維記咖啡粉麵

營業中

休息中

說起comfort food，無論身在世界哪一個角落，吃着多美味的佳餚，還是不夠香港的茶餐廳的食物親切。.家在深水埗，維記是我小時候的回憶，到近年太多人排隊，我也提不起勁去光顧。但適逢朋友來我家作客，叫我帶她去試試深水埗名物，第一間想起的就是維記，夠「麻甩」、夠風味。.它在深水埗B2出口直走兩個街口，到福榮街即到達。可能是比較少人喜歡晚上去茶餐廳，七點去到也不用排隊。維記只有圓型摺枱，搭枱是必然的事。屁股未坐暖大姐就過來下單，粗聲粗氣的，不知怎的，我還覺得很親切，很有香港風味。反正餐單也沒有多少選擇，就是豬潤、牛肉、蛋、火腿、餐肉和腸仔的組合，再配上麵底而已。我不吃內臟，所以叫了蛋牛通，友人叫了潤牛通，另加份咖央西多。潤牛通碗中蓋滿泡，是煮過豬潤的湯獨有的，豬潤甚薄，約只有1-2毫米，刀功不錯，介乎灰色和嫩粉的色澤，剛熟透。友人說很不錯，爽口無渣，不會腥。我的蛋牛通的牛肉也不遜色，一碗有差不多十塊！鬆肉粉不多，肉味香濃，肉質較韌有筋，有點難咬，但也不太老。湯頭較清甜，但可能加了水，有點淡，肉味不濃郁，比回憶中差少了些，可能中午吃會較新鮮。通粉絕對煮得過火，已不彈牙，入口粉爛，屬厚身通粉

黎到深水埗梗係要食維記😍仲要加杯凍奶茶咁就夠完美，人流都係依然多，我一個人黎食，排咗5分鐘就有位了😬好彩豬膶牛肉麵加蛋，見到都好大碗，個湯有非常香濃嘅牛肉味，亦帶有薑味！感覺好滋補柔順喉，我本身唔太鍾意食內臟豬潤嘅都覺得好正，豬潤煮得啱啱好，都好爽口👍🏻有好多又濃郁嘅味道，加咗豬膶個湯底都特別靚啲😬呢間小店已經開咗好多年，加價幅度都不算多，依然停留喺30幾蚊左右，所以都叫有良心嘅小店😬公仔麵既梗度就比較林一點，我個人喜歡梗啲會好食啲😆食完個面記得飲埋佢啲湯,咁就超級滿足了😍今日太飽,冇叫到咖央西多士，下次再嚟食過😁

因為有個超級颱風嚟緊，搞到小秘書呢兩日嘅行程都混亂哂，因為咁... 今朝好早就要出門口。朋友仔話想去「維記」試吓豬潤麵，順便去附近買月餅。因為時間尚早，小秘書唔習慣第一餐就食得咁重味，所以轉吓口味，叫咗份咖央多士。我仲諗住份咖央多士會好重椰子味，但食落去原來蛋味更濃👀 小秘書最初以為係自己錯覺，叫朋友仔幫我試吓，估唔到佢都有同感。究竟師傅係點整份多士嘅？麵包有啲脆口麵包又軟熟😚好得wow👍🏻👍🏻

難得出黎黃金商場行街，當然要食餐地道美食。維記-經營多年既老字號，附近冇人吾識，冇人未食過。一個字-招牌豬潤牛肉麵，接近40元，但湯汁係用豬潤加薑煲出黎，中意食豬潤一定要黎試試，食過返尋味加埋新嫰牛肉，真係啖啖肉，好滋味。小編超愛依間既咖央西多士，不過覺得多士抵食d同埋原汁原味，所以每次黎必點咖央多士。

深水埗出名多野食，其中一樣就係豬潤麵喇。雖然唔係個個人都鍾意食豬潤，但我係好鍾意嘅！兩三個月就會黎食返次！今晚食左豬潤蛋通粉。揀通粉嘅原因係食嘅時候（比起麵、米粉...)可以飲多啲湯，真係好夠味呀！當然佢用嘅料唔係好高級喇，啲通粉比較厚同硬身。畢竟係地道野，所以唔好太高要求。只係因為鍾意食豬潤，所以黎幫襯嚕。得閒補補血佢啲豬潤好足料架，鋪到成碗滿。呢度仲好出名咖央多，不過今晚飽得滯無食到...

每次嚟開深水埗都會過嚟食豬潤牛肉面，今次都唔例外。中午的時候過來，一如往常要排隊，排咗十分鐘就到入得。一嚟就叫個豬潤牛肉麵加我最愛的奶茶。這𥚃的奶茶很好飮，有茶香味而且口感好滑，其實熱奶茶會好飲啲，不過天氣太熱，今次飲凍奶茶涼一涼。豬潤牛肉麵個湯好好飲，好鮮甜，麵底也煮得剛剛好，不會太淋或太硬，但今次的豬潤有少少少少醒，還好牛肉仍是很不錯。因為不是常常嚟深水埗，偶爾食一次都很不錯呀

平時唔寫食評，但今次一定要寫，最近去探朋友順便食，好老實講呢碗麵真係唔好食，個湯底好咸，名過於實，我本身唔食豬潤，但佢個豬潤仲難食過譚仔賣嗰啲，仲有價錢，深水埗黎講算賣得貴⋯點解會有人話好食？🤷🏾‍♀️

想當年在深水埗讀高中，已知這間名店。當時不愛吃豬潤，有眼不識泰山，只覺得一般。人會變月會圓，沒想到多年後我竟喜歡上吃豬潤。這日去完黃金，覓食時經過這店，就想認真一試。好像不如以往多人，印象中是長龍店。馬上就有位了。-自然是叫豬潤麵，貪心加了午餐肉做雙拼。豬潤雖不是厚切但不過老，新鮮沒怪味，不錯。飲啖湯，豬潤湯鮮甜，帶淡淡薑味作僻腥，幾好飲，但略咸，沒法多喝。午餐肉超厚切，好邪惡呀，餐肉配公仔面，無得輸。-吃懷舊風味，別講究環境服務，單講味道及價錢，還是值得一吃的。

假期早上維記都勁多人慕名而來，加上依家電腦節🤦🏻‍♀️唯有將我既午餐推遲d食啦好好彩行過來有位即入，一坐低，唔洗諗就係豬潤牛面.其實我就覺得牛好食過豬潤，不過淨叫牛好dry架 ma來維記食就唔好想慢慢坐，快快食完就要走🤭

每次來到深水埗，都一定會來維記食豬潤牛肉通粉，今次亦唔例外，今日是平日，所以不用排隊，但到12點午飯時段就愈來愈多人了。每次必叫的豬潤牛肉通粉，餐蛋麵，咖央西多。豬潤牛肉通粉，份量超大碗，其實一個人食完整碗會覺得好飽，我好喜歡這間豬潤，豬潤處理得很好，沒有血腥味，好爽滑，牛肉嫩滑，而且湯亦非常好喝，湯帶點薑味，每次都整碗喝完。餐肉炒蛋麵，炒蛋炒得好香，麵煮到剛剛好，不會太淋。咖央西多，我最鐘意咖央醬，濃濃的咖央醬，甜甜的，好快一塊接一塊吃完。

深水埗維記是老字號，已經幫襯了多次，每次也保持一貫水準。點了蛋牛面，咖咉多，熱奶茶和凍央。先説蛋牛面，湯是豬潤湯底，加上牛肉頗為鮮味，牛肉夠厚有囗感，面質是光身面，很有懷舊口味；咖咉多十分豐厚，份量十足，又軟又甜；熱奶茶夠香，濃，滑；凍央味夠濃，整體而言很不錯，但價錢會較出面貴，不過性價比已經完勝！Sham Shui Po is an old name, has been helped many times, and always maintains a consistent standard. I ordered egg noodles, more curries, hot milk tea and frozen noodles. Let's talk about egg noodles, soup is the bottom of pig soup, plus beef is quite delicious, beef is thick and sturdy, the face is light, very nostalgic; curry is very rich, full o

讀書時期好中意趁天地堂時落來深水埗行下西九龍，再食埋個豬潤麵先返去繼續上堂。今日要去電腦城買野，咁就梗係順路來埋食維記。抵達時已經係下午5時多，難得一次係唔洗排隊就入到去食。以前每次來到都係點豬潤午餐肉麵，今次都唔例外，友人亦點了牛肉麵。等了五分鐘左右食物就送來，豬潤煮得剛剛好，不會過熟但又不會太生，曾經有朋友提及過，維記的豬潤，就算生既都大把人會食。湯底就好濃郁入味，令人在食到最後既時候都會忍唔到口飲多兩啖！

晚上6點半肚餓了, 突然好想食豬潤麵飲啖豬潤湯, 就行到去維記門口, 趕著在店關門前享用🏃原來我唔係最後一個客落單, 仲有15分鐘關門, 都願意繼續做生意比客入枱我依舊點了最喜歡的豬潤麵和煉奶咖映西多士豬潤麵$32湯底好鮮甜好濃豬潤味豬潤份量好多煉奶咖映西多士$19西多士唔會炸到好油膩, 麵包鬆軟, 食落有咖映香食飽飽, 小店要關門了, 下次再會

好日唔落深水埗，今日去深水埗買電腦野梗係要又乘機鼠去食我最愛嘅維記啦🤩🤩🤩老實講，其實小妹唔係太喜歡食豬潤，亦唔係間間嘅豬潤都食😂😂😂唯獨係維記！雖然店內牆邊餐牌好似好多野食，但其實黎黎去去都係果幾種野任你配，麵又係黎黎去去果幾種粉麵；😂🤣😂🤣但維記嘅老字號真係非浪得虛名， 係名符其實嘅豬潤界高手，佢啲豬潤同牛肉滾得剛剛好，唔會太生又唔會過熟😗！！！湯底亦好濃郁😙😙😙難怪次次食都排長龍，就算三間舖都係照排緊三條龍😂😂😂（好彩排得長但排得唔係好耐🤪)相中呢碗就係我最愛的潤牛通🤩期待下次再食😍😍😍😍😍

好耐無食喇，見唔太多人，就喺度食個快靚正晚餐。我要咗一碗潤牛米，朋友仔唔食潤，就點咗牛蛋麵。好快就有得食，滿滿的一碗。試試個湯，有驚喜，好香濃，連唔食潤嘅朋友仔都話正。兩碗湯明顯唔同，有潤果碗味道更豐富👍🏻👍🏻。好鍾意食米粉，連埋湯一齊食就very good 喇。當然唔少得有招牌豬潤，份量好多呀，濃郁入味，感覺好滋補😆。牛肉都唔錯，不過相比就無潤咁搶鏡。但我會建議大家點雙併或三併，如果只點豬潤一餸就有點單調，而且雙併三併價錢都係差少少。