美味餃子店

營業中

休息中

繁忙時間需要排隊才能等食, 與譚仔阿姐差不多lv的招呼態度也是一絕, 但即是如此, 我還是會死死氣去光顧 (食到啊哥哥仔都認得我😂)餃子皮不薄, 但勝在餡足又大隻, 無味精的野葛菜生魚豬骨湯底也是招牌, 味道清淡卻不俗。對我來說真正的招牌還是檯面上的一甖辣豆豉菜脯, 每次也能用掉差不多一整甖菜脯XD, 但記得不要把菜脯加在湯裡, 免得把湯頭弄得油膩而浪費掉。另外, 煎餃的餃子皮感覺比湯餃的更厚, 雖然煎到皮脆但底也稍硬, 相比起這種熱氣的煎餃, 我還是比較鍾情於湯的。

餃子分10隻和7隻選擇，午餐的話10隻再喝湯都讓人很滿足。餃子有兩三隻足足有半隻手掌那麼大，餡料豐富之餘餃子皮也不過分的厚去包住餡料，個人尤其喜歡雪耳！我們叫了椰菜雪耳餃和韭菜餃子，喜歡白菜的朋友也不用擔心，如果有選擇困難症，還有雙拼！·煎餃最重要是配辣菜甫！叫了韭菜煎餃我們就急不及待搶著要桌上面的醋和菜甫作佐料，喜歡菜甫的朋友要小心不要蘸太多的辣油啊！菜甫和煎餃的香脆口感很配。叫了蘿蔔和豆卜，其他車仔麵餸菜就很普通了，勝在價錢還可以。·經典的餃子加魚湯配搭永遠都不會錯，看看源源不絕的客人就知道了！餐廳內座位可以看到廚房裡裡面阿姨勤奮的包餃子，湯也似乎是新鮮熬的。舖頭掛著一堆夫婦創業的故事，很佩服當年人靠努力和堅毅白手興家的勇氣啊。

煎雲耳椰菜肉餃拼煎白菜餃 7隻36 ☺️ 10隻41😀的確係煎得幾香口，脆卜卜啲餡又好足，而且啲味調得好好！唔洗加豉油都有味😀不過就真係太熱氣啦⋯⋯耐唔耐一次好啦🤓不過係正既😚

餐廳位置一啲都唔靚，絕對可以用「格攝」嚟形容。旁邊其實都有唔少食肆，但間間食客都唔多，比較冷清！唯獨呢一間餃子店，都9點鐘啦，仲有人係門口排隊，真係無諗過佢咁受歡迎😳呢到可以㨂嘅嘢食唔多，除咗餃子外，仲有粉麵。但我想講，入得嚟食嘅，百分之九十九都係叫餃子😅唔係湯餃就係煎餃！明顯地，呢到最好食嘅，一定係餃子👍🏻$40一碗，有10粒，而且粒粒都超足料，大大粒！本來想食白菜豬肉餃，但我八點半去到都已經賣晒😞唯有叫雲耳椰菜肉餃啦！本身餃子嘅味道較為清淡，食落感覺好清新健康！如果唔鍾意淡口嘢，佢地有個辣菜脯比你配嚟食，唔好講笑，都真係幾辣的😂另外我地仲叫咗一份煎韮菜餃，同樣都係足料，外層煎到好香脆，不過食落比較油，無湯餃咁健康！如果想慳錢，又唔嫌成餐飯得一款嘢食，我覺得呢間美味餃子店都真係唔錯的😎

原以為上了熱評的食肆，味道都唔會差嘅，不過呢一次並沒有想像中咁好食咯。睇見人講到咁好味我咪來試下咯！不過餃子食落口並不是傳聞中講到咁美味。你話唔落味精，我判斷唔出嚟，反而湯嘅味道偏鹹，而餃子皮就偏厚。另外有個別服務員態度惡劣，特別是那位綁著馬尾有紋眉的阿姐，系門口叫號大大聲無句好聽，食野全過程望到佢都係黑口黑面，好似全世界都欠佢咁；又成日都排隊排長龍......不過佢都有好嘅地方，好嘅係，除咗餃子仲有額外的選擇俾顧客，仲會有開胃菜蘿蔔仔可以添食。總體感覺一般偏下吧

依間餃子店評分幾好，一直都想試，咁岩今日同老友記係附近，就去會會佢啦！我地好彩去到唔使排隊，直接入就有位喇。同老友記叫左一個湯既雙拼同一個煎既雙拼share黎試下湯大雙拼是晚白菜餃賣哂，得返韮菜餃同椰菜雲耳餃，椰菜雲耳好清新， 爽爽脆脆好食，辣菜圃都香口好食，反而韮菜餃我覺得韮菜唔夠多唔夠香，湯底清清地唔會一口味精煎大雙拼煎餃好油，食左幾隻就好膩，我下次都係食返湯餃好喇下次再黎試下白菜餃先，同埋佢有其他豬手麵同車仔麵果啲

由細到大都勁鍾意食餃類既野，無論水餃雲呑鍋貼煎餃蝦餃都咁鍾意😍中學第一次食完之後就好喜歡呢到，好有家既味道😋雲耳椰菜肉餃拼韮菜餃(10隻 $41)，呢到既湯底係自己煲既野葛菜生魚豬骨湯，雖然我唔鍾意魚但好彩冇腥味😂同都飲得出唔係味精湯💁🏻自家製既水餃大大粒好足料😍雲耳椰菜餃味道較清新爽甜，而韮菜餃就係又濃郁又香既韮菜味，都係多菜少肉，好有屋企媽媽煮既感覺😛重點係一定要落佢地秘製既辣菜甫！勁好食又惹味😍

呢期好鍾意食餃子 所以係咁去唔同鋪頭食餃子 今次揀左呢間係太子'美味餃子店' 聽聞因個湯底吸引'野葛菜煲生魚豬骨湯' 呢間鋪頭得3款餃子 '韮菜''雲耳椰菜肉''白菜肉'三款餃子 不過我覺得3款已經夠哂 我地叫左煎韮菜餃 湯雲耳椰菜肉餃併白菜肉餃 三款都好好味 不過湯我就麻麻地 可能我唔太好魚 喜歡魚既朋友應該好鍾意 另外要提一提 佢個辣椒菜鋪好好味

為了不排長龍，唯有買外賣，真係對不起地球先生，浪費了兩個大發泡膠盒，下次試下自備容器，希望可以慳番兩個發泡膠盒餃子食落正正常（無咩特別，皮唔厚，餡都多），但真正吸引人嘅應該係湯底，湯底係葛菜魚湯，真係好正，個人覺得呢到應該叫美底湯底店，因為個湯底就真係吸引過啲餃子好多，飲完好舒服店員係有少少粗聲粗氣，但日日都咁多人排隊，如果係我做店員嘅話都確實會做到憫，所以都已經算係咁地店都就腳嘅，店舖唔太，要搭枱

煎韭菜肉餃$37/10隻雲耳椰菜肉餃$38/10隻呢間位於太子大南街的美味餃子店，個店名就十分招積而確實呢度日頭同夜晚來到都經常要係門口排隊等食的～佢地呢度既煎餃同湯餃都唔錯的，煎餃大大隻煎到金黃色，建議煎餃要堂食不要外帶，因為放耐了個皮無咁脆。而湯餃的湯底都好出名，係用野葛菜煲生魚豬骨湯，味道很好，幾乎每台客人都係一份湯餃一份煎餃咁叫～記得無論食湯餃還是煎餃都好，一定要配埋佢地的招牌秘製辣菜脯一齊食～會惹味好多呢～～

其實專注，對於飲食業真係好緊要。 樣樣都做啲，大部分倒頭來就係乜都做唔好囉。 你睇下高手低調大街小食既雞蛋仔，格仔餅同三不賣既野葛菜水呢啲，一直都係做個一兩樣野，保持水準，一樣咁多人支持。今次呢間都唔例外，因為佢賣餃子仲要只係得3款餃子，分別係椰菜木耳，韮菜同白菜豬肉。既然係好味既野又係出名既野當然要等下，企係門口個陣已經聞到陣陣既韮菜香，愈聞愈肚餓呀！終於入到去落單，因為覺得白菜豬肉比較普通，諗住叫另外個兩隻，但原來落係你嫌人普通，係人地一早賣哂你想嗌都無。餃子做法得2種，煎同湯。我地一於黎個湯同煎各一份既雙拼，咁就可以試哂兩種餃兩種煮法喇煎餃，係油多既，但食落好脆口，而且韮菜味真係好香。 相比之下、湯餃既韮菜就唔及椰菜木耳咁清甜。 所以係各有各好。 都想講講個湯底，見到有好多人叫左湯餃都會連湯一齊飲清光，但我個人其實唔係好飲得出係咩湯，仲有啲覺得似係好淡既肉骨茶。但睇返個餐牌應該係葛菜魚湯，但問心同我唔係話好夾，下次我應該會揀煎餃。

終於有機會吃到美味餃子！其實地點並不易找，但竟然排長龍真正明白什麼叫慕名而來！終於有得食la! 😋餃子大大隻，有些有一隻手掌般大！我今次叫了雲耳椰菜併韮菜！真的很好味，函料不會砌得太碎，有咬口！而且皮很滑，厚薄適中。雖然間中會有一隻餃爛了😂，但總比厚厚皮好！下面的辣菜莆是亮點，如果吃辣的，加一點點，野味之餘又唔會搶咗餃子鮮味，比起豆辩醬好好多！吃完碗餃子真是很滿足😍還未有試煎餃子，下次一定要試下！

這間店舖由佢開舖到現在，真是越來越旺。由原本一間細細間的舖頭，不是有很多人認識，到電台訪問後大排長龍，再搬往大舖，依然都有咁多人食。當然價錢相對貴了很多，初期的貴錢真是很便宜的，但現在的價錢相差都有一半。只好很想食的時候來食。這裡有雲耳椰菜餃、白菜餃及韭菜餃，每隻的餡料都有很多，絕對是由人手包的。白菜餃是最快賣晒的餃子，如想試要早早幫襯啦！試過下午5時白菜餃已賣晒。今次我食韭菜煎餃及雲耳椰菜湯餃，因我覺得韭菜餃煎的話，最夠將韭菜的香味發揮出來，再配上店舖的自製辣椒油(有菜圃的)，就非常好味。另外雪耳椰菜湯餃，健康的餃子再配上葛菜生魚豬骨湯，食得健康，又可飲到好味的湯水。如果只想食煎餃又想飲湯，店舖都有淨湯買。另外，餃子還可以加麵式，如果怕唔夠飽可加麵底，另有車仔麵，但不是葛菜生魚豬骨湯。

向來喜歡吃餃子，但並不多食肆以餃子作為主打，更不用說人手包製的餃子了。這天和朋友在旺角掃完街，覺得尚未滿足，心裡浮現了「美味餃子店」的名字，早就聽過很多人稱讚這間的餃子，那我和朋友便從旺角走了約十分鐘，希望看看美味餃子店究竟有多麼「美味」。一來到門口，早就打起長長一道蛇餅，看來很受歡迎呢。等了約十分鐘，終於入到去裡面，店內不算寬敞，不要想著可以坐好久，這裡的客人餃子一食完，見到外面那麼多人排隊，你也不會好意思繼續坐下去。小店提供的食物款式非常簡單，餃子就只設雲耳椰菜餃、白菜餃和韭菜餃，設有湯餃和煎餃，另有車仔麵提供，但因為是「美味餃子」，當然要直奔主題，就點餃子，我和朋友兩人點了一碗大的雲耳椰菜餃子。點完五分鐘後餃子就呈上了，一碗10隻餃子，看起來倒不算非常大碗。但餃子每隻都肥肥白白，漲卜卜，一看就知道用料一點也不吝嗇。而這碗湯餃除了餃子，我覺得更為精華的是他的湯底野葛菜生魚豬骨湯，我一個不怎麼喜歡吃魚的人也覺得這碗湯很贊，首先因為一點腥味都沒有，其次就是因為一點味精都沒加，喝在口裡都是食材的鮮味，清甜可口。主角雲耳椰菜餃子，餃皮厚薄適中，餡兒混有椰菜，非常清爽，加了雲耳又增加了口感，

準時放工，過到餃子店已經7:00🕖估吾到已經開始有人龍，前面4個人，但已經要排15分鐘…姐姐落單很爽手，我們各叫一碗白菜湯餃，一碟白菜煎餃🍲馳名的🌶醬有了菜圃，更為惹味有咀嚼感。但餃子味道，本人卻認為一般，喜歡清淡的朋友可能會欣賞;叫了葛菜生魚豬骨湯，味道也不過不失🙃建議人龍太長時，還是試試第二間，快點填飽肚子吧🙈