羲和雅苑

營業中

休息中

難得飯聚 睇openrice見到呢間主打食片皮鴨又見喺海港城開 諗住實無死所以就一早book定檯試下傾好食乜諗住落單 完全無人行過要自己行出去搵人仲要唔止一次 每次無人都要行出去200幾蚊一榨橙汁 冇汁得啲橙渣 仲杰過粥解釋係新鮮橙 真係忍唔住問 不如你試飲一次比我睇？荷葉飯等咗45分鐘先到 但都可以係凍冰冰嘅片皮鴨籠包皮得幾塊 食4分1隻鴨就無哂彷彿有特色好多醬 但係主流嘢都未值好 學咩人雕花最值得一讚就係壺水囉唔該哂完全物非所值

一早同朋友約好左黎呢度食片皮鴨，期待已久！呢度裝修幾靚，仲有室外位置，可以望住維港食飯好正👍🏻馳名片皮鴨另外仲有幾多新派款式，與其他普通中菜好唔同， 令到好多餸都好想食。師父即場片皮鴨片皮鴨，唔好睇佢外表好普通，其實呢3個唔同部位， 包括鴨皮、鴨胸、鴨腿，配上唔同醬汁一齊食，好特別。 最有驚喜是鴨皮，因為配上海鮮醬+爆炸糖！ 係爆炸糖， 第一次搭配， 感覺好特別，中和了本身皮的油膩感覺！ 另外鴨腿可以包春卷皮配上蔥、青瓜、山楂，因為山楂味道帶酸甜，好似點海鮮醬， 但可以中和油份，食完一d 都唔會濟。花膠櫻花蝦海味籠仔飯 - 由於海鮮味道滲哂入飯， 好香好入味，而且好足料好多海鮮！ 金銀蛋浸萵荀 - 萵荀好爽口，連肉碎、 蛋一齊食好好味，份量都頗大的。我最鍾意係呢個名為金沙海皇扒白玉， 本來以為金沙一定會係炸的，點知唔係炸的👍🏻無咁熱氣。 上面金沙加上帶子粒，連豆腐一齊食， 重蛋黃味又因豆腐而變得好滑好好味呀👍🏻👍🏻👍🏻😋😋最後食個甜品紫薯燕窩蒸蛋白, 俾個名吸引左，食完一定好靚🥰 蛋白好滑，唔會過甜， 仲有燕窩份量幾多架❤️紫薯係比較新穎， 但搭配起黎都幾夾。

愈來愈覺得一個地方私密度愈高,會食得愈暢快。選了這間餐廳,皆因即使得二人,佢都會比張4人SIZE既位置比你。呢個卡位好有家既感覺。睇黎呢間野既主打係北京片皮鴨,當然不能錯過啦!叫左半隻,呢隻鴨可以3食,先用皮點藍莓醬,再用比較多肉既部份點爆炸糖,有片皮鴨在口腔內爆發既感覺,好有新鮮感。最後就可以包片皮鴨,山楂條,青瓜條,紅洋蔥等來吃,好多唔同既配料,好有新鮮感。主菜叫左4隻牛油大蝦,滿滿既牛油包住原隻大蝦,好好味呢!亦都叫左芥末和牛粒,和牛果然一流。前菜叫左海螫,味道都好唔錯。我同朋友各人叫左花膠湯,裡面有瑤柱,花膠,雞腳,好足料好補身呀。朋友就飲魚肚湯,係南瓜湯加魚肚,都幾特別。整體而言非常滿意食物既質量同地點,附近有海景,坐室外會睇到。

如果你想食片皮鴨，想睇靚景，同享受優質服務嘅話， 我覺得位處尖沙咀嘅呢間羲和雅苑非常適合你。點解我話佢服務好好呢，因為上菜嘅時候，佢會幫你分埋。食鴨嘅時候佢會係旁邊好仔細咁教你唔同部位嘅唔同食法。講返食物先， 叫片皮鴨多數都會叫埋佢個八寶盒。八寶盒有好多種醬，有藍莓醬、爆炸糖、傳統嘅蔥青瓜、甜醬、黃色芥辣醬。 片皮鴨嘅三個部位可以配唔同醬汁。例如相中上面嗰隻，佢 建議我哋用藍莓汁再加爆炸糖，中間嗰隻佢建議我哋點黃黃地色嘅芥辣醬，最低嗰隻佢建議我哋點最傳統嘅方法包蔥青瓜同黑色汁。粉皮薄身， 鴨肉肉質嫩滑，配埋醬連鴨皮食都唔會好膩。呢個黃牌魚肚好啱女仔食佢用南瓜汁做湯底再加埋一塊好厚身嘅魚肚 你以為自己食緊花膠真係好鬼正宮保炒帶子嘅帶子好大粒，有好多大大粒嘅京蔥。個汁小小辣，連汁連帶子同京蔥送飯，覺得好幸福😊拆骨肉燉白菜性價比好高，佢將啲肉拆開嚟煲，所以個湯底好濃沃，煲入面有肉絲、白菜、同一啲陳村粉咁嘅嘢，好大煲。櫻花海味蒸飯嗰啲蝦乾令到個飯好香口，總共分到三碗下圖嘅分量。如果你鐘意post相上ig嫁話，佢有好多值得影嘅地方。首先，佢嘅裝修同境觀好靚。第二，佢嘅食物全部嘅presentat

今日同男朋友去食烤鴨（我好鍾意食），朋友介紹咗一間係尖沙咀嘅，環境氣氛好好，又係對住海食嘢嘅一間餐廳😍近排唔知做咩好鍾意搵嘢好情調嘅餐廳。對住維多利亞景食飯，真係會覺得香港好靚。❤️<張氏獅子頭 $48>獅子頭平時聽就聽得多，但係就未食過。因為餐牌第一頁就係介紹喱一道菜，用嚟紀念嘅外婆既，咁有特色真係點都要試吓。佢嘅食法係將一個好迷你嘅飯放入去入面，然後將啲肉同汁撈埋一齊食。<蜜汁脆芋絲 $88>哩一道菜超級好食，佢係好多蜜糖黐住，然後芋絲切到一條條好細條，但係佢凍左就會變到好難好難食，要叫侍應幫你稍為加熱，就會變返好似啱啱咁新鮮嘅😍<冶味乾燒魚 $398 桂花魚>主菜嚟啦 ，開頭我以為係自己整散條魚，原來係會有侍應幫你起骨，但係因為我已經整散咗，所以冇辦法完整起骨。但係食落口條魚好香嘅魚味，完全冇腥味，啲肉都好滑，酸酸地 好開胃。<北京羲和馳名烤鴨 $328 （半隻）>另一道主菜北京烤鴨，侍應會詳細慢慢介紹三種唔同嘅食法，大家詳情記得要留意侍應點樣介紹。因為我都係跟足佢嘅介紹食，然後食出嚟嘅口感好有層次。最驚喜係佢有爆炸糖

等左好耐😭仲於黎到羲和雅苑食嘆靚景食好野🥰事源plan 左好幾次family dinner黎羲和我都join唔到，今次男朋友超貼心一早book定枱同我黎食，真係超開心呀🥳第一次黎，覺得餐廳裝修好靚好grand，又帶點現代風格，餐廳好好安排左個小包廂俾我地，可以舒舒服服咁食個靚飯❤️咁難得黎到，點可以唔試羲和烤鴨呢 ！？烤鴨會係你面前片皮，配上八寶盒，賣相靚到係咁影🤣 師傅分開鴨胸皮、鴨胸肉同鴨腿肉。鴨胸皮襯熱點藍莓醬同爆炸糖食，好香脆好好玩！d糖係咀入面跳跳下好得意😝鴨胸肉就配特製芥末醬，比平時食到嘅酸少少，鴨胸肉食落皮脆肉嫩，係三款入面我最係佢❤️最後係鴨腿肉，食落肉味最濃，配薄餅同配料一齊食，好欣賞羲和薄餅，做得好好，唔會一夾就爛，食落好煙un!比起傳統食法，我更加喜歡新式食法，配上山楂條、紫洋蔥同藍莓醬一齊食，有種清新嘅感覺，成件事好夾👍🏻👍🏻👍🏻除左烤鴨係必食之外，今餐嘅另一驚喜位係踏花歸來馬蹄香🌸淨係聽個名都好有詩意😝馬蹄食落爽朗，配上陳陣香甜既桂花味，食到我停唔到口呀😋😋仲有第一次食嘅冰菜，冰菜唔係到到有得食，我都係第一次食，口感真係有d似冰左嘅菜，加埋蘋果醋好開胃！加陣好多野

同朋友係大陸食過一次之後成日都想再食，傾過之後決定食一次香港店睇下到底水準如何。到左餐廳，侍應主動帶我同朋友兩個坐四人卡位，坐得舒服，擺嘢食又方便，抵讚。我同朋友叫左半隻片皮鴨，一人份獅子頭，酥皮酸辣湯，宮保蝦球，宮保帶子。先講下獅子頭，一人分送上來嘅時候會配有一啖白飯，咁樣獅子頭就可以配上白飯食唔驚太鹹。獅子頭非常林，味道非常入味，絕對係水準之作。之後到酥皮酸辣湯，酥皮夠酥脆，配埋湯嘅時候食得出個酥皮好香奶油味，另外呢個酸辣湯篇小小甜，個人來講都幾鍾意。之後到宮保蝦球同埋宮保帶子，兩樣味道上由於煮法一樣所以冇太大分別。但係蝦球住得異常出色，食得出佢用料新鮮咬落去非常彈牙。另外帶子都唔錯，唔會主導過晒龍。跟住到片皮鴨，片皮鴨有三種食法。第一種係食佢個皮，配埋佢提供嘅藍莓醬同埋爆炸糖一次過食真係幾過癮，蔥油香得來藍莓醬亦都會減去膩嘅感覺。之後另外一種食法就係就咁點醬汁食，食落都唔錯皮脆肉嫩。 最後一種食法就係包住個被加埋青瓜蔥絲一次過食，呢個就同平時食開嘅片皮鴨冇太大分別，不過呢度嘅肉我就覺得係最好食嘅一間。

I would like to use “High-Class” to describe this Chinese restaurant in Harbour City. With spectacular views, delicious food and polite staff, we enjoy the whole late night.烤鴨～ ordering this is a must as it is a well-known dish in this rest~ the waiter will introduce you several method for eating thisA performance in front of you~ A fresh vegetable~ 金銀蛋with 筍，囗感很脆梅子骨～像是剛剛從鑊中起出來，味道帶有一點一點酸，好好味Mushroom and beef~ it is juicy 👍🏻👍🏻cooked super well丸子內有cheese~ very mouth-watering😋😋😋燕窩紫薯🍠蛋白～雖然好好味，有些少奶味，

雖然係中環返工😛但見天氣咁好😍決定搭小輪去尖沙咀食午餐🤤🤤決定試呢間有無敵海景的餐廳！行到去門口已經見到好大嘅海景🥰坐低左就開始點菜！一定唔少得係叫佢最招牌嘅北京烤鴨啦🤤點完菜 又冇咩嘢做就去參觀下佢個露台！哇勁靚呀我下次要坐喺出邊度食先！玩左一陣就開始上菜啦，先係上咗燉湯先！黃扒魚肚（$148）雖然佢個碗唔係好大但係花魚肚就超級大～差唔多佔咗成個湯碗咁大！佢好招牌嘅湯係由南瓜打成嘅，推介！跟住就想下啲前菜獅子頭同埋海蜇頭哈哈哈跟住戲肉就嚟啦！你見到有個師傅係側邊準備緊啦！佢係有三個部位嘅，會逐個逐個部位晒俾你食，會同你介紹唔同嘅食法！旁邊有好多唔同醬料～有唔同配搭😎有傳統啦😏有新穎嘅🤩淨係食呢隻鴨都已經好滿足啦最後就上精緻嘅小菜同埋飯🤤🤤拆骨肉燉白菜（$128）超大煲所以我覺得好抵食，好味到連個湯都飲埋籠仔花膠櫻花蝦海味蒸飯（$148）你見佢個名咁長就知佢好足料啦！真係唔一啖都食到海鮮啊🦞最後係宮寶帶子🥰真係好入未啊！

嗰日行經海港城，我同朋友突然想搵啲中菜食下，於是就嚟咗呢間羲和雅苑餐廳混合左現代同埋中國傳統舊式裝修，除左室內雅座，餐廳仲設有室外位置，客人可以將香港島美景盡收眼底。我同朋友分別叫左一個酥皮酸辣湯，同埋黃扒魚肚，酸辣湯辣度適中，加上西式酥皮做法，令酥皮完全吸收香味。黃扒魚肚入口creamy，配上爽口魚肚，口感一流。主菜方面，我地叫左獅子頭，獅子頭肉質較淋，配上香濃嘅醬汁同一口白飯，令你可以飽足獅子頭嘅口感而又唔會太飽。仲有韭香雞同松露蠔仔煎蛋，韭香雞肉質鮮嫩，豉油唔會太鹹，能夠同雞肉有非常好既配搭。香煎蠔餅隻隻蠔都有手指公咁大粒，蛋餅煎得非常香脆可口。主角係片皮鴨，餐廳將片皮鴨分為三成，分別係鴨胸皮，先點藍苺醬再配以爆炸糖，新穎得黎又唔會非常油膩。其次係鴨胸肉配黃芥辣，鴨胸肉肉味十足，好有咬口。最後係鴨髀肉配山楂條，入口酸酸甜甜，非常開胃最後我哋仲叫咗一個窩燒鮑魚雞粒燘飯，醬汁完全滲入飯入面，但飯粒層次依然保持一粒粒非常鮮明，對於未飽肚既朋友，此乃必食之選。整體餐廳無論裝修，食物同環境都在中上級數，有機會一定要黎試

琴日朋友生日，所以就決定同佢食餐好既慶祝下🙈🙈就簡左呢間高級中菜啦🙈結果當然無令我地失望！烤鴨（半份）雖然我地只係叫左半隻，但餐廳都好好，都安排左師傅係我地前面即切，同時都有職員為我地講解唔同部位既食法，細心😍😍烤鴨好香，令人食極唔停口，好滿意！！🙈乾隆白菜呢款頭算我同朋友都係第一次食，竟然有驚喜，麻醬加上帶酸味既醋味道好夾，食完超開胃酥皮酸辣湯呢個咁新穎既配搭都係第一次食，感覺好得意，而且呢款酸辣湯同我地平時食開既上海野唔同，呢款係偏甜，較岩香港人口味宮保蝦球呢碟野啲蝦好大隻，而且好爽口，同樣都係就左香港人口味，睇落雖然好多辣椒，但其實只係微辣👍🏻👍🏻宮保帶子 呢款菜式同岩岩講既蝦球差唔多，都係只係微辣，帶子亦整得好鮮甜，配埋飯食一流👍🏻👍🏻

是日約咗朋友去海港城, 海港城人內開咗一個新嘅部份.北京填鴨係我嘅至愛, 聽人講呢間羲和雅苑有新嘅 食法所以就去試一試. 呢間餐廳位於最遠嘅新角落. 由於填鴨要等五十分鐘所以就落咗先. 餐廳內裝修古色古香, 環境唔錯仲有一個無敵維港景遠望icc. 點園專門介紹填鴨嘅食法, 有爆炸糖食法, 把鴨胸皮沾上藍莓醬再點上 爆炸糖. 呢個食法令有爆炸脆皮感. 但係我最鍾意都係另一早食法就係芥末醬配上鴨脾. 其次仲有山楂取代傳統醬汁嘅食法.百年醬肉肥而不膩配上夾膜食, 比起扣肉更好. 留意到有個韮香雞, 都幾特別所以一試. 韭菜蔥辣椒芝麻油醬油加上半隻雞, 食落雞唔柴有芝麻香同少少辣 叫咗一客張氏獅子頭, 一個迷你嘅獅子頭店員 送上一個迷你嘅白飯, 跟指示將二者合而為一, 獅子頭肉質鬆軟. 最後還有一個牛油蝦伊麵, 蝦球大粒伊麵底.最後紫薯燕窩蛋白有金箔面作結. 呢間餐廳位於海港城新舖分嘅最遠處,景觀不俗, 奉勸大家唔好低估咗片皮鴨, 其實都會飽飽哋.

今日同阿爸阿媽食餐飯，好耐都無帶佢地食好野啦，呢排社會發好多事，我地唔係好開心，今晚特登出城食番餐好，振奮下心情，振興下飲食業咁啦!呢間中菜果然係高尚菜，入到去有屏風分隔，有D似中式宮廷feel，而且有窗望到維港靚景，裝修高雅，的氣氛好正，令我地食慾大增!一定要點梗係羲和烤鴨，有師傅喺你面前表演片鴨功，分了鴨皮，鴨胸，鴨腿，又送上併盤和簿餅皮，併盤有京蔥，青瓜，籮白，又有D甜麵醬，芥醬，重有新奇爆炸糖!? 我地梗係食呢個皇牌頭盤先啦! 我用薄餅皮包住帶皮鴨胸肉，加埋DD爆炸糖同藍莓醬食，原來勁好味，D帶果味糖同醬甜甜酸酸，同烤鴨味又㚒，食落無甘膩又提到鴨味鮮可，隻鴨香口又，juicy ,老爸點甜麵夾京蔥用薄餅皮包住食，真係見佢食唔停口! 那晚的張氏獅子頭，好巧手，呢款上海菜，好哈人整，但佢炸得透，丸子唔散堅實，內有肉汁和馬碲粒，用紅燒做法，係有D汁，D汁帶甜，食落好味道有汁又香口!羲和小肉餅第一次吃，佢係層層豆皮㚒住肉，表面帶脆，食落香口有層次，唔錯，配飯最好!那個金銀蛋萵荀，我覺得萵荀又爽又脆，加埋D綿香又咸香嘅皮蛋和咸蛋，好好食又惹味。至於籠仔櫻花蝦海味蒸飯，飯爽又鮮味，原個蒸飯做

同長輩食飯當然要花啲心思，因為又要坐得舒服，食物質素又要好，諗左一輪最後揀咗呢間尖沙咀既中菜館！我地訂左位，好快就有得入座，入到去發現座位都好多，每張枱都好闊落，如果有幸見到窗邊位仲可以睇埋夜景，環境坐左一陣前菜好快就有啦，第一樣上菜嘅係燻魚，食落去甜甜地，魚塊炸到好脆，作為開胃菜啱啱好黎到當然要叫片皮鴨，聽講呢度有Fusion既食法，見到師傅佢出嚟職場切俾你睇，職員仲會講解點樣食法，其中一種比較特別嘅係點藍莓醬同爆炸糖，甜味化開左皮幾油膩，幾特別令一種比較特別嘅食法係點芥茉醬，佢既味道似蜜糖芥茉，食落去又甜又辣，呢個餸果然值得一試之後叫咗個比較傳統嘅上海菜百年醬肉配夾餅，夾豬腩肉同豆腐，醬汁都唔會太咸，唔錯！之後叫咗個豬肉丸子，裏面有芝士做餡，我覺得唔掂沙律醬仲好食，最緊要係上菜嘅時候熱辣辣，噤先好食最後叫咗個甜品，燕窩紫薯燉蛋白，養顏有滋補，作為呢一餐完美嘅句號

為慶祝生日，我哋專登揀咗一間新餐廳食晚飯。聽朋友介紹有間餐廳有款爆炸糖烤鴨，於是決定試吓新口味～餐廳環境唔錯，座位寛敞，又唔算太嘈，仲有海景睇，坐得都算舒服我地點左全隻烤鴨、濃湯水餃、金沙鮮魷魚、宮保帶子球同埋蛋白杏仁茶。水餃唔太乾，湯飲落無乜味精，幾清甜～金沙鮮魷上面有咸蛋黃醬炸香，非常惹味，不過食咗兩三件已經有啲膩同少少飽。宮保帶子好厚身同大粒，味道偏辣，鐘意食辣既可以一試。重頭戲係期待已久嘅烤鴨，總共有三種食法。第一款係烤鴨胸配爆炸糖同藍莓醬。第二款係烤鴨肉配芥末醬。第三款係傳統食法，配搭洋蔥、青瓜同醬汁。個人認為第一次試爆炸糖食法幾新穎，口感幾特別，出面比較少見。第二款配上芥末醬都唔錯，估唔到味道食落幾配搭。最後甜品叫左蛋白杏仁茶，味道唔錯唔太甜，但size 有啲細。另外值得一提係服務態度唔錯，職員有主動介紹烤鴨食法