紅伶飯店

營業中

休息中

之前試過紅伶飯店潮州打冷，味道唔錯價錢都好抵食。今次係附近開會，見到推出咗秘製羊腩煲，睇落唔錯，同埋宜家天氣又凍返，咁試試啦。鋪頭都好大，分上下兩層，傳統打冷蠔粥，鹵水鵝片同韭菜豬紅上次已經食過，今次揀咗秘製羊腩煲同避風塘炒蝦。秘製羊腩煲好快黎咗，搭配買2碟腐乳醬。羊腩煲配料好豐富，有羊腩煲，支竹同馬蹄。羊腩份量都好大，大部分都連住皮，湯醬香味好濃郁，唔洗點醬已經好夠味，加埋腐乳醬，味覺層次更加豐富。支竹同羊腩湯好夾，嗦曬羊腩煲湯底味道，好食到停唔落口。避風塘炒蝦，炒得好有鑊氣，大大只蝦有差唔多10只，蝦炸得脆啵啵，蝦殼都可以食埋，蝦肉好新鮮，食落好鮮甜彈牙。兩個女仔食兩個餸份量好足夠，特別係羊腩煲，最後食到好飽TIM！

唔去過都唔知紅伶飯店原來咁有feel, 熱鬧得黎感覺好地道，同朋友吹水食飯一流! 不過超爆場，平日晚飯時段都勁多人等，預早卜定枱可能會好d呀!依度出名小菜，連反沙芋都有，好想食但今晚人丁單薄，兩個人決定叫左個同樣係依度既名物 - 羊腩煲🐏細羊腩煲其實一d都唔細，滿滿的，無論羊腩，枝竹同埋馬蹄都比得好足! 羊腩入口腍滑，香而不酥，皮位Q彈，同腐乳簡直係perfect Match😋馬蹄爽口sharp sharp聲，私心勁中意食枝竹，因為佢羊腩汁底100%濃旭勁香，但又唔會咸同味精感，枝竹索哂d汁超正!!! 無可能唔嗌白飯，兩個人餸4碗飯都無問題😂羊腩煲伴侶絕對係生菜🥬煲到最尾扔哂d菜落去，索埋d精華，食菜都食到lamlam脷😋啪埋罐可樂已經飽哂gur哂滿足哂，依個羊腩煲係有料到👍🏻

📌 紅伶飯店 - 油麻地砵蘭街10-16號宜發大廈地下D及E號舖🗓(13/2) 星期一 ⏰ 晚上7點左右 💈特式：今日收工又去果欄買生果，每次去開果欄又未食野嘅話都會幫襯呢間紅伶飯店，今日經過見佢仲有羊腩煲，就準備襯佢尾水嚟食返次，所以如果大家見到呢post想嚟食羊腩煲可能要先致電餐廳問問先。🥩🍔🌭🌮🥗🥯🥘🍲🍝🍣🥟🍤🍱食物：佢d羊腩煲係FB嘅群組都有一定嘅知名度，我今日就得兩個人，所以就淨係叫左1個細羊腩煲加1份冰震芥辣墨魚片，等我同大家講下🐐🦑味先。古法秘製支竹羊腩煲 - 佢個羊腩煲細嘅就賣$398夠2~3人食 ; 大嘅就賣$498夠4~5人食，佢地係用瓦煲，無咁易痴底，同埋個煲真係好深，好似食極都仲有咁。講返個味道就真係無得頂，味道香濃得嚟又唔咸，d汁可以當湯飲或撈飯食都一流，羊腩炆得夠淋，就連較大舊嘅肉都係炆到好淋，皮又有咬口，仲要食得出係用新鮮黑草羊，d肉望落係偏鮮紅色，唔會好似出面d雪藏羊咁暗啞，入面仲有好多馬蹄/炸支竹等配料，店員會每位客人會派一碟腐乳醬，咁就唔洗兩三個人share一碟，不過我就覺得唔洗點腐乳都已經好夠味。冰震芥辣墨魚片 - 呢個招牌菜我每次嚟都會叫，亦

呢間潮州打冷鋪，擁有50年歷史老字號前2年係油麻地重開，以兩層樓裝潢，一到夜晚仲係咁多人幫襯🙈*秘製羊腩煲 (細) 🐏 $398用原個瓦煲上，預先炆好，黎到再加熱肉質炆得夠淋夠入味👍🏾 骨既比例都有一半一半同埋比較容易痴底，記得要keep 住搞下😉*蠔仔肉碎粥🦪 (細) $39份量大約2碗半，問過職員 (中) 大約分到4碗半粥底好清鮮，唔會好腥，而且裡面除左有蠔仔，仲有魷魚📍紅伶飯店油麻地砵蘭街10-16號宜發大廈地下D及E號舖

是夜去果欄買水果前先在附近吃個晚飯先來到一間老字號的打冷店人流不斷 非常旺場 還好有預先訂位除了打冷必吃的滷水鵝和大眼雞門外還張貼了秋冬推介 非常吸引秘製羊腩煲有分兩個size 我們二人就點了一份細的沒想到煲仔細細 份量足足等於外面餐廳的兩倍基本上3-4人分享都足夠羊腩帶點躁味 腩肉一層肥一層瘦 口感一流煮得相當入味又軟淋 腐乳醬也調得剛剛好韮菜豬紅份量也是誇張的大 豬紅完全沒有腥味 韮菜幼嫩無渣最適合配個啤酒店內有幾款啤酒但因為有啤酒推銷員在 就捧場一下吧原本還想點個滷水鵝 但已經吃不下了推薦人多聚會來這裡 可以多吃幾款

今日天氣勁凍，就去左油麻地食人氣羊腩煲-紅伶飯店。未去到已見到排緊長龍，好彩有book 定位先唔駛排。 初時以為間店好細，原來有上下兩層。 下層比較細。上層仲要超大拎埋唐樓嘅露台做埋餐廳。咁大都要排隊等食，果然犀利! 古法秘製枝竹羊腩煲（小煲）$398直接叫羊腩煲暖一暖胃，尤其咁凍嘅日子更加要暖身補血。 伙記仲話好多人食唔駛拎一半返屋企再煲來食更加好味。 用gas 爐燒住，夠晒熱辣辣。羊味夠濃，唔會太蘇。 羊肉皮夠乾淨清晒所有毛髮，肉質夠彈牙，唔會太霉。 南乳醬夠濃味，馬蹄夠多可幫助降火。 仲有碟生菜跟，兩個女仔超夠食。滷水什錦 $139滷得夠入味，超多餸食。有紅腸、生腸、芽菜、墨魚、豬耳、大腸、腩肉、雞腎及豆腐。 超級豐富，所有打冷餸菜超爽口!

捉住冬天嘅尾巴，約友人去食羊腩煲，但我竟然係今個冬天第一次，感覺仲趕得切😂😂因為天氣仲有少少涼意！紅伶飯店大家絕對唔陌生，個羊腩煲絕對係正！👍🏻👍🏻兩個人去食叫個細羊腩煲都已經好夠，入面起碼有20舊羊腩👍🏻👍🏻，仲有其他配料！羊腩肥瘦適中，非常入味😋😋😋煲入面仲有馬蹄，枝竹。我個人好鍾意食枝竹，入晒味，好鬼正！👍🏻👍🏻我哋仲叫咗個白飯share，食羊腩煲點都要食啲飯送下先無咁寡😂😂每人再叫罐汽水，簡直係完滿😂😂好彩早去，6點半左右開始多人！😂😂😂😂

如果想食潮州菜，同埋一班朋友舉杯暢飲，呢度真係好選擇。個晚已經成9點先黎，都係座無虛席，好熱鬧。而且夠哂地道，夠哂鑊氣。✨秘製羊腩煲兩個人食，揀個細既好夠食。好足料，羊腩啖啖肉，肥瘦適中。好腍好入味、唔覺羶。配料仲有支竹、馬蹄。湯汁好濃味實在忍唔住要叫碗白飯撈湯汁。✨黃金苦瓜即係鹹蛋黃苦瓜。本身唔特別愛好苦瓜，但呢道菜鹹蛋味非常香，苦瓜甘味唔重，平衡剛好。✨冰震芥末墨魚片中式版sashimi。墨魚片本身有香濃麻油味，再點埋豉油芥末真心好味。墨魚片下有酸菜，酸酸甜甜又爽口，好開胃。

趁仲係冬天要食多幾次羊腩煲😂😂😂今晚黎左呢間小有名氣既打冷店！大路既潮州菜式都有齊，價錢相宜👍🏻羊腩煲｜用瓦煲上特別有feel🥰羊腩炆得好入味，連埋層皮一齊食帶啲肥膏仲正🤤羶味唔太重，唔好羊既朋友都可以試下！除左羊腩仲有大量枝竹同馬蹄，索哂湯汁超惹味😋白灼鵝腸｜鵝腸超級肥美🤩好爽口！連埋墊底既芽菜同蔥一齊食，口感更有層次👍🏻蒜蓉蝦乾蒸勝瓜｜面層鋪滿大量蒜蓉、蝦乾同粉絲😍勝瓜唔會蒸得過火淋哂👍🏻入口鮮甜，加埋蝦乾鮮味十足🥰仲想試佢個蠔餅反沙芋冰鎮墨魚片😂😂😂每樣食物都好出色！！

👈🏻紅伶飯店 #japjapjap_油麻地#japjapjap_潮州菜秘製羊腩煲 (細) $398天氣涼涼哋 食個羊腩煲暖吓胃先💛估唔到order咗個細煲嘅都可以份量咁十足羊腩肉質好淋 一啲都唔羶😋塊皮就好有彈性 骨膠原滿滿馬蹄好爽脆 枝竹索曬精華🤩點埋腐乳醬真係一流叫多咗碗飯撈汁😋冰鎮芥辣墨魚片 $109墨魚片好新鮮滑嘟嘟嘅口感 彈牙爽口啲墨魚腳超正更彈牙😍麻油味香 點埋芥辣豉油更能提鮮個底配咗酸菜 非常開胃🥳Overall食評最高5粒🌟)📌好味程度：🌟🌟🌟🌟📌回頭度：🌟🌟🌟🌟🌟📌環境：🌟🌟🌟📌服務：🌟🌟🌟🌟🌟餐廳名:紅伶飯店 地點:油麻地砵蘭街10-16號宜發大廈地下D及E號舖⏰:Mon-Sun 17:00-01:00

依間位於油麻地既潮州打冷店，係重開既老字號，有上下層，地方都大，唔係朋友話食羊腩煲都唔知咁多人食😳，都有唔少年輕人黎聚會。-💕 秘製羊腩煲(小) $398👅好味指數：8/10份量多好足料❗️細煲都夠2-3人食了，湯汁鹹香味濃好夠味🤤。羊腩羶味唔重同肥瘦適中，都幾大一件，唔多骨啖啖肉，皮又爽彈👍🏻除左羊腩，仲有馬蹄、枝竹，全都炆到入哂味🤤我覺得唔洗沾腐乳都好夠味了❗️-環境：6.9/10服務：7/10整體味道：8/10回頭率：7/10

位於油麻地砵蘭街嘅紅伶飯店，係估唔平日 一至四都幾多人喺出名排隊﹗原本就喺吳松街搬過嚟，估計都有唔少捧場係舊客，都有咁上下歷史。之前同朋友食過一次，今次趁冬天再試下佢個羊腩煲。羊腩煲叫一個都幾份量都適合 2-3人食，再加其他小食咁，羊腩份量幾多，羊肉吸咗湯底味，而腐竹整得夠軟熟，更加索晒羊腩煲嘅湯汁，仲有馬蹄等等，如果可以有埋筍就更開心啦～最重要係佢都係有爐滾住個羊腩煲，啖啖都可以熱辣辣咁食﹗芥末墨魚片滑嘟嘟嘅黒魚片配埋麻油非常香口，點埋芥末食好滋味～椒鹽九肚魚嚟食打冷就唔叫碟椒鹽九肚魚係唔會心息，即場炸起 魚肉夠肥大～外脆內嫩，最夾配啤酒食﹗

話說近排天氣漸凍，終於見到久違咗嘅單數度數既天氣，所以特登約埋個fd一齊去左間都幾出色既打冷食羊腩煲，估唔到都幾有驚喜入到去見到好多後生仔做傳菜，氣氛都唔錯，完全唔會有老派餐廳既感覺🙌🏻相信應該係二代打理，完全唔會有壓迫感✨——————🐽 秘製技竹羊腩煲上枱煲滾後一打開個煲蓋，就聞到勁香既柱侯醬味，份量亦都好多，有好足料既馬蹄，羊腩同埋技竹🤪羊腩食落炆到好林好入味，係每舊個size斬到比較細，而技竹就吸曬d汁，食落好有味，送飯同埋啤酒真係一流🫡

-{油麻地大排檔羊腩🍲}🤤二人羊腩煲🤤 ($398)啲羊腩有肥有瘦 羊多肉而且羶味都重！啲枝竹炆到好入味🥳可以煲耐啲先食會再淋啲同入味啲🤓腐乳醬點住羊腩食好惹味😜👖褲評: 8/10 $400落樓唔錯嘅 見到好多人幫襯☺️可以一試~性價比: 8/10服務: 7/10環境: 7/10🚩紅伶飯店🚩地址: 油麻地砵蘭街10-16號宜發大廈地下D及E號舖

一入去個女人好好禮貌 唔似平時大排檔同打冷既店 佢位置都算大 星期日夜晚去都full但又唔會等好耐滷水豆腐 $80滷水汁十分入味，豆腐亦好嫩滑。冰震芥辣墨魚片 $109墨魚片有鮮味，有食Sashimi既感覺。椒鹽九肚魚 $109椒鹽味香，又唔會過重，搶咗九肚魚嘅味，外皮十分脆，十分推薦。馳名煎蠔餅 $80外皮非常脆，又唔會太油膩，蠔仔亦都多，十分推薦。石鍋馬拉盞通菜 $119通菜綠嫩，味道唔算太重，可以更有鑊氣。蜜椒薯仔牛仔粒 $139個汁甜甜地，裹住每一粒牛仔粒同薯仔，薯仔淋，牛仔粒又冇根，但牛味就冇咩。