紅螞蟻 (已結業)

我今次係第3次食，上個兩次都係夜晚食，覺得好好味，但今次同個friend下晏4點食啦，d tea set個d野唔好食lor...我個friend叫左個茄汁ge海鮮意粉，點知一d茄汁味都無，好鬼淡wo...我叫左個小食，係雞軟骨，但係好多粉lor...如果要係到食tea，就唔好叫tea set入面個d啦....散叫會好食d!!!

cwb來說錢十分ok！牛仔骨通粉吳錯！有好多舊牛仔骨！不過曼魚飯就麻麻，吳好叫。最後叫左個朱古力甜品，呢個幾好！吳收加一，環境都幾好。整體上都ok o既。

紅螞蟻係我中學時代已經當佢\係飯堂焗飯係最出名但係飯食得多都悶啦今次同個中學同學來呢到食晚飯聚舊叫二人餐\set 點了1)豬仔骨2)田螺煘焗薯蓉3)寬條麵(白汁來的)4)天使麵(蒜蓉?)5)熱檸茶講真兩個麵真係唔記得係咩料但我始終覺得一個好的麵質同汁比料重要兩個麵都算中規中矩不比焗飯差幸好唔算太油因為之前食那個墨汁麵好多油汁唔稀夠杰(不過好快飽好滯)豬仔骨唔夠入味幸有醬汁搭救田螺薯蓉也不錯熱檸茶尚可茶質OK

應該唔會來呢一到，雖然都只不過係個星期四既午飯。12點3來到，唔使等就有位。坐低睇餐牌，午市套餐都係三十幾蚊一個包野飲，係apm來講一d都唔貴，係city super food court 都四十幾蚊啦。我無叫餐，叫左個麻辣肉碎米粉，但係就一d都唔麻辣，都幾失望下。同係裕民坊食碗麵都好過...可能食晚飯會好d...

通常早上要一個肉腸通粉，湯底不錯，另奶茶香滑，或cappuchino都是不錯的選擇。比起快餐店的味道及環境相差太大

是日情緒低落，想到朱古力可以令心情好些，以此印証一下．落單後唔駛十分鐘送到，心想好似快了些！買相唔錯，vanilla saurce 分開送上，一砌開朱古力漿漫漫湧出，細嘗後覺得外層欠鬆脆，好似食普通朱古力蛋糕，裡面也不夠熱，似乎唔係即焗，失望！旁邊有好多朱古力漿同芒果做伴碟，朱古力唔夠香濃，好在亦不過甜．總覺得心太軟無雪糕一齊食欠缺一種冷熱contrast 的效果，不過．．28蚊都算交足功課！連加一都無．吃畢．．心情依然灰灰黑黑，就好似呢件心太軟一般．呢個朱古力說法可能要改改，或者人大左要求都高些，下次都係搵番好似VQ般o既質數.

12/11 night睇完show~嗌到聲嘶力竭，爛喉嚨咁滯，拿拿聲坐低飲杯0野潤0下∼我：凍檸汁朋友1：青檸梳打朋友2：甜品心太軟，開頭對佢無期望，因為好多地方食過都係唔好食，開頭朋友叫我試下我都耍晒手咁，但後來佢試完後話唔太甜，叫我試0下先！試0左啖，真係唔係咁差，朱古力唔太甜，重要0既係夠熱，係0岩0岩整好果隻。加埋細佬order既飲品，百鬆d埋單。

06/08 Lunch 同食齋朋友lunch，我叫0左「白酒汁焗龍月利柳飯」配西瓜汁，朋友諗0左一陣就叫《酥炸芒果pancake》，等0左成10分鐘終於有得食，徐徐聞到焗芝士白汁獨有香味，急不及待食0左啖，一食當堂「嘩」！！∼∼一聲嗌0左出0黎！！d飯熱到我係咁擘大個口透氣！朋友笑笑口咁話我心急（慘…）但真係好好味！！白汁夠滑夠香，稠度適中，0岩0岩附係炒飯底上面，確保每一啖都食到白汁炒飯，正！！食齋朋友見到又貪得意試0左啖，即刻大叫好味！我地lee d分甘同味派！緊係分碗過佢一齊開心下！最後食到焗盅個“qark”都乾淨晒！諗住西瓜汁都係超市貨仔架喇，之不過飲落居然feel到鮮榨果汁0既口感，就係果種…d果肉搗碎混和0係果汁裡面0既感覺。最後個炸pancake個樣雖然好似炸火農0左咁，不過入口又另一回事∼脆脆地甜甜地幾好味。下午茶價，抵食。

又係食焗飯，我要青胡椒窩蛋野豬肉腸焗飯($58)(都唔知點解改個咁鬼長名！)，老婆就要西班牙汁焗牛飯($45)(咪即係茄汁牛飯！)。野豬肉腸唔錯，些少肥，有5舊，而且唔係細舊。牛飯就有欺場，牛已經好少，佢重要將牛切絲，當堂冇哂口感！重有，佢人手唔夠，我初初去到時候差不多12點鐘，雖然係早，但係已經有幾檯客，得一個妹妹仔，叫佢點樣serve？！

20050618 5.30pm約了好友A先生食tea, 佢揀呢度, 近佢返工.兩個tea set-* 朋友食- 香菇魚片麵, 賣相一般, 食味則不得而知.* 我食- 醬燒牛舌($28), 好得, 入味又夠腍兼有肉香, 不過唔夠喉得兩小件.跟tea set 有餐飲咖啡或茶.service 一般.埋單唔知幾錢, 多謝老細.

二個人去左呢度食dinner~1.腰果蓉磨菇汁牛肉焗飯:因平時食茄汁OR咖哩味都悶,諗住試下呢個,點知出黎既味道唔錯,幾香幾夠味2.蒜蓉豬仔骨:好香好脆,有成4件,仲附埋特製茄汁蓉,好正3.肉醬焗薯皮:熱辣辣,好香好脆~正4.涼伴茄子:凍凍地,本身應該幾清甜架,但佢既醬汁用左好似花生醬,有少少"流"...埋埋地No.2-4全為小食,價錢平均$20-35,幾抵食^^

同男朋友行銅鑼灣，六點幾就諗下食乜野，驚晏d要等位!一向都有黎開紅螞蟻，就呢間啦!我估都幾多人黎食下午茶，所以六點幾都冇卡位坐!!!叫左個鵝肝鴫肉醬菠菜焗千層麵---次次黎親一定叫呢個，必食!!每層麵之間都舖上菠菜，又有d肉醬，酸酸地好開胃!!日本淡咖喱燴鮮牛肉伴瑤柱芥菜飯---普通啦，唔覺得呢個咖喱有乜野特別!!!個飯加左d瑤柱芥菜，有d似菜飯!!紅豆綠茶布甸鮮雜果---個鮮雜果串埋一齊，有火龍果、西瓜奇異果、芒果，五顏六色好colorful!個布甸幾特別，綠茶布甸裡面有d紅豆!!軟心朱古力榖物甸---haha，又係有串鮮雜果，唔知係咪唔太鐘意食朱古力，覺得好甜同好"漏"，食左幾啖就轉食甜品叫了紅豆綠茶布甸鮮雜果!!今次食左$190，食得好飽!!去過旺角、淘大的紅螞蟻，覺得呢度多d食物選擇同埋較好食!!

今日去食lunch, 叫左個set lunch, 四十零蚊有飯有drink共5款可選, 我選了一個"鮮茄香草烤原隻羊膝肉醬炒意粉"同一個"鮮茄肉醬聖子焗飯", 餐飲可以跟西瓜汁或咖啡茶, 再order一個炸大腸$25個杯西瓜汁好快就到, 果然真係新鮮即榨, 好甜好有果味, 又大杯好鬼正!! 個原隻羊膝果然真係好大隻, 大隻到個伙記要另外比多一隻碟比我載住, 個d肉煮得有d過火, 所以有d鞋但好在都未un, 不過真係啖啖肉好大隻, 個d肉醬就少左d唔夠撈意粉, 個意粉就煮得硬身左d, 但係都可以接受.炸大腸都好大碟下, 但係就好鬼肥, 不過食得就唔怕啦, 食啦!!聖子焗飯個肉醬汁其實都同羊膝個肉醬係一樣的, 但係聖子焗得過火, 搞到又un又硬, 唔好食啦! 但係個肉醬撈落白飯真係好正, 令人不禁食多兩啖! 店內service不錯,反應快, 裝修比尖咀分店好得多, 不過冷氣超強勁, 小心!!

同爸爸媽媽去食飯, 叫了2人餐, 包1個小食(雞軟骨或四季豆), 2個焗飯, 2個甜品及2杯飲品.麻醬四季豆唔錯, 就算最唔食菜o既人都會覺得好食.焗飯有焗排骨飯及芝士三文魚焗飯焗排骨飯味道幾好芝士三文魚焗飯好好食, 只係味濃左少少甜品的雪花糕只係大菜糕, 麻麻黑芝麻mousse好正!再加2杯飲品及一杯熱飲, 約$200埋單.

真是多人來這間吃午餐，一個午餐賣40多元，但得一個主菜和一杯飲品，少一點規模啊！焗飯其實幾出色的，又大碟，吃三份二都飽了。推介甜品焗朱古力布丁，真是很好吃，很有朱古力味，真是吃一件都嫌少啊！環境有點嘈，始終還是走茶餐廳路線，都算數啦……