翠園 (MOKO新世紀廣場) (已結業)

既然小吉還未出生, 食評還是會繼續更新. 是晚就一家人來到翠園慶祝父親節, 選擇這裡, 其中一個原因就是因為這裡是免了美心及東海堂的切餅費, 一家人吃完晚飯再吃父親節蛋糕, 真好.翠園的水準一向穩定, 其中駱克道的翠園分店, 更曾經連續四年得到必比登的推介. 是晚我們來到新世紀分店, 環境不俗, 樓底幾高, 就算人多也不會太嘈雜. 父親節期間, 餐牌有所不同, 不過價位還是相當合理.金牌燒腩仔 $68: 8.5分, 每次來到翠園, 少不了的是點選一客金牌燒腩仔, 是晚吃到的, 還是水準之作, 皮脆, 肉質幾嫩滑, 具層次感, 肥肉跟瘦肉的比例合宜, 還是必吃的招牌菜式.菠蘿生炒骨 $68: 8分, 也來一客開胃菜吧, 說的就是菠蘿生炒骨. 甜酸度控制得不俗, 個汁是幾惹味的, 送飯一流.涼瓜肉碎煎蛋 $62: 8分, 文迪要多吃涼瓜清毒, 那就來一客涼瓜肉碎煎蛋吧. 煎得不會太油, 帶點蛋香, 配上涼瓜同吃, 簡簡單單的家常小菜, 最緊要是適合文迪去吃嘛.艇王湯泡翡翠苗 $68: 8分, 既然要吃得健康一點, 那又怎能不點選一客菜蔬. 是晚的選擇是艇王湯泡翡翠苗, 個湯是幾清甜的, 而

3個人 6點半左右就到該餐廳用餐點左4個餸1個例湯首先服務嚟講，侍應招呼周到，舉手要佢地幫手影相，都滿面笑容幫我地，明明佢地仲忙碌緊。食物質素嚟講，大致上都唔錯，＂貴妃蝦球＂有六隻蝦球，芒果溝ＷＡＳＡＢＩ既醬汁都幾好味又特別。另一道菜，＂啫啫班腩煲＂就夠鑊氣。仲有一道菜就係　「燒腩仔」，皮脆肉嫩。仲有一道菜就係「一品素菜盆」，似足羅漢上素，幾清淡。例湯就木瓜蘋果煲豬肉，冇味精，好好飲。惟一就可能係晚市較忙，所以上菜可能會慢些，但絕對理解到。

如題，上菜慢服務差，呢個價$我唔會再揀呢度，食物退歩，仲衰過稻香！上完一道菜食完等20mins先再上下一道，侍應，部長，經理好似唔識笑+無水洗面様！隻乳豬一D都唔脆，條魚鞋過擦膠，隻雞咸到要洗腎，基本未食過一道菜係ok, 臨尾又搞錯我一早order的壽包，當然侍應們仍要互耍一輪，死不認錯，而客人只能繼續苦等！

9點鐘到達，人已經無咩，唔洗等，如果7點到8點依d時間黎就一定要book..首先點個芝士焗龍蝦，menu無的，自己亂叫的！$268一隻波士頓龍蝦，伊麵底要加35蚊。龍蝦新鮮彈牙，伊麵就少得可憐。之後清清地叫左個雜菜煲，份量算多！另外豚肉金菇卷都唔錯，不過以經開始飽所以食唔哂！埋單500零蚊，都幾低食。

晚飯小菜到處都是，但想方便及環境好的，就沒有太多選擇。我們選了這裡做我們今次的飯局 燒腩仔ok，但不叫哇一聲 芒果蝦一般，ok，但也沒什麼特別 那筒雞無肉，好似食雞骨多D 那個甜品鴨仔，皮太厚，小朋友個個唔食，嘥哂 其他小菜都可以服務方面又是唔夠人手問題要叫先做換碟動作食甜品無叉，叫我們用筷子

新春聚餐浪接浪，今回與家人到新世紀廣場翠園用餐。或許是日是吉日，同場竟有四對新人辦喜事。我們亦不遑多樣，欣欣喜喜享用了一頓撈起宴。所謂撈起，是把一系列食材以特定及步驟以筷子拌勻拉起，配合吉祥說話，取其撈得風山水起的意頭。詳細撈起由來、材料及步驟可見於以下相片。美饌同心鮑撈起：這道菜的亮點明顯在於撈起過程的熱鬧氣氛。食味方面，以清爽感覺為主，酸甜口味交雜，中間亦滲入脆脆原素，特別得來幾好吃。金豬呈獻瑞：醬燒金豬皮脆，但肉質較肥。甜蜜富甲玉帶子：甜豆甜脆，帶子鮮甜度中規中矩。發財聚寶大紅盆：碟頭頗大，當中的花菇鵝掌既腍又入味，「發財好市」及海参食味合預期。大展鴻圖燴春燕：蟹皇力度不足，燕窩份量亦不算多，普通。如魚跳躍飛：沙巴龍躉肉厚大條，魚味夠濃，但肉質有點鞋口。大地喜迎春：金菇瑤柱量多搶味，翠苗清新脆口。彩鳳聞歌舞：燒雞皮脆度中等，但肉質比預期滑多了，配合濃郁雞香，幾好味。家肥滿屋潤：糯米飯色水勻稱度及臘味風味皆稍欠一點點。闔府慶團圓：南瓜露香度甜度合適，配上芝麻湯圓更見滿足。

小妹好耐無同兩老飲茶, 襯住一連八日的長假期, 早點起床去搵定位服侍兩位大人。一向都唔多喜歡新世紀廣場, 唔好行之餘又多電梯, 但係想係旺角坐得舒服點都係會選擇翠園十二點鐘去到, 大約等了35 分鐘, 可以接受坐定定叫埋茶就可以享用精緻點心。小妹至愛 叉燒飽, 還有潮州粉果, 糯米飯, 雞扎, 山竹牛肉，豆苗餃等其中以山竹牛肉水準最突出，牛肉濕潤有口感，　唔會成到一口粉。而叉燒飽亦都唔差，如果賣相可以靚仔一點就更好。其餘點心水準比一般酒樓好，而且又好坐，是飲茶首選

XO醬炒蘿蔔糕，XO醬辣辣地好好味。酥皮蛋撻仔，酥皮很鬆化。流沙包(小心)，小心一咬開爆漿，好味奶皇味濃厚。棉花雞，百花釀魚肚，軟綿綿好吃。肉菘茄子炆米，樣子不夠深色，但味道又唔錯喎。鳳爪OK呀。

這天與親戚來到這邊吃飯，雖然對中菜不感興趣，但與親戚飯局還是會出席，畢竟只有少數人有血緣關係，而且旺角東都不算遠，地鐵也只是數個站而已；不過放工來真的有點辛苦，先在地鐵迫一陣子，然後再從地鐵走過來，又要與行人在迫，實在令人喘不到氣來。上湯焗龍蝦我總是認為在這些酒樓吃的食物都不是好的，但這天的食物質素都不俗，至少也有些食物令我覺得是滿意的。先來的來這個龍蝦，對於海鮮總是沒有抗拒的能力；這龍蝦比想像中新鮮，肉質彈牙，鮮味很足；而底下的伊麵亦沒有蓉蓉爛爛的；上湯的鹹度鮮味亦適中，第一印象已經算是不錯。碧綠豉蒜蚌片雞球蚌片新鮮，爽口彈牙；而翠玉瓜亦很爽口，平日吃得太少蔬菜，所以這天不自覺的吃了很多很多。翠玉瓜十分新鮮，脆而不爛，海皇冬茸羹因為冬瓜盅已售罄，所以我們只好點冬茸羹，其實冬瓜盅或冬茸羹都好，反正都是夏日良品。味道頗清甜，沒甚麼味精，雖然沒有一片片冬瓜吃，但可以這樣吃其實也不錯喔，清蒸中青斑這條斑的份量都算不少，頗新鮮的；魚身已經蒸得爆開，略嫌肉質比較嚡口，蒸魚最忌的就是嚡口，這條鮮魚就這樣白白的浪費了。瑤柱杞子泡菜苗看到這個時，心已感不妙，這種菜是非常嚡口的。即管夾來吃吃，吃完一口後

放平日，於是同阿媽去翠園飲茶。 翠園一定要等位，只係等幾耐。 今日較好彩，等咗三個字度咋。 開完茶之後就係要四處張望，睇吓點心車有咩食。 今日啲點心唔太啱心水，只係要咗蝦餃、蝦腸、菜苗餃同楊枝金露。 我覺得點心好一般，蝦餃無荀粒但有好多肥豬肉。 蝦腸皮好厚，唔算滑，啲雪蝦無乜味。 菜苗餃就唔錯，爽口。 楊枝金露。。好甜喔喔喔。。。由於叫得太少點心唔夠飽，所以叫咗個燒腩仔米粉。 燒腩仔又真係好正喎！！！皮脆，又係五層肉。 不過個“上湯“米粉就好淡，完全飲唔出係上湯，似鹽水多啲。

三人行去食午餐。果度既點心係推車仔，好有趣。叫左燒賣、蝦蛟、咸水角、炸雲吞、珍珠雞。燒賣冇胡椒粉，好難得。蝦蛟皮又厚舊又細，5太滿意。炸雲吞非常脆卜卜。咸水角既皮好香脆同好有口感，d料熱辣辣。珍珠雞好mini，5會太飽。等左甘耐，終於見到推甜品車既阿姐la！叫左隔衣綠豆沙、鳳梨糯米、楊枝甘露、桑生蓮子蛋茶。綠豆沙既綠豆因為冇衣，所以溶晒。雖然糯米既皮係黃色，但冇味，得中間有d罐頭菠蘿。楊枝甘露好足料，超多芒果肉。蛋茶冇咩桑生味，得個甜字，但好多蓮子。埋單果陣計左4個人茶費，但我地得3個人。所以追問距地，原來只係印錯左，但茶費係收得岩。各位待應都好有禮貌，只係有時有d推車仔阿姐會隔住兩張檯黎問要d咩，有少少不滿。

這是另一頓慶祝父親節的晚飯, 來到位於旺角新都會的翠園。 想不到這樣大規模的酒樓, 其食物質素也有些驚喜, 例如這道香芒汁蝦球伴脆奶, 賣相一般, 尤其那個黃色的香芒汁, 感覺有些奇怪; 不過, 味道卻非常醒胃, 伴以蝦球來吃甚為配合, 蝦球體積很大, 也算鮮美, 有六大件, 絕不欺場。 伴碟的脆奶炸功不俗, 至少炸得乾身, 沒有多餘的油份。

好奈冇食過中國野，今次同媽媽，仲有媽媽Ｄ三姑六婆黎食晚餐。呢間野既裝修好靚，好似酒店咁呀！當然立即叫左媽媽既最愛，就係刀拍青瓜啦！我就唔中意食既，但見佢食到笑笑口咁，都唔知係因為同我食飯而開心，定係刀拍青瓜真係咁好食！我就再叫多個燒腩仔，呢個係我既最愛，真係比１００分呀！！！外皮勁鬆脆！！呢間野既中國菜其實同出面既都差唔多～不過我覺得大排當好似有ＦＥＥＬ　Ｄ，不過天氣好熱，我媽媽最怕熱，所以都係算啦！！

一坐下來 二話不說侍應便放上小吃一碟 雖然不是我喜歡的味道 但這東西的味道是做對了點了水仙 味濃卻不算好不過不失而已家人遲大到 他們同意我先點菜 點菜時指明了待其他人到了才起菜但讓他先送上我點的小吃 因為我餓了最後人全到了且一追再追還等了接近40分鐘才見第一道菜至於我的小吃到很後才出現飯未吃已一肚氣第一道上來的菜是一品八珍扒大鴨半隻味道沒什麼特別 勝在一道菜有多樣材料有帶子 蝦 菜 鴨 菇 肉片 等等基本上我已忘了大部份菜式的名字這個紅燒豆腐做得不錯 熱氣騰騰配上不知道是飽片還是飽魚菇的東西 口感極好魚餅配蜆蚧醬 這就是我點的小吃 吃到一半才上來一碟八塊 份量不少魚餅味道尚可但欠香口 蜆蚧醬不合格 既不夠咸也沒蜆蚧味這個魚頭湯份量很足魚頭很大的一個內裡還有蝦 蜆 雞湯能喝到蜆的鮮味 有新鮮感的一道菜乾燒伊麵 因為白飯$12一碗所以覺得要個麵比較划算味道是一般水準 偏油膩不過伊麵這東西只要不做得特別差就是讓人想要一口一口吃下去雖然最終還是吃不完要打包不論上菜太慢 買單也是慢得讓人煩躁我們還看着別的桌比我們遲買單卻可以比我們先付款把侍應叫來反映問題 我爸還跟他說了上菜太慢的情況可侍應連看也

上年有班國內山區嘅朋友嚟香港玩，其中一日喺自由活動，所以就請咗佢哋嚟翠園食飯，仲寫咗篇食評「翠園．隨緣」，以前都跟老婆嗰邊親友食過幾次翠園，一向對翠園都印象唔錯。今次「重遊舊地」，事緣偶然間在面書中聯絡番一位十多年前認識嘅團契導師，講開約出嚟食餐飯，又有其他團友仔和應，加上人數唔太多，所以飯局好快搞得成，既然又喺咁隨緣，所以地點咪就喺揀翠園囉。席間大家咁多年無見，所以話題多喺圍繞彼此嘅變化，家庭嘅轉變，生活嘅轉變，工作嘅轉變，信仰嘅轉變……。但回望過去，講番初相識之時，又好似唔喺好耐嘅事咁！哈哈，好似啲老人痴呆咁，近嘅嘢就「蒙查查」（尤其公司嘢，更加唔想記住晒），遠嘅嘢就記得清清楚楚。泡菜 $12碟有毛豆、烤麩、烚花生，毛豆唔知喺咪以鹽水泡浸過，帶少少鹹味；深啡色如海綿嘅烤麩，入味耐咬；烚花生軟軟腍腍，人未齊，食吓傾吓，好快就清咗一小碟。秋栗炆排骨 $88小瓦煲滿滿載住炆排骨，配料仲有冬菇及栗子，冬菇非常厚肉，而栗子亦十分粉甜，排骨彷彿有啲變成「大茄」之角。雖然變咗配角，但佢都算入圍到候選最佳男配角，因為排骨炆得夠味又鬆化，又唔會有太多餘嘅醬汁！啫啫生斑腩煲 $118跟手上枱喺個斑腩煲