羲和雅苑

營業中

休息中

琴晚和家人去了位於尖沙咀的羲和雅苑食中菜，餐廳遠觀維港景色，可以邊食邊欣賞風景。服務方面，服務員很有禮貌啊！馳名烤鴨 (半隻)：烤鴨會在食客前進行切片，分為鴨皮，鴨胸，鴨肉；服務員會向食客說明食法；八寶盒上有不同醬料來配烤鴨。烤鴨皮好香脆，油份十足吾乾口。鴨胸和鴨肉口感很嫩，以片皮鴨片包著一同食用真的很有風味。牛油芝士焗大蝦：牛油芝士味道香口，即使大蝦沾滿了大量芝士汁也不會感到膩口。大蝦經已開邊，方便食用又美觀。大蝦口感極為爽口，帶少少甜。籠仔花膠櫻花蝦海味蒸飯：估吾到又幾好食既蒸飯。蒸飯底部加了一片荷葉令飯增加了不少香口既感覺。櫻花蝦數量很多，蒸飯既飯粒會較濕潤，吾硬口啊張氏獅子頭：獅子頭為嫩肉，加了醬汁令整個味道變得不單調。宮廷點心 (驢打滾)：口感煙煙unun，甜度剛好，作為飯後甜品真的一流！

黎到尖沙咀既海港城，一個非常近海既商場，梗係食高級野喇，黎到呢間高級酒家，食完覺得真係好似返左去清朝時候，用膳既感覺呀。同酒樓一樣有唔少大圓枱，但亦有唔少卡位，最特別之處係，佢枱與枱之間都有用木板去分開既，所以私隱度好高，而且聽唔到隔離枱既講野聲，可以一家人好安靜咁傾計，又有海景睇，真係非常之一流呀。岩曬同老人家黎。食物種類就好多選擇，而最出名既就係佢個片皮鴨喇。有專人黎即場表演你睇點樣切到靚靚仔仔咁比你食，感覺非常之grand而且冇3款唔同部份，有不同食法。在場有職員逐一講解。食完覺得都唔錯，呢個真係必叫。另外就係酸菜魚，岩曬鐘意食辣既朋友，呢度既酸菜魚用左桂魚黎整，肉質好爽彈，又有魚味。掂

海港城羲和雅苑嘆高質中菜，閨蜜早早訂的三位，好好聚聚之余，又可以一边欣賞維港的美麗景色。🥰🥰來到羲和雅一定要吃它的馳名北京片皮鴨，是即叫即烤的，首先送上八寶盒，有齊傳統配料的吃法，再加上兩種新潁的吃法，就是第一種吃法就是最好鴨胸上的烤皮，沾上藍莓醬再沾上爆炸糖，入口不得了囗腔溢滿香甜油香👍，但一點也不油膩，爆炸糖在口腔跳動，十分之有趣和特別，😀😍第二吃是鴨腿上的方皮，是沾黃介抹之食，這個配匹配，亦是最經典之作永吃不厭，😍第三吃是平常的吃法再加山楂條一起吃更鮮味更顯烤鴨油香惹味再襯山楂條，囗感新穎酸甜肉嫩鮮甜👍一點也不油膩😍😍還有好幾款名菜，熏魚做得相當出色，用上乘鯇魚腩，做到外脆內嫩熏香味加上焦糖味，好味到吃曬為止👍😍還有梅子醋京都骨，一樣做得甘出色，特別的是加上爽甜的梅子肉，令菜式生輝不少，還有大大隻鲍魚撈飯，真豪🥰👍好味！甘豐富晚餐豈能沒甜品呢，我地各點一個最愛的，我個是蛋白燉杏仁露超好味，合曬我要求，樣樣都咁出色好味，以後多D來羲和雅苑獎勵下自己先得👍🥰🥰

可以望到維港美景！🌃可以食到京菜美食！🥰令我想起羲和雅苑！💕有房同廳坐！👍🏼廳同房都可以望到維港夜景！🌃👍🏼雖然有美景，但食物絕不遜色！😋👍🏼推介片皮鴨！🦆有幾種特別的食法！👍🏼😋最特別就是點藍莓醬配爆炸糖！😃反傳統得來又幾特別！蝦湯海皇泡飯！🦐🍲🍚配埋佢比既脆脆落去食！😋口感一流！蜜汁脆芋絲！👍🏼可以當作甜品食！🥰😋不過如果點菜的話要之後叫！☺️因為要熱食先好食！🔥😋凍左個感覺就唔同晒㗎啦！其他如冰菜🥬脆米沙拉蝦🦐草莓骨🍓等等食物亦好好味！👍🏼😋推介推介！👍🏼👍🏼想食好味既美食之餘！😋👍🏼亦想望維港既色彩！🌃羲和雅苑必定數一數二的地方！👍🏼😃#羲和雅苑#尖沙咀廣東道3至27號海港城海運大廈2樓OTE203號舖

澳洲朋友到香港一遊，一定要帶佢地食餐特別既中餐~結果搵左尖沙咀既羲和雅苑 2位澳洲朋友第一次食片皮鴨，佢地見到咁多配料一齊食都感到新奇，最特別既係可以配埋爆炸糖一齊食，食到佢地嘩嘩叫~諗返起都好笑~我地叫左一隻馳明烤鴨，師傅即場片左3部分出黎，睇得出非常新鮮，唔同部分唔同食法，侍應姐姐非常好禮貌介紹蝦乾冰草: 呢個菜式連我自己都好少食到，有醋既醬汁，當前菜食，醒神又開胃，仲可以解下片皮鴨既膩添老上海燻魚: 傳統家鄉味道，只有少少骨花蜜汁雞翼: 有D似拔絲雞翼，甜甜的脆皮加上嫩滑雞肉，口感無敵松茸素佛跳牆: 足料到爆，每一啖都充滿松茸菇四川水煮魚- 桂花魚: 呢個水煮魚簡直係畫龍點睛，麻麻辣辣，但一D都唔會搶走魚肉既味，值得推介窩燒鮑魚雞粒燜飯: 以為燜飯無咩特別，但食落又唔錯，每粒米飯都上色有味，睇得出師傅廚藝深厚兩位澳洲朋友食得好開心，睇見佢地食得咁滿足，我都好開心 

呢日一行人黎到尖沙咀海港城食片皮鴨!!!呢度Ｄ烤鴨出名有新穎既食法就係加左爆炸糖同埋山楂條!!! 我地叫左好多野食，片皮鴨就一定有，仲有燻魚、青瓜、雞翼、冰草、佛跳牆、松露海皇羹、蠔仔煎蛋、水煮桂花魚、鮑魚雞粒飯！ 店員先上左頭盤，燻魚燻到有煙燻既味之餘仲要炸到好脆！！！作為頭盤黎講認真唔錯！另外青瓜陣麻辣味真係好正！夠哂惹味！ 雞翼既蜜糖就夠哂拉絲，但提一提要襯熱食，如果唔係D 蜜糖會定哂型到時冇咁好食！熱食之餘雞翼本身炸到脆卜卜！好香甜酥脆！冰草呢個時候出現就可以中和番D飽滯感，因為冰草係用左醋黎撈，食個陣記住再撈一次令到面頭既草都有醋先開番你個胃！ 到左片皮鴨主角既出場！食法真係夠哂新穎！鴨皮亦都夠哂脆，點爆炸糖食真係一番享受又夠哂特別！店員見我地D爆炸糖硬左都即刻換過包俾我地！夠哂體貼！中間個款多D肉點芥辣夠哂正！最後個款用番傳統食法又包埋山楂條真係好好好味！ 叫左既湯都好好飲，佛跳牆同松露海皇羹都夠哂足料！後者雖然有黑松露既香，但唔會蓋過本身湯料既原味！份量掌握得非常好！ 蠔仔煎蛋既蠔就唔會係好腥，配埋蛋食夠哂perfect，鮑魚雞粒飯夠哂香口同用鍋上夠哂熱辣辣！豉油既香係個

今年生日同老公講想食片皮鴨 之後就搵到海港城呢間中菜餐廳 扁皮鴨夠特色有三種唔同嘅食法 其他菜式都好好味 雖然坐唔到窗口位 但係玻璃外牆 望到出邊風景好靚 店員服務亦都好好 價錢偏貴但係我覺得好值得

是晚雖然已經是八點半，但係餐廳都有八成半滿座，在侍應生帶領下坐左一張可以望到海景既四人枱，一坐下急不及侍就揭餐牌點野食 招牌菜，張氏獅子頭櫻花蝦籠仔蒸飯黃扒魚肚味味餸真材實料，配上一流既廚藝，真係期待下次帶埋屋企人黎食

講到食，尖沙咀一定係一個你想食乜有乜嘅好地方，今日難得約咗友人嚟到海港城行下街，當然要順便搵埋食啦！今晚是平日，商場內少咗熱鬧嘅氣氛，無論行入商舖或者經過餐廳人流都比較少，友人想搵間坐得舒服，無時間限制，又有靚海景相伴既餐廳，於是就走到海港城盡頭向海果一帶嘅餐廳喇。經過一輪左揀右揀，發現左呢間店面裝潢優雅，而且亦被門外宣傳菜牌吸引既京菜餐廳雖然進入餐廳已是8:15pm, 但當晚眼見已經有八成半餐枱已坐滿人，當晚落住大雨，無機會坐到室外餐枱，但都被安排坐在窗邊靠海. 黃扒魚肚, 一定要食，一定要食，一定要食（好野要講三次🤣）花膠扒非常厚身，好有口感，配上南瓜湯底片皮鴨，分別鴨胸，鴨皮，鴨身，食法不同，侍應生會介紹不同部位有不同食法松茸素佛跳牆，有大量松茸及菇係湯內，好香好甜😃蝦湯海皇泡飯，不是蝦湯，係龍蝦湯底，好鮮甜有好多海鮮係裏面，又係一定一定要order拆骨肉燉白菜, 份量好大鍋，D菜好新鮮好甜再配上用手撕既肉

今日難得同幾個朋友夾左假去tst食好西 平時行經羲和雅苑都有一陣好香既烤鴨味 所以決定試一試！我地6點半去到門口已經好多人等緊入座 因為我地4個人所以好快都有位 服務員好有禮貌 又細心 入到去坐低即刻打開meun叫野食。首先頭盤黎左蝦乾冰草。第一啖食冰草 令原本肚餓既我更肚餓！ 酸酸既汁加爽口冰草 好開胃 蜜汁脆芋絲 作為頭盤都好出色 原本驚會太甜 但食落小甜脆口 食完仲可以繼續食主菜唔會漏🤤到主角馳名烤鴨出場！ 師傅係隔離一邊切 服務員一邊介紹正宗烤鴨唔同部位有唔同食法！ 我之前未試過烤鴨點果醬加爆炸糖 入口鴨肉一邊溶 伴隨特別既爆炸糖口感 值得一試！ 接住落黎係鴨肉點芥茉醬 如果鐘意食芥茉醬既朋友 一定停唔到口 鴨肉油脂配上芥茉醬 令口中留有鴨肉香味！最後 服務員提示我地要用膜夾住鴨肉連其他配料 好滿足未夠飽既我地仲叫左上湯牛油蝦球伊麵同窩燒鮑魚雞粒炆飯。伊麵一上枱 已經見到幾隻好大既蝦 上湯加牛油令伊麵同蝦好香 每一啖都有麵同蝦肉 份量剛剛好 鮑魚雞粒飯亦唔輸蝕 鮑魚連炆飯 煙煙韌韌 食到我同朋友滿載而歸☺最後食埋個金銀蛋萵筍 萵筍鮮甜爽脆 可以幫食到好飽既我地消下滯

朋友約我到尖沙咀食飯, 佢推介呢間羲和雅苑,話一定岩哂我呢個鍾意食中菜既人,咁大口氣,即管同佢去試試!環境好光猛,窗外邊就係維港,坐位又夠闊落,夠哂舒服,食野前飲兩啖茶清清口腔,正!出發前做左小小功課,話呢間既烤鴨有得配糖炸糖食,咁有創意既食法,點可以錯過!原來除左烤鴨,仲有藍莓醬同好"野味"既芥辣醬,而芥辣醬係唔辣,所以唔食得辣既朋友唔洗驚。店員好有心機咁介紹鴨既部位,建議食法,加上用左自熱火鍋既方式保持住隻烤鴨既溫度,無論味道定服務,都可以話頂級。之後再點左幾樣野食:巴蜀口水雞:又香又辣,口水雞配上上面既花生碎,再點埋D汁,送飯一流,雞肉夠哂肥美,正牛油芝士焗大蝦:芝士咸香,侍應仲會好好咁幫手分好一人兩隻蝦,而蝦已經半開邊,芝士味入哂去,正到爆!燒汁芥末和牛粒:咸咸燒汁再上刺激既芥末,係好新奇既食法,和牛數量多,又好有咬口,配菜吸收哂牛同醬汁既香味,一樣咁好食!燒鮑魚雞粒燜飯:燜飯燜到入哂味,加上鮑魚粒同雞粒令到成個飯再提升一個層次,因為實在太香太好食,食多幾碗都唔覺飽!

三母女一齊去咗尖沙咀食中菜。之前見到OpenRice呢間好多like，而且我哋好想食片皮鴨，於是就揀咗呢間靚靚餐廳坐低慢慢食。餐廳環境超級靚，望住無敵大海景，坐卡位地方好闊落。打卡一流！馳名烤鴨🦆專業的師傅，把烤鴨分了三個部份切上：第一個部份烤鴨的後頸（脆皮和脂肪），配上甜酸醬及秘製爆炸糖，油香和脆皮像是在嘴裏開花，充分體現了嶄新的味覺享受。🤩第二個部份鴨背肉，配黃芥末食，口感清爽💛第三個部份鴨腿肉，傳統北京片皮鴨吃法，用師傅手製薄麵皮，自由配上京蔥、青瓜、山渣條、洋蔥、北京醬，口感層次豐富😋黃扒魚肚，材料十足，魚肚好厚肉，鮮味十足😋張氏汁鮑魚，鮑魚彈牙，送飯食好奢華😋推介老上海燻魚！醬汁好開胃，魚皮炸得鬆脆，連魚骨都炸到脆👍🏻又點少得我最愛嘅紅燒煙燻乳鴿🥳燻得好香，而且仲鎖住到香嫩的肉汁。滿分！青梅一字骨，排骨配上青梅，口感開胃清新，令人一食再食！三個女人分別叫左三款甜品：楊枝甘露，芒果肉好鮮甜！極力推介燕窩蛋白紫薯，需要等候，可見是用心製作，啖啖燕窩口感，對得住個價錢！蛋白杏仁露，蛋白煮到好滑，加上杏仁的清香，簡直是絕配😋

今次同幾個朋友都係第一次食羲和雅苑，平時行海港城都好少經過因為佢喺再入少少所以以要俾多啲眼力先會見到🤣我地係平日八點呢個鐘數去食都要等位呀，不過等咗一陣就有位luuuu! 不得不講嘅係成個門面裝修都好有心思好中國風，環境唔錯✨首先講下啲冷盆小食，每一樣都好滿意！😚有撈汁秋葵，麻辣海蜇頭，呢個唔辣😋中意海蜇嘅必食！蝦乾冰草，點下下面啲酸酸地嘅汁好開胃！蜜汁脆芋絲，個人認為呢個幾有特色！好似食緊零食咁，不過上菜就記得盡快同朋友仔分咗佢嚟食，因為佢好多糖漿喺面，好快會黐埋一舊，之後想分返開嚟食就好難了🤪重頭戲💥馳名烤鴨！店員會首先企我哋隔離即場切俾我哋睇，仲好貼心慢慢切等我地可以慢慢影，切緊嗰陣亦都會一路介紹隻鴨～終於食得啦！上菜嗰陣另一個店員會幫手介紹邊部份嘅鴨肉配咩醬/點食最好～鴨肉好有味，師傅切得都好好，口感唔錯！不得不提嘅係，配烤鴨嘅醬料！士多啤梨果jam同埋爆炸糖真係最新奇嘅配搭😱未試過！個口感幾得意！未試過片皮鴨點爆炸糖嘅真係要試一試！👍🏼另外我地仲叫咗幾樣小菜～金沙魷魚芥末和牛粒上湯牛油蝦球伊麵仲有一個好足料嘅窩燒鮑魚雞粒燜飯^_^最後想講下餐廳有個位係可以出去睇到維港個夜景！

今晚嚟到位於尖沙咀嘅羲和雅園食中菜由於訂咗位嘅關係去到已經安排左個卡位俾我哋，身體上裝修都係有花過心思，去咗迎合佢主打食鴨，梳化上面仲有鴨嘅cushion 😂店員好熱心一嚟到就幫我地開左茶，同幫我地落左半隻鴨先落左冇耐之後就有個師傅拎左成隻鴨係我地面前開始切，仲見到隻鴨熱辣辣出緊煙之後就拎個八寶盒同埋有一個黑色嘅架黑色嘅架就係拎黎裝住啲片皮鴨，下面仲會有個發熱包，可以keep住啲鴨嘅溫度之後店員就會同我地介紹岩鴨係點樣食法同埋要配咩醬，佢仲提我地鴨一定要襯熱食如果唔係就變得好油膩成個片皮鴨嘅賣相一流，岩晒打卡鴨脾位置肥美多汁，加埋配料包住一齊食啱啱好中和左個油膩嘅感覺同埋半隻鴨嘅份量都幾多建議三個人以上食除此之外我哋仲叫咗張氏獅子頭獅子頭仲配左一個細細的飯獅子頭入邊唔會有過多的肥肉加埋個飯配上佢嘅醬汁入口亦都啱啱好呢個叫做踏花歸來馬蹄香賣相一流以佢嘅調味係用咗桂花汁同山渣，從而令到成個小菜係酸酸甜甜，另外個馬蹄亦都十分之爽口呢個山藥燕窩羹味道會比較偏淡入面嘅山藥亦都有切成一粒一粒落去會比較有口感呢個韭香雞翼都整得非常之嫩滑同易入口雞又唔會過肥，個汁整得岩岩好金沙鮮魷魚係用左蛋黃一齊炸所

香港有好多中菜餐廳，但搵高質素既，都唔係咁易，今日黎到呢到就無令我失望啦。黎到呢到，第一樣要試既就係佢地既烤鴨啦！ 我地就叫左半隻。鴨既皮十分脆，食落去真係爽爽聲，烤得岩岩好，配合埋佢提供既皮同埋醬汁食，真係好夾，推介大家黎到要試！前菜我地叫左個麻辣海蜇頭，爽口彈牙，好香麻辣味，好開胃。金銀蛋浸萵筍 - 味道清新之餘，用料新鮮，加埋金銀蛋食好正。櫻花蝦海味蒸飯，呢個又係一個驚喜，用料好足！ 好多櫻花蝦，仲有好多唔同既海鮮加埋一齊去蒸，果啖飯真係充滿住濃濃既海鮮香味！呢個真強推比大家！最後都叫左個甜品結尾，楊枝甘露，味道唔錯但太細份啦😂