美味餃子店

營業中

休息中

雖然 主打係餃子但我覺得佢個湯底先係精華 冇乜味精所以次次都會叫湯餃今次食白菜+雲耳椰菜肉餃雖然個湯冇之前咁濃 但都仲好正餃子皮唔厚 仲要大大隻 好抵食另一重點係佢個菜脯 畫龍點精下次可以試埋佢煎餃

深水埗同太子開咗好多間餃子店🥟，首先想介紹最多人認識嘅美味餃子店先。😋呢一間美味餃子店我覺得最美味唔係餃子而係佢嘅周邊：菜甫😂。佢嘅餃子大大隻非常足料，皮係屬於厚身嘅，但係佢浸埋落啲豬骨湯度，就好夾啦。不過重口味人士必須加上佢秘製嘅菜甫先會啱啱好夠味道。佢嘅菜甫大小適中加埋啲豆豉好正呀😋佢俾埋個豉油碟撈豉油同醋，就算就咁食都好好食。每次一不小心就同男朋友清晒一筒😂佢有韭菜餃、白菜餃同雲耳椰菜餃，可以揀返自己鍾意食嘅餃，夜晚去食基本上白菜餃都會賣晒，賣晒嘅意思唔代表佢特別好食，只係佢整得少😂有一次專程早啲食下到底係點，結果食完我覺得白菜餃係最唔好食🌚🌚至於煎餃都煎得夠香脆，唯獨個皮厚左啲，搞到扣咗啲分，附近有一間同類型鋪頭比佢好食。味道指數：🌝🌝🌝🌝上樓指數：🌝🌝🌝🌝🌜回頭指數：🌝🌝🌝🌝 如果俾我改名，我會叫美味菜甫店 ⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️ 💡是日嗌咗： （免加一）餃子 10隻$43-45 💡餐廳資料：美味餃子店 (太子)太子大南街74號地舖#foodie #foodiehk #hkig #hongkong #food #foodiebloggerhk #foodiek

咁都話好食？ 排隊都話值得食？呀姐態度麻麻唔緊要我黎係食餃子架je....但除左大隻...餡多之外味道真係🙅🏻‍♀️🙅🏻‍♀️🙅🏻‍♀️, 普通又唔特別肯食哂已經好好強烈建議鍾意食餃子嘅你去試下荃灣嘅餃子屋！

算係偶遇吧！因為探訪所以來到此區，好奇點解間鋪排咁長龍，今日終於要查個究竟. 6:30到唔多人，等咗五分鐘，入座後明白點解要等，因為出菜實在慢，絕非快餐。之前參考食評，所以選了云耳椰菜湯餃，小碗。等等等......到了。 服務員隨碗附上調味碟，給客人自行放調味或他們的招牌菜甫吧。我喜歡辣，其菜甫隨了辣亦加上豆豉，添了份層次，好食，驚喜！餃子大大的滿碗。小碗內有七隻。餃不算大驚喜，我較喜歡加上菜甫辣醬一齊食會好食好多。反而湯底有驚喜，不是普通湯，而是味濃的豬骨湯底。難怪看食評時有空碗照片，實在我的碗最後也是空的。是晚-餃一餐驚喜。

煎餃同湯餃各有特色。我比較喜歡湯餃，因為個湯底做得好，係野葛菜湯，好清甜，餃子索埋d湯汁一齊食，正。另外，佢哋嘅自家製菜莆，亦不可錯過，記得要試。而煎餃亦都充滿肉汁。

入到去阿姐呼呼喝喝叫坐低，個價錢已經貴到痴線，成46蚊10隻餃子。問佢有無得水餃拼煎餃話得，到最尾變全煎餃，之後話返我轉頭話無水餃煎餃雙拼。我落單話加麵，個阿姐又指住牆話10蚊。到個煎餃到左之後又話煎餃無得加麵，我話唔食埋單就話個麵可以分開上，即係其實得但係佢又唔想做。從未去過一間咁差服務態度嘅食店，無聽過客人講咩，全程好似自己啱晒，所有責任推晒俾個客。我食完一粒煎餃埋單走人，個阿姐仲係度鬼殺咁嘈，我俾足錢46蚊食一粒有味精感覺嘅餃子仲要受氣。垃圾級別食店，超差服務態度，唔好意思都無句，不食也罷。

實在想不到餃子可以去到呢個層次。有日本人去到太子工作，打算食野，同行手足話不如食美味餃子店。我心諗，標榜自己好食個啲鋪九成都係吹大咗，家陣仲要用美味做鋪頭名，堅唔堅呀？八點幾一去到門口，咁多人排隊嘅多人排還多人排，美味還美味，兩樣野來的。啲珍珠奶茶鋪夠排成個鐘啦，啲人打卡個陣咪又係話中伏！我望住有深水埗特色的粉紅光管，再望下美味餃子店個個用上老派字體，加埋壞咗幾個字的led燈牌，好feel到呢間鋪對aesthetics係冇要求，唔知啲餃又有冇獨特美學呢？排了三個字，入去坐個陣呀姐問：食咩呀？我未講野佢就話：得返韮菜餃咋。Ok，我手足一早就話白菜餃好搶手，但得瓜韮菜餃實在令我大失預算！咁你問乜啫！我好大聲咁係心入面講。等咗兩三個字，不斷有人入來，夥計都話賣曬餃子了。好彩我食到水尾！因為真是好吃！十隻韮菜餃，隻隻足料大大隻，我一個雄赳赳的男人吃七隻已經頂到上心口了！韮菜切得細但未至於碎，令咬落去個陣會feel到韮菜味，肉好入味。咁大隻餃，塊皮都唔厚，加上不會令個涵部分太熟，實在不容易！再加上個野葛菜生魚豬骨湯底，我投降了，真是好美味。野葛菜湯唔難飲到，但用來做餃子湯，令成碗野去到另一個un

今早突然想食餃子， 知道今日要出旺角， 順便同家姐先去「美味餃子店」食美味餃子😋可能早到關係， 好好彩不用排隊， 即有位入去坐睇下食乜先， 餐牌簡單清楚👍有埋生餃子價目👍2個人叫左： 白菜餃（細）、雲耳椰菜餃（細）、煎韮菜餃（細）白菜餃：😋第一次係度食到， 次次黎白菜餃都售罄😩，今日早到可食到多菜少肉雲耳椰菜餃：好味， 但較「淋」身煎韮菜餃： 好味， 煎得金黃色🤤好香口👍當然唔少得辣菜甫加落餃子一齊食， 味道更上一層樓👍👍

星期六下午來到，好在唔算好多人排隊，係門口等左15-20分鐘就有得入去坐本身坐係近門口位置，但因為周時有人岀岀入入，覺得有d熱，所以就轉左位雖然餐廳除左餃子仲有其他粉麵，但望見全場既顧客都係叫餃子為主等食既途中都見到好多人來買生餃子，反屋企煮，但個人認為要配埋呢度個湯底先係重點叫左10隻湯既雲耳椰菜肉餃同10隻煎韭菜肉餃+2杯豆漿先食湯餃，餃子皮夠薄身，形狀偏長，餡夠多，第一次食椰菜既餃，估唔到又好好食wor，加埋個野葛菜生魚豬骨湯簡直係絕配而煎餃呢，本人平時都好鐘意食韭菜餃，呢度煎到個皮金黃色又無燶，食落香脆，仲唔會太油，配埋呢度特別既辣油+菜脯，鐘意食辣既我又覺得多一份味道

朋友嘅飯堂，佢話黎太子一定要食美味餃子，試過就愛上，黎親太子都必食。lunch同傍晚時間黎的話，預咗要排隊。佢嘅湯餃係最令人回味，因為連啖湯都正過人！堅係無味精，阿姐姐話淨係碗湯都賣二十蚊。佢有3款餃揀，可雙拼。3隻都試過晒，我最鍾意係佢個白菜餃，好味到你想食但有時晨早就話你知賣晒，無誇張！佢d辣菜餔又係不得了地香！煎餃方面，個人覺得無湯餃正，而且佢前到超脆，好似炸一樣，感覺好熱氣，建議同朋友share，一個人食搞唔掂。

第一次黎食既時候係趁住情人節，諗住邊有情侶會咁唔浪漫同人搭枱慶祝，點知最後都要排20分鐘以上。第二次黎食果陣都不例外要大排長龍。不過佢既招牌韮菜真係好岩我心水。大大隻餃子包住香濃韮菜，雖然餃子皮有啲厚，但係一咬落去裡面咁多汁，又咁足料，所以仍然令我好滿意。至於湯底，店家好有誠意用左野葛菜煲生魚豬骨湯，同行朋友超鍾意，但我就略厭清淡，但勝在性價比高，+$10就可以加一個麵底，最岩小資港女。可惜座位好逼，唔岩三五知己吹水，食就就想快啲走。

有個朋友超愛呢間餃子店，因為佢地個湯底真心一流，味道清甜，而且同個餃子好夾。至於個餃就份量大，用料十足，值得幫襯其實店入面仲有煎餃揀，不過自己麻麻地煎餃，所以冇試了。

旺角太子都應該係香港最多餐廳的區域，係呢度要做咁耐生意，仲要長期keep住有人排隊食的餐廳一定係有高水準的食品。夜晚7點都未到黎到門外，已經見到有10幾人排隊，真係唔出奇。絕對唔係人排我又排的心理，而係之前食過一次，知道排一陣隊係絕對值得，大家目的都係為左呢間小店的餃子。好的菜色貴精不貴多，一個野葛菜煲生魚豬骨湯同大大隻飽滿的餃子已經好吸引。大碗的雲耳椰菜肉餃拼白菜餃，一咬落去鮮肉汁爆發，加上椰菜的自然甜味，簡單味美。北方餃子皮比南方餃子皮厚實一點，亦因為咁先可以包更多的材料。一碗十隻加上飲晒D湯真係幾飽。 湯底係冇味精野葛菜煲生魚豬骨湯，清甜又潤喉，好多人都專門黎都係為左啖湯。另一個煎雲耳椰菜肉餃，新鮮滾熱辣煎出黎的餃子係金黃色充滿香味，一口咬落去非常脆口的表皮，再加上啖啖多汁的豬肉同椰菜，令人食唔停口。再加上秘製辣椒油，香口又惹味的味道真係愛辣之人必試。整體上絕對可以講係平靚正，睇住D姐姐係店內不停咁包餃子，真係睇到同食落都覺得新鮮。絕對值得食過再食呀。

本身都鍾意食餃子類既野, 基本上咩餃都食, 呢間食過好多次,由初初食覺得佢個湯底怪怪的(野葛菜既湯底) ,到而家直頭覺得係呢間既生招牌, 仲越食越欣賞呢一隻湯底㖭, 基本上次次去親都係食湯餃。 因為多數都幾個人去食咁就會嗌先搞share一齊食 。今次仲嗌咗兩碟煎餃添, 一碟就係韭菜煎餃, 另一碟就係白菜煎餃, 煎黎講韭菜煎餃我覺得好襯煎既! 我自己嗰碗湯餃呢就係韭菜同埋椰菜雲耳鴛鴦湯餃湯餃 有十粒芝士都以為自己食完十粒之後都會食到好幾粒點搞 但係其實食完十粒湯餃之後都飽到不得了, 但係我都食多咗三隻煎餃, 湯餃就唔使形容呀啦,大家都知餃子係點㗎啦,佢個餡好好味好足了, 雲耳又夠多, 超正呀!仲有車仔麵食嫁湯餃, 鴛鴦味

一向鍾情餃子的我跟朋友提議試食太子的美味餃子店，看看有多美味。當日七點幾到達，只見店外已經有十幾人在排隊，幸好朋友早到，等了一會兒便內進。店外的招牌只是簡單地寫了「美味餃子店」，店內也沒有華麗的裝修，倒是有一種家溫暖純樸的感覺。餃子分湯餃和煎餃，可另外配麵吃。我們點了韭菜肉餃和煎雲耳椰菜肉餃。雖然只點了兩份餃子，但每一粒餃子都很足料，煎餃煎至金黃微焦，口感香脆，雲耳和椰菜餡料放得毫不吝嗇，雲耳爽口，椰菜清甜，重點是餃子毫不油膩，混一點自家製的辣菜脯吃，十分惹味。韭菜肉湯餃湯底是野葛菜煲生魚豬骨湯，一飲之下發現清甜無比，沒有味精。而平日最怕吃厚皮餃子，此韭菜肉餃雖不算十分薄皮，但卻帶點煙韌，滿滿的韭菜混合著豬肉。吃完餃子忍不住要把湯吃光。