素年 (福隆大廈)

營業中

休息中

🇹🇭🍝泰式香辣不可能肉碎意粉 $88用料簡單 味道卻不凡 這意粉味道我十分喜歡 味道可口 香氣四溢 調味恰到好處 相信很多人關注不可能肉碎吃起來像真肉嗎 我的答案是 比真肉有過之而無不及 這個意粉要說唯一缺點可能是沒有泰式風味 吃不出有金不換香料的味道 與名字不相符 但作為一個香辣肉碎意粉 它值100分🇯🇵🍛日式咖哩吉列豬扒意大利飯 $98炸吉列豬扒 外皮炸得鬆脆不油膩 口感不像豬扒 更像漢堡扒 肉碎壓成肉餅的口感 所以會比豬扒沒有那麼結實 但個人覺得比真豬扒好吃意大利飯粒粒分明 屬半熟狀態 有咬口 咖哩味不算突出 配雞脾菇粒和蘆筍粒增加口感 值得一讚 最後兩碟都被吃光光🍴當日午膳時間坐無虛席 但店員並沒有怠慢 服務還是該有的有 值得加許 素年餐單照顧到不同程度素食者的需要 是一間無論你是初嘗素食抑或有不同素食要求的人都會喜歡的店 吃完這頓午飯 內心是充滿感動 看得見素食日趨成熟和受歡迎 用素肉都能製作出美味食物 我們還有原因要吃真肉嗎

是日吃素。去深水埗買布，所以選了這間。三點還是這麼多人，真的是同路相吸。店子小小，但整齊簡潔清新，感覺舒適。餐牌中英對照，新式素菜，令人期待。而且可走蛋奶、五辛，真是全素人士的福音。日式定食，$88。雜錦配菜連甜品有六款，再加麵豉湯和烏冬。豆腐滑嘟嘟，南瓜餅酥脆，日本蕃薯甜美，素魚腐吸入湯汁，甜甜的好滋味。如此簡單菜式都可以好好味。泰式香辣不可能肉醬意粉，$88。這個仿肉味道和質感和真肉很相似，沒有怪味，令人意想不到，很讚👍。意粉微辣，煮的時間剛好，外軟而麵芯有煙韌的口感。加上不同配料，色香味俱全。朋友暴風KO了，就知味道一流。再飲杯熱玄米茶，清香撲鼻又暖胃，很滿足。

黃店💛新年食左咁多肥膩野都要過翻個Green monday💚-【不可能漢堡包】$128佢個肉質真係似食緊牛肉😱入面仲做到紅紅地扮到medium rare咁😂煎到同真嘅牛漢堡扒一樣咁香又帶咬口，而薯條係用蕃薯整㗎🍠【忌廉菠菜闊條麵】$88都幾好食😂而且個汁好濃又幾creamy🤩【日式豬扒意大利飯】$88意大利飯配咖喱幾特別，有別於普通咖哩配珍珠飯😏咖哩濃度一般，🤗不過素豬做唔到炸豬扒嘅感覺🐷佢應該係半煎炸，肉質相比起牛就有啲失色啦😭可能煎得唔夠乾身，入面就似肉餅咁一粒粒碎嘅齋菜咁🐽得5-6成似真肉🤔野飲個味幾清新，感覺都幾足料嘅😬【純素芝士蛋糕】+$30味道同質感都同平時啲芝士蛋糕有得揮😈-整體對於食肉獸嘅我嚟講🤭我一啲都唔抗拒係到食多幾次素牛豬🤤因為佢做到肉嘅感覺同味道，而且都幾夾🤪=========================素年地址：深水埗福華街191-199號福隆大廈1號地舖

全素香蒜意大利粉🍝 【支持黃店】相信大家最近心情都不多好，最近看了Netflix一套紀錄片，食素除了身體健康更強壯，更對精神健康有所幫助，所以最近都很喜歡吃素。這家是深水埗吃素的小店，整體不錯，為大家介紹！( ´▽` )ﾉ 想不到深水埗都有這類文青小店餐廳！ 食素不一定會食到好悶，這款香蒜意大利粉就是最好例子！٩(˃̶͈̀௰˂̶͈́)و 意粉煮得剛好，不會太軟身，好有咬口。再加上不同香料Rosemary、紅尖椒、大大小小的蒜頭、蒜片和蒜粒，是超惹味，不辣但就好香！(⁎⁍̴̛ᴗ⁍̴̛⁎) 超喜歡！ 這小店新年時還派揮春，加分！

食過一次後一直好好好掛住佢嘅野飲所以就算要早一星期book位都要再encore!今次叫咗：咖喱吉列豬意大利飯不可能漢堡包青蘋果西芹羽衣甘藍植物奶個飯濕潤度剛剛好，唔會太dry又唔會好似水咁咖喱惹味送飯一流仲有豆係飯到，感覺好健康即刻覺得營養多咗個burger相對上冇咁特別，同其他地方差不多係個sidedish好特別，係蕃薯條食到有蕃薯味個種到野飲！！！！！上次係飲香蕉火龍果今次係蘋果西芹依舊係好fresh，又唔會好甜係自己好鍾意嘅味道！會繼續支持！

素年係其中一間非常喜愛的素食餐廳，大部分食嘢都係文青。環境十分好，食物每次都可以維持水準，今次叫了個日式定食，有前菜湯主食加甜品，樣樣都好好味，小弟似港女喜歡食紫薯，可樂餅又夠香口，個腐皮烏冬熱辣辣好好食！

呢日去到深水埗食素， 我哋去咗間比較新派嘅素食店， 我覺得餐廳係新派係因為佢哋會有漢堡包和日式咖哩等， 平時喺傳統素食舖少見嘅食物， 餐廳都算係小店大約30個座位左右， 我哋當日都要排咗一陣隊先有位。日式定食呢款日式定食有多種配菜， 有素魚腐， 豆腐，毛豆 番薯仔，木耳 等等， 烏冬係用咗讚岐烏冬， 食落爽口彈牙。日式咖喱吉列豬扒意大利飯吉列豬扒係用咗Omnipork 嚟做嘅素豬扒， 我上網了解個素豬扒嘅成份， 係用咗碗豆 ，冬菇和米等於組成， 食落口嘅味道和質感同真嘅豬肉差不多， 有啲似免治豬肉嘅咬口， 豬扒嘅外層都炸得幾脆， 咖哩汁方面用咗日式嘅咖哩汁， 偏甜和辣， 用咗咖哩汁嚟燴個意大利飯， 所以粒粒意大利飯都有咖哩汁嘅味道， 飯裏面加咗蘋果可以中和返個辣味。黑松露蘑菇漢堡包呢個係用素菜做嘅漢堡包， 漢堡肉用咗大啡菇嚟代替， 大啡菇上鋪咗一層溶咗嘅芝士， 會有其他沙律菜和番茄等， 食落幾次食緊有肉嘅漢堡包一樣。

講起食素，通常就會諗到係食蔬菜類、比較清淡不過香港人對於食素嘅要求都越嚟越高，而家嘅素菜已經唔係普普通通嘅蔬菜，完全可以媲美肉類嘅色香味同飽肚感，所以今次搵到間比較有特色嘅素菜店，試一試呢度嘅素菜係咪咁與別不同呢度嘅裝修簡潔，座位舒適晚餐嘅種類比想像中多，因為有唔同國家嘅風味，而且餐牌好細心寫低每樣食物嘅成分，有需要仲可以走蛋奶同五辛黑松露蘑菇漢堡包呢款漢堡包雖然冇肉嘅成分，但係黑松露本身嘅味道非常突出，加上有濃郁嘅車打芝士味道，將原本清淡嘅蔬菜味道提升幾倍，食落多汁又好味漢堡配搭嘅薯條係用蕃薯條，食落比起一般薯條多咗少少甜味日式定食呢款定食好豐富，大大碗嘅烏冬配搭不同款式嘅蔬菜，仲有埋麵豉湯同甜品雖然配菜只係普通蔬菜同豆腐，但係好細心地加上不同嘅調味，令配菜變得更有特色炸得外脆內軟嘅薯餅日式咖哩吉列豬扒意大利飯呢個飯用上香濃嘅日式咖哩醬，食落偏辣，夠曬惹味，加上炸得極為似真豬扒嘅素吉列豬扒，配搭煙韌嘅意大利飯如果唔係一早睇到餐牌，實在估唔到呢一個係一份素菜隨餐附送熱玄米茶或者凍伯爵茶呢度嘅素菜比想像中有驚喜，除咗款式多，份量都十足，完全可以食得又飽又健康

這天去深水埗兌換外幣，步出找換店想找個地方吃午餐，發現數月前去過的的素年就只有一條馬路之隔。店舖以文青的裝修風格，以及有水準的食物質素，吸引了不少年青人及女士光顧。這天選了兩份午餐。日式定食$88麵豉湯稍咸，冷豆腐很白滑。雜錦配菜有新鮮有豆香稔的枝豆和木耳及青瓜漬，外脆內香軟的南瓜薯餅，糖潰迷你蕃薯及有兩大片豆皮的滑滑湯烏冬。整個定食買相精緻，製作認真。不可能肉醬意大利粉$88不可能肉醬的味道與口感幾可亂真，完全不覺正在茹素中。自家製純素巴馬臣芝士混和於素肉醬與意粉中，整體酸香味濃，加上一點點辣度很滋味。熱玄米茶凍伯爵茶

喺深水埗，竟然俾我搵到一間極具文青風格嘅素食店，純白簡約嘅裝潢，就像這個老區中的一個清泉。不可能肉醬意大利粉 $88就咁聽個名，真係估唔到原來係一個素食，即使意粉上枱嘅時候，同真係肉醬意粉，可以話係毫無分別。意粉用上純素嘅芝士烹調，加上有「堅」蕃茄粒，味道方面既濃郁又清新。意粉方面，煮得既煙靱又爽口。至於主角方面，個不可能肉醬，咬落去好有肉嘅質感，對於愛健康嘅朋友來說，可以話係一大喜訊。日式咖喱吉列豬扒意大利飯$98份量非常大，意大利飯用上雞髀菇，車厘茄同蘆筍烹調而成。加上味道濃而不辣嘅日式咖喱，對意大利飯來說係一個全新口感。厚切新豬扒，外皮炸得香脆，帶一點仿肉味的豆香。兩片蘋果，不只是裝飾，糅合了淡淡咖喱汁的蘋果，更清更甜純素芝士蛋糕 +$30加$30點都要食，反正人生中都未嘗過素芝士蛋糕，味道方面，可以揀原味，今晚特別少少，揀咗士多啤梨味。看一下這個芝士蛋糕的擺碟，都已經值回票價。味道跟真正的芝士蛋糕相差無幾，口感豐富熱玄米茶，凍伯爵茶絕對係真材實料嘅玄米茶，夠晒香噴噴食得好開心，每道菜都係驚喜，仲好健康添

身邊有朋友開始茹素，我都多留意素食餐廳，素年一直係我bookmark入面，今次終於夾到時間嚟食🥰素年坐落深水埗地帶，算係鬧市中清泉餐廳唔算好闊落，但裝修簡約晚市餐牌有10款選擇，款款都好似好好食🤤最後揀咗冬陰功意大利飯同不可能漢堡包先來嘅係冬陰意大利飯🍛，絕對係必食！濃郁嘅冬陰功味道配上大量蔬菜🥬，惹味又唔算好辣，意大利飯有咬口，配埋酸辣冬陰功原來都好夾🤣跟住係不可能漢堡包🍔，第一次食不可能肉，由紅菜頭整成嘅漢堡，口感同真漢堡真係有9分似😂但個包都唔夠番薯條出色！香口又有啲煙韌😍食到停唔到口，如果可以單點小食就好🤩餐飲方面我揀咗熱玄米茶，朋友揀咗凍伯爵茶，兩款都正常表現，如果想飲其他都可以加錢轉特飲食後感好簡潔：絕對會encore，想試勻成個Menu😂素食絕對可以健康又好味，新一年大家都可以多嘗試，溫馨提示記得要訂位，晚市full哂架！💁🏻‍♀️

邊個話素食就等於淡茂茂/無啖好食⁉️ 隨住素食愈來愈普及 香港其實而家都有唔少高質既素食餐廳 而呢間位於深水埗既「素年」就係其中一間😚_呢間素食餐廳主打fusion菜式 雖然menu唔算大 但真心每道菜都好吸引！_{日式咖哩吉列豬扒意大利飯 $98 🐷}呢塊吉列豬扒其實係塊全素既omnipork 係用冬菇同大豆等材料製作而成～ 雖然冇豬肉成分 但食落質感同真正既豬肉有七八成相似！加上炸到脆一脆 完全可以以假亂真😻底下既咖喱意大利飯軟硬適中 咖哩味道香濃 辣度啱啱好 加埋啲蘆筍 蘑菇 同番茄仔 成碟飯惹味到完全唔覺得食緊素！😋_{黑松露蘑菇漢堡包 $98 🍔}呢個burger一樣有驚喜！黑松露蛋黃醬味道非常香口 大啡菇極為厚肉juicy 加埋多到滿瀉既半溶 chedder cheese 成個burger味道好豐富！😻😻伴碟既蕃薯條都好好食！味道香甜 而且炸得鬆脆但唔油膩👍🏼 食完好滿足🥰_不過呢度因為食物高質兼且係💛店 基本上晚晚都大排長龍 所以建議想黎既話 就要先訂座囉～😚

雖然不是素食者，卻間中會吃素，我比較傾向吃有特色的素。聽朋友說素年的食品都比較西化，剛巧今天是十五，就去食素。香蒜橄欖油意大利粉份量夠，意粉口感沒過腍或過硬，更保留香草和蒜香味道，雖意粉有頗多蒜片，但味蕾卻不會只有蒜味。不可能漢堡包裏面材料有洋蔥、火箭菜、芝士和漢堡，吃下時，心裏滿是疑惑，根本就是真漢堡，因漢堡包口感、賣相和味道和真的一樣，但素漢堡卻是用豆，椰子等的材料造成。純素芝士蛋糕這個另外加$30就可以嚐到了，媽媽不停說做得不錯，蛋糕不會只有奶味，卻吃到芝士鹹香味，質感亦不是硬身芝士餅。玄米茶中的玄米味道很香。建議大家到來時先訂座。

今晚去深水埗的素年，最初打算walk in，但坐車的時候看openrice突然發現晚市只接受預約，就即刻打去book位。去到餐廳，一問侍應，她說所有位都可以預訂，會有full booking的情況，所有才寫晚市只限預約。今晚唔爆，都見到有walk in客入座。晚市餐牌有10款菜色，我及女朋友就揀了日式咖哩吉列豬扒意大利飯及不可能漢堡包。這兩道菜有個共通點，吉列豬扒及漢堡都造得很似肉，尤其漢堡，咬入去有肉汁的感覺。漢堡包有薯條伴碟，這是蕃薯條，雖然不是新鮮出爐的熱辣辣，但都幾脆。咖哩意大利飯都整得幾好味，但入面有露筍，我就不太喜歡我係偏食的小朋友。飲品方面，其中一杯叫了青蘋果西芹羽衣甘藍燕麥奶，感覺幾清新，唔錯最後，加了個純素芝士蛋糕，味道就一般。另外，店舖內感覺有點迫，枱較細，枱同枱之間的距離都較窄。

星期日晚如常出外去街覓食 近年興起素食之風亦都令市面多了不少素食的選擇，健康之餘亦為環保出一分力。今次選擇了位於深水埗的新式素食店，跟以往的素食店不一樣，無論是食材的口感及味道，均是幾可亂真。是次叫了"不可能漢堡"及日式咖哩吉列豬扒意大利飯，以及加了$$轉了餐飲做青蘋果西芹羽衣甘藍燕麥奶，而另一個餐跟了熱辣辣的玄米茶～ 亦都另外加了純素原味芝士蛋糕"不可能漢堡"一尼到，已經令人驚喜萬分，面包是有誠意的烘底，露出grill 個的味道，而漢堡中的肉更加是有juicy 的效果，一切開露出似肉類的淡粉紅色。 跟餐的番薯條亦是水準十足，美味非常，沒有令人覺得油膩。日式咖哩吉列豬扒意大利飯的吉列豬扒感覺都令人有驚喜，每一粒飯都包著咖哩的醬汁以及有小量的蔬菜於飯入面，豬扒的吉列外皮炸得香脆。青蘋果西芹羽衣甘藍燕麥奶飲落係青蘋果味為主，十分健康～反而芝士蛋糕感覺一般總括而言，都是一間十分值得推介的素食之選，但記得去食前要打電話去預約，免得去到無位呀