翔壽司 (已結業)

厚福街都可以算係尖沙咀其中一條食街,無返咁上下都好難立足,門口要排隊既都應該係好食既指標之前見呢間門口都差唔多長期有人排隊,已經好想試,今日見佢得兩三個排隊,即刻去試試等左15分鐘左右就有位,坐低左之後就開始多人排啦,好彩原本想試下佢個omakase,可惜我地兩個都唔太餓,驚食唔晒,最後叫左特上壽司盛合同埋炙燒壽司盛合炙燒壽司盛合師傅整緊既時候,已經聞到好香,送黎見到豐富既魚油,即刻食指大動,特別係吞拿魚腩同埋左口魚邊,燒完迫晒D魚油出黎,食完滿口油香，好正特上壽司盛合帶子、海膽、牡丹蝦好甜其他都好新鮮,$250呢個價真係超值最後見隔離枱係咁贊個鰻魚壽司,我都忍唔住叫,鰻魚好厚肉燒到好香,果然好食尖沙咀有質數既壽司店都好多,不過咁既價位就搵唔到幾多間啦

今日午餐決定豪一豪，食個Omakase先！朋友介紹過呢間翔壽司有超抵食嘅廚師發辦，只係$380同$450/位。呢個價完全係出面嘅一半至三份一！今日選擇$450，有大拖羅！<刺身>第一個環節已經超有驚喜！北海道牡丹蝦，勁大隻，鮮甜彈牙。鰤魚腩，爽口得黎又有豐富油感。銀雪魚，通常熟食都勁滑勁正嘅魚，作為刺身，火炙過後令油分更上一層樓。大拖羅，超級厚身，完全無筋，魚油爆棚，紫菜入面加有紫蘇葉同炭鹽，調味真係超出色！<壽司>值得一讚呢度嘅壽司都係厚切，飯則係暖暖地，口感有驚喜！金目鯛，已用醬油芥末調味，厚身，黏口。新鮮北寄貝，平時見到橙紅色係熟嘅，呢個係生嘅，所以係呈灰色，係好爽口。針魚，係seasonal嘅魚，因為係光身魚，用左薑蔥癖腥，爽口！北海道赤海膽，完全無腥味，鮮甜，份量又滿載！燒左口魚，超油，完全好似放左一片油入口，炙燒後真係不得了。剝皮魚，上面係剝皮魚魚肝，口感幾特別，魚口感黏口，上面嘅魚肝滑溜。炙燒吞拿魚鮫，居然口感有啲似左口魚，都係油分滿載，不得了！蔥拖羅手卷，包得好好啊，入面嘅拖羅蓉同蔥嘅比例啱啱好！最後以一碗面豉湯作結，入面海帶都非常多，味

今次嚟到尖沙咀呢一間性價比高壽司店，一個餐 $158有十件壽司🍣，感覺非常抵食，今次就叫咗三文魚腩、吞拿魚、油甘魚、真鯛、深海池魚、魴鮄、火炙金線鯛、京蔥吞拿魚軍艦。三文魚腩、油金魚都好肥美呀，入口有少少油甘香，而京蔥吞拿魚軍艦係我至愛，所以點左兩件。估唔到呢間鋪頭細細都有一啲比較少食嘅食材，例如魴鮄、真鯛等的種類。壽司全部都係師傅即場手握！食材新鮮，而且價錢非常合理，啱晒想食壽司過吓口癮嘅朋友仔🤩

由鋪位至食物都較迷你。厚福街好多間食肆都食過，呢個鋪位應該係最細，入到去全都係bar 檯，檯要分上下格，如果唔係擺唔晒食物，order 咗兩個set lunch ,我點咗三文魚盛盒，同事點咗翔精選。三文魚盛盒係三文魚唔同部位嘅壽司，一共五件，有三文魚，火炙三文魚，三文魚腩，火炙三文腩同三文魚子，另外仲有辣三文魚手卷，手卷嘅紫菜我覺得唔夠脆，至於翔精選就係樣樣有啲，兩個set 都配湯同沙律，overall其實係ok新鮮 ,不過份量係少，男應該唔夠飽同埋真係坐得迫

今次嚟到尖沙咀厚福街食壽司，店面細細，坐滿食客，尚算坐得舒適～先order一份刺身，呢份精選刺身，屬兩人份量，有肥厚嘅三文魚、厚切帶子、池魚、爽彈甜蝦同結實爽口嘅油甘魚～新鮮嘅食材就係最美味！另外，我地單點咗幾款壽司，同樣很不錯～～兩款辣味壽司軍艦，辣味三文魚軍艦同辣味帶子軍艦，切到細細粒，辣味唔算太出，剛好惹味，like!牡丹蝦啖啖肉，甘甜濃郁，更彈嘅蝦肉，鮮！仲有叫咗兩款鯛魚壽司，鯛魚味道較清淡，肉質嫩滑，幾特別～

在尖沙咀返工一個人搵食真係好煩再加上肺炎情況都唔想去人多食店因有些還是要搭枱厚福街呢間翔壽司排排坐估唔到6點已坐滿人🥳🥳🥳疫情期間都真係開心事實在太多小店捱唔住結業點了十件套餐‼️‼️可以自選壽司岩晒我勁想食壽司但又唔捨得食Omakase 😂😂😂一盤十件非常精味新鮮件件大小差不多放在一起就係令人開心😃一件一件品嚐最好味係「深海池魚」「真鯛壽司」「魴鮄壽司」係我比較愛吃的魚生一個人百多元食到十件人手即製壽司算抵食啊想過下壽司癮可以考慮下🥰🥰🥰下次想試埋廚師發板🥰🥰🥰

自從立呑壽司流行，香港出現左好多小壽司店。以前一定要去大店才吃壽司的日子，現在完全不同了，像尖沙咀厚福街這間翔壽司就是一例。呢啲小店有一個好處，如果你口痕想食壽司，就可以隨時入去過口癮。因為前排IG勁多人post過呢間店，那天經過尖沙咀便入去試一試。簡單叫了兩樣嘢，一個特選壽司盛盒，另一個係拖羅海膽杯。拖羅海膽杯有點小巧，以馬冀海膽為主，加上大量的拖羅蓉，仲有魚籽，整體感覺不錯，只怪太細杯。特上壽司盛盒有10種壽司，全部都係受歡迎嘅選擇。特別講幾件好食嘅，海膽同拖羅頭先都試過，原件食，仲正。自己放了一點海膽在那個拖羅上mix and Match，感覺更佳。牡丹蝦，魚籽和帶子品質尚可。不過其他魚類全部都肥美，例如深海池魚和灸燒金線鯛。另外真鯛和油甘魚是我當晚最愛，特別油甘魚，油香一流。講真價錢真係唔算特別貴，最好又唔使排隊。當然你唔可以同大品牌比，吃過壽司朗都知道，真心平靚正，但以這個小店的水準，如果冇時間排隊，又想過下壽司癮，坐下吧枱都不失為一個選擇。翔壽司 尖沙咀厚福街5-6號多富閣地下4號舖

尋日經過尖沙咀厚福街，無意發掘左間好好味，好高質，性價比高的日本餐廳翔壽司，佢係由曾獲得米芝蓮精選、專門提供Omakase的壽司翔太開的分店，雖然舖面細小，但所有的壽司都絕不馬虎，每件都係由師傅即場手掘，飯身剛好，不會太實太散，帶醋味又不會太酸，而魚生刺身都非常新鮮，特別係北海道海膽壽司非常鮮甜，海瞻肉身非常企身，入口即溶，慢慢帶出甜味，完全一點壓味都沒有，簡直舌尖上的享受， 喜歡海膽嘅朋友一定要試 😋，而活北寄貝又非常爽身帶甜味，另外特別推介獅魚腩，好少地方有，肥厚的口感，有點像拖羅，但又沒有拖羅咁高油份咁膩，帶點魚鮮味完全不腥，簡直不用去日本都有日本的感覺， 真心推介一定要試試呢家隱世臥虎藏龍嘅餐廳

最近真係成日都去厚福街覓食🤣🤣 尋日仲要誇到午、晚餐都係同一條街搞掂😝.鋪頭細細 只有壽司bar 枱✨ 同大街上另一間差唔多玩法既立食壽司的不同之處～翔壽司係有得坐架🤗 .🍣 三文魚盛盒 $68本身有諗過揀另一個set * 自選壽司10件 ($158) 但10件我未必食得晒🥺 為免浪費所以就左全部都係三文魚既三文魚盛盒 (*´ω`*).set 入面包左日式胡麻沙律、味噌湯 仲有三文魚、火炙三文魚、三文魚腩、火炙三文魚腩、三文魚子 同辣三文魚手卷❤️ 全部都係三文魚😍 簡直係為三文魚控而設👍🏻👍🏻 三文魚腩夠肥美 😋 而三文魚子咬落口卜卜聲～正啊❗️ 可惜美中不足既係辣三文魚手卷果紫菜係淋既🌚🌚 .下次再去厚福街會想試新開既福岡漢堡🤤🤤

性價比高之日本壽司經過好肚餓見到又唔使點排隊同朋友兩個直衝入咗去見到佢有一個set 150幾蚊有10件首先選擇雖然冇中拖羅嗰啲嘢揀，但其他壽司都非常好食京蔥吞拿魚軍艦我覺得好正！

立食通常都比人一種好快食完就走既感覺，而厚福街呢間壽司鋪，感覺上似立食，但其實有得坐🤣🤣，相對食起壽司黎會舒服d啦🙈。-1⃣ 特上壽司盛合 💰25010款較為上盛的壽司，分別有海膽、三文魚籽、牡丹蝦、帶子、炙燒金線鯛、拖羅、深海池魚、池魚、油甘魚、真鯛。-每款壽司都新鮮，特別推薦海膽，甜而不腥味、拖羅入口即溶油脂夠香、牡丹蝦腍性甜度一流，另外一定推薦炙燒金線鯛，加左啲薑和蒽，好香口。-2⃣自選壽司10件 💰158（👅: /10）自選冇記錯就揀左八爪魚、吞拿魚、帶子、芥辣八爪魚軍艦、火炙左口魚、赤蝦、油甘魚、魴鮄、深海池魚、蔥吞拿魚腩軍艦。-特別推介：第一次食魴鮄魚壽司，厚薄均勻，透白肉質呈淡粉紅，味道鮮嫩；火炙左口魚，入口即溶，香嫩中帶油脂香；帶子厚身鮮味；仲有每次食壽司必點芥辣八爪魚軍艦，爽口香辣-✨整體來說：平價版Omakase，以平五倍既價錢，食到唔常見既魚類。

去年從閨密口中得知厚福街有家立食壽司好正，一直沒有機會去試，今日在附近見完客，於是便過去看看，見點讚面書或IG就有全單8折，唔駛諗就入去食啦。入去見有少量坐位，唔駛企响度食喎，枱下面有鉤可以掛袋，牆邊有衣架掛外套，讓客人自在享用食物。點咗閨密推薦的壽司OMAKASA，$380有10款壽司，1件手卷，加1碗麵豉湯。今天壽司款式有：金目鯛、花魚、北海道牡丹蝦、赤貝、生銀鱈魚、鹿兒島鰤魚、生鯖魚、針魚、大吞拿魚腩、蔥吞拿魚腩手卷。金目鯛鮮紅外皮加上晶瑩魚肉非常亮眼，肉質爽甜鮮美。赤貝鮮甜爽脆，新鮮又好味呀！北海道牡丹蝦晶瑩明亮， 肉質鮮甜微糯，正呀！花魚肉色偏白經火輕炙，肉質肥美嫩滑，正！北海道海膽，滿滿嘅海膽非常鮮甜， 甘香豐腴，食完齒頰留香！令人回味再三。針魚銀光閃閃，肉質晶瑩剔透，口感細緻嫩滑，味道鮮甜美味！生銀雪魚輕輕炙過， 肉質爽而油潤，有餘韻。鹿兒島鰤魚 身 色 澤 紅 潤 ， 入 口  柔滑  ，魚 味濃 郁 鮮 甜 ，  油 潤而 富 質 感。 生鯖魚，平常食鯖魚都是鹽燒，鯖魚刺身魚味濃郁，口感爽甜，加上昆布和紫蘇葉，清新可口。大吞拿魚腩肥美油潤，入口即溶，味道濃郁，好味！蔥

哩間壽司鋪出現【立喰】，並不是站立食，裏面係有座位坐，全部座位都係圍住廚師枱享用餐。吞拿魚蓉海膽杯，由頂至底分別係三文魚籽、海膽、吞拿魚蓉、日本醋米，海膽鮮黃色鮮甜幼滑，吞拿魚蓉撈埋飯一齊食好夾。壽司盛合大拖羅壽司，吞拿魚中最肥美，油脂最多既位置，入口即溶既感覺，真係好滿足。火炙吞拿魚壽司，燒過既亦有不同既味覺感受，肉身軟綿綿，加上燒過帶有少少燒烤味。牡丹蝦壽司，咬落有黏住黏住既感覺，新鮮既蝦就是這樣。金目鯛，刺身爽口，好鮮甜。生鯖魚，廚師加左片草葉，有助去除鯖魚既腥味，這樣既配搭幾特別。真鯛，肉質較結實。

厚福街出名很多美食，終於我也決定要試一下這間日本壽司店了。店裡只有幾個bar位，跟日本的小店很像，感覺很舒服。這次沒有嘗試，但是下次我會叫自選壽司，非常划算的價錢而且有很多壽司選擇，下次一定要試一下性價比。🍽精選刺身（2人前）我非常喜歡吃刺身，所以忍不住叫了這個刺身拼盤來試一下。刺身包括三文魚、油甘魚、池魚、帶子和甜蝦。每一塊都很厚切，這個價錢能吃到的話算非常划算。三文魚的油脂分佈剛好，不會過肥又不會只有肉。油甘魚是我的最愛，不會很腥，但咬下去油香味充滿了我的口腔。比較少見的是池魚，很少餐廳會用來放進刺身拼盤當中。池魚的口感比較爽，沒有那麼多油脂🍽 特上壽司盛合這個壽司組合也是超棒的，不愧為特上。海膽軍艦 - 不用多說，海膽很新鮮，非常鮮甜，入口即溶三文魚籽軍艦 - 三文魚籽數量超多，一口咬下去就噴汁，魚油香味充斥著整個口腔，超棒！牡丹蝦 - 牡丹蝦果然是蝦王，不僅肉質厚實，而且非常鮮甜，記得不要浪費蝦頭的精華！帶子 - 帶子也很大顆，不會小小的比飯糰更小。炙燒金線鯛 - 唯一的炙燒壽司款，一吃下去就很重炙燒味，剛好可以彌補金線鯛本身不夠油香味的口味。拖羅 - 應該是中甚至大拖羅，吃下

好耐冇食日本野啦，今日咁岩要出尖沙咀，所以就去出名多野食的厚福街看看，見到這間在厚福街地舖的壽司店，感覺乾靜衛生，所以便試試。餐廳是一間小店，只有8-10個位左右，全是bar枱，能夠看到壽司師傅整壽司，而且也可詢問他們當天什麼較新鮮。看看點餐紙，有套餐也有單點。精選刺身(二人前)，這個拼盤包括有三文魚、帶子、池魚、甜蝦和油甘魚，刺身非常新鮮而且都幾厚切，帶子和甜蝦很鮮甜，三文魚、池魚和油甘魚好香魚油味，池魚還配有薑蓉，令味道更鮮味!鰤魚、金目鯛、腦天、火炙金線鯛、銀雪魚和鰻魚bb軍艦，這幾款壽司當中腦天其實是吞拿魚額頭肉，所以特別嫩滑而且有香濃的吞拿魚味!銀雪魚入口即溶，而且好香魚油味!鰻魚BB的口感有點像魷魚，爽口鮮甜，好特別!食每款壽司前再食點酸薑清清味蕾，更能食到魚的鮮味!估唔到這間小店的魚生非常新鮮而且上菜追度很快，大家可考慮來這裡食個追食!