美味餃子店

營業中

休息中

呢間野嘅服務態度真係好差話說今日我有個女性朋友（台灣人）來食餃子食完唔記得帶銀包所以打俾我叫我幫佢俾住錢先途中我同個朋友傾緊電話又唔係唔俾錢咁點解個女職員要一直話佢冇錢又俾說話佢聽搞到個女仔哭晒老闆係好好人嘅話唔洗錢但個女職員態度咁真係好差我朋友堅持要俾返錢因為個女職員途中好大聲咁講你冇錢呀咁走啦我來到重要專登話俾人民幣都得我個人覺得冇帶銀包係有唔岩但整度人哭真係好差基本尊重都唔識唔會再來🖕🏻

呢間餃子鋪頭可以話係最近晚餐嘅首選，原本我同女朋友都唔係好鍾意食餃子嘅，食過呢一間之後都深深咁愛上左食餃子！每次晚上九點幾去到嘅時候，呢間鋪頭都差唔多係滿座，可想而之呢間鋪頭幾咁受歡迎。我哋次次都一定會食兩款嘅餃子，煎韭菜餃同埋湯嘅混餃: 即係韭菜餃加雲耳椰菜餃。其實我本身唔係咁鍾意食餃子，因為好怕啲餃子皮太厚食麵粉咁好難食。但係呢間嘅餃子皮厚薄真係恰到好處，煎韭菜餃皮脆肉甜韭菜香真係一試難忘！湯餃一樣做到皮薄菜鮮肉嫩，再加埋佢嗰個秘製辣椒醬真係食到唔停口。而且佢仲有一個終極嘅餃子，就係白菜肉餃啦。因為每次放工先去都已經賣晒，簡直有如謎一般的嘅餃子一樣。所以一定要搵次早d去試吓佢

呢間餃子店，我差不多每個星期也會來幫襯一次。每次鋪頭都一定坐滿人甚至要排隊，但依然無減我的熱情。無他因為真係太好味啦！無論水餃皮和餡料嘅配搭份量都剛剛好，而且無論煎餃同水餃🥟咬落去都依然有肉汁，湯餃嘅湯底仲十分出色，睇得出係心機菜！每次我同我男朋友都會嗌嘅菜式有: 煎韭菜餃同埋雙拼水餃，可能因為每次都係OT完先嚟食，佢嘅白菜餃每一次都已經售罄。真係每一次都賣晒，所以我哋對呢個神秘嘅水餃都抱有好大期望，希望搵次可以食到佢！講返個韭菜煎餃，個皮煎得金黃香脆，咬落去韭菜味好香，而且仲保持到好多肉汁喺裏面。其實本身我都唔識韭菜嘅，但首嘗過呢間餃子店之後，慢慢地愛上左，而且每次來都必定會嗌除咗呢樣，我哋仲會叫一客雙拼水餃，用湯上嘅韭菜餃依然出色，相對顫抖，湯餃索晒佢既秘製濃湯，又係另一番風味啊！佢嘅雲耳椰菜水餃都好有驚喜，呢兩種配料其實都係爽口野，所以咬落去有另一種清新嘅感覺。另外不得不提佢嘅秘製菜莆辣醬，配落煎餃同湯餃到都有如神來之筆，將味道提升到另一種境界！所以每次我都會不停refill，用咗人大半兜除咗水餃之外，佢都有其他麵食嘅選擇，但我就未試過，因為佢嘅水餃係我必定會叫既，而且兩個人叫煎

今日訓醒又好想食餃子～上網search search 下就黎左太子呢間美味餃子店度食～其實我一路都鐘情深水埗圓X 餃子，但又想試下其他鋪頭比較下。裝修就無乜架啦～ 但都算乾淨～我晏就2點幾去到都算多人但未至於要排隊。湯餃有3款～分別系韮菜豬肉餃、雲耳椰菜豬肉餃同白菜豬肉餃。為左試哂3款餃子，我地叫左個雙拼同淨韮菜湯餃。餃子大大粒～d餡都好實好足料～但個餃子皮就比較厚，個湯頭清左少少但無味精，食完唔會口渴～成碗餃子食落有家嘅感覺。仲有個辣菜莆，加落餃子度都惹味嘅。整體黎講..餃子不過不失..但下次想食餃子都系會幫襯返深水埗。

位於太子大南街中間的「美味餃子店」，以野葛菜煲生魚豬骨湯作為湯餃的湯底及香煎韭菜餃作招徠。每次經過門口，都會看到一大群食客在排隊。再加上大台的飲食節目加持之下，總要花上些少時間排隊，才能可以一嚐馳名的鎮店餃子。餃子無論雲雲耳椰菜肉餃、白菜餃或韮菜餃子，都非常飽滿。這裡是雲耳椰菜餃拼白菜餃（十隻）煎韭菜餃更可謂一絶，餃子香脆可口，韭菜餃再沾上馳名及辛辣非常的辣椒醬，縱然食得汗流浹背，也好吃得停不下來，也難怪每次到訪都是其門如市。

身為「餃子控」，一吃就可以狂吃十多隻，更可以餃子當一頓飯，不過對餃子要求都頗高，可是現今越來越多店的餃子質素都一般，皮厚卻很少抑或是皮薄又易穿，好質素的餃子真的很難找。相反，這間絕對是其中一間我的最愛，又能滿足我的口味要求，所以到訪數次了。店可謂長期滿座，若不想排隊排太久，建議早點到，不然一定見到排隊的人龍。店內牆上貼滿相片及報導，餃子由店內員工每日新鮮包製。 餐牌選擇不多，提供湯餃及煎餃，另外湯餃亦可加麵底，而餃子的餡料有韭菜肉餃、雲耳椰菜肉餃及白菜肉餃（很快售罄！）。不得不提的就是辣菜脯豆板醬料：很上癮的配菜醬料，自家調製的醬料、菜脯及豆豉，蘸上餃子，個人覺得搭配比蘸醋更佳。韭菜肉餃：我最愛的湯餃，一來很喜歡清清的湯底，二來可以嚐到餃子的鮮味。皮薄又不易穿，餡料亦不遜色，每隻都很飽滿大隻，韭菜及豬肉的份量比例一半半。配上生魚豬骨湯底湯底鮮甜，應該無添加味精，所以吃完十隻餃子，每次又會把湯喝清光，大滿足！

男友一直都想試這間餃子店，作為一位【賢良淑德】的女友，當然要陪一陪他吃下午2點幾左右，餐廳很多人排隊，我們等了一小時左右才有位置其實我都喜歡吃餃子的，所以我們3款餃子都點了，分別是【雲耳椰菜肉餃】，【 韭菜肉餃】和【白菜肉餃】 【雲耳椰菜肉餃】我們只叫了湯的，而 【 韭菜肉餃】和 【白菜肉餃】湯和煎的全部都叫了(雙拼)另外點了一杯豆漿解渴【雲耳椰菜肉餃】方面，餃子的皮好像紙一樣薄，一咬即破，浸了湯後的餃子皮很軟熟，不會太堅韌的同時又有咬口再加上餃子皮滲入了湯底的味道，咸咸的，味道不錯。最重要是，雲耳椰菜的份量很多，皮薄餡多！而且雲耳椰菜很鮮甜，和豬肉餡料又十分相配，真的是皮薄餡靚的傑出！不過， 煎的【 韭菜肉餃】【白菜肉餃】便比較一般了韭菜肉餃和白菜肉餃的皮比較厚了一點，沒有像雲耳椰菜肉餃這麼薄，又沒有什麼咬口而且由於是煎餃，餃子的皮沒有什麼味道，比較淡而無味，要依靠辣菜脯調味最重要的是，煎的韭菜肉餃和白菜肉餃太油膩了，整件餃子都【油淋淋】的，吃了幾口便已經膩了還有本身餃子皮已經比較厚，而煎餃煎的時間又過長，不但令到餃子皮完全不香脆，反而令到餃子皮更沒有水分，口感更乾身和堅硬，完全不好

以為午餐時間嚟到一定會排隊，點知唔洗排隊。真係開心😊😊😊我叫咗雲耳椰菜肉餃拼韭菜菜餃 $46，一共有10隻，每隻餃子都好飽滿，睇見都覺得好飽😂😂我覺得佢哋嘅餃子皮都算薄，不過佢哋嘅餡真係好豐富，韭菜餃一咬開咗可以見到好多啲韭菜，蔬菜同肉嘅比例啱啱好，不過味道偏鹹～～雲耳椰菜餃就比較清甜|佢哋嘅湯底係野葛菜煲生魚豬骨湯，食完10隻餃子再飲湯，真係好悶粥，不過我覺得飲完湯之後有點口渴呢🙈🙈🙈🙈

幾年前跟朋友食過呢間餃子店之後久唔久都要色好似要去叉電咁，嚟到星期五晚世界盃8強之前要食飽啲可以捱夜啲。既然約咗朋友喺九龍嗰邊就要去太子食返個餃子，其實去之前都有心理準備要等一陣，只不過真係估唔到去到佢門口要等差唔多30個人。不過佢入人都算快等左25分鐘就入咗去。店主都算有良心會喺門外邊加個大嘅工業風扇。一開始係坐門口隔離嘅兩個位，話說有好多食客都冇手尾唔會幫你順手閂門，結果我就坐咗喺一個俾咗工業風扇扯住8號東北烈風嘅位去等我個餃子。好彩咁岩有人走我就換咗個位，不過我見到之後坐返我個位嘅男人每1分鐘都閂門一次好慘。鋪頭環境老老實實就好一般，街坊生意店內有大約30個位，一張枱會擺6個人。預咗你食餃子唔係食環境，亦都有好多人會叫外賣行嚟行去。講返餃子，佢嘅湯底真係冇得頂，野葛菜煲生魚豬骨湯我諗真係全香港得佢呢間開始。佢啖湯唔會太咸，飲落你會覺得好冇味精同同埋香野葛菜，飲到底仲有少少胡椒。其實加埋餃子都唔會好大碗湯俾你飲不過比起出邊街外嘅湯餃嘅湯，呢個有家的感覺嘅湯底係一絕。睇你鍾意咩啦有啲人對湯就冇乜要求，我就好鍾意飲湯。太子嘅鋪頭成日都會賣晒白菜餃，所以次次都唯有係食雲耳椰菜肉餃或者韭菜

無敵飽肚煎餃😋大大隻又足料，係充份用晒塊皮去包！絕對唔係出面咁又摺又盛咁去包，但入面又得少少涵咁SAD 既😣😣一個人就食左🥟🥟🥟🥟🥟🥟🥟🥟🥟🥟！第一次咁食法，飽足感滿分💯不過都建議大家如果係一人以上黎就叫一個煎一個湯餃share 啦🙈🙈🙈咁就唔會太過油膩喇😎另一個重點之中既重點👍🏻就梗係佢呢度既菜埔辣油醬料🤤唔食得辣既老人家都要食😝呢啲秒製野係唔知佢落左咩所以咁與眾不同😆可能係佢比人加多左豆豉掛！大家預左次次黎親都要排隊架喇🤣🤣佢星期日仲唔開門添呀！唔好摸門釘呀🙊

雲耳椰菜肉餃 拼 韭菜菜餃 湯餃10隻 $43適逢昨晚六點就來到太子，去這間吃就不用排長龍了。 原本想叫白菜肉餃，但又賣完了。。十次有九次都吃不到啊喜歡這裡的野葛菜煲生魚豬骨湯， 味道鮮甜，入口又不鹹，最重要是把湯飲光也不覺得口渴，相信沒有加味精的。 餃子每款有五隻，每隻大大隻很飽滿，質素仍然保持水準，餃子皮又薄又滑，內裡的餡料也豐富，蔬菜和豬肉比例適中，口感味道都很不錯！雲耳椰菜肉餃和韭菜菜餃比較之下，我就比較喜歡雲耳那款呢。吃罷十隻餃子再把湯底飲光光，捧住肚子暖暖的離開。

湯很淡如水, 唔似老火湯, 哩一點比較失望。。。另外個雲耳椰菜餃子, 餃皮比較淋, 包得唔係好實, 餃子好容易爆開。。。講埋d饀, 菜同肉比例幾好, 但質感都係比較散, 口感好一般。。。我就不會再試。$39/7隻 價錢還可以服務都正常的當日假期中午唔洗等位, 這點比較好

其實我真係好鍾意食餃子🥟，不過搵一間好食嘅餃子店都唔係一件易事好多時，好食嘅餃子都落左好多味精。。唔好食嗰啲，得塊皮，料又少自從食過美味餃子之後，我無食過其他餃子店了，唔係誇張，真係㗎你可以話佢種類好少，得3款，但係味道真係一流！白菜肉餃好搶手㗎，去過幾次都賣曬，搞到我懷疑其實根本無平日都已經好多人食，通常都要排一陣隊先入到去食。次次去食，發覺啲人都係食餃多，麵真係少人叫嗱，今次我證實左係有白菜餃嘅存在㗎因爲驚熱氣同肥，所以今次叫湯餃，其實煎餃都好好食就咁睇都知多料，粒粒都脹卜卜，一碗有十大粒真係好好食喎，原來白菜同豬肉都好夾。我個人認為好食過韮菜餃，平時一般我都會叫韮菜餃，但呢間真心覺得另多兩款岀色啲！呢個係雲耳椰菜餃，木耳加椰菜口感已經好豐富，不過並無因為咁而得好少肉。。肉同木耳椰菜比例岩岩好呢個醬簡直不得之了，好味到不停添加唔係太辣，有菜圃，好惹味基本上，間唔中就會好掛住好味餃子店，雖然佢店入面都只係圓枱圓凳。。不過整體環境好乾淨！員工又好快手

太子、大角咀和深水埗一帶都有很多餃子店，而我自己就最喜歡這間美味餃子店。店舖位於比較少人的大南街，基本上沒事幹也不走到這裡。附近也沒有什麼食店，也不是商店區，看似只做街坊生意，但卻會在晚飯時間前出現人龍。由於今天早了下班，四時多便來了，所以不用等位。在香港，很難找到一些店舖只專注做幾種撚手菜式，大部份都是「周身刀未必張張利」，但這店鋪優秀之處，在於他們的選擇不多，只有三種餃子選擇，而且再晚一點會售罄。通常我來這裡都是吃煎餃，不過由於最近有點熱氣，所以今次叫了湯餃。如果自己到超市買餃子，我通常買韭菜餃，因為味道較重較突出，很難煮得難吃（應該說，就算皮不好吃，也很難難吃）。不過在這，我通常會揀白菜肉餃或者雲耳椰菜肉餃。我要強調並非這裏的韭菜餃不美味！這裡的韭菜餃也是十分優勝，但當你嚐試過另外兩款，你會明白原因。白菜肉餃和雲耳椰菜肉餃的餡料比例和味道真的很配合，沒有任何一方搶走了其他配料的味道，做到和睦共處。相對之下，由於韭菜本身味重，相對地韭菜餃的韭菜味就變得有點霸道，令你較難品嚐到老闆對平衡餃子餡料的功夫。一碗十隻，很有滿足感。不得不提，無論你揀什麼餃子，這裡的醬料也是必吃之選。

行過黎太子，就醒起之前睇d吃喝玩樂page有推介過幾間餃子店，比我bookmark咗之前試過手作嗰間，今次就黎試下呢間美味比較下！平日下晝5點左右，唔需要等位地方算大!Menu一眼睇曬，選擇唔多我個人偏好韮菜餃，諗都冇諗就叫韮菜餃男人咿咿哦哦，未有決定，我就先落單呀姐提我哋有每人25蚊最低消費見我哋未夠數，落完單再返轉頭望住我哋等我哋再叫嘢食我叫佢試下雲耳椰菜餃，見食評都多人話食就決定一人一碗十隻餃餃子飽滿大隻，韮菜餃味道ok，菜肉份量合我口味飲一啖湯。。。點解會咁？！好啖味！比起呀手作店，人哋真係飲得出係老火湯，有湯料，碗湯仲大大碗！完全地比下去。。。之後再試下佢個？辣菜甫見顏色吸引，又有豆豉，但食落唔辣，啖味點解個醬都咁失色🙁男人碗雲耳椰菜餃都到我試咗一粒。。我真係唔識欣賞我覺得好似將平時成日食到d雲吞嘅料，放咗入餃子皮到。。。試過就算了