美味餃子店

營業中

休息中

今晚係太子做完facial 就係lee 頭揾好野食 好彩D 舖收好晏lee 間咁夜仲有咁多人就入去try try la 野食種類得餃子同車仔麵餃子得白菜, 韮菜 同木耳椰菜size 分七隻(細碗）同十隻（大碗）由於白菜太好味所以售罄lu 所以叫左十隻木耳湯餃同十隻木耳煎餃真係大大隻冇花冇假個湯yummy 係豬骨生魚湯皮薄餡多 木耳椰菜口感分明肉又唔算多咁夜食lee 個 罪惡感都好似少D 煎餃就比較油但一樣咁好味比錢時見到老闆同老闆娘默默咁包堅係全人手包值得一贊既小店：） 有機會大家都試下

「美味餃子店」——心目中排名第一的餃子店舖。不記得從何時開始，就非常喜歡到美味餃子店食餃子。店舖喺香港食典型嘅設計，元凱玄彬，排得密密麻麻，係速食嘅標誌。店舖所售賣的主要係水餃，有椰菜白菜餡料等等，有之的，也有堂主的。最大嘅賣點就係佢嘅湯底，係真係用長時間煮出來的野葛菜湯，所以每一次除了把餃子吃光，湯底也會一併喝完。餃子每隻非常飽滿，餡料十足，皮也是10分薄。湯底更加不用說，老火湯的味道，有誰會不滿意

前兩日星期日已想來試，點知原來星期日吾開，今晚嚟太子想食生菜魚肉，點知排長龍，所以嚟食咗餃子先……原來呢度都出名，又係要排隊，雖然已入秋，但都排到汗流浹背，不過，一場嚟到，十多人都照排隊等啦……老闆都好貼心，放咗把風扇在門口吹住條隊，抵讚！呢度有四張大圓枱都坐滿，本來想試勻木耳椰菜餃、韮菜餃及白菜餃，但白菜餃賣晒，所以兩個人叫咗十隻湯的椰菜餃拼韮菜餃及十隻煎韮菜餃……湯清得嚟有味，放湯的餃子大大隻，好好味，皮薄吾厚，食倒餡料足吾馬虎，而煎韮菜餃，皮薄有肉汁，煎得夠脆夠熱好香口，好好食，難怪咁客人排隊啦，不過我估閒日吾係繁忙時間嚟好D。2個人每人總共食咗10隻餃子，已飽咗8、9成了，好滿足好滿意的一餐！

超級鐘意食餃子既我，真心覺得呢間餃子鋪好味。餃子鋪夠大，不過午餐晚餐時間都可能要等位；餃子好足料，十隻幾乎爆出個碗，餃子無咩肥豬肉，有咬口，唔係切得好碎，湯有濃濃魚味，真係食過翻尋味！推介一定要試任食豆豉菜鋪

家姐介紹太子有間好好味餃子店，著我買外賣給她吃。美味餃子店離地鐵站不近，有五到十分鐘路程，但平時仍有很多人慕名而來，大排長龍，晚上收鋪時間去人流較少，但某些口味餃子可能會售罄。我們到達店鋪大概九時半，店內仍然有很多人客，而且陸續有來。落單既時候，先發現有分湯餃和煎餃，在苦惱的時候，發現每一枱都在吃湯餃，所以選擇了湯餃。首先當然要試下湯底，幸好無選錯，原來湯底係野葛菜生魚煲豬骨，難怪十分鮮甜可口，感覺天然有益，不似外面味精湯喝完要不停飲水。餃子很大隻，七隻已塞滿一碗，點了椰菜雲耳，用料新鮮，有媽媽的味道，多吃不覺膩。另外，有一少盒菜甫，辣辣的，為餃子增添美味。我很喜歡吃菜甫，但外賣只有一少盒，下次還是堂食較化算，為了菜甫。

星期四不想吃太飽的原故，走了去吃一間在太子稍有名氣的餃子店 。記得上次光顧都要排一陣隊，今次竟然不用。大約是1830 。本身和兩位友人想試吃共3款餃子， 誰不知白菜豬肉餃已經售罄，只好點了十隻香煎韮菜餃，二十隻木耳豬肉餃。 韮菜用煎的方式烹調真心一流！ 呀姐仲要煎到個皮很金黃越脆， 餃子的餡料十分足而菜和肉的比例也很好！ 吃下去真的很有韮菜香，喜歡香口重濃味菜的朋友可以試一試呢款餃。另外一款餃子用湯配，而這個湯是這間小店出名的野葛菜魚湯。 這個湯底有清熱之用，夏天十分適合飲用， 一口氣點了二十隻木耳豬肉餃配野葛菜湯。 湯當然不重味精， 飲下去清清地的咸咸香香。挺好飲的， 至少三小姐是清左個湯既 😂😂😂差點忘記一提， 醬料要試一試個菜甫豆豉， 很有風味！

今日諗食乜... 男朋友話想食餃子.... 於是就過左來啦....睇下個餐牌..... 食物唔多選擇就係三款餃子同埋湯麵........我哋最後決定要雲耳併韭菜煎餃同埋白菜湯餃....每粒餃子都脹卜卜好足料.... 湯底清甜一啲都唔腥... 好味道... 仲有個辣菜甫.....值得推介！！

雖然要等位，但都只係等左一陣間；坐低之後4個人叫左4款餃子（兩湯兩煎），一個貢丸米，一個豬手面！要提提舖頭既辣菜匍真係好正，撈埋豬手面一齊食，一流！！！豬手面係值得推介！！！

自細冇咩飯癮，好鍾意食麵包雜糧餃子饅頭，有之行去大南街，見到有間餃子店好多人排隊已經好多試，可惜趕時間冇排到。返到屋企搵食評，見到好評如潮，星期六特登出去食晏！十一點幾去到都唔算多人，一個人好易搵位，坐低即刻整個雲耳椰菜湯餃。諗住細細隻，點左十隻淨餃。黎到都知大件事，餃子都幾大隻，皮唔係好薄，但咬落有彈性，餡料好多，湯頭係葛菜生魚豬骨湯，濃香好味，唔會太咸，而且飲完唔會口渴！重點黎喇，就係罐辣菜甫！我見個個食客都畢好多，我都唔執輸，佢入面有少少豆鼓，有辣油，我加埋豉油落碟仔，撈埋之後點餃子食，真係一絕！最後餃子食唔晒，但湯飲晒。記住間舖星期日唔開，大家唔好摸門釘！

位於太子嘅美味餃子店係一間平民化嘅老字號，成日大排長龍。今次我就去試左佢嘅椰菜雲耳湯餃同煎韮菜肉餃。先講講佢嘅韮菜煎餃：餃子都幾大隻，每隻入面都餡料十足。韮菜豬肉係經典嘅配搭，味道十分唔錯，餃子煎至金黃色，食落脆卟卟好香口。跟住就到重點推薦嘅雲耳椰菜湯餃，呢間店嘅湯餃重點係湯，每款都會配上當日餚制嘅野葛菜生魚豬骨湯，飲得出係冇加味精，十分之鮮美，我真係成碗飲晒😍雲耳椰菜餃食落亦幾fresh，亦比煎餃健康🖒

寶仔今日好想食餃子。。但又怕要排隊等好耐之前已經食過一次既美味餃子店，想食第二次既時候，見到條隊就真係排唔到，因為上次好肚餓～但今次寶仔差唔多2:00先去，OL全部已經走晒，但都仲要等2分鐘就可以入去，絕對等得過！睇吓餐牌先，我揀咗細碗雲耳椰菜湯餃$35都要等差唔多10分鐘先上，見到啲餃子大大粒真係好足料啊！然後姐姐會比小碟，係用黎放枱上面嘅榨菜醬，佢真係好野味，食完要添多一碟！隔開少少油嘅榨菜醬，爽爽地好有口感，怕餃子冇味嘅朋友加幾粒榨菜已經成個升級左！餃子湯少少味精都feel唔到，成碗一滴不留，全部飲晒！嘢飲都唔使叫！埋單＄35，7隻大大隻既餃子絕對夠飽！ 真係好抵又好味呀！

聽講太子有間好味嘅餃子店，成日行太子旺角都唔發覺添，今日唔想食太飽就決心去搵呢間餃子店。走進橫街，其實並不難搵，因為離遠已經見到一條小小嘅人龍，晚上8時大概都有十幾二十人等位，唔算等得好耐，大約等左十五分鐘掛，店內地方不大，圓枱全部搭枱，所以客人都食得好快食完就走。$28野葛菜生魚煲豬骨湯 - 寫住招牌野試一試，好飲。$40雲耳椰菜湯水餃（10隻） - 水餃夠味，皮薄好滑，清清地唔肥膩。$39韮菜煎餃（10隻） - 韮菜好香，煎得較燶，感覺好熱氣同好多油。鹹魚青菜，各有所愛，我比較喜歡湯餃，而老公喜歡煎餃，一人一份唔洗爭！🤣🤣🤣味道係ok嘅，不過講到要排隊就誇張了一點。

一直係一個超級餃子控, 所以得閒會search吓邊度有好味餃子食, 知道有間叫美味餃子店唔錯, 嗰日出開太子就去試吓。舖內光猛潔淨, 坐得舒適, 因枱與枱之間唔太迫。叫左碗10隻韮菜豬肉餃連葛菜生魚湯(39蚊),餃子大隻多餡而且無乜味精, 連埋自家制辣油菜甫加醋食仲好味葛菜生魚湯足料鮮甜食完一碗已經夠飽, 仲唔會因味精過多而好口渴, 值得推介

放工約了友人到太子打羽毛球，其實打之前已經食飽飽，打完一粒鐘突然肚子感到無限空虛，就徒步到太子呢間馳名餃子店啦可能去到都已經係夜深，唔需要等位，店内都輕易搵到座位因為太夜去到，已經冇煎餃食叫咗十隻湯餃雲耳椰菜餃併韮菜豬肉餃餃子嚟到，又香又夠熱第一啖一定係飲湯先呢間店嘅湯底主打野葛菜湯，味道香甜如配煎餃更有下火嘅功效椰菜餃轉淡口，宜先吃因為有雲耳令餃子食落爽口再吃韮菜菜，味道較濃慾罷不能另外一名物就係辣菜莆放係枱面任食，大大增加食味可以再嚟一家要大吃特吃

晚上剛好在大南街上課，下課後走著走著就經過美味餃子店，餃子控的我當然立即等位。要不是上課地點在附近，都不會走到這邊。幸好等候時間不算久，大概等了十五分鐘便有枱了。環境尚算乾淨，光線亦很充足，枱不算多，需要撘枱。還有自家豆漿提供，可惜只有凍的。廚房是開放式的，可以見到員工在包和煎餃子。自家製菜鋪，辣辣的十分野味，和餃子的味道很配湯餃比較普通，味道不錯但不算十分出色偏淡一點。湯底值得一讚頗鮮甜的，喝得出沒有添加味精。煎餃十分出色，又香又脆，九菜味香濃，又不會太油。十分推介！