綠林甜品

營業中

休息中

三十幾度行到周身滾,走入黎叫左一客南瓜馬蹄露!糖水雪得好夠凍,南瓜蓉都算多,顏色好靚,加上清爽的馬蹄,真係涼到入心!只係八蚊一碗,響其他地方可能要賣貴一倍.其實呢間鋪同附近的綠林三友有冇關係呢?

今日食完米線之後，去試試呢間ge 甜品。買了芝麻糊($8)、杏仁露($10)、豆腐布丁($9)。芝麻糊好香好有芝麻味。杏仁露好滑好甘香。豆腐布丁雖說是招牌，但不是太有豆味，似牛奶布丁多D！

一心去食栗子糊點知佢話栗子唔靚冇得食ai....唯有下次諗左好耐都係要番南瓜馬碲露今之比上次多南瓜...濃d但少d馬碲...馬碲依然好脆同朋友share一個豆腐布丁都唔錯朋友話香豆味...我覺得好似重一種味應該係椰汁...撈埋一齊幾特別

食完必勝客,便來這處吃甜品.朋友說豆腐布甸不錯,所以叫了一個.食落又唔覺有甚麼特別.豆腐味不夠,朋友說平日好吃點.妹妹叫了榴槤pancake,她覺得味道不錯,我也覺得好吃過豆腐布甸.因為好味的關係,所以外賣了榴槤和芒果pancake,回到家試食芒果pancake,發覺真的不好吃,芒果又酸.最後因為朋友識老闆的女兒,所以送了碟糖不甩給我們吃,好大粒,真係有大大粒魚蛋咁大,因為我不喜歡吃,沒有試.妹妹說不好吃,因為太多花生,許留山好吃點.

嘩..我見過最平0既糖水要左一碗南瓜馬碲露(凍)馬碲好爽呀... 好有口感夏天食太棒喇南瓜真才實料...唔算好甜但唔知點解有一舊南瓜有冰???總體ok下次食栗子露+,地方企理+闊落

我較喜歡傳統中式的糖水舖, 綠林是我喜歡的其中之一.若果你行黃金, 未必會找到, 行多兩步去到元洲街就找到.喳喳是我在這裡的首選, 因為溫度夠凍, 用料夠腍, 糖水夠香. 頭兩點基本是不難做, 最後一點他們是加了椰漿及花奶, 而份量亦適中. 我記得喳喳本來食開油麻地鵝記, 但我覺得這裡的"香", 是比其他舖頭優勝之處.所以有時我都會一碗起, 兩碗止.另外叫了一個很多人推薦的南瓜馬蹄露. 有點像馬蹄露, 夠凍亦非常爽口, 加入磨了的南瓜, 帶另外清新感覺. 綠林是一間舊式糖水舖, 大約一年前曾作裝修, 想不到裝修得還減價一元, 但水準依然.舖面所見, 很多附近上年紀街坊都會幫襯.兩碗價錢只是16 元, 比起前幾天所寫的大良八記一碗椰子糊元15 元, 後者真的論環境比不上, 論價錢比不上, 論質素亦比不上.另外綠林雖然是舊式舖, 但都夠膽玩Cross over, 所以紅綠, 黑白兩溝亦有選擇.以前亦試過桑寄生茶, 湯丸亦絕對值的一試.若果要幫襯, 記得下午三時後才去, 因為那時才開檔.100 % 值得推薦.

叫咗個南瓜馬蹄露，好味、好有滿足感。南瓜要整得好食好難，通常食得多會好"溜"，但加埋馬蹄就恰到好處，非常有口感。而且，8蚊真係抵到爛!

同老婆兩個人叫凍花生麥米粥($8)、熱南瓜馬蹄露($8)和三粒湯圓(加$5)。全部都好正，既唔太甜又足料，尤其是南瓜茸好多，湯圓大大粒又煙韌，好抵食！

最鍾意食密瓜豆腐花，豆腐花上淡奶，好滑好正，又不太甜。湯圓個皮好滑，餡有好濃的芝麻味。

昨日試左南瓜馬蹄露-熱$8 ... 唔錯播! 本人覺得甜左少少, 夠香&足料... 食左一半已經感覺"漏"啦! 不過抵食呵!

去完"大家食",行過黎食糖水,8點左右吾太多人,我地要左烏豆桑寄生茶$8,豆腐布甸$9.烏豆桑寄生茶---味道甜中帶澀,烏豆味頗濃,吾錯!豆腐布甸---甜度適中,十分滑溜!正!埋單$17,相當之抵食!

由元朗出黎,食完果餐谷氣"金田",男友未飽,於是黎呢度食糖水,8 點半左右有3-4臺客,地方夠光猛乾淨,冷氣亦足夠,我地要左芒果布甸$10,木瓜雪耳糖水$13;芒果布甸---size 頗大,布甸滑溜,芒果不算太多,但以咁既價錢已算吾錯!木瓜雪耳糖水---亦不賴!雖則吾系燉(煲),但清清地都不錯!

其實我都好耐無黎~不過今次黎新驚喜~今次買左3樣野番屋企同家人分享包括本人最愛~凍杏仁+合桃因為實在係100分傢~凍o既糖水味道都o岩o岩好~而且又夠幼滑唔會有d一粒粒o既情況出現總之掂啦~第二度都食唔到o既新o既有豆腐有甸~味道唔錯~而且外賣搭巴士攞到番慈雲山舊野都仲夠凍無溶到出水不過就兼佢膠口左少少無乜豆腐味不過都ok傢~有少少奶味囉~不過如果食豆腐o既野~去ok食豆腐雪糕好過第三樣係芝麻+豆腐花好似淡左少少如果芝麻甜d會好味好多囉~其實如果堂食....以上糖水我會加錢要埋湯丸因為真係皮薄料足傢~服務都唔錯~快手快腳~唔會等到你傻~大熱天時好憎傢嘛~仲有外賣唔駛加錢~正!!!

喳咋($8)有少許"漿"，但確實有很多料，味道不錯，不太甜。另加$5有3粒麻蓉湯丸，糯米皮雖厚，但煙韌度適中，餡味亦十分香濃。

同朋友渣車四圍兜風，去到深水土步想食糖水。咁我就提議去綠林，一來好耐冇黎過，二來好過成日去松記，因為水準正在下降中.....已經係深夜十二點，都有八成滿座。細看餐牌，全部糖水都係$8至$12，都幾抵！我叫o左湯丸($8)，朋友就叫o左綠豆沙豆花($8)。湯丸一碗五粒，非常非常燙口，糯米皮好煙韌，但太厚。麻蓉餡亦熱辣辣而且好香芝麻味，整體唔錯。埋單只係$16，點解仲要去松記?