美味餃子店

營業中

休息中

聽過美味餃子嘅大名，今日終於試到，雖未至於驚為天人，但都真係有驚喜，值得推薦。店面唔係繁華嘅大路，唔熟識真係要細心搵搵先見到，不如睇到長長人龍都應該冇錯啦。今次等左約30分鐘，比想像中耐（一開以為食餃子應該好快搞掂）為左試下招牌野葛菜湯底，果斷放棄睇落脆卜卜嘅煎餃，點左份湯餃。可惜白菜肉餃已經售罄，只好改點雲耳椰菜肉餃。個人習慣先飲啖湯，更何況湯底是這裏的招牌。飲到野葛菜的味道及魚鮮味，本來擔心的腥味亦沒有出現，頗有住家湯的感覺，不過湯底沒有想像中濃郁，清清淡淡的。至於餃子大大隻，餡料足，不過最滿意是餃子皮，皮簿而且煙韌，不會一夾就穿。要特別一提店家自製的辣菜脯，辣得黎好香，同餃子一齊食令原味較清淡嘅餃子味道升級唔少！總括黎講美味餃子冇令我失望，但亦未至於必食。作為一間街坊小舖，希望可以繼續保持下去

美味餃子店餃子美味？！本身想去太子Paradise Cafe, 不過週六多人加上座位不多，聽到要等一小時就頭也不回 轉 地 方。朋友一直想試既美味餃子店正正在附近，一於去試試。咁大口氣大大個名賣花讚花香既店好多，不過大多都名不乎實，又睇睇有幾巴閉先一轉入都未望清個招牌，已經見到長長人龍(ᵒ̤̑ ₀̑ ᵒ̤̑)已經算少人？聊着排，大概三四個字坐底了，下單之後十分鐘左右上齊。美味餃子店兩大推介稱為餃子店不過只賣三款水餃 已經夠做(〃ﾟ∇ﾟ〃)先試左韮菜肉餃及雲耳椰菜餃，另一款白菜肉餃今次就真係食唔落住。每款餃子都可選煎或湯上。韮菜肉餃 ((大碟 HKD$39 10件))雲耳椰菜餃 ((大碟 HKD$40 10件))煎餃略嫌熱氣同油多左少少，不過煎至金黃微脆既口感真係好加分！😳❤️咬落仲有脆裂聲音。煮餃選了雲耳椰菜的素餃，成個感覺fresh D。！喜辣人土必須試佢個辣菜莆！我地見隔離將辣菜莆mix醋，就有樣學樣，又幾正喎😳之後會發現成枱都係點煎餃加水餃各一😂不過總括而言，長期排人龍既美味餃子店 如果要排三個字等食都還可以，要排耐啲的話我都覺得未必值得等啦🙊🙊🙊食飯時間一定座無虛席。下次有機會再食xP

一向都係鐘意食煎餃，但見大家都推薦依道既湯餃就試下啦，嗌左一個細既雲耳椰菜餃，果然好大隻，試一啖大家都讚既湯底先，清清地冇味精，輪到水餃啦，加左雲耳好爽口，又足料，菜既份量比肉多，好健康，再加埋佢既辣椒醬，好惹味呀

美味餃子店係香港餃子屆算係很出名 有機會路過太子咁係要試下 openroce上見到成日要排隊 特登提早去 避免長龍係星期一去到大約5點10，估唔到咁少人 成間鋪頭一半都無坐滿 太好啦！叫左韭菜餃拼雲耳椰菜餃（細）36蚊 但柯達時聽到白菜餃已經賣洗 心諗 唔到六點就已經賣曬 點解唔包多d呢？？等左10分鐘度 雙拼餃子送黎 都係滿滿一碗 原來哩 雖然餐牌寫住細碗係7個餃子 但仔細一數 有八個 由外皮就可以見到邊幾個係韭菜餃 邊個係雲耳椰菜餃尼度既菜脯聽話唔錯 咁係一試啦！ 脆卜卜 香香辣辣 就住餃子食真係好正 先試左原味既餃子後 之後6個都就住菜脯食 最後菜脯入面再落d紅醋 酸酸辣辣！吃到停不下來 就是菜脯很多辣油 本身唔覺 加左紅醋之後紅油厚厚地浮在紅醋上⋯好驚⋯⋯但好味 停不下來！再講下餃子 餃子味道ok既 菜多d 算健康 個頭唔細 但都唔算太大 可能我係上海出生 上海的大餛吞比尼d餃子大太多 餃子味道唔算驚喜 就住菜脯紅醋既餃子先係真正既好味！但我驚喜既係：餃子的形狀 好似月亮 彎的 中間好似用筷子夾出的形狀 反正有點搞笑 咁樣既形狀顯得餃子餡唔夠實 所以用筷子夾過之後就出現尼個形狀

平時冇相機食先既習慣，所以我就冇食物既相可以放出嚟。前排見到某飲主誌介紹餃子，就見到呢間店好多人食 心諗咁多人排，食物質素都唔會差得去邊。我叫左一份煎韮菜餃同埋雲耳椰菜湯餃。韮菜餃就上先，感覺普普通通，味道唔夠濃，又唔係特別好食，給一個中評。之後湯餃就到啦，個湯好重魚腥味，不識欣賞，每人口味有唔同，我就覺得唔好飲。個餃子皮太腍，就黎會夾爛，個餡好重豬臊味，煎餃就唔係好食得出，一到湯餃就食到出黎，差唔多可以用難食形容。人人口味都有唔同，我既意見純屬參考用途，望大家唔好對我作出惡意批評。

今次介紹嘅呢間餐廳叫美味餃子店，係位於太子嘅，係地鐵站行大約5分鐘左右就到。佢嘅特別之處就係啲餃子好出名，繁忙時間仲有人會排隊！雖然餐廳都有車仔麵同埋一啲普通車仔麵配料叫，不過呢通常啲人黎到都係叫餃子食。而呢度嘅餃子分煎餃 同 湯餃，分量就通常有7隻或者10隻揀。個人覺得整湯餃嘅難度比煎餃為高，因為煎餃呢啲比較香口嘅野，只要唔煎到衰其實都唔會差得去邊。而湯餃呢，就好講求啲湯嘅味，仲有餃子本身嘅味。美味餃子店堅持唔加味精，每日都係魚湯，仲有秘制嘅辣醬。我叫左椰菜雲耳湯餃10隻 $40，食曬餃子飲埋湯一定飽！啲餃子好有分量，好多料，而且皮係偏厚身，所以先可以包住咁多料！而呢個辣醬同平時嘅有少少唔同，雖然唔係好辣，但係有加咗啲豆豉、仲有其他材料，令到辣醬更加特別！如果想留意更多關於我推介嘅美食或者景點，可以follow 我嘅instagram (bear.in.mind_)

突然好想食餃子，所以去了朋友推薦的美味餃子店朝聖。夜晚7點左右已經大排長龍，不過店內有許多位子，食完就要即刻走，所以等左一陣就有位，都係撘枱食架喇。想試的白菜餃已經賣哂，所以就叫了煎韮菜肉餃同雲耳椰菜湯餃，怕不夠飽又點了碗墨丸油麵，還另外點了杯豆漿。墨丸油麵絕對不用點，$30超細碗，墨丸好少而且好粉，如果時光倒流比我再揀會要淨粉麵算。不過呢到係食餃子，所以碗麵難食我唔怪佢，心中仍然有少少期待餃子。先黎左煎餃，一見到碟餃已經嚇親，好好好好油膩可以滴油岀黎果種，而且餃皮超級厚，除左係新鮮煎之外完全無特別，有d煎到好窿。係右上角果碟醬酸酸辣辣咁最好食囉。反而湯餃就ok，但係真係無特別，唔值得慕名排隊來吃。

本身唔係幾好餃子 覺得無咩特別但今次食餃子 佢配埋個魚湯 我覺得好正呢到有湯餃同煎餃 煎餃我覺得麻麻地可能係我自己唔係甘鐘意食煎餃 同埋覺得個底有少少硬但湯餃就唔同 即叫即包 皮薄餡靚 戈到有辣菜脯提供比客人用黎加豉油或者醋 用黎點餃子好夾最後飲埋個魚湯 下番火就完美啦

我喜歡食餃子，到處食不同的餃子小店，尋找自己喜歡的味道，試過好多不同店之後，還是覺得在太子的美味餃子最好食，最岩口味。2016年除夕黎到, 8點半左右有十多人排隊, 之前黎都無咁多人, 唔知係咪近來上過電視節目?豆漿頗淡味, 唔夠濃, 唔夠豆味, 也都不太甜。白菜餃賣晒, 只剩雲耳椰菜餃同韮菜餃, 我地食到一半時, 韮菜餃都賣晒, 可見餃子都係全部新鮮, 賣晒就無。個湯係野葛菜生魚豬骨湯, 煲到好濃,唔油膩, 啖湯幾甜, 唔過咸, 出面飲湯好多時飲到太咸既湯, 就算頭幾啖唔咸, 都會越飲越咸, 呢個就唔會。餃子餡唔算好爆滿, 係好自然咁包住, 皮幾薄, 裡面材料菜多肉少, 食得出好少調味, 但味道非常新鮮, 韮菜無一般攻鼻刺喉的味道, 係好易入口的, 兩種餡我同樣鍾意, 同湯一齊食, 令人不禁發出"好好味"之聲。發覺有隻椰菜餃好扁, 感覺較少料。雲耳椰菜餃同韮菜餃煎餃, 係即煎的, 要等一陣先到, 上到黎熱辣辣, 但表面睇落幾多油。餃子皮比湯的厚少少, 炸到皮脆, 香口, 現場所見湯和煎的餃各有所好, 而我就較愛湯餃同湯。因為太鍾意個湯, 同埋特登黎食, 好耐先黎一次, 所以覺得兩個人

中學時期已經當呢到係飯堂，當年舊舖細細但都已經好多捧場客。如今搬了大舖又開分店，人流比之前多，慶幸食物水準依舊好！今晚9點來到店舖，門外仍然排了十數人，因此還是買外賣回家。由order到帶走，大約等了10分鐘，比想像中快！兩人份量的晚餐：10隻湯九菜餃+10隻湯椰菜雲耳餃+煎10隻九菜餃！野葛菜生魚豬骨湯，十分鮮甜，一人一碗都覺得不夠，還想再飲！椰菜雲耳餃爽甜，九菜餃香口，每隻都份量十足！煎餃香脆可口，不算太油，配辣菜甫食是一絕！停不到口的！令人意由未盡的餃子，我好快會再來！

呢間野我記得之前u magazine都介紹過，跟住去過一次，但是因為勁多人所以冇排隊，趁星期六下午茶時間，人應該少d就去試下。佢賣既野真係得幾樣，白菜椰菜韭菜餃同埋自選車仔面，但係100%既都係叫餃子，餃子都有分煎同湯，價錢都一樣，仲可以雙拼（好似淨係拼椰菜），仲聽到有人問有冇蒸，但係呀姐姐都好客氣話得煎同湯，見個個都食湯，就嗌左個湯餃雙併試下，因為白菜賣晒，所以叫左個雲耳椰菜拼韭菜肉餃。雲耳椰菜餃併韭菜肉餃 41元我地兩個人share十隻，店員唔洗提已經拎多隻碗同埋醬油碟，佢個湯底用左野葛菜生魚豬骨湯，食落有好濃中藥味，個湯完全冇味精， 野葛菜味好濃。粒粒餃都即叫即包，好新鮮，粒粒都皮薄餡靚，韭菜味好濃，椰菜相對就一般，下次單拼就夠。

本來約好朋友去食薄餓，但唔舒服，最後去左食清點。。。煎湯韭菜餃各叫十隻，有漲價二個大洋，每樣39價性比高而且食完剛好，不會吃不飽，又不會太濟。唯無論外賣堂食兼要等約半小時，記得別如我，幾翻星期日去就摸曬門釘喇。餃皮熟得正好，大隻但涵料已縮水，湯比剛開業時已稀，但還是值得一吃的。韭菜餃味道很好，少量豬肉涵，多多菜，食得滿口菜香，湯也能暖胃，每次飲到一滴不剩。大家能吃辣的話，強烈推介菜莆，當初沒察覺個人之處，後期細味，得知其爽口滋味，辛帶刺激。豆漿8豆味有，也冰凍

昨晚相約朋友去花園行逛街，順勢去附近搵食，行經這間餃子店發現大排長龍，我們便決定一試，相信食客們都本著這裡不是食環境的心態，排了20分鐘便有位坐了！餃子只有3款（雲耳椰菜肉餃/白菜肉餃及韮菜肉餃），還有車仔麵同豬手麵等主食，招牌是野葛菜煲生魚豬骨湯！由於我2不太餓，便決定只點餃子及招聘湯（大），但服務生通知白菜餃已售罄於是便點了煎餃（2味）及湯餃（椰菜，10隻）！先上的時招牌野葛菜湯（忘了影相），飲落很足料，生魚味很出夠火喉煎餃外皮煎得香口脆身，雲耳椰菜肉汁很多，另韮菜餡料味道很香，2款的肉汁與菜分量配合得剛好而且肥肉不多！抵讚！最後上的湯餃有迫爆碗感覺，飲淡湯發現是野葛湯底不過比較無咁濃的！所以大家就算點湯餃都可同時order招牌湯呢！總括而言，我都係鐘情於香口既煎餃多d!好滿足的晚餐啊！

又到下午茶時間 路徑此店 美味餃子，就睇下佢係未真係咁美味！叫左雲耳椰菜加白菜餃 黎試一試，配上辣椒醬加醋，就係我慣常食法 大家都可以試一試 餃子十分爽脆 味道有自家包餃子的感覺 較為清甜 。餃皮厚度剛好 不會太薄 一夾就穿 剛能吸收醬汁！酸酸辣辣 十分過癮

非常就是非一般。咁有什麼不同之處？野葛菜生魚豬骨湯底做餃子湯底，夠清新又健康。餃子夠大隻，皮薄餡靚，冇得輸！還有另一特色就是菜脯辣椒，外面吃不到。👍雲耳椰菜肉餃：保留椰菜爽脆，一绝！韮菜餃：當然就是韮菜的香味。