維記咖啡粉麵

營業中

休息中

豬潤麵豬潤沒有腥味，而且川燙時間剛好，口感爽脆，不會過老變韌。麵體普通，不會過淋亦稱不上爽口。牛肉米牛肉大塊，而且肉質頗嫩。米粉較滑身，不會有粗糙的口感。另外，兩碗粉麵上枱時仍熱氣騰騰，滾燙的粉麵絕對加分。湯底湯頭看上去清澈，但喝起來卻不會過於清淡。味道濃而不膩。即使光喝湯也很好喝。衛生環境衛生尚可，而且冷氣十分足夠，即使炎熱的夏天也不會感難受。服務上菜速度快，而且姐姐們並沒有因為忙碌工作而黑面(雖也沒有笑面迎人😂)。性價比味道挺好，雖然$32/碗米粉有點小貴，但牛肉及豬潤多，所以性價比不錯。

好耐無來維記食過，唸住假期以為會好多人等位，但其中一間只有1人等位，所以好快我地就入到去坐，我和朋友叫了1份咖咉多士，一碗豬潤牛肉麵分享，朋友説這裡奶茶好飲，這是我第一次食咖咉多士，食到半塊開始覺得太甜，可能平時少食甜嘢，而碗豬潤牛肉麵同以往一樣都係份量多，好大碗，我地最後連個湯都飲埋，見到對面2個客人都食剩3份1碗，我和朋友甘樣share份量就岩岩好…唔洗太飽，只係呢度貴在無得叫餐…食物和飲品一定要分開叫。

馳名豬潤麵，都係由細食到大，細細碗，男士一定唔夠飽，只可以小小食d野填肚，豬潤好爽口，價錢都算ok。依家同一條街有幾間店，唔使排隊，但店內環境唔太好有d擠迫，可能坐得唔舒服。

去深水埗，就會想起豬潤麵，佢個湯真係十分之好味，而且30幾蚊份量勁足。男人食一碗都好夠飽，我就當然係食唔晒啦。本來我想食麵架，但係依排自己個肚唔係咁舒服，所以都係改食米粉，試D消化。凍檸賓係同老公2份飲的。豬潤真係好好味，尤其係佢個湯，就算我食唔晒個米粉，真係點都要飲番半碗湯先得。係真係自己飽到漏咋，如果唔係，我真係想飲晒成碗湯架。依間野係唯一一間我食麵會飲湯的舖頭，其他你話乜牛腩麵丫，拉麵果D都好啦，我對佢地既湯完全冇興趣囉。老公叫既豬潤牛麵，老實，我就咁睇係分唔到邊D係豬潤邊D係牛肉。但我見都幾多人叫潤牛麵的，所以應該除左豬潤，佢既牛都出名掛。我地都晏去，好似都成2點幾先去到，所以都多位坐。但搞笑係我地坐底冇耐就越黎越多人；跟住見D阿姐落單又唔會寫紙字，個客講完食乜，佢地就大叫入廚房，跟住出菜時，一杯飲品或一個麵可以放落枱4,5次先中。又難得D人都習而為常，食物落枱後都望清楚有冇錯先動手，有錯即叫阿姐佢地即拎走放係另一張枱。咁既服務，真係依D老店先做到

由於我個人本身不喜歡食豬肉，所以我對豬的內臟興趣也不算很大，對上一次在外面食「豬雜」，已經要追溯至到上年，在旺角街頭小食店「肥X小食店」的豬雜套餐了。雖然那一次，我也很喜歡旺角「肥X小食店」的豬雜、魷魚滷味套餐，不過「肥X小食店」始終未能產生誘因，驅使我計劃下次再去旺角食「豬雜」滷味跟魷魚。至於香港另一間以「豬潤麵」為鎮店招牌菜，還有「咖央西多士」的著名深水埗平民食店「維記咖啡粉麵」，我選擇到了今日，才來到深水埗「福榮街」，和第一次上門幫襯他們。「維記咖啡粉麵」本來只是一間賣粉麵的食店，但是「維記咖啡粉麵」後來還加入了「咖央西多士」，以及其他茶餐廳飲品到餐牌裡面，結果令到店名很似中式粉麵店的「維記咖啡粉麵」，變成了一間茶餐廳。雖然「維記咖啡粉麵」加入了茶餐廳的元素，進入「維記咖啡粉麵」的餐牌裡面，但是實際上「維記咖啡粉麵」樓面掛着餐牌，卻是很像中式粉麵店的粉麵食品。「維記咖啡粉麵」餐牌裡面的麵食，粉麵材料主要分為四類，分別就是「麵」、「意粉」、「通粉」跟「米粉」四種。究竟「維記咖啡粉麵」賣的「麵」能否選擇中式麵，有沒有粗麵還是幼麵我就不太清楚了。因為我最後在「維記咖啡粉麵」裡面，只是選

星期日深水埗到處人頭湧湧，各間熱門食店都排長龍，好在維記有連續幾個舖位，而且佢的食物屬茶餐，食客流轉量快。豬潤特別的口感丶薑的香辣，溫習了久違的美味。總算無白行一趟。

以前中三要去深水埗上堂所以成日食，今日終於再幫襯呢間老牌小店豬潤米一樣都重係咁好食，同以前一樣，食晒d面之後一定要飲埋個湯，貪佢有薑味另外再叫左份奶醬多，同一杯凍檸茶

下午到左深水埗四週遊蕩，因未夠時間今晚返義工。行完黃金商場，行經維記，於是入去飲杯奶茶及大多數人都會食碗豬潤米粉。可惜我唔食朱潤，所以叫左碗牛肉煎蛋湯米及－杯奶茶。湯底用牛肉滾過，好鲜甜，可惜牛肉滾老左及肉質無味。奶茶好滑及有茶味，奶茶尚好。

平時真係好少出去食早餐，多數都係屋企食個包就算！但係都仲有時候會出去嘆下嘅，但係每次一諗起要出去食早餐就一定要嚟呢間食佢哋最出名嘅豬膶牛肉米！次次一早過嚟餐廳都坐左好多人，唔通大家都同我一樣食早餐就諗起佢！不過佢開得早都係其中一個原因！豬膶牛肉米，最好味就係佢哋嘅湯底，清得來味道也很濃，其實湯底都係豬膶牛肉滾湯！配料雖小味道一流，最好味就係配搭米粉一齊嚟食，因為米粉吸晒啲湯汁！一碗麵加一杯飲品＄50埋單！早餐來說可能貴咗啲，但係味道搭救，不過其實午餐下午茶晚餐他們都是一樣，幾時你食都得！

最出名的就是豬潤麵，豬潤是剛剛熟的，不會太韌，麵方面可以揀米粉，公仔麵或通粉。那個上湯是充滿豬潤味到，湯底有大量的薑。另外，他們還有自製咖央多士。 多士沒有太多油份感覺比較健康。

好耐冇食過維記豬潤麵，今晚來到深水埗，時間尚早，見到唔使排隊就入去食下，麵店喺區內好有名，每次中午時段經過都見到店外排曬人龍。我今次都係叫咗個招牌豬潤麵 ，成碗麵都鋪滿豬潤，分量好多，豬潤嘅口感夠爽滑，冇腥味，湯底夠濃郁而唔油膩 仲有點薑味，至於個即食麵煮得啱啱好，唔會太淋，能夠將一碗即食麵煮得咁好味，咁受歡迎，真係唔容易。仲有叫左個咖央西多士，雖然唔係即刻整，唔夠熱，但味道仍然可以接受，唔使加糖漿甜味已經足夠。果然係老字號咁耐冇食仍然保持到水準。

e間位於深水埗嘅豬潤麵，已經好多年歷史，已經出晒名，成日經過都好多人排隊，本地人同遊客都好多粉絲支持，好耐冇食就一於試吓佢，同以前水準一樣，好多豬潤又非常新鮮，個湯好好飲，環境就一般，而且座位非常迫！仲叫咗一個咖央西多士，西多士非常軟熟，西多士不是炸的而係外煎，好似冇咁熱氣咁，咖央就甜甜地

惜日深水埗的維記常常出現人龍等食馳名豬潤麵，令小店門外擠滿人群，但今天不再了，就是不用排隊才吸引我來回味當年味道。晚上六時半左右先來豬潤麵一碗，喜愛喝熱辣辣湯的我，麵一上枱立即呷一口清而不濁不油膩的清湯， 再細味數量不少的豬潤，豬潤煮得險些過火了，開始有點實身和　＂鞋口＂，幸好還可以接受，豬潤切片薄薄，如果厚身一點會比較吸引，食了一塊豬潤後急不及待吃公仔麵，嗯！普通公仔麵，可以讚的是煮得剛剛好，麵質不淋不硬。加央西多士, 未吃過的我，看到它上枱，有點意外，哈！西多士（麵包）面上沾上了蛋液來煎，很特別呢！但有點失望是沒有脆口的感覺，因這個西多士是淋淋的，饀料加央滿滿的夾在多士中，甜度適中，不太甜，對我來說，好味！！再來一杯檸檬可樂，不評價吧！不用他們製作，只是給我冰+檸檬，一支可樂。食後感：不用排隊等位，我會再來，因豬潤麵沒有那麼特別吸引！

許久沒吃過維記，平日甚少經過深水埗，有時來到又太晚，他們都收舖了。今晚不算太迫，就算要搭枱也是鬆動的。豬潤麵配凍檸茶是基本。喜歡這裡的豬潤麵，因為夠薑，很香薑的味道。至於豬潤，份量夠多，厚薄適中。湯底超熱，熱力足夠浸熟原本未完全熟透的豬潤，所以豬潤可以熟透而不會太「鞋」。吃完一碗麵，有點意猶未盡，就點了一份咖央多士。這裡有分多士和西多，價錢不同的。多士算厚身，但未到厚多士的厚度。一塊多士斜角切成兩份，上面塗上一層厚厚的咖央醬。我不會說好貴，因為我不會經常吃，也不會買一罐咖央醬在家裡慢慢搽。

同朋友諗住經過深水埗買下材料，做project，中午下下都覺得有啲攰，食個午餐之後又飽飽地，想搵個地方坐下，食下小食。經過OpenRice搜尋之後，發現左一間有特色嘅小店，之前上網已經留意過呢一間店，最出名嘅唔係佢嗰啲主食，而係啲小食，就係鼎鼎大名嘅咖咉西多士。 咖咉呢一樣野好似係馬來西亞嘅特產，係香港好少會食到，通常會攞嚟查麵包，而今次呢一個就加埋香港特色嘅西多士，將馬來風味加入香港嘅口味，形成咗一個獨特嘅小食，係甜甜地嘅。