美味餃子店

營業中

休息中

太子呢間餃子店真係唔講得少。成日大排長龍。招牌餃子有三款：1）雲耳椰菜 2）白菜 3）韮菜（可選湯餃或者煎餃）每次諗都唔諗一定揀「白菜湯餃」白菜鮮甜。味道略勝。靜雞雞話你知。白菜餃最多捧場客。最快沽清。想試就要早d去喇

呢度除有自家人手包製嘅餃子外,仲有車仔麵等食物,然而我係為餃子而來,已別無他選.佢哋只有雲耳椰菜肉餃,韭菜肉餃,白菜肉餃三款口味,然後就係湯餃或煎餃,細碟(七隻)或大碟(十隻)之分,選擇上可謂貴精不貴多.煎餃係雲耳椰菜肉餃拼韭菜肉餃,外皮煎得乾身呈金黃色,有如細細嘅金元寶,雖然某幾隻餃子開口裂開,但外觀仍算吸引,且可清楚睇到均等嘅摺痕. 煎嘅雲耳椰菜肉餃餡料爽口,餃皮就幾香脆,韭菜餡嘅香味就比較濃烈. 枱上面仲有可以自己隨意添加嘅調味料如紅醋等,當中以自製菜脯最為吸引,入面混有豆豉同辣椒片,辣度頗強,食落既香又惹味.可惜冇樽裝發售,如果唔係就可以買返去慢慢食喇!

「 真係咁美味咩... 」呢句野係行到門口... 見到已經要排隊個陣諗到既... 個陣七點都未夠喎... 利害... 不停有客... 埋單走人個陣條龍仲長...因為餃子餡係有菜... 所以就無另外叫碟菜...煎白菜肉餃唔算好油... 配埋菜圃食正好多... 一般~覺得最好食都係土瓜灣個間~湯雲耳椰菜肉餃湯係生魚豬骨湯... 個湯婆仔就麻麻地鐘意啦... 湯餃個皮就會滑好多... 有椰菜做餡食落會爽好多...豬手幼麵豬手有三件... 都算淋既... 但肉唔多... 麵就平時一個幼麵餅既份量...菜圃見食客勁落... 店員不停 refill... 試左少少先... 辣辣地好野味... 最正原來係菜圃囉~

食左咁多次都未試過煎餃子今日 就決定一試試後，發現煎既真無比湯餃遜色煎後既餃子 無哂水份食落去口感較乾而且好熱氣 食左三粒已經頂唔順但材料份量都係咁足既以後我都會食返湯餃一來juicy 二來可以飲到湯既鮮味

聞名不如見面。一個炎熱中午，12點多就黎到，以為仲早冇人，誰知入店已見坐了一大半人了。叫咗三款餃子包括煎餃。共17隻加底，起初都擔心唔夠飽。食物黎到，店內已坐滿，店外也開始排隊（只是幾分鐘內發生，真很多人捧埸）韮菜煎餃7隻[$32]新鮮煎，非常熱辣辣，怕熱親咀仔記得抖陣先好食雙併大碗10隻[$39] 加底[$9] (白菜餃+雲耳椰菜肉餃)湯餃附上「野葛菜煲生魚豬骨湯」（湯散叫要$20起 !!)湯有濃濃魚味，加上米線很有家的味道。餃子 多料多汁 清新爽口 多菜更感健康十分足料又大大粒0既餃子配上自家制既辣醬 OR 黑醋，頗惹味！值得推介

想食清淡D又唔想食Salad甘dry～清湯餃子係唔錯嘅選擇～打開午餐牌, 除了主打水餃, 還有車仔麪及其仔粉麪,飲品還有野葛菜水選擇~水餃也有分煎及放湯的,而有些餃是料是加入了雪耳,十分特別 ~今次我想食清淡d又唔想熱氣,我和朋友還是選了最傳統的白菜及9菜湯餃 ~咬開水餃, 內有豐富的肉汁,肉料鮮甜,入面既白菜同9菜令口感更清新~皮料很滑又不算厚, 點上黑醋 ,味道更佳 !水餃質素確實不錯!!!“名”副其實 , 不愧為美味餃子店！

大食的我, 不時都會去食好有飽肚感的美味餃子當中尤其以湯餃令人有滿足感, 最重要是湯餃的湯好鮮, 沒有味精好受街坊歡迎, 晚上時間, 少不免要等位除左最出名的餃子, 仲有車仔麵、豬手麵入面都坐得幾迫, 帶住背包都坐得幾辛苦10隻湯雲耳椰菜餃 $38剛才提及, 湯餃的湯好鮮, 沒有味精, 就係招牌野葛菜煲生魚豬骨湯, 好鮮, 飲到魚味但唔會腥餃子皮好煙韌, 比較厚 (咁先飽!)好多餡料, 雲耳椰菜都好爽而且健康10隻煎韭菜肉餃 $37煎餃雖然比賽熱氣, 但看到煎到脆口又金黃色、新鮮熱辣, 又好想食韭菜好香好爽, 同樣好多餡料, 抵食! 

食完 “ 餃掂 ”， 意尤未盡再访 “ 美味餃子 ” ， “ 美味餃子 ” 本是老相好 ，从前每星期起码去两次 ，後因搬屋才疏了 。 此次旧地重遊只希望质量依旧。未到门口已见人龙 ，到迏却因是孤独一人有位攝入 ，唔驶等。虽然那裡的煎饺因其皮脆 ，香口，肉汁多而同样驰名，而我独偏爱皮嫩 ，爽滑的湯餃 ，尤其配上其葛菜汤，更是一绝 。一如所料白菜饺早早卖光，改点云耳椰菜餃拼韮菜汤餃 。稍等片刻饺子到 ，仍是从前的水準 ~ 餡多，皮滑，煙勒，份量足，汤则清甜，味浓，不腥，冇味精 ，真令人意猶未盡 ，欲罢不能 ，无奈慾大胃小，只好作罢 。

食過番尋味，唔怕厭既我，琴晚食完覺得好好味，今晚又黎喇，不過就開心d有得同賣阿bi，堂食就一定要答台，為左食好西都唔緊要啦。例牌又十隻韮菜餃37湯上幾大碗，湯清甜，餃大隻兼滑皮，韮菜涵比豬肉多，所以食起上黎特別清新又健康，食完十隻好飽肚，夠曬皮。Bi的十隻煎韮菜餃37煎得好香口，亦都好滋味，不過無湯連食無咁正斗，但加賣個店附菜脯，辣辣地幾開胃。豆漿8x2豆味唔夠濃，但就好冰凍，好刺又加左價。

小妹是日休息繼續無飯，便獨個兒去了接近年幾無吃的美味去，通常都是堂食，今天太熱便叫了外賣。晚餐時份全場滿坐，好多人如我一樣門外等外賣，個個說抵食呀嘛。不過個女員工好刺做到好紋咁，無service可言，明既，無他，咁我黎都係想回味下個野葛菜煲生魚豬骨湯姐。男員工就刺老闆個仔，廳到佢對其他客人就有禮貌好多喇。門外等左好耐，啱啱沖完涼既我，又爆曬汗喇，真係激死人。韮菜湯餃10隻 外賣價38餃子夠大隻，涵料好丰富，韮菜味道好濃郁，餃子皮又夠嫩滑，豬肉食材也鮮美。不過重點係湯度，雖然無剛開業時咁香濃，但味道如一並無變，食完十隻飲完咁大碗湯，一定飽肚，大滿足。

同朋友路經美味餃子館，佢話好久未食過呢間餃子，叫我一起進去試下，佢幫我揀左個湯雲耳椰菜餃子。餃子每個都非常飽滿，餃子皮薄口感軟糯，裡面餡料雲耳脆爽，椰菜清甜鮮嫩爽口，湯汁比較清淡，整體感都算適口！！

一碗看似平平無奇的湯餃子，晚上十時多的橫街仍吸引不少食客來光顧⋯店子只有三款餃子、湯和車仔麵，主打必是餃子。這湯餃子是大的雙拼，本有三款，但白菜豬肉已售馨，我這碗是韮菜拼木耳椰菜，一共10隻（$39），大大碗貨真價實，湯底是店中皇牌～野葛菜生魚豬骨湯，湯沒有一點油膩，夠晒火喉材料十足！韮菜豬肉餃～韮菜好新鮮，吃得出是即日製作，菜的份量很多，我鍾意木耳椰菜豬肉餃～木耳、椰菜和豬肉比例恰當，豬肉不肥膩但也不會鞋，不像一般餃子大部份是半肥瘦肉不論湯餃子或煎餃子，建議以秘製辣菜脯同吃，美味加分！以野葛菜煲生魚豬骨湯作湯底伴新鮮手製餃子⋯這足已留住大家的胃😋邊吃餃子邊喝湯，最後一滴也沒有⋯嚐過湯餃子，湯太好喝，再整多碗淨湯喝個夠《美味餃子店》地址: 太子 大南街74號地舖電話: 2309 7308逢星期日休息

✨湯雲耳椰菜餃 ($39/10)✨看起來飽滿的餃子圓滾滾的 餃子皮有糯米煙韌的感覺 厚而不粉 將餡料緊緊包實滑溜溜的糯米皮填飽肚子香厚的油香和菜的鮮味韮菜獨有濃厚的野菜味最香口 配上木耳更加爽口野葛菜魚豬骨湯湯汁不油 味道淡淡的 沒預期中魚鮮的香氣

還有印象呢間小店舊時在另一條街，今日又讓我再次碰上了它，點都要俾面試一試。今次我們四人試吓他們十隻煎雲耳椰菜餃和白菜餃。餃子煎得很香口又不太肥膩餡。白菜和豬肉新鮮。雲耳是我的最愛。來包餃子一絕。同行友人叫了一碗生魚豬骨湯。我們四人試過，的確很鮮甜。很住家feel 的湯！再來的十隻湯韮菜餃味道一般。都是喜歡香口野，煎的相比湯煮出來的，前者優勝可口美味得多。雖然店舖位置於太子深水埗附近但店內環境乾淨整齊。如過開呢區，值得去試一試😋 

今日和友人又來吃美味餃子, 二人點了10隻煎韭菜肉餃, 每人各10隻湯雲耳椰菜肉餃. 我再叫了一杯豆漿.煎韭菜肉餃:每隻都煎得好靚, 呈金黃色, 熱辣辣的好香口, 不過就難免會熱氣和油膩, 但真是十分美味, 每隻都大大隻, 比例上韭菜比豬肉多, 充滿韭菜香! 點少少枱上的自製菜脯豆豉辣椒醬就更加正, 有著豆豉的咸香, 少少辣, 為餃子添加了份惹味. 菜脯更增添了香脆爽口的口感. 湯雲耳椰菜肉餃:差不多每個食客都有食湯餃, 相信都是因為鍾情佢的湯底-野葛菜煲生魚豬骨湯吧! 確實幾好飲, 清甜無味精! 湯餃就更加食到餃子的皮滑和煙韌, 皮唔算好薄那種, 但就因為這種厚度才可以包住咁豐富的餡料吧, 每隻都有豐富的餡料, 菜的比例會比較多, 感覺更健康. 雲耳椰菜和豬肉三種食物配合起來原來很夾很好味, 個人黎講喜歡雲耳椰菜肉餃多過韭菜肉餃.豆漿:他們自家製的豆漿相當不錯, 飲落幾有豆味, 又唔會太甜!黎過好多次都係賣晒白菜餃....好想試下白菜餃呀! 下次試試要早點過來!