美味餃子店

營業中

休息中

叫左一碗10隻雙拼餃加一杯凍豆䊢。佢地唔多款揀，本身有白菜餃，韭菜餃同椰菜餃，不過次次夜晚去都無晒白菜餃，所以就只可以雙拼另外兩款。最特別就係個湯，係野葛菜煲生魚豬骨湯，好好飲，叫湯餃唔駛加錢，但散叫一碗細嘅都要$20。個菜譜辣醬都值得試。

晚上，約左家姐9：30pm去打泰拳， 打之前相約食個飯。家姐帶左我去呢間到食餃子8點幾左右到，去到好多人排隊我地等左15MINS左右就可以入去我叫左個韮菜肉餃＄37／10粒一見到，我就‘嘩’左一聲，點解咁大碗餃子粒粒都好大粒，每一粒都好足料好JUICY，食材亦好新鮮！最重要無味精！真係好味！另外，我亦好欣賞佢呢個自家制既醬辣得好惹味，配埋落餃子到食！絕配！小小既一間店，坐無虛席！大力推介，經過既朋友不妨一試！

這間餃子店。真的是真材實料。由舊店開始已經常有幫襯。常常看到大排長龍。搬到了新店地方寬敞了。但食物質素不變。還是喜歡這裏的湯底。是野葛菜豬骨湯底。整個餃子每日新鮮包的。今晚叫了雲耳椰菜餃。椰菜爽口豬肉鮮味。雲你配搭非常出色，叫了一碗細的也有七隻餃子。對一個女孩子。來說實在是非常多。不過眼見鄰座的食客很多都是七隻湯餃再配七隻煎餃。真的嚇呆了。莫非係我細食？順帶一題。這裏最吸引的還有自家製的辣菜莆。配合餃子同吃帶出鮮味。非常美味反而都曾到過分店。那裏的湯不及這裏的真材實料。還是喜愛舊店。

好耐之前朋友帶過我黎食美味餃子店既美味餃子，一試難忘。不過，因為好少去太子個頭，比較少食。今日難得有事要出太子個頭，所以特登早d出黎食個lunch。黎到發現原來佢搬左間大d既鋪頭，雖然大左好多間店，但星期六食係需要排隊。好野多人食都係正常既。同朋友叫左個白菜湯餃同煎雲耳椰菜肉餃拼韭菜肉餃，兩個都要左10隻。5/5 白菜湯餃 - 好足料，菜仲好爽口，雖然d肉無咩味，但整體都餃子係好食。餃子皮唔厚身，唔會一食就好飽，會停唔到口甘係甘食。個湯先係重點，食完個餃子，再飲啖湯，完美4/5 煎雲耳椰菜肉餃拼韭菜肉餃 - 煎得好香口，隻隻餃子都好足料，雲耳椰菜有驚喜，比較特別，雲耳椰菜同肉係好夾，好爽甜。韭菜肉餃都好食。不過，煎餃比較多油，容易膩呢到d肉餃以菜為主，好健康，所以餃子係無咩肉汁。湯餃就最正，同埋個自製菜脯豆豉辣椒醬都好正，唔太辣，個菜脯又可以加添左口感。想食個清淡健康既餃子，美味餃子店真係一個好選擇。不過要有心理準備要排隊等位。好彩餃子好快食完，唔使等好耐。

下午五點半，係太子尋找回憶既味道因為讀預科個陣，食lunch 又飽肚又經濟，仲好健康，當然 次次都要等位行到荔枝角道點解好似個菜單冇左生魚野葛菜湯ge一上openrice ，原來已經搬左去入一條街既大南街啦新店闊落好多，廚房亦都係店最入既位置唔會好似以前咁，一望就見到阿姐係度 包餃 煎餃 煮餃啦因為係演藝學院 睇完 詹瑞文 既 男人之虎所以 午餐同下午茶 一拼食了待應 講明冇哂白菜餃 啦 叫左 以下既野首先上臺既係 大家都知佢既湯底 得一種 就係生魚野葛菜湯湯飲落 零味精 唔會咸 我記憶中有少少苦味，感覺濃啲啲配上米線 ，吸湯，一啖一啖 家常既味道食佢既湯餃 煎餃 都一定要有既 係鍾唔鍾意食辣，都唔會錯過佢既菜莆辣油菜莆 爽口，加上 辣油，不論 配餃子皮 又或者 塞入內餡中 ，都毫無違和感，香味即時提升接近食哂湯餃既時候，終於上臺既係 滿滿油光既煎餃，正因為油，先可以煎到餃子們不破皮，隻隻完整，有脆邊警告，上臺後，攤凍三分鐘先好食，如果唔係，就會咁ga la佢既汗 同 油真係好熱韭菜大小均勻，韭菜比肉多，沒有肥肉，更香口，餡雖然唔會漂汁，仍保持濕潤其實佢既煎餃都真係幾熱氣，所以我

友伴一直都好鐘意食餃子，呢間更加係佢嘅至愛 原來店舖已經有好多年歷史，不過呢間就係新店 除左湯餃同煎餃，仲有車仔麵揀，不過今日就梗係試出名嘅湯餃～<小遺憾，白菜餃子概說係最美味，但每日7點到就會賣完，所以試唔到> 今次叫左韮菜湯餃，首先梗係講左個精髓所在：野葛菜生魚豬骨湯先丫。野葛菜湯可清熱潤燥，化痰止咳，去骨火，而且加上煎香嘅生魚同豬骨一齊煲，完全冇任何腥味，反之鮮甜潤喉，極其美味！！ 餃子本身都用料十足，皮薄餡多！韮菜與豬肉比例剛好，韮菜味較濃而唔會覆蓋肉味 不得不讚係枱面任添嘅辣菜脯～香脆爽口，偏辣，但加埋湯一齊配搭，絕對係一流^^

落住大雨過黎食碗熱辣辣既餃子，叫左一碟雲耳椰菜煎餃同一碗白菜湯餃。餃子皮稍嫌厚實，味道不過不失，煎餃很油，值得一讚既係湯餃既老火涼茶靚湯，係野葛菜生魚豬骨湯，清甜無味精，黎親食既都會飲個碗底朝天。另外佢既獨門辣醬，加入左菜甫，令到味道稍嫌太淡既餃子生色不少。有時間會再黎幫襯

某日約左朋友行街，因為無乜食過野，所以自己早d出去食d野先，上次去完神經餵飼間cafe，發現太子呢邊都幾多野食，上Openrice搵下，見到呢間餃子店幾多好評，我自己本身都幾鐘意食餃子，咁就去試下啦！今次呢間個位遠少少，太子地鐵站D出口行4分鐘左右，一路行條街好多車房，裝修材料，布行之類，仲比我撞到"我有一個夢想"既呀銀tim！佢仲keep到改做左果個look呀，哈哈！行下行下終於到，地方就唔係好大，兩張大圓枱加幾張細枱，入面就有個半開放廚房見到d姐姐係度包餃子。食物種類唔多，主打餃子之外都有d麵類，餃子得三種味：雲耳椰菜肉餃，韮菜肉餃同埋白菜肉餃，可以揀煎餃/湯餃，同埋呢度既湯餃係用佢地既招牌野葛生魚豬骨湯ga，如果你食煎餃都可以就咁散叫碗湯黎飲既!我自己就鐘意食煎餃多d既，所以叫左7隻煎雲耳椰菜肉餃 $33加杯豆漿$8！豆漿先到，佢地寫自家製既，飲落都幾有豆味，又唔太甜，算係唔錯!煎餃就等左陣先到，隻隻都煎到金黃色，每枱仲有樽豆豉辣菜圃比你配餃子食。因為我就唔係好食得辣，所以點少少試下先，一食落口就唔係好辣，因為有豆豉既關係，都幾香同惹味，菜圃細細粒好爽口，過多陣d辣味先會慢慢滲出

近來吃飯的開支大，想省省錢吃便宜點，本來說吃快餐店/大排檔都沒關係，不過朋友很好心機找來了這家地道又便宜的餃子店，當然要試試啦小店晚上六時已有人排隊等位子，幸好人流快，看了餐牌一會兒便能進去。像一般雲吞麵店的格局由數張大圓桌組成，大家搭枱圍左圓桌坐，有少許逼挾。但店員很好態度，不斷跟客氣地叫我們坐埋一點，甚至見我們抱住數個袋子很狼狽，不吝嗇地給我們圓桌放袋子。餐牌選擇不多，有雲耳椰菜肉餃、白菜肉餃和韮菜肉餃三種，可湯可煎，加麵亦得，還有車仔麵可選。聽聞麵食一般，餃子當主食對我們來說沒問題。先來煎餃子，每隻餃子大小均一，摺痕手工細緻，沒有一隻是破了的。餃子煎得金黃，咬落酥脆而不過份硬身，還留有一點煙韌在內皮。白菜肉餡肉多於菜，比例剛好，不蘸醋不蘸豉油已經很夠味，整隻餃子塞滿餡料，很足料。餃子皮不算薄，但很煙韌，吃得出是自己搓的皮。 不過放涼一點碟底就開始積油，整體是較油膩才能便出這種半煎炸的酥脆，不能吃太多。生魚和豬骨熬成的湯，有別於其他雲吞店的生魚湯，這碗呷一口已吃得到鮮甜味，還有少許的胡椒味，不會過濃得蓋過整個湯，而是能適當地提起魚的味道，最重要是喝多也不會口渴，是無味精的家的味道。

老友知我鍾意食餃子 咁岩同佢又諗緊食咩晚餐好 佢提議黎美味餃子店 帶我食好西咁話一去到其實門口好多人 舖面其實已經唔細 心諗真係咁多人黎品好西？！原來好多街坊都黎買外賣返去 有啲我聽到係買生餃返屋企自己整添！👍🏻👍🏻 等左大約五分鐘 已經入得去坐 眼見個個都係餃子 整明真係有返咁上下 都唔算好貴 亦唔係平價貨 今晚凍左又返風 我同老友都係叫碗熱湯餃 暖下個身 因為佢標榜湯底係由生魚豬骨湯黎一黎兩大碗 每碗十隻 其實如果唔係餓到要食人 都夠一個成年人食一餐 而我亦見到佢廚房位係有幾個員工不斷包餃 新鮮即制！！ 讚雲耳椰菜餃 38蚊皮簿有咬好 椰菜個比例比豬肉同雲耳高 所以咬落去係比較爽口 又因為佢饀料新鮮所以食落會無咁一舊舊 唔似平時雪藏餃咁個湯底相當清甜 重魚味 無味精添加 韮菜餃 37蚊十隻韮菜充滿整隻餃子 如果鍾意韮菜既朋友 應該會食指大動 佢有豬肉但比例唔算好多 但相對地會好爽口 而大個皮一咬就開 無粘貼感 而且每粒餃既size都有兩茶匙咁上下大 唔錯 最後要這一下呢個特制辣醬佢有菜莆 辣椒 豆椒 辣油等配料混合而成好惹味但個辣度對於我食少少辣既人黎講係辣既 不過太惹味關係

朋友介紹的餃子店今天早來到，大約1900，已經要等下等左15分鐘，全部撘台坐我叫了煎韮菜餃朋友叫了湯椰菜雲耳餃落完單等左10分鐘，心諗使唔使咁耐，通常餃子都係好快上終於到喇個湯好淡，但係淡先好飲，一定冇味精，應該叫清甜！食煎餃要小心，好熱，可能即叫即煎，即叫即煮，所以先要等下餃子好重料，啖啖肉，皮薄鐘意辣既朋友一定要食佢個辣椒油，好辣，好好味

星期六晏左起身，攪到無早餐食，但第一餐又唔想食得太heavy⋯⋯老公提議食餃子🙄適逢開餐後要到大角咀打波，就決定喺附近搵食😛search下openrice⋯發現呢間餃子店有好多好評喎，行到去覺得都坐得ok，就坐低左咯😗望一望個餐牌，得三款餃(雲耳椰菜、白菜、韮菜)，咁就三款都試下啦🤗仲有分煎餃湯餃，只可簡七隻或者十隻🙄😤結果，我地就叫左雙拼湯餃加七隻煎餃🙄 湯餃一到，第一時間飲啖湯先！嘩⋯⋯好失望😲一陣生魚加美極味⋯⋯好古怪😥第一隻咬嘅係韮菜餃⋯⋯😖好強烈嘅韮菜味，可能自己不太喜韮菜⋯⋯而且餃皮較厚，口感比較奇怪😐之後食雲耳椰菜餃，d餡無嘜味，淨係得雲耳同椰菜爽感😟失望！ 再泥白菜煎餃⋯一上枱只見到碟邊都係油🙄已經唔太有期望⋯⋯不過呢，個煎餃個皮算煎得唔錯，個皮夠趣，唔會淨係軟爹爹且煙韌，但個餡依舊無味⋯⋯要喪落醋同豉油調味！(唔通我地真係太重口味？👉🏻👈🏻) 一場泥到，無理由唔計埋自製豆漿！甜就夠甜喇，不過無豆味喎😔總括泥講呢，都係名過於實嘅一間餃子店囉⋯⋯有期望卻換來失望⋯⋯😟

呢間餃子店真係店如其名, 自從幾個月前試過一次之後, 定期一個月至少去一次! 可惜佢星期日唔開 (摸過兩次門釘先記得星期日係唔開..), 否則我估會再去食多D!!入正題, 今次去食咁啱賣晒白菜餃, 就剩係食其餘兩款啦 - 雲耳椰菜肉餃 & 韭菜肉餃~ 煎雲耳椰菜肉餃 & 煎韭菜肉餃雲耳椰菜肉餃很喜歡這種菜比肉多的餃，大大隻都唔會覺得"漏"~感覺也健康一點(雖然是煎的...) 餡料很香很足料~淡淡香~唔會好濃味~個人黎講這款是我這裡最欣賞這裡的食物~我平時不太愛吃雲耳和椰菜的~但呢款餃將兩樣野合埋又好夾~出奇地好好味~韭菜肉餃一樣是多菜少肉~豬肉依舊很新鮮 有肉汁~有韭菜的香味之下 這款餃的味道就比雲耳椰菜肉餃較為濃味~卻又有另一種風味~熱辣辣煎得很香口~讚! 雖然比較熱氣油膩~但真係抵受不了~雲耳椰菜湯肉餃拼韮菜湯肉餃怕熱氣的可以選擇食湯餃~食湯餃就特別食到餃子皮夠薄~~雖然未至於係超級薄, 但我幾喜歡這種質感~起碼唔會食到成舊粉團咁~湯底係野葛菜煲生魚湯, 這個湯真係呢間店既招牌黎~~好足料~味道好鮮甜, 又唔會好鹹~ 我相信係冇加味精的, 因為飲完都唔覺得口渴~ 通常都會成碗湯清晒

這次去美味餃子店，沒有吃名物的湯水餃，反而嚐了這個煎的韮菜餃。一叫有十隻，韮菜很多，而且感覺沒有落太多味精。隻隻煎到金黃色，沒有焦確可見是專業的態度。配上左上角的豆豉辣菜圃，點一點，這才是精椊，辣味湧上心口，有著豆豉的咸香，明白點解餃子不會太下味精了，那個是街坊的味道，是香港的味道。

今日要去太子拎個保溫杯, 所以就預先睇定太子有咩食...我揀左美味餃子店...之前次次去金鳳都經過舊舖話要下次食, 但就次次都做唔到 ...到佢搬埋新舖, 仲要機原巧合下先終於去到...位置係金鳳向橋反方向前一條街...我地叫左 雲耳椰菜湯肉餃,  韭菜湯肉餃,  韭菜煎肉餃, 豆漿... 雲耳椰菜湯肉餃: 餃子好大隻, 皮又薄...因為入面既餡好多係菜, 所以呢個餃好軟身...呢個餃子咁多菜又唔咸所以都好清, 亦因為咁食哂10隻都得...椰菜應該好新鮮, 一d苦味都無...唯一問題就係餃子軟到好易不上黎又洗返落去,跟住個皮就穿左... 韭菜湯肉餃: 餃子都係好大隻, 皮都係薄...呢個比椰菜餃實正少少, 唔會洗返落去...不過個人認為食得韭菜都係重口味之人, 所以韭菜味可以再濃d... 野葛菜煲生魚豬骨: 其實就係湯餃個湯...無咩咸味, 幾健康, 飲得出有俾心機煲既湯...飲多啖呀!! 韭菜煎肉餃: 白菜餃賣哂, 見到好多人食煎餃, 所以我地就叫埋佢...煎餃金黃色, 肉眼睇見到個皮好厚...食落就唔脆, un 左d...唔鐘意... 豆漿: 好飲, 無沙...唔會太甜.