美味餃子店

營業中

休息中

自吹自擂👎🏾👎🏾名大於實難得我帶同子女和母親一心來吃餃子，总芝一言難盡受氣，態度惡劣，湯餃厚皮入水，煎餃肥油唔好食，辣椒醬多水冇豆豉！以后免費都不會來！！！

越來越難食！😡😭尾味就真！點了一碗云耳椰菜餃及一碗野葛菜湯，點知吃落椰菜未熟、豬肉未入味腥腥地！湯頭更加唔掂，淡水冇野葛味冇生魚味！失望垃圾垃圾垃圾垃圾！！

話說呢間餃子店我想試好耐了~但每次去親門外都勁多人, 排晒長龍, 所以一直都冇試過,去左附近另一間餃子店食~但今日經過竟然唔洗排隊!一於就食佢佢主要都係食餃子, 另外都有車仔麵,但我冇見到有人食, 個個都係食餃子餃子有3款餡:雲耳椰菜肉餃/韮菜肉餃/白菜肉餃。另外可以揀湯/煎。份量可以揀7隻/10隻~我就叫左雲耳椰菜肉餃拼白菜肉餃(10隻)。雲耳椰菜肉餃拼白菜肉餃(10隻) ($46)你叫親餃, 佢都會畀多一個碟仔你~for你裝佢d辣菜甫~辣菜甫配埋d水餃一齊食, 好味!餃子粒粒都勁大粒,超級脹卜卜!白菜肉餃雲耳椰菜肉餃2款餃子都真材實料, 落足料!好食!但大家要因住食量來叫, 因為佢d餃子真係好大粒,我叫10粒, 食到我超勁飽總括,呢間D餃子好足料, 好大粒~但個湯就猜乜特別~整體來講, OK啦, 都食得過嘅~ 

呢間野我幫襯左10幾年！係讀書時候午飯嘅恩物！！！今日早收工，諗唔到食乜，但又想飲湯，就諗起野葛菜生魚湯！！！呢度個湯無得輸！配埋個餃子🥟簡直係絕配。餃子好唔好食，呢個就因人而已。呢度食物選擇唔多，但我覺得夠做啦，唔係間間餃子店都有湯底咁往本。兩個人食，我就例牌一個韮菜餃，一個白菜餃share黎食。阿姐捧到埋黎，我一家先飲一啖湯先再食餃子，一飲到個湯，我忍唔住同我隔離好滿足咁講：「正呀！」餃子夠大隻，足料，保持水準！其實.....我真係為左個湯而特登去食😂😂😂

初出茅蘆喺太子呢邊工作，由舊店幫襯到而家，不論係個人感情，抑或實際味道，依然係我第一順位。冇喺呢度番工後，食到美味餃嘅機會少左，多數靠男朋友外賣或者間中買生餃番屋企煮，又，懶得假日排隊呢。是日約左喺附近蒸身，我先有機會跟友人提出食美味餃，非常回味搬到新店後，店面大左，聽過無數人批評店員服務，但至今我就未遇上過不禮貌嘅對待，可能我多數非繁忙時間去啦。餐牌選擇依舊，三款餃子：雲耳椰菜、韭菜、白菜餃，可湯可煎，分7/10隻，定價$38-45；另有粉麵，但我未曾食過，哈哈白菜肉餃 $40/7隻獨沽一味，去任何餃店，我都首選白菜餃，呢度嘅白菜餃一向好串，早黎先食到，晚市多數冇。餃子同以前一樣，大大粒，皮唔算最薄，但比例最好，肉菜半半，肥膏唔多，白菜爽口，7隻已經有飽腹感。湯碗同荷包一樣縮水，野葛菜煲生魚豬骨真係呢度最啱我口味，濃淡剛好，我不嬲缺湯水，所以真係好buy辣菜莆當然係世界級，可以成兜就咁食。價錢升幅同人工一樣一直成反比，不過就係鐘意食。

餃子平凡，重味精湯底，最慘就係好多蚊子，坐1分鐘都想走餃子款式吾多不在話，連餐具都要用自己的消毒紙淨先敢用，我都係想食下餃子，食到我一肚氣，環境又熱，真係滾晒，找不到再來的理由。

坊間開左好多餃子店，當然各有特式，暫時我對呢間餃子店係最欣賞，點解？因為佢夠大隻！雖然佢夠大隻，不過唔會散開，皮亦都唔會太厚，成隻餃子好似元寶一樣，食十隻足以夠一餐而佢個湯底係生魚豬骨湯底，湯底鮮甜，仲有佢啲辣菜蒲又係好好味，配搭十分之正。

野葛菜生魚豬骨湯非常出色，淡淡魚湯清甜味不喧賓奪主，卻不失鮮味！令人回味無窮😝白菜豬肉餃隻隻皮薄餡靚，非常有份量，餡料菜肉比例適中，口感甚佳，好味😋值得一試👍🏻

今日放lunch 專程搭幾個站去太子嘅美味餃子食， 果然不負此行。44蚊10隻 雲耳椰菜餃，好大隻，餡料好豐富，食落好有口感。配埋鋪頭俾嘅辣菜蒲，令人回味無窮！雖然位置有啲偏僻，但下次會再專程黎幫襯

入到美味餃子店, 如只專注點食餃子, 你只雖決定1) 湯餃還是煎餃2) 細碗(7隻餃)還是大碗(10隻餃)3) 單點還是雙併4) 要甚麼餃子: 雲耳椰菜肉餃 / 韭菜肉餃 / 白菜肉餃煎餃比較香口, 湯餃比較健康, 食邊樣好呢？基於近日多食熱氣食物, 還是清淡為妙。雖然外間很少有雲耳椰菜肉餃, 還是先試基本的味道, 點了細碗雙併湯餃子, 韭菜肉餃併白菜肉餃 $41。餃子頗大隻, 尺寸大於湯匙, 肉餡飽滿, 皮薄餡靚。沾上辣菜脯, 添加惹味。湯餃的湯並非味精湯, 而是野葛菜煲生魚豬骨湯, 味道濃郁, 是食湯餃的另一好處。

下午未夠6點，人唔多，叫咗兩碗餃子外賣。等咗20分鐘有多，响店外吸足咁耐二手煙，見唔對路，問個亞姐有未，佢睇都唔睇就話出緊。又等咗幾分鐘，再問另一個又係睇都唔睇，就話就有，🔥🔥🔥於是我話唔要，要求退錢，個亞姐無反應。跟著落單個亞姐就話打包緊㗎啦（心諗💀咩，打包），點知佢個🐷隊友就過嚟問佢係咪兩碗十隻，擺明係漏咗單。最後佢哋唔肯退錢，迫人等，仲一D悔意都無，☻💀我面。最後發現餃子皮仲係白色，未熟透，豬肉饀㗎，簡直想收買人命😠😠😠

放假繼續去四周環飲飲食食, 平時見倒好多人係依間排隊, 今日有空閒時間就去排隊試下.大概等左20分鐘就有得入去坐底, 餐廳主打三種不同涵料餃子, 然後再分湯餃同煎餃. 餐廳座位主要係大圓枱, 人數少就要預左要搭枱. 一坐底侍應就好快提供餐具, 試左放係枱面自助既辣菜脯, 味道香辣, 菜脯亦爽脆有咬口. 叫左一碗雲耳椰菜肉湯餃同一碟韭菜肉煎餃, 湯餃既湯底係野葛菜生魚豬骨, 無味精非常鮮甜, 而餃子賣相亦吸引, 所以又係食到一半先記得影相. 味道偏淡既椰菜湯餃比較淋身, 配合爽口雲耳同埋辣菜脯味道天衣無縫. 而煎既韭菜餃亦外皮香脆可口, 肉汁亦鎖係餃入面, 食時要小心整污糟件衫, 食完香口既煎餃再飲返啖湯好有滿足度, 依種味道只會係小店先會品嘗倒, 強烈推薦

一如以往睇完中醫後，如果有時間我都會走去食返一碗餃子好好彩可能未到高峰時間一入已經有座位，二話不說就叫咗一碗大嘅韭菜湯餃（其實好想食煎餃，但細嘅都有七隻，太多了⋯又唔可以咁熱氣，所以都係放棄左）韭菜豬肉湯餃子（大）$43大碗嘅湯餃一共有10隻，湯底係野葛菜生魚瘦肉，隔咗幾個月冇食，再來發現餃子好似大隻左每隻餃子都大過隻匙羹，每隻都係人手包，眼見好多女工密密包呢；每隻餃子都好有餡㗎，絕不欺場，食一碗已經可以好飽肚。其實有細嘅（七隻）但論抵食梗係大啦不可不提就係一甖有豆豉有辣椒葉醃制而成嘅辣菜脯金，雖然我唔能夠食得太辣，但係我都忍唔住要攞啲黎配餃子同吃呢

個人呢講都幾中意食餃子，無論中式、日式或者韓式！尋晚經過太子見到呢間人龍小店，就2話不說排隊去試試！等左15分鐘左右就由靚姐安排入座，店內環境簡單，位與位之間既空間唔多，但就夾雜住人情味！餃子不礙乎：煎、蒸、湯。呢度得煎同湯餃子姐，一於叫哂2款做比較！湯餃就點左雲耳椰菜肉餃，湯頭係野葛生魚豬骨湯，好有誠意！奶白色既魚湯完全唔會過鹹，飲完亦無口湯既感覺，清新健康。如果嫌口淡淡，小店仲有辣菜蒲俾你加落去吊味，真係不錯👍🏻另外，我地仲點左煎韮菜肉餃。食落非常香口，外皮香脆，同時亦唔會因爲煎既關係食到成口油！2者比較其實各有出色，但我都係中意香口野多d😬

睇完戲唔知食o羊好,朋友話想食餃子就行左過黎呢度,雖然裝潢唔係特別靚,但食物質素唔錯,價錢都偏平,由於唔係好食得落野,所以我地叫左一碟煎餃同埋湯餃+米線雲耳椰菜餃+米線 碗米線都幾大,唔係超肚餓的話兩個女仔share都得~佢連餃子數量都好多,粒粒夠大咬落好有口感.湯餃皮唔厚,可以好集中品嘗餡料味道,雲耳椰菜加埋令口感更加豐富,而且係蔬菜為主,所以成碗野都好清,幾健康架韭菜肉餃煎餃我心目中的煎餃絕對比眼前細,見到咁大隻真係好彩自己無加粉麵~~~佢煎到外層好脆好香口,裡面D餡料都仲keep到多汁入味,點少少黑醋味道更豐富又減膩,由於對佢無期待,所以食到好味道更有驚喜,加上無味精感覺,食完都唔會口乾,比起湯餃我更推薦煎餃~~