紅伶飯店

營業中

休息中

咸菜門鱔，好大魚聲味，簡單叫個三寶，冇麻油香，冇麻油就毫無冇光澤，春菜新舊交替，一煲春菜兩種顏色，一淡老，一淡嫩，根本差過一般嘅打冷，侍應好多都是小朋友，可能兼職，吾識招乎，上菜就甘放在枱邊就算，点解甘多人排隊？？？

鍾意打冷既 一定要黎試 好多款都好好味推薦以下菜式避風塘炒瀨尿蝦超惹味 又唔過鹹 瀨尿蝦鮮甜 肉唔會炸到乾晒 用黎配啤酒一流🤩🤩🤩潮式滷味 - 鵝肝無得輸呀～! 塊鵝肝又厚又香又滑 從來冇食過咁滑既鵝肝 有鵝腸同豆腐伴碟 鵝腸彈口👍🏻豆腐滑溜👍🏻🦑芥末魷魚刺身片我本身一般好魷魚 食左呢碟又係返唔到轉頭 爽！彈！滑！ 配埋芥末汁 仲更加鮮 佢仲用左潮洲甜酸菜墊底 加埋麻油 成碟餸好夾🤎🤎🤎 🦪蠔餅香港好少地方有好食既蠔餅 尤其炸蠔餅 一黎到見到呢度都係用炸既 都唔抱太大期望 點知食落又酥又脆又juicy 好好味 keep到蠔餅應有既煙韌口感 記得趁熱食 凍左難免會變得好油膩🙃🙃

近排呢間打冷店都多幾多人討論同推介，企鵝妹嗰日去到好彩book左位可以即刻入，但食完出嚟已經大排長龍lu，不過企鵝妹同友人嗰日一致覺得同預期有少少落差🙈🙈⭐️冰鎮芥辣墨魚片 $108呢個係店鋪嘅重點推介之一，墨魚爽脆，冰冰涼涼撈埋麻油，再加wasabi都幾鮮味，推介推介👍🏻⭐️馳名鹵水鵝 $130企鵝妹平時都鍾意食鵝件多過鵝片，覺得冇咁鞋同有d骨吮下🤣呢碟鵝肉鹵水入味，不過略嫌有少少韌，但整體都係合格嘅⭐️馳名煎蠔餅$80呢個係合格水平，蠔唔腥冇沙，炸粉少少厚，不過脆卜卜，我地好快清晒成碟⭐️蠔仔肉碎粥 $79(中)呢個都係合格水平，湯底偏深色，但食落唔算好鮮味同夠味，不過都算多配料⭐️豉椒炒蜆 (冇影到相) $98呢碟係我地全枱人覺得失望嘅餸，上枱已經見到好淡色，食落口覺得好淡冇咩味，企鵝妹覺得自己好似炒得好食過佢🙈🐧企鵝妹食後感:唔知係咪太多人盛讚，所以企鵝妹同友人嗰日覺得有少少失望。不過良心打冷店比較少有，亦值得支持，希望嗰日只係多人幫襯而影響質素，希望下次嚟會有更好體會!🐧企鵝妹推介指數: 6/10

💛有返晚市堂食, 同大家分享返呢間打冷良心小店 — 紅伶飯店, 快D save定啦!😍😍 佢地早前暫停營業再重開, 希望無論有冇堂食, 大家都可以勿忘初心, 繼續支持下良心小店啊💪🏻之前同朋友去食呢一間位於油麻地嘅良心小店，仲要係一間重開嘅打冷傳統老店😎店內有兩層，裝修仲係保留緊舊式飯店格局，空間都幾闊落，岩哂一班人黎食飯飲下酒食下野野食方面，今次我地同一班朋友黎梗係唔小得➡️"醉雞煲"啦😋 湯底有好濃黃酒味夠哂暖胃，雞肉仲有成隻雞咁多認真抵食!肉質無雪味，口感唔錯，係黃酒湯底煮完非常入味，話咁快就成隻清哂😂食完雞留返個湯底，我地仲叫左爽滑彈牙嘅蝦滑同潮洲魚蛋，枝竹同唐生菜黎打邊爐，真係必食推介👍🏻除咗雞煲，我地仲叫咗好多人推薦嘅➡️"冰震芥辣墨魚片"，墨魚好新鮮，咬落非常爽口彈牙，味道夠哂鮮甜😋➡️"滷水雜綿"就有紅腸，鵝腸，魷魚，滷肉，大腸等等，全部都非常入味又唔會太咸，而且處理得好好，好乾淨完全唔覺有渣，成班朋友都食唔停口😍黎得打冷又點少得➡️"煎蠔餅"? 呢到個蠔餅炸到金黃色非常鬆脆，蠔仔份量仲好多，加魚露真頭一流😍除左蠔餅，更係仲有➡️"蠔仔粥"，大大碗非常足料，除左蠔仔仲有魷魚係入面

好耐無堂食 再唔食唔知又會唔會停堂食朋友預先打電話book咗位所以準時入座唔使等好耐一入到去就可以掃QR code點餐好可惜冇晒鵝片 我都叫咗例牌鵝嗰時入座係8:30 已經冇晒鵝片So sad☹️ 不過啲鵝飲都好好食好味😍 喺下邊嘅滷水豆腐入晒味冰鎮芥末墨魚好出色 有墨魚嘅鮮味下面嘅酸菜 唔係我杯茶因為有啲沙🥺但可能呢個係個特色只可以話我唔係太鍾意蠔餅 & 蠔仔粥有下次既🤭 最正係蠔餅係脆身蠔仔粥個湯底 食得出係有心絲嘅黃金魷魚不過不失 但如果下次我會食返椒鹽😎炒番薯苗正正常常 都有少少鑊氣😎

好多人推薦、好多人排隊，但對我嚟講，名過於實，冇第二次。作為一間sell潮州打冷嘅食店，滷水嘅出品好重要。但我食到嘅滷水係，唔好意思，真係唔及格。滷水雜錦嘅鵝腸豬腸等等，完全似係啱啱白灼完撈埋啲滷水汁就上碟咁，完全唔入味。滷水鵝肝處理得唔係好好，內臟味仲好重。其次聲稱嘅招牌菜，如炒蕃薯苗、冰鎮魷魚，只不過係不過不失。另外好啲嘅有黃金蝦球、蠔餅同椒鹽九肚魚，不過只係正常大排檔應有水準，唔係特別outstanding ⋯⋯黃金蝦球嘅鹹蛋黃味可以再出啲再酥脆啲；蠔餅係幾脆，但略嫌賣相失色，上碟係偏深色，非金黃色，啲油可能炸咗好多次冇換😂不過念在價錢唔特別貴，就唔要求太高了。但見到人龍咁長，要排隊食就no thanks

之前睇其他人嘅食評都勁讚e間打冷，佢又有得係openrice 訂枱，早左兩個星期book左星期五晚～睇個門口已經覺得幾懷舊，有兩層，上面會再闊落啲，枱面都夠大唔會坐得迫～❤️馳名煎蠔餅 $80三大塊新鮮炸出嚟嘅蠔餅，睇個樣已經知佢脆，粉唔會太厚，啖啖都食到蠔，蠔冇腥亦都冇泥味，暫時係食過最出色嘅蠔餅👍🏻蠔仔肉碎粥 （大）$100平時我係唔鍾意食蠔仔粥，因為冇炸過嘅蠔仔通常一定腥，點知佢又冇喎，仲添左兩碗😂❤️滷水雜錦 $138想咩都要少少，雜錦就唔駛煩～有豬大腸、魷魚片、生腸、紅腸、豬腩肉、雞腎、大豆芽etc 滷水好入味，樣樣都夠淋，個人最愛豬大腸❤️冰鎮芥辣墨魚片 $108墨魚片切到一片片好薄身，爽口咬落會食到甜味；食完熱氣野食感覺仲正，冰火交融😂下面啲酸菜都幾好食❤️XO醬小炒皇 $118 好足料，有好多蝦乾、銀魚、魷魚、蝦etc 炒得夠哂惹味，係如果韭菜花再嫩啲就完美啦❤️豉汁蒸白鱔 $168根據我老竇經驗，一般自己買白鱔都唔平，佢話咁樣嘅價錢煮埋俾你仲要新鮮嘅係幾抵，下面有粉絲鋪底，撈飯一流～紅燒乳鴿 （一隻） $58乳鴿果皮燒得唔夠香脆，同埋有少少鹹，可能落得唔夠均勻😂👎豉椒炒蜆 $9

上年已經食過一次，誤打誤撞食到間好嘢，最近見到有YouTuber 推薦，趁佢爆紅多人排隊之前即刻嚟食多一次先。第一樣嗌嘅一定係主打 冰震芥辣墨魚片，HKD 108，基本上每介紹一個朋友都要話呢個好食，有驚喜。佢係凍食既，會有壽司豉油比客人點，下面有少少酸菜，有一種食緊日本刺身嘅感覺。滷水雜錦，HKD 130，都非常大碟，有豬耳、紅腸、墨魚片、鵝腸、豬大腸等等，送啤酒一流。滷水鵝，HKD 130，相對就冇咁驚喜，不過都好食嘅，幾肥下，如果再少啲毛就好啦。

下巴仔評分（5星為最高）味道：🌟🌟🌟環境：🌟🌟服務：🌟🌟抵食：🌟🌟🌟重點推介🤤👍🏻 冰鎮芥辣墨魚片店舖嘅其中一味招牌菜 墨魚切得幾大片 而且每片都有返咁上下厚度 食落好爽 好新鮮💕店家會附上芥末豉油 麻油味比較重 建議點少少就夠🤏🏻否則會長過墨魚嘅鮮味👍🏻 蒜蓉蝦乾蒸勝瓜無疑係好食嘅 蒜蓉粉絲非常夠味 勝瓜鮮甜 仲要有蝦乾喺面 呢個組合實冇得輸🏆但好可惜每樣都爭少少 蝦乾超細隻 同蝦米仔冇分別 食落脆身但冇蝦味 其他材料份量唔夠 呢個價錢來講算係有啲貴🤑👍🏻 馳名煎蠔餅食打冷必點嘅一定係蠔餅 蠔餅得邊邊位夠脆 中間粉漿偏厚 加上冇迫晒啲油出嚟 食食吓以為自己食緊蚵仔煎🙀但慶幸啲蠔仔大粒鮮甜注意事項⚠️- 餐廳好受歡迎 想黎的話最好訂咗枱先🙋🏻‍♂️- 環境比較嘈吵💥而且衛生狀況普通 想搵個地方傾偈的話就唔建議嚟呢度啦!- 因我哋已經食晒枱面上嘅食物但蠔餅仲未嚟 所以我哋主動請店員查一查單 但店員只回覆好多單 冇打算去廚房睇吓🙅🏻‍♀️再坐多一排之後 另一店員見到我哋枱面吉晒 先至去廚房睇吓 最後發現原來真係漏咗單‼️- 餐廳使用QR code落單📲

4月29日中午友人說晚餐想吃打冷，我立刻Openrice一下，看到紅伶很多好評，又不太遠，決定一試。我和友人6:45pm到店外排隊，沒有訂位所以都有心理準備排隊要較長時間。門外的人龍等了約2小時，大約8:40pm終於可以入座。與友人入座後，擔心不夠時間，所以立刻點菜。點了椒鹽九肚魚、欖菜肉鬆四季豆、避風塘茄子、乳鴿、滷水雜錦、蠔仔粥一碗，還有啤酒。一開始滿心歡喜，約15分鐘(9:00pm)，滷水雜錦、蠔仔粥和啤酒到了，想著把握時間跟友人暢飲吃飯，怎料到是另一個等待的開始…蠔仔粥很鮮味但不夠咸，所以麻煩侍應給我們些少鹽作調味，但等他們拿鹽等了十分鐘(9:10pm)，拿到來的時候蠔仔粥都吃完了… 不要緊，我們再加了另一客蠔仔粥，相信加一些鹽會更美味。等了約15分鐘(9:25pm)，蠔仔粥再次到來，但其他食品仍未到… 看著其他枱一碟又一碟九肚魚送到，但我們卻未有份，心知不妙，當時已經是9:30pm，立刻問待應姐姐另外4樣食品，姐姐亦立刻再次寫單。約9:40pm，一位男侍應來跟我們說九肚魚沽清… 我們的心情瞬間跌到落谷底… 他走開了再回來說：「唔好意思，因為頭先printer壞左，所以出唔到單

蠔餅相信係潮州打冷不可缺少嘅小菜，今次黎到紅伶飯店一嚐老師傅手勢。結果當然係好食啦，同其他打冷鋪差好遠。佢嘅嘅蠔餅係好鬆脆，咬落口好鬆化，粒粒蠔肉，仲要唔油膩，暫時食過最好食！冰鎮墨魚片宜呢個又係無得輸，師傅切到每一塊厚薄均勻，底下有層麻油，將墨魚片配上豉油芥辣，墨魚鮮味加上麻香味出哂黎，食多幾塊都會膩口，不過會影響膽固醇嘅野都係少食為妙啦。宜家好少有得食 ，所以見到有就即刻叫左！不過都唔可以食咁多，膽固醇會超標！

今日同朋友去佐敦剪完頭髮，朋友就話食過一間潮州打冷好好味！一定要喺六點之前沖去食。一入門口見到啱啱好5:00 ，姐姐見到仲有時間就俾我哋入咗去食啦。成個過程都好親切好有禮貌！因為同行朋友仔同我都好揀飲擇食，所以食啲嘢真係好難夾得到。但係三樣嘢都令我覺得好驚喜！本身諗住個舖頭咁舊，應該都係普通嘢，未想像到佢真係會好好味。點知普通一碟炒麵都可以咁有鑊氣！真係不得了！蒜蓉蝦干蒸勝瓜其實本身係勝瓜，但係我哋轉咗做娃娃菜。姐姐都話可以，冇收我哋額外錢！真係好好味好好味好好味！豉油王炒麵呢個真係震驚我想像！平時覺得呢啲嘢一定好普通同埋唔好食，點知佢真係好有鑊氣鹹淡都好夠！好欣賞！豉汁帶子蒸豆腐啲帶子好新鮮，甜甜地！加埋一齊好好味♥️♥️

🤔🤔🤔🤔🤔網上介紹話值得一去，咁我就去試吓啦，點知。。。。出名嘅鵝片又冇芥辣墨魚又冇，食過之後，只能用好難食嚟形容，🙄蠔餅勁淋身，油淋淋咁，好似食梗勁油嘅油餅咁🤮，油到不得了，仲有嗰滷水什錦份量又小，菜底墊高咗，都係唔好食，隻乳鴿瘦身無肉😂😂，$58一隻就唔抵食囉，總之呢間野一定唔會再去，好難食！未試過食咁難食嘅打冷，網上介紹真係不可以相信，完全吹棒呢間野有幾好食，真係希望貴店改善下。

呢日黎到油麻地呢間紅伶飯店, 因為天氣凍既關係，一路都好想食個好正既羊腩煲暖下身，好彩黎得早，呢間飯店7點半已經好多人排隊！見列佢既椒鹽鮮魷同黃金大蝦球都好想食，不過我地得兩個人既關係，淨係叫左個羊腩煲都好夠食！我地叫左個細既羊腩煲398$，份量都真係唔細～兩個人食都好夠同埋過足口癮！佢既羊唔會太騷，入面仲有好多枝竹同埋馬蹄，超好食！配埋個腐乳醬真係一流！下次黎真係要試下其他小菜！見列好多人叫椒鹽鮮魷！我都想試吓！

朋友仔話想食打冷，係附近一search 就搵到呢間。於是，兩個人去食豐盛嘅打冷作為晚餐😆😆😆呢間門面普通，但係卧虎藏龍。佢啲嘢食外表普通，但好好食呀🤩🤩😋😋- 滷水鵝 $130佢個滷水汁好好食，但鵝肉有啲韌，要有一定嘅牙力去食😅😅😅- 椒鹽九肚魚 $108呢個有驚喜！🤩🤩🤩炸皮又薄，魚肉好滑！好滑！嗰一啖唔使點咬就吞左啦😋😋暫時得呢間係有咁嘅口感，未搵到有其他可以代替到😏😏😏- 炸蠔餅 $80呢個都有驚喜呀！🤩🤩🤩心諗蠔餅姐，冇咩特別架啦⋯⋯點知佢個粉漿唔太厚之餘，又脆又可以包到啲蠔仔🦪。佢嘅粉漿仲加左芫荽，每啖都食到蠔仔仲帶點清新，可以keep 住食😆😆😆