紅螞蟻 (已結業)

前言：早上到銅鑼灣開會，到此吃早餐。早上十時，入坐率達八成，多為附近的保險經紀。食物和評語：點了早餐‘K’，價值$20（免加一）。早餐包一大碗「牛奶粟米片」，內有約一飯碗份量的無糖粟米片和一飯碗牛奶，上到餐桌，粟米已經開始「淋」身，不太美味（個人討厭浸到發漲的粟米片）。此外，還有「香草牛油多士」，半片烤得香脆可口的厚吐司，塗上帶蒜蓉味的「香草牛油」，幾香口惹味，多士烤得相當出色。（早餐吃鹹味的蒜蓉牛油多士，還是第一趟。因平常總是吃牛油果醬多士！）至於，餐飲點了即磨咖啡，水準一般，飲得過。註：有關那片厚吐司，實在想說一兩句話。餐牌明明寫「牛油多士」，送來才知是蒜蓉味的牛油多士。對於抗拒吃鹹味多士作早餐的我，有點不太開心。要求給我果醬，侍應話不能提供，叫他們更換為塗普通牛油的多士，又嫌麻煩！唉，一早碰到如斯經營手法的店子，整天悶悶不樂。（其實，只要店家另外給我果醬，一切便無事！）

例牌叫了碗"炸大腸髮絲麵椰汁海鮮辣湯底", 可惜今次真係好唔得...可能我好耐冇食, 所以特別feel 到同以前唔同~~其實炸大腸同埋髮絲麵都冇出問題, 炸大腸照樣好脆, 夠份量; 髮絲麵照樣粗粗地.....可過椰汁海鮮辣湯底就好差! 冇辣味就一向架啦, 以前食都唔辣既, 但椰汁味而家係完全冇晒! 以前個湯真係好吸引, 好香椰汁味! 但而家就好似只係普通既白色鹽水咁! 係好咸! (唔係濃, 係咸!) 第一次食唔晒呢碗麵!!另外試了杯特飲: "紅西柚蜜糖特飲", 一個字: 酸!!好酸!! 一d 蜜味都冇!! 如果加番岩份量蜜味, 應該會好飲既.....我估...總之今餐好失敗啦!(見佢往績唔錯, 我會比多次機會佢既...)

平日都唔會食早餐，難得約左同事，就揀左呢度享受一份豐富美味0既早餐啦﹗估唔到早餐只係$20/份，仲有成十款俾你揀，又唔洗加一，仲可以跟cappacino添喎，抵到爛﹗而且個早餐個份量都唔細，我叫0既火腿白菌奄列就非常大份，食完真係飽到不得了，真係唔錯啊﹗茶餐廳食個早餐都唔止廿蚊啦，delifrance仲貴，而家有咁0既環境，都只係廿蚊，仲想點喎？﹗

晚上在這裡開餐，我和仔仔叫了一個蜜汁焗銀雪魚飯（$55)，一個香炸魷魚鬚($25)和一杯檸檬可樂($18)。的飯幾硬，蜜汁很少，好在有豉油在內，銀雪魚有兩片薄的。魷魚鬚炸得幾香，不過有些少濕，味都不錯。總括來講都幾好，不過價錢OK 哪。

琴日黎紅螞蟻食lunch,一個set有野食有野飲,揀左個紫菜魚卷米線,一片片既魚卷,就好似薄薄既壽司,只不過飯變左魚肉,魚肉唔腥,幾好食,同埋我覺佢有自己既特色,米線普普通通啦,都夠滑。飲品我就西瓜汁,有d甜,應該加左糖水,不過無乜所謂,因為反正我都expect呢度會有鮮榨果汁架啦!

一行6人,公司請,完工後都差不多十時都仲幾多人由於(第一次)太多選擇,又聽說有人說它質素下降了平平穩穩叫左一個焗海鮮通粉($48)同一杯石榴檸檬雜飲($25,2杯$40)分量都不少,味道一般.不難吃,seafood係雪藏,drink都ok,下次叫一些特色食先~

星期四夜,三個女仔"柴娃娃"走行街,8點幾去食飯,都知道要等位,但係估唔到要等半個鐘.叫咗京式烤鴨肉葱油薄餅($52),鵝肝鴨皮醬菠菜焗千層麵($62),香檳芥茉汁焗鮮牛肉飯,warm chocalate pludding($25).整體上都O.K.,味道都可以.個千層麵仲有好多波菜,令人食落無噤"流".但係個warm chocalate pludding好差,切開都無朱古力醬流出'離',好失望呀!諗住好似愛情噤,切開咗D愛意會好洶湧,好澎湃,濃濃嘅朱古力醬,令人覺得好Sweet,好幸福!!!

其實咁多間紅螞蟻最好都係去銅鑼灣個間(間間都食過下),而最值得一試既係酥炸通菜,薯皮仲有我鐘意食既意大利雲吞(要有心理準備係幾漏下ga),而佢個香姑飯都唔差,真係幾香ga

今次係我第一次幫襯lee间, 食左個芥辣牛肉飯, 我最like 嘅雞翼米& 第一次食嘅梳乎厘, 飯& 米都係一般水準, 但係個梳乎厘真係一個surprise! 份量又夠2 person, 味道又唔錯, 只係三十零蚊, 都ok喎!