美味餃子店

營業中

休息中

呢間餃子店由舊鋪食到新鋪，主打餃子，味道得三款，韮菜，雲耳椰菜，同埋白菜餃子，有煎同湯簡，湯底係野葛菜煲生魚湯，雖然選擇唔多，但好多捧場客，好多時都要排一陣先有位，叫左個大既湯白菜餃，同埋一個煎既韮菜餃，白菜餃唔係成日有，成日都好快賣哂，湯底還可以，但比之前淡左好多，另外餃子皮亦厚左，無以前咁好食，煎餃都仲keep到，加埋佢個自制辣菜甫加醋都非常唔錯~希望下次黎湯餃會好食番~

自從上次到訪後一直念念不忘，今晚做完運動想輕食下，就同朋友黎一償我想試煎餃既心願。平日夜晚8點黎到，門口大約有十人排隊，對於饑腸轆轆既兩個人黎講實在有點難捱，朋友於是決定分頭折返地鐵站附近買少少串燒返黎食住等。 時隔二十分鐘、我地正好鯨吞完最後一啖燒雞脾既一瞬間，終於入得。循例確認左白菜餃賣哂之後，諗起上次食雲耳椰菜肉餃淡到唔太岩口味，所以決定all in韮菜，煎、湯餃各一。煎韮菜肉餃 ($43) 10隻無論係bbq既廚師腸定卡樂B薯片，煎炸至起pop從來都係最高境界，餃子界亦唔例外。 猛火迫出豆皮、傳來陣陣誘人油香既餃子外皮酥脆煙韌，軟滑既肉餡釋出濃烈韮菜香，怒點豉油、浙醋後更加引出肉鮮味。 略嫌多油左少少，勝在熱辣辣香口惹味。韮菜肉湯餃 ($43) 10隻野葛菜煲生魚豬骨湯依然鮮甜無比，湯餃大隻足料、美好如昔。 咁大個人都未試過跌野食落街，當晚手一震，滑溜湯餃居然由匙羹直接跣左落地下，當堂自覺拍緊皆大歡喜咁浮誇。縱然平時食野都係有咁熱氣得咁熱氣，但自己黎獨食既話，我必定會為左個湯底棄煎取湯餃，如果可以煎餃另送一碗湯就完美喇。不得不提台上自取既菜莆爽口惹味，入座時阿姐剛好換左樽新既過

剛好要去花墟💐，老公🍋今天終於把我帶到了他最愛的餃子店🥟！時間尚早🌞，不用排隊就能入座了👍🏻~ 不過店內都已經是坐的頗滿的😳。店內提供了湯餃及煎餃✌🏻，餡料方面有3種👌🏻選擇。每枱更備有自家秘製菜脯🥕，混以XO醬及豆豉🖤，加在餃子上味道更添香濃🤤。韭菜肉餃🥟：人妻選擇了湯餃🥄，飽滿的餃子一咬開就能看到滿滿的韭菜🥦，餃子的外皮有一點點的煙靭😋，湯底還算清甜，菜與肉🐷的鮮味在餃子內完美的交融著🤩。煎韭菜肉餃🥟：外皮煎至金黃微焦💛，口感香脆，但油而不膩👍🏻。豆漿🥛：沒有加入太多的糖精😍，令濃郁的豆香味更突出，果然是真材實料之作💝！總結：可能是來之前的期望太大💗，吃完後又沒有太大的驚喜😅，但沒有加入太多的味精是值得欣賞的😌。加上性價比蠻高，小店來說是值得支持的😘。

開業多年, 店內大小事務均由夫妻檔二人一手包辦。至今仍堅持全由人手包制, 美味之外還充滿人情味。食店坐落於太子, 由地鐵站步行大約5分鐘。一於前來一嚐這份人情味。煎韭菜肉餃 (大/10隻) $43喜歡香口的食客, 不得不嘗這裡的煎餃子。餃子外皮厚薄適中, 香脆且有咬口。餡料鮮味多汁。另配備有食店自家制辣菜甫, 辣味不重, 兩者一同進食令美道大大提昇。必食之選。湯韭菜肉餃 (大/10隻) $43招牌野葛菜煲生魚豬骨湯。另一鎮店招牌菜色，味道鮮甜, 與煎餃截然不同。

超貼地平價美食黎間野做餃子可以做由细鋪轉大鋪功架一流 而且價錢又超貼地40蚊十隻 湯餃係街市都少見而且質量真係一流绝對唔係咬落去成口油有幾間曾經試過的餃子店…… 一口油……極之噁心係餃子入邊挑出黎得D椰菜同肥肉食完係好唔舒服同口乾所以對餃子都5係 好岩既我……雖然……每次放工行過都見美味餃……大排長龍其實香氣地點會有人排錯隊？見今日條隊少人D 就試下拉出乎意料中既好先講豆漿真係有豆味绝對唔始……溝糖漿D餃子大大粒！有木耳！有椰菜！而且係瘦肉特別係個汤！ 好濃！而且冇咩味精绝唔會唇乾舌燥 重有無限添食 風味辣椒蘿蔔食得辣的你 一定唔好錯過PS:有枱話餃子煮太耐 估佢人多一齊放掛~but我黎碗就OK4o蚊 覺得碗汤都值曬

餃子控終於可以係五一勞動節唔使排隊之下食到美味餃子店！由於我地買左飛七點睇Avengers，所以就有時間六點食個early dinner。原本都諗住要排一陣隊嫁啦，點知好好彩又唔使喎。-一如既往，下晝黎就無哂白菜餃 😢。所以我地叫左一碟煎韭菜餃($38/7隻)，一碗湯雲耳椰菜肉餃拼韭菜餃 ($46/10隻)。-粒粒餃子都大大粒，好多餡好足料，煎餃湯餃各有特色。煎餃煎得好香口好脆口，仲要好多汁好juicy添。湯餃湯底係野葛菜煲生魚豬骨湯，好有家的味道，啱晒鍾意飲湯嘅朋友仔。而特別餡料雲耳椰菜肉餃，亦都好爽口好有口感。當然唔少得嘅係佢地獨有嘅自家製辣菜甫，配埋餃子食簡直係錦上添花，冇得彈！

今日去開汝洲街買野，就諗住去美味食個餃子....都有好耐無食過喇...1點鐘去到...嘩...好多人晌門口等緊呀！於是乎，我改變行程，先去左買布先....果然，一點半番到黎，Woo....唔駛等位就入得！好似比上次食...又貴左啲啲喇！都係食雲耳椰菜肉餃....想食煎餃架..不過怕熱氣！叫完之後，等左好耐先黎，時間超過15分鐘...🤦🏼‍♀️🤦🏼‍♀️自從搬左黎新舖之後，我覺得佢個湯係淡左嘅，但依然好味，粒粒餃都大大隻！每次食要加好多好多辣菜甫同埋醋！最後仲要清碗，飲晒啲湯！

最近同一個比較少見既朋友出黎相約一聚，而我同朋友之間，我算系比較就得人既一方，跟住就問朋友想食咩，估吾到佢竟然系話想食餃子，餃子其實都系一個吾錯既選擇。而剛好最近比我知道有間人氣餃子店，叫美味餃子店，到底不嬲吾算系主流既餃子，可以點整到咁受人歡迎？戈日大概夜晚6點幾7點去到，去到戈條街附近，已經見到一條人龍，人龍就吾算好長，大概7-8人左右，等左20分鐘左右就到我地lu。餃子既選擇都系傳統既種類，主要有雲耳椰菜、韮菜、白菜、雲耳椰菜餃。店內面積系正常大小，聽人講長沙灣戈間好似系細啲，坐得冇咁舒服，太子呢間就正常大小，但系都要同人搭枱，不過勝在燈光夠光猛。雲耳椰菜肉餃 $42呢度最出名既系雲耳椰菜肉餃，於是我就叫左個黎食，佢系有分大碗同埋細碗，大既就10隻細既就7隻，因為近排減肥，所以冇加麵黎食，諗住食餃子食多啲就ok，所以就食10隻當飽肚啲。就咁睇都未覺得系好大碗，食落就見真章超級驚訝🙀用匙羹撈起就發現每一隻既餃子都十分大隻！長度已等如一隻中指，大隻到用匙羹都爭啲撈吾起呢。言歸正傳，講番餃子既味道，首先咬落口已覺得系好實在既肉，表皮剛剛好，沒有雪藏的味道，應該系人手包既皮。另外頭先講左

一直都知呢間店多人，今日較早放工先敢去試，費時要企街。環境：餐廳地面同桌面都算乾淨，環境比一般港式茶餐廳好。但因為人多，所以都坐幾迫吓。食物：餃子大大粒，菜嘅比例較高，屬健康之選。 湯餃子嘅湯底口味較淡，有點似粉葛鯪魚湯的味道，跟雖餃子稱不上絶配，但比起其他餃子店嘅味精湯底好好多。可以一解餃子嘅咸味。另外，個人認為配菜辣菜莆很咸，與餃子味道不太夾，建議可不加。價錢： 大份$42/10隻，小份$37/7隻，餃子剛好都大過一只湯匙，算好抵食。服務：呢個價錢來講，服務算咁上下。但上菜速度就慢了點，兩份餃子，落單後，大概20分鐘左右先上桌。由於見到門外有食客等位，所以一口氣食完就走。走嘅時候正值晚膳時間,竟然企了20-30個食客。打量下整條大南街，只有此店先有人等位。

今日路過多年没有去的餃子店，比起多年前的细舖，現在地方大了很多。因因為一個人所以不用等位，入去坐下叫了雙拼椰菜及韮菜餃。入下不到十分鐘，我坐的枱已全滿及轉了新的一批客。我等了差不多半小時，催促了三次那些亞姐也只說整緊，同枱的新客遲我十分鐘入的也有餃子吃。我非常不滿，最後亞姐說韮菜餃暫時没有，拿上雙拼白菜的问我要不要，我因為趕時间便要了。 那些餃子有些皮是爛的，明顕煮過龍，餡料味道一般，雖然一樣大隻，但已经没有舊舖好吃。加上湯底標明没有味精，但我不午已口喝了。想起舊舖的味道，现在做不回。问心講，佢地的餃子在家裹都可以包，味道還好。

在這間店已經吃了五六年，近來間唔中都會一個人黎吃。一直都很喜歡這店的餃子🥟同魚湯底，但今次食真係嬲。明知要排15-20分鐘隊，入坐後落單後即煮，起碼要等15分鐘，都係預左的。但係最近連續幾次去食，入坐後都等上25-30分鐘。原因都是——漏單。上一兩次等左20分鐘，追完單都好快整返，但今次叫足兩次，都仲未見我個碗，眼見排我前後的幾pair 人個幾碗都到左，都仲未見我碗的蹤影，但外賣又係咁出。鄰座遲過我10分鐘落單，我地幾碗都係前後腳到。講番嗰碗餃子🥟，面個幾隻已浸太耐或overcooked 。餃子皮同埋餡一夾就散。我以為係淨係我個碗有問題，點知望吓隔離啱啱到咗碗，一樣都係發到好漲。已經連續試過幾次不愉快嘅服務經驗，所以我唔會再為咗一碗餃子，花大半個鐘頭時間等同食，簡直是浪費時間。

唔知呢度有冇餃子控？咁相信對呢間美味餃子店都唔會陌生，皆因佢哋只係憑招牌餃子，已經日日大排長龍，好犀利！餃子例牌分煎餃同湯餃，餡料口味選擇唔算多，揀咗煎嘅雲耳椰菜肉餃，另外雙拼咗聞說經常好快賣曬嘅白菜餃。隻隻size都好大隻，煎到金黃色，外層好香脆，一口咬落湯汁超爆，噴到成枱都係！成隻塞滿餡，好足料，而且就算香煎食落都唔太肥膩。不過最後發現我今次只係點咗豉油，冇落到佢哋係自家製嘅辣菜脯，戇居咗呀！

唔洗多講既美味💕其實我係點左煎餃既 但好食得滯唔記得影相😂不過唔緊要啦 影朋友既湯餃一樣！重口味既我 係狂落辣菜甫既😍不過我覺得太子呢間好似無長沙灣近味道樂果間咁好食🧐

同同事夜晚想食下餃子，來到有眾多餃子店的太子，最後還是選了美味餃子店.晚上七點半，人龍依舊，一行五人等了30分鐘.煎雲耳椰菜餃子拼韭菜餃子，10隻 $43好香，餃子好大隻又好足料，一個女仔其實食細份已經夠曬包，又煎到好香口，個人鐘意煎多過湯.雲耳椰菜湯餃子，7隻 $38餃子料同煎餃一樣，湯比較清淡，但係都好飯又有湯，冬天比較喜歡這個，較暖身.自家豆漿 $9正常，不過不失，豆味都有的.店舖人流比較多，食完就要走，上菜都快，其實這間另一個重點是菜甫，十分惹味又帶點辣，送餃子真係十分精彩！

好多foodie介紹過又大讚 終於到我黎朝聖真❗️心❗️好❗️好❗️食❗️煎白菜餃 (10隻) | $42比想像中油 但煎到剛好的金黃色淨係睇都知夠香脆首先真係新鮮煎出熱辣辣咬落去餡料好熱 爭d盪親 外皮好香脆裡面餡料多又夠moist 菜同肉比例均勻配上店的自家製辣菜甫最正菜甫爽口辣味超香又有少少豆豉增添味道配餃子一齊食能吊出餃子餡料的味道湯餃: 雲耳椰菜肉餃併韮菜餃 (10隻) | $43湯餃又是另一番風味雲耳椰菜餃的餡料好爽口 既有口感味道又正食呢款餃個人推薦配豉油韮菜餃都同樣好食配辣菜甫一樣好食 直程提升到另一層次好想買走佢地的辣菜甫 實在太好味