紅伶飯店

營業中

休息中

今日同朋友去佐敦剪完頭髮，朋友就話食過一間潮州打冷好好味！一定要喺六點之前沖去食。一入門口見到啱啱好5:00 ，姐姐見到仲有時間就俾我哋入咗去食啦。成個過程都好親切好有禮貌！因為同行朋友仔同我都好揀飲擇食，所以食啲嘢真係好難夾得到。但係三樣嘢都令我覺得好驚喜！本身諗住個舖頭咁舊，應該都係普通嘢，未想像到佢真係會好好味。點知普通一碟炒麵都可以咁有鑊氣！真係不得了！蒜蓉蝦干蒸勝瓜其實本身係勝瓜，但係我哋轉咗做娃娃菜。姐姐都話可以，冇收我哋額外錢！真係好好味好好味好好味！豉油王炒麵呢個真係震驚我想像！平時覺得呢啲嘢一定好普通同埋唔好食，點知佢真係好有鑊氣鹹淡都好夠！好欣賞！豉汁帶子蒸豆腐啲帶子好新鮮，甜甜地！加埋一齊好好味♥️♥️