綠林甜品

營業中

休息中

我成日都覺得o係街食糖水係好呃錢~~因為一定得好少料~~但呢間又唔係喎~~佢d料真係真係好足~~ 同阿媽煮o個d有得揮~~而且只係$6碗~~抵啦~~

真係估唔到可以咁滑, 食落真係好有豆味, 但係個質感又好滑喎, 真係好想知佢係點樣整到咁滑咁有豆味

南瓜馬蹄露/熱($8)--聞落只係聞到好香o既馬蹄露味,但食落原來有好濃o既南瓜味,每一啖都有好豐富o既南瓜絲同馬蹄粒,好滋潤呀~豆腐布甸/凍($9)--好滑,細緻,清香,味道似豆腐花,但口感絕不能相比!!一個食完會微笑o既甜品~

黑豆桑寄生茶- gum gum 地, 正!

白雪雪的布丁, 入口濃濃的豆腐味, 似豆花般滑, 又有布丁的質感, 甜味適中, $9真係好抵呢!!佢另外有一種叫做栗子粒露, 又係好好味, 不過好耐無食, 下次試完再寫過.

每次到黃金,之後必會到此涼一涼.價錢算是吸引,很少甜品過$16... 別的地方則沒有幾款便宜過$10我最愛此店的豆腐花. 滑溜溜的..楊枝甘露則較遜色.紫米露則是女生之選, 加多奶後,味道更特別.

版友介紹的綠林甜品馳名湯圓，不過我又好飽，見到清補涼糖水，好耐未食過打算去食點知，原來而家冇左，算！食其他野叫左”喳咋”八大洋好多料，好杰．．有芋頭，三角豆，紅豆，腰豆，眉豆.不過不失另叫左”銀杏付竹糖水”好多銀杏，多於１０粒，味道不詳，因為我冇食到。

周四晚與食友吃完羊腩窩，例牌要去食個糖水。經過漫長的討論，各方又陳列不同甜品舖的利弊後，最後還是決定來最近便的這裡。雖然是星期四晚，人一點也不少，可見做糖水舖都是有可為的。好在還有一張對著門口的大檯，我們一行十多人就坐了下去。上次吃了栗子露，今次試其他，就要了合桃糊。合桃糊聞起來幾香，覺得都不太甜，算不錯。糊底不算很杰，也合個人的口味；另外亦試了其他食友的豆腐布甸，吃落似質地較結實的豆腐，食友還說隱約有維他奶的味道呢！個人覺得平平，天氣熱時可能會更喜歡吃。埋單一人十蚊，經濟抵食，又難怪佢咁多人。吃不完，原因不是難吃，而是因為有咳在身，不敢多吃而已。

咁橋同你食埋同一煲栗子粒露, 但係我0個碗d栗子係唔新鮮既....同個伙記(老闆娘?!)講, 佢即刻肯俾我地換過第二款(態度良好), 仲好坦白咁講今個星期d栗子唔係咁靚添.其餘仲食左豆腐布甸(好香好滑), 芝麻糊+合桃露(濃度, 甜度適中), 杏仁露(好香, 但係唔太夠熱同有dd粉粒未溶), 豆腐花走甜(同布甸一樣咁滑, 唔落糖可以食得出原有0既豆香).雖然個栗子露唔太好, 但係其他野補返數啦~

是食友Olivian介紹這裡的，果然是平又唔錯。尋日閒遊深水步，這裡是吃的最後一站。年紀大了，吃了譚仔，肚子不大舒服，吃點甜的去中和正好，就來了這裡幫襯。近六點，人客一點也不少，受歡迎程度亦可媲美松記。看餐牌，各式糖水款式都算足夠，但當然沒有松記般多種類。要了一碗不常見的栗子粒露，要熱的。栗子粒露入面果然有粒粒大小不同的栗子蓉，味道偏甜，亦有栗子的香味。個人喜好糖水渣要偏腍，所以覺得這裡的是略硬，但好處是栗子較有口感。幾位阿姐勤快又好禮貌，值得一讚。對面的一位人客碗糖水食左兩啖就因為趕住走，請阿姐打包，佢立即照做，仲同佢盛滿個碗至包，好好人。埋單10蚊，來開呢區都食得過。

蕃薯糖水~~有好多蕃薯~~糖水夠辣~~正~~$8豆腐布甸~~幾有豆腐味~~仲有幾滑~~$9榴槤班戟~~$14兩件~~ 幾抵~~不過可能唔係榴槤當做期~~所以d榴槤味道麻麻~~

星期日去大排檔食完晚飯行過o黎食榶水，我都係第一次o黎食，一般D榶水都係8蚊左右，又幾抵食喎。同朋友share碗綠豆沙同南瓜馬蹄露，綠豆沙好香臭草味，煲得幾濃又多渣，不過顏色就唔多似綠豆沙；南瓜馬蹄露食落口可以食到一絲絲的南瓜蓉同好爽的粒粒馬蹄，不過味道較淡唔夠南瓜味；芝麻糊試左一啖，味道都係唔夠，食來食去都不及車品品D芝麻糊好味。都埋單時先見到有豆腐布甸，唯有下次再試過。

出TRIP三個月, 終於返0黎啦. 上星期六去高登睇電腦, 行0下行0下入0左LE 間甜品店.先食芒果黑珍珠撈, 黑珍珠唔夠爽, 芒果幾新鮮, OK。再食荳腐布甸, 甜度剛好, 有香濃黃荳味. 如果加些花奶, 更好!!

有空路過此店，便入去試下....先叫了一碗合桃露，質地都幾滑同幾香，吃落唔會好"漏"既感覺...10蚊一碗絕對抵食，之後當然有叫豆腐布甸，真係好食~~食落唔會話好"粉"，又滑，又唔係好甜，9蚊真係值得一試﹗舖面都幾大同乾淨，一定會再來~~

椰汁雜果黑糯米($16)，個椰汁夠杰撈埋D 黑糯米好好味。唯獨雜果份量較少，不過生果幾新鮮。生磨粟子露($10)，此糖水不常見幾特別。不太甜，我鐘意。印象中好似只此一家。(不太肯定!)