綠林甜品

營業中

休息中

o岩o岩食完飯, 妹妹話想食紅豆沙, 咁就去左屋企附近既綠林食喇, 我妹妹就食紅豆沙, 男友食藍瓜馬蹄露(唔係好記得個名), 我就叫蕃薯糖水喇, 點知個蕃薯糖水一黎到,就被我地發現有隻蚊係上面, 咁就即刻叫佢換過喇,我妹妹睇住佢拎入去, 好快咁見佢拎過另一碗出黎, 但同時佢又另住有蚊個吉碗去廚房, 我地好懷疑都係同一碗,但男友話應該唔係既, 咁算喇照食, 食食下又發現碗野裡面有d唔知係咩一"pat" "pat"啫喱既野, 真係差到不得了, 連妹妹都話佢碗咁普通既紅豆沙都可以咁難食, 綠林真係差左好多, 難道真係一分錢一分貨, 而家減左價就差左咁多, 咁我寧願俾多兩蚊食好dd喇, 我諗我以後都唔會再去食囉~~~

專程走去試豆腐布甸, 好彩呢個無失望. 豆味唔算好濃烈, 味道有d似維x豆漿, 我最欣賞既係佢質地軟滑, 唔係搏命落魚膠粉搞到"實的的"果d. 九蚊一客, 好味抵食.

睇完"飲食男女"有關中式甜品，試左豆腐布丁及綠豆沙，豆腐布丁比普通布丁軟，有豆味，但不太強，比較清，而綠豆沙就有一塊塊既海帶，重海帶味，但不夠"沙"。我覺得屋企附近個間比較"沙"。(黃大仙熟食檔：三和)

本小姐試盡天下甜品，又咀刁但發覺佢個"豆腐布甸"，真係得，不得不讚無野講，最好自己去試下又平又好味又健康晤係度度食倒不過我捻，自家整應該唔太難反而之前試過椰汁黑羅米，晤多掂

上次七月頭去到,原來裝修,所以無得食,今次去都係因為想食綠林先至黎深水埗,入到去好似同以前差不多喎(嘻嘻!!不過我上一次去係六七年前的事了),我見敢熱更係點d冰凍的甜品啦,我要了鮮什果豆腐花$16,小熊就要了鮮什果黑糯米$16.鮮什果豆腐花-鮮什果都唔錯,但d豆腐花就真係唔得,無豆味好碎.鮮什果黑糯米-小熊話d芒果好新鮮-正,但d生果就唔夠凍,加d冰會好d喎,而黑糯米佢話好好味.不過我覺得松記已經超越佢好多,起碼d甜品特色好多,同夠多選擇,希望綠林努力d,如果唔係就好容易比人汰弱留強.走時係門口見到佢地個燈箱貼住甜品大減價,嘜有平到咩??(我真係唔知有無平到,因為實在太耐無去).

我成日晏就經過呢度,想入去食糖水,丫,點知成2點幾3點都未開,真係激死我啦!!!!!

幾好食,食過好多次水準唔錯,不過冇特色^_^

d糊好好味!芝麻,杏仁,栗子都好好!!味夠濃及香!!價錢大眾化!

朋友提議到此食甜品，他點了黑芝麻湖+涼粉($11)，幾好食又唔甜，我就揀黑豆桑寄生茶+雞蛋($13)，好味但太甜.

十零蚊入去坐下都抵.

尋日同男朋友行丁電腦商場, 有d 肚餓. 但係之後要去食晚飯. 唯有食小小野頂住肚先. <br />叫左一個芒果豆腐花, 好滑. 而且仲有好多芒果, 一d 都唔酸, 好食丫. 男朋友就要左一個栗子露, 都好好味, 佢唔係好糊, 仲有d 栗子粒, 男朋友話甜左d, 我就覺得ok 喎. <br />呢度都真係有2個名, 不過叫咩都好啦, d 野好食咪得囉!!

其實個名係綠林鮮館先啱!

正確名稱是"綠林仙館"(門口招牌)別名"綠林甜品"(大燈箱)

同女朋友夜晚去食叫o左個芒果豆腐花芒果香甜,芒果底略酸,豆腐花可能無落糖水,唔甜同芒果底有點不合佢叫o左豆腐花+涼粉一致認為好食,可以一試有無人試過楊枝甘露??好唔好食?? Thanks ,<

我食過起碼10次，最近食0個次咪7月28號Lor，我睇佢個大綠色燈箱上面寫住間鋪頭叫做"綠林甜館"。唔知我有無睇錯喇....... 我食過1.椰汁西米露---> 同出面唔同，完全淨係得椰子汁及西米味，絕無溝糖味。但個人鍾意食甜D 2. 芒果布丁--> 兩個字講曬"必食" 3. "熱"燉奶--> 比出面較大碗，唔太甜。4. 栗子粒露--> 連我都太唔鍾意食栗子都話好食，唔洗多講。店內食品價格略略高，但高得0黎有道理。 唔好講笑，食糖水個個人口味都唔同，好難話太甜或唔甜，都係自己試過先至知。總結一句，值得一試。