維記咖啡粉麵

營業中

休息中

周末來了，很感謝友人揸車，先至有機會一嚐深水埗很有名的維記粉麵。從來出名的小店都係貴精唔貴多。店內既選擇不多，但足夠讓食客有得選擇。豬潤麵 $32我也很例牌地點了豬潤麵。麵一上枱，我立刻夾起來，就發現有海量豬潤，切得厚薄適中，而且一啲腥味好無。我最後仲飲曬啲湯，我講咗句: 我真係好鍾意飲味精湯。點知友人即補充指湯底係真材料實，無味精𠺢。點知仲以為間舖朋友有份。lol。另外可以再加其他鍵食材如午餐肉，太陽旦，腸仔等等。咖央西多  $19整多個咖央西多,麵包係厚身個種，咁先夠份量，咖央味濃濃的，但又唔太甜。麵包沾上蛋，外層煎到淡淡的金黄色，賣上已令人蠢蠢欲動。加埋杯凍奶茶 $15。 簡直大滿足！所有食物飲品全部都只能單點，無什麼套餐。但埋單都係66蚊。筆者平日係中環翻工，動接求其食個茶餐廳都要六七十蚊，相比起來，呢個午餐可謂丰得多。有機會下回要試下其他食品。

週日下午茶時間去到較新淨的維記食碗粉。維記豬潤麵好有名，我唔食內臟都聽過。入去店係6-7 成滿，十個有九個都叫有豬潤的食物。其次就是咖央西多。友人叫了豬潤米他表示很失望，豬潤不爽，雖冇內臟異味但有小小苦味。口感對他來説很差。我沒有食內臟的經驗，不能評價，所以只能把他的分享照直打下來。湯底有很小很小的甜肉味，有薑味。我的牛肉米圖中的牛肉眼見都不是軟身，大部分牛肉都需要嚼勁。我個人就食得較為辛苦。味道就真係冇乜評語可言。食左碗米粉囉。要食豬潤米，友人話去番先前食過既永記好過。我都覺得，冇必要再去。我從來冇俾過劣評，這是人生首次。可能只係失準，又可能係個人口味掛。但我是真心分享的🤷🏻‍♀️

今日蛇王去到深水埗黃金買野,緊係順便去醫埋個五臟六腑,行到出大街,開左好多新餐廳,但係今日都係想食番d舊既,情系維記！一入到去自己搵位坐,招乎下自己先！先黎一個咖央多,再叫一個豬潤麵😋我自己鍾意咖央既甜味多過西多既香口,可能香港少d食到掛,仲要咖央多好平,好抵死！死完之後就再食豬潤麵,一望豬潤已經知新鮮,呢到豬潤出名會用薑絲,同埋湯底好清,突顯出豬潤既甜,同埋好鍾意佢個公仔麵唔係用湯包粉既湯底,呢個先係維記既長勝之處😋😋唔夠喉,唔係佢份量唔夠,係因為真係太好食,食完再想食多份😂😂

本來我就唔多食內臟嘅，但應朋友邀請，就去食下。今次係去深水埗好出名嘅維記咖啡粉麵，黎呢道當然要點豬膶麵食啦，今天條龍好似好長，不過排左一陣就入得。中午食飯多數都要排隊，我上一次下午茶時間黎就吾洗點等位。今日叫咗一個蛋豬膶通粉$35，和一個餐肉豬膶通粉$35，我平時唔食內臟，不過豬膶就例外，而且呢度嘅豬膶其實冇乜內臟嘅感覺，味道其實都真係幾好食。店鋪吾係好大，都坐滿人，好好生意，而且價錢吾貴。除左豬膶麵，維記的咖央西多士都幾好食。

一早來深水埗上堂，跟同學仔2個人早咗到步搵餐廳食早餐， 誤打誤撞就嚟咗維記，諗住食吓豬潤麵，可惜同學唔食豬潤，就叫咗牛肉米，但係佢個湯底都係豬潤薑湯呢，哈哈!午餐肉超厚超大塊，正到爆，不得不讚吓~咁早嚟到，個湯底都咁濃郁，而且人唔多，可以慢慢食。既然2個人食，唔可以一人叫一個麵就算，點都要叫份咖央多士，兩份食吓至得。好多咖央醬啊，層次豐富，飽都要食啊價錢keep住都唔算貴，人均消費早餐大約40蚊，算係咁啦

每一次做嘢做到燥燥地， 都會諗下去不同的地方食好嘢， 但係通常都會諗到去深水埗食豬潤麵。於是乎今日就襯午餐時間有個空檔， 去深水埗順便買野。去到維記排隊既人唔多， 一坐低就叫咗一碗潤牛麵， 凍檸茶。 其實我一路以嚟都發覺一樣嘢 ，豬潤面的濃度會因為唔同時間唔同舖頭有唔同， 有時淡啲有時濃郁一啲，而我就鍾意比較濃郁嘅。 雖然出品嘅水準好唔統一 ，但有其實體現咗小店嘅獨特性， 唔會好似連鎖店咁樣一式一樣， 多咗一份人情味喺度 ，而且佢好多年都係賣緊三十幾蚊一碗， 都冇咩點加價， 我當佢係良心小店㗎啦。

#小秘書 呢排頭仔暈暈，係時候要補一補💪🏻 我要嘅唔係啲咩山珍海味，反而夠地道夠街坊嘅仲啱我。今日出深水埗買旅行用嘅電話卡，醒起好耐無幫襯嘅 維記咖啡粉麵 ，仲有住喺附近嘅朋友仔，一於叫埋佢過嚟補一補🤪三十幾度喺條街排隊，實在挑戰人類極限👊🏼 不過為過食好嘢就咩都無所謂🤟🏻 等咗大概七八分鐘終於到我哋，嚟到 #維記，梗係以食 #豬潤 為主，不過貪心嘅我，當然要加啲餸啦😉 最後我揀咗餐潤通。湯底好濃嘅豬潤鮮味，裡頭仲有啲薑粒，感覺好滋補好順喉，通粉又可以吸埋啲湯一齊食，特別滋味🐷 至於主角 #豬潤 亦煮得火喉啱啱好，囉獨兩塊午餐肉就一早煎定喺度，無咗脆卜卜同應有嘅油香味。不過$35就可以食到咁正中嘅地度風味，#小秘書 好滿足呀🐷

一直以來都聽身邊D朋友係度講維記維記，但我一次都無食過，今次朋友特登帶我去試一試哩個佢地口中既童年味道童年回憶啦！一來到就見到D食客人頭湧湧喔！都要排隊，但好彩係好快就有位啦！聽朋友講哩度最出名既就係豬潤牛肉麵，但我本身自己唔鍾意食內臟，所以我就嗌左碗牛肉麵啦哩個賣相真係....唔知道點形容呀，牛肉肉質無乜味道，有D老，湯底幾鮮甜。哩個朋友成日講既加映多唔駛講一定要試噶啦，香脆既多士塗上加映醬，再配埋杯檸檬茶，正呀

食物一般，卖相一般，试过一次唔想去食了，仲甘多人排队等食，真唔知有什么甘吸引，仲要我写80个字食评，好评就话啫，差评就是一个字都厌多，各人口味各有所好，总的来讲，两个字，难食...

是日剛好要去黃金買東西,就先吃個豬潤麵再行啦~大約 6:30 時間到達, 有大量位子,這種人氣食店, 提早吃果然是正確 點了以下:豬潤蛋公仔麵 ($35)熱辣辣的, 但湯沒以前那麼多啡色泡泡, 也沒以前濃味;但豬潤份量依然很多, 而且不會煮得過老,平時我是不吃豬潤的, 但這裡的不錯公仔麵的口感方面, 淋了少許, 個人喜歡硬一點豬潤蛋通粉 ($35)同樣地豬潤份量很多, 另外通粉也超大碗;吃完再飲一半湯, 超級滿足咖央西多士 ($19)咖央醬超多, 正,不過如果西多士再脆點會更好如果再去深水埗的話, 這裡依然是吃飯的不二之選

學生時代好鍾意和同學去黃金商場逛逛，之前去砌機，好像自我組合有好多得揀，其實來來去去都係差唔多。成熟了開始做萍果迷 便少了去黃金，今日天下大雨，竟然有興趣和老友去走走。深水埗有好多美食，嘩！那間車仔麵多咗好多個舖呀。行行下我哋入了維記，我哋好耐冇食而且又看了推介，看看是否真的好。先來加央多士 還可以，冇什麼特別。奶茶來了，茶冇乜香味，一般般嗱。豬潤通粉 豬潤好細塊，冇乜嚼口，個湯有酒味但冇乜鹹味，我以為自己味覺有問題，叫老友試下，是真的。他叫了牛肉通粉， 但湯就太咸，所以我們交換些湯來調味，好撹笑呀！

成日都好想食，但日日都爆哂坐滿人。。。😥今日放LUNCH 駁一駁，好好彩竟然有位！♥維記咖啡粉麵♥多人食係人都知架啦，仲有分店TIM！腿牛麵我知道維記最多人食既係潤牛都，但我一向唔食骸豬內臟，所以最後揀左腿牛麵。啲呀姐做慣做熟，唔洗等好耐盲好快有得食啦！都算係大碗，火腿唔多，但勝在牛夠多👍🏻最特別係佢個湯底，同出面食開既好唔同，味道唔似係味精🌟隱約飲到有啲西洋菜味，係幾好飲幾特別的。牛肉不過不失，勝在嫩口有鮮味。咖映西多士呢到既咖映西多士同樣出名，點都要叫一份黎食！一上台就已經預先切開四份，好細心💕西多甜甜的，入面既咖映醬有好多，每一啖都食到咖映醬。如果天氣無咁熱，我想試下佢地既熱奶茶☕

嗨深水埗食野，應該好多人都會去維記試下佢出名嘅猪潤牛肉麵。對上一次嚟維記已經係幾年前，唔知幾年後嘅今日食物質素是否Keep到😅 去到門口見唔使等位即刻揾位坐低叫野食，"豬潤牛肉麵，熱奶茶，唔該！"幾分鐘後，我最愛嘅麵同奶茶都上齊。首先飲返啖奶茶先，奶茶唔錯，依然夠滑，唔會老，平時飲半杯嘅我竟然飲哂😋😛到主角啦！先飲啖湯先！湯同以前一樣好鮮甜，但猪潤不再像從前，或者因爲係成本控制，以前好厚身，大件，宜家變得好薄，加之浸嘅時間耐左，咬落下係硬硬哋，口感好怪，😓好彩我叫左雙拼，仲有牛肉食😅今次之後，維記已經唔再有令我心思思想去食嘅諗法。

週末下午5點左右，離正常晚餐時間還有段距離，但維記三間鋪位都幾乎滿座，隨意選擇了中間鋪，快速地有位，快速地點了豬潤米粉，廚房的效率亦高，一刻便端出一碗熱騰騰的，比起生滾粥或火鍋更煙霧瀰漫。豬潤份量頗多，却是薄切，不知是否這個原因，質感有點過老了，失去了豬潤應有的爽脆，厚度亦影響了咬口，米粉沾上的湯頭，也談不上香濃，即使它由眼前十多片豬潤滾出來。這餐暫且放下追求美食的目的，就當補補鐵質算了，當然明白肝類很高膽固醇，不能吃太多。當大眾都在讚賞這裡的名物豬潤有多味美，偏偏却找不到共鳴，是三間店舖出品有差? 或是怪自己味蕾太挑剔?

去開深水埗經過維記，難得見食客唔多唔需要等位，所以入咗去食野。點咗咖央西多士同牛肉麵。雖然好耐冇食，但依然咁好味。好欣賞佢既咖央唔會太甜食過唔同店舖既豬潤，個人覺得佢既豬潤係最好味ge，夠爽口，湯底亦好清甜。