tea 差唔多. 不過仍然有推車仔賣點心. 可謂保留了傳統的特色, 再混入西方的原素, 絕對是一個crossover. 其實整體感覺是幾舒適, 不過不中不西係有點奇怪。最欣賞係手推車的菜牌改善了, 現在有中英文點心名. 而英文名譯得有誠意. 除了名字外, 側旁亦註名了點心的級別, 如大,小, 廚, 特。依個新的改善真的很欣賞. 好, 到食物.吃了大路食物. 水準完全不及裝修前. 食物不是太油就是無鮮味., 完全不能引起食慾. 食了幾碟之後都好失望, 想走. 同埋都唔知食咗d mug.要坐得舒服, 這裡是一個好地方. 但要好味, 一定不是這裡。 而我, 亦不

睇到報紙推介旺角翠園，咁啱媽咪生日，所以一行五大一小到旺角翠園晚飯，環境好靚，真係好宮廷feel，服務好好！叫咗六餸一湯！海晢-----------正常！滷水豬手-----偏喊！雜菜煲--------冇乜特別！梅菜扣肉-----幾好餸飯，而且幾入味！招牌琵琶鴨--報紙推介，但係冇想像中咁好味！琵琶蝦球-----好味，值得一試！最值得推介！花膠煲雞湯--ok~食咗$900左右！

上次係新世紀發現左原來美心皇宮無左，不過變左鴻星同翠園，上次食過鴻星覺得都幾好呀，今日又黎翠園試下。原來佢地係有下午茶既，唔知係咪因為平日少生意呢？我地大概 2 點幾 3 點去到，原來都幾多人架喎，仲要等位添，不過都係等 3-4 MINS到，好快就有位啦。入到去發現原來佢唔係畫點心，係推車仔的，真令人懷念以前係敦煌飲茶既日子。不過由於佢俾我地個位係比較裡面，基本上我唔係好睇到D車仔有咩食，通常都係要個阿姐嗌或者我出去望下先睇到。感覺上佢都係食傳統點心，唔會話有D咩特別野咁，係最大路既茶樓點心。佢有幾架車仔同一時間推，不過搞笑既係有D點心係重覆既.... 係咪剩左太多所以要幾架一齊賣？？無咩特別想食，最後點心只係叫左個蛋撻同流沙包(必叫點心!)。另外我地再叫炒麵食。不過個蛋撻唔好食(><)，難得佢係酥皮蛋撻，仲諗住會幾好添。佢俾我既時候已經係凍凍地，食落去係微溫，不過呢個都唔係重點，重點係食到D油「益」味，所以麻麻地。蛋漿亦唔夠味而且偏少，所以係唔好食的。流沙包就相反地幾好食，個麵包超軟熟，又唔係勁厚，流沙餡偏甜，唔算勁流沙但都可以接受，都叫做OK啦。反而炒粉麵飯感覺上多

諗住今日LUNCH食PIZZA.但朋友L君同Y君打電話俾我.叫我過去旺角新開嗰間翠園.回顧上次銅鑼灣同埋德福既LUNCH.我諗今次都唔會差得去邊呱!一入門口,接待姐姐有禮貌地講"歡迎光臨"值得一讚.2:20PM入到去,都幾多人.睇下周圍,個場地以白色做主色.我諗多數都係做婚宴多D坐低咗,咦!我最LIKE既型仔鋼壺.再睇下周圍.我最鍾意既一樣野,點心車真係有如某位網友話"呢D先叫做飲茶家MA"下午茶特價如下:小點$12.8中點$15.8大點$17.8叫咗D大路野蝦餃.粉果.三文魚撻.春卷.油菜.味道一貫美心作風.穩當而唔會有太大驚喜.但......最意外既係佢煲老火湯$48半份.雖然我地三個人一人只有一碗多D.但出湯既時候見侍應用酒精爐同人客熱湯.夠晒味又唔會飲完之後要飲好多水.另外呢間翠園D燒味都做得唔錯可惜電話無電.唔記得影點心車.一致通過朋友L君同Y君話可以下次再嚟過

新裝修果然好靚水仙茶好香見有八款湯揀, 好開心, 問清楚原來每日得一款揀, 結果無叫是日例湯 再叫金錢雞, 可惜賣晒 唯有叫其它海味雜菜鍋 幾大鍋, 無乜味精, 唔錯龍鳳蠔砵, 估佢唔到, 原來係 <义燒+蠔+燉蛋>, 味道就..諗住後加 啫啫排骨煲, 廚房做咗啫啫雞, 見已經飽飽地, 無要到..最抵讃係服務, 有四、五星酒店级數, 只要保持落去, 一定會好好生意